Возен парк (општо)

Стари пруги на кои минуваат возови и локомотиви што сообраќаат од пред 40 години. За нив веќе нема резервни делови, но се уште ги превезуваат патниците. Внатре, графити со секаква содржина, смет, без греење.

„Внатре се нечисти, искршени седишта, секој пуши, ѓубрето секој го фрла кај сака, а не казнуваат за тоа“, вели патник.

Железницата е во лоша кондиција.

„Господ нека ни е на помош како ќе ги возиме патниците зимава не знам“, изјави Латко Јовановски, синдикат на машиновозачите.

За одблизу да ја види состојбата го поканивме Министерот за транспорт Јанакиески, со нас да патува со воз. Посетата беше најавена, па сликата во возот беше пристојна.

Податоците покажуваат дека граѓаните се повеќе го користат возот. Годинава во првите девет месеци имало повеќе од 1 милион патници, или приближно исто колку што патувале лани за цела година.

„Цените на картите се соодветни на условите во вагоните, за повисок стандард треба и повисоки цени со субвенционирањето на патничкиот сообраќај ќе дојдат подобри времиња за патничкиот сообраќај“, вели Благоја Крсевски, директор на мж транспорт.

Железницата со години важеше за еден од главните загубари, дел од економската јавност тврдеше дека компанијата е бунар без дно, влече државни пари а генерира загуби. За догодина од буџетот се планирани вкупно 12 милиони евра за железничките фирми.