Хотели, преноќишта и одморалишта (општо)

Originally posted by kurto Sto se slucuva so detskoto odmaraliste vo Asamati ?

Kolku so znam ne raboti.vo asamati nisto ne e smenato dolgo vreme


Edited by krisp - 08-Sep-2014 at 21:10

„Инвест груп“ купи земјиште за 45 евра квадрат за да гради хотел во барок под Кале
Објавено: пред 24 минути
Прочитано: 182
Печати
http://images.plusinfo.mk/kolumnisti/maja.jpg Маја Васева
Сподели со твоите пријатели!
Струмичката фирма „Инвест груп“ денеска стана сопственик на градежно земјиште во центарот на Скопје, на локација кај Спортско рекреативниот центар Кале, наменето за изградба на хотел на шест ката и приземје во барокен стил. Плати околу 45 евра за квадратен метар,

Фирмата откупи парцела од државата со површина од 3.742 м2 по цена од 2.745 денари од метар квадратен, или вкупно 167.020 евра.

„Инвест груп“ беше најупорен наддавач на денешната лицитација на Министерството за транспорт и врски, на која се натпреваруваа вкупно седум субјекти. На лицитацијата учествуваа „Александрија А“ од Скопје, Васил Георгиев од Струмица, „Стемакд Дреам Теам ДОО“ од Скопје, Пасифаи Бежановиќ од Скопје, „Жикол“ од Струмица и „ЦДМ-Комин“ од Скопје“.

„Најповолниот понудувач е должен во рок од 15 дена од денот на завршување на постапката да ги уплати средствата согласно пристигнатата крајна цена од електронското јавно наддавање“, велат од Министерство.

Големата површина градежно земјиште од кое се прости денеска државата предвидува изградба на хотелски комплес со висина од 25 метри,, со приземје, шест ката и поткровје. Површината на градење изнесува 1.471, а бруто површината од изградениот објект би изнесувала 11.765 м2. Почетна цена за јавното надавање беше 61 денар од метар квадратен, а при секој чекор понудувачите нудеа 10 денари повеќе.

По извршената уплата Министерстовото ќе склучи договор со „Инвест груп“ со кој инвеститорот се обврзува во рок од 9 месеци од извршената солемнизација на договорот да обезбеди одобрение за градба. Рокот за изградба на хотелот е 10 години од правосилност на одобрението за градење.

„Најповолниот понудувач е должен фасадното обликување на објектот да го изработи во еден од стиловите на барок,класицизам, неокласицизам, романтизам и неоромантизам. Пред издавањето на одобрение за градење, потребно е Комисијата формирана од страна на Министерството да ја одобри фазата архитектура на основниот проект“, стои во обврските кои му ги наложува Транспорт на најповолниот понудувач.

Ова е првата продадена од трите парцели кои Министерството ги понуди заедно на јавен оглас, а кои се наоѓаат под Кале. Освен оваа, барокен хотел се предвидува на уште една парцела со површина од 1.471 м2, која се наоѓа во непосредна близина и која ќе биде ставена на лицитација овој петок. Министерството денеска се обиде да ја продаде и парцелата помеѓу овие две со површина од 2.447 за шесткатен објект со исто фасадно обликување, а наменета за деловни простории. Закажаното јавно наддавање помина без ниту еден заинтересиран понудувач.

http://www.plusinfo.mk/vest/152706/Invest-grup-kupi-zemjishte-za-45-evra-kvadrat-za-da-gradi-hotel-vo-barok-pod-Kale

Уште една Турска инвестиција..?

Edited by jyvation - 06-Oct-2014 at 08:18

Охрид: Авто кампот „Андон Дуков“ ќе прерасне во елитна населба
Руинираниот авто камп „Андон Дуков“ во Охрид ќе прерасне во елитна населба. На местото од распаднатите стари камп приколки ќе се градат ексклузивни резиденцијални туристички објекти, објави Канал 5.

Како што соопштува телевизијата, првичниот план бил да се изградат објекти за здравствен туризам, но после инспекцијата на општинските и државните власти на сите кампови вдолж брегот на Охридското езеро се донела одлука за изградба на резиденцијална населба.

- Дел до земјиштето е приватизрано, сметавме дека ќе биде тешко изводливо во таа зона државата да превзема активности односно градот да превзема акривности во кои можат да се реализираат некои големи зафати од типот на здравствен туризам и хотелско угостителски објекти кои што би биле од локално или државно значење за кои што ние во иднина би нашле инвеститори, изјави градоначалникот на Охрид Никола Бакрачески.

Инаку се планира ексклузивните резиденцијални објекти да се градат на провршина од триесетина хектари, со што атрактивната локација ќе добие современ лик. Засега за изградбата има интерес и е покрената постапката за урбанизирање на тој простор од 30 хектари, во тек е постапката пред Министерството за земјиоделство од каде се чека пренамена на земјиштето од земјоделско во градежно.

Авто кампот „Андон Дуков“ е оставен на забот на времето. Поголем дел од камп приколките се уништени, а распаднат е и објекот на некогашниот хотел „Меркур“.
http://netpress.com.mk/ohrid-avto-kampot-andon-dukov-kje-prerasne-vo-elitna-naselba/

МАЛА ОПШТИНА СО ГОЛЕМИ ПРИРОДНИ УБАВИНИ

KОНЧЕ ЧЕКА ТУРИСТИ И ВО КУЌИ НА ДРВЈА


Неодамна беа завршени трите дрвени колиби изградени во стар стил и првата од десетте планирани куќи на крошни од дрвја, а уредени се и делови од бреговите на Мантово и на помалите езера

Со уникатна понуда малата рурална општина Kонче прави напори да се презентира како интересна туристичка дестинација, да привлече гости и туристи на досега малку познатите интересни локалитети во овој крај, како планината и езерата. Во последните два-три месеци беа завршени неколку значајни проекти, како изградбата на три дрвени влашки колиби, изградбата на првата од десетте планирани куќи на дрво и уредувањето на големата вештачка акумулација Мантово и на двете помали езерца Kонче 1 и Kонче 3, покрај чии брегови се поставени клупи, летниковци, дрвени мовчиња, платформи за ловење риба...

- Трите влашки колиби беа дел од проектот „Kултурното наследство на Власите во регионите Kонче и Серес“, прекуграничен проект на Македонија и Грција, финансиран од фондовите на ЕУ преку ИПА-програмата. Во секоја од колибите, кои се наоѓаат покрај Мантово кај село Долна Враштица, има кревет, маса, дрвени клупи. С` е градено во стар стил. Денес во нашата општина нема Власи, но некогаш во определени периоди од годината ги имало многу, зашто со стадата овци живееле номадски, одовде до Сереско, а често и до Шара - вели градоначалникот на Kонче, Благој Јованов.



Првата куќичка на дрво, пак, е изградена самоиницијативно од група ентузијасти, со поддршка на локалната самоуправа, градоначалникот и на ловечкото друштво „Студенец“ од Kонче. Опремена е со кревет, печка на дрва, маси, столови. Следната година се планира изградба на уште четири куќички на дрво, за што веќе се избрани четири буки со широки крошни, а вкупно во планината се планира изградба на десет такви куќички за туристи и ловџии. За тоа ќе се изготви проект, со кој ќе се конкурира за средства, а локалната самоуправа до куќичките на дрва ќе донесе вода од блиските природни чешми.

Овие зафати следуваат откако неодамна беа решени неколку крупни инфраструктурни проблеми, поради кои општината Kонче, во која населението живее од земјоделство, главно тутунопроизводство, и од сточарство, беше како отсечена од светот, со само еден тесен асфалтен пат долг дваесетина километри до магистралата Штип - Струмица, кај Радовиш. Лани беше донесена струја до последните неелектрифицирани села, а пред неколку месеци беа асфалтирани и последните километри од патот кон Штип, со што на жителите на Kонче за многу им се скратува патувањето до сите други краишта на Македонија.

- Има уште за работа, но сега е многу полесно и за нас и за гостите и туристите што ќе решат да н` посетат. А, нивниот број е с` поголем, зашто имаме одлични услови за алтернативен, планински, археолошки и за ловно-риболовен туризам. Има голем интерес и за изградба на викендички, а се надеваме дека наскоро овде ќе никнат и првите хотели. Една од двете локации за хотел е веќе земена од домашен, а за втората е заинтересиран инвеститор од Швајцарија – истакнува Јованов.

За полесно да се снаоѓаат, за гостите и туристите неодамна покрај патиштата беа поставени патокази за сите поважни туристички локалитети во општината.

Љупчо Шатевски
http://dnevnik.mk/?ItemID=414EB467F57D4C49B01EF717473D0562

А во чија сопственост е хотелот „Палас“ во моментов? Убаво што Општина Охрид помислила на ова, но ако проблемите со сопственост се решени сигурно дека на некого веќе би му текнало за оваа „златна кокошка“ во центарот на Охрид. Во секој случај, вреди да се обидат да направат нешто на ова поле.

Едниот од мангупите одпогоре ви го `извезовме` од Кичево откако ваму направи ршум и ограби све што можеше да се ограби,па му останаа пари да продолжи и во Охрид со истиот `бизнис`

не 10, туку 20 ката нека ја направат, море ако треба и 30

Насловот е „малку“ сензационалистички, но сепак...

ГЕВГЕЛИЈА СТАНУВА ЛАС ВЕГАС, ЌЕ НИКНЕ УШТЕ ЕДНО НОВО ЛУКСУЗНО КАЗИНО

Во близина на граничниот премин „Богородица“ ќе никне уште едно ново луксузно казино. Од Општина Гевгелија информираат дека градежната парцела е веќе продадена и дека наскоро ќе започнат градежните активности. Со отворањето на новото казино се очекува градот со најниска стапка на невработеност да обезбеди голем број нови работни места и со тоа уште повеќе да ја намали невработеноста. Во близина на граничниот премин „Богородица“ веќе работат три големи казина: „Аполонија“, „Фламинго“, и „Принцес“.

http://www.utrinski.mk/?ItemID=561DC2F608F8E44BA9FDFB308E8AACBE

за хотелот кој ни беше енигма кога и кој го изгради


Најбогатиот гостиварец Арслани ја градел империјата со лихва



Луксузен хотел од стотици илјади евра со поглед на Мавровското Езеро, дискотеки и ноќни клубови, висококатници и други скапи недвижности, како и десетици спортски автомобили од по 100.000 евра, се само дел од имотот што го контролира можеби најбогатиот гостиварец Фадиљ Арслани (49) кого полицијата го бара како главен осомничен во акцијата „Чекан“. МВР се сомнева дека целата империја Арслани ја градел од криминални активности, односно од лихва и од перење пари, а засега, според полицијата, има сомнежи дека најмалку два милиона евра биле заработени на овој начин.

http://dnevnik.mk/?ItemID=A68EF21F5141E447A01B5D8CE0445A14