Скопје сe уште го чека својот луксузен хотел

Соња Јованова

Атрактивната понуда на државно земјиште за изградба на хотели се очекува да ја зголеми и квалитативно да ја подобри хотелската понуда во Македонија. Во следните две-три години е најавена изградба на десетина нови хотели низ цела Македонија. Во таа насока е и новиот правилник за категоризација на хотелите, кој треба да воведе нови стандарди и да го подобри квалитетот на сместувачките капацитети

Во моментов Скопје располага со само пет хотели со пет ѕвезди, во кои просечната цена за ноќевање е 120 евра. Тоа се Холидеј ин, Александар палас, Арка, Стоун бриџ и ТЦЦ Плаза.

41 хотел има во Скопје
5 хотели во Скопје се со четири ѕвезди
10 хотели во Скопје се со три ѕвезди

Изградба на дваесеттина нови хотели се најавува за две до три години низ цела Македонија, од кои засега само за два се знае дека ќе бидат брендирани со име на светски хотелски синџир, додека за останатите с$ уште не се знае чиј бренд ќе носат. Хотелскиот бизнис стана особено атрактивен во земјава откако Владата реши државните градежни парцели да ги продава со почетна цена од само едно евро за метар квадратен, па многу од најавените хотели ќе се градат токму на државно земјиште.

Каде ќе се гради?

Хотел ќе се гради на левиот брег на реката Вардар, наспроти градскиот парк. Инвеститор е бизнисменот и поранешен директор на Дирекцијата за нафтени резерви, Марјан Јованов, кој не беше достапен да одговори до каде е изградбата на хотелот. Во близина на Американската амбасада ќе се гради уште еден хотел во барокен стил, а со деталниот урбанистички план за овој дел предвидена е изградба на уште три други хотели. Ќе се гради хотел и во скопската општина Аеродром, на инвеститорот Стоун бриџ, кој исто така купи државно земјиште, но пред да се донесе владината мерка за почетна цена од едно евро за метар квадратен и плати 550 илјади евра за парцела од 5.175 метри квадратни. Хотелот ќе се гради во близина на мостот Близнак, покрај реката Вардар.

Менаџерите на Стоун бриџ информираат дека веќе ја имаат целосната документација и со изградбата на хотелот ќе започнат веќе во средината на август. Предвидено е хотелот да има пет ѕвезди и 140 луксузно опремени соби. “Земјиштето е оградено, донесена е цела потребна механизација и со градба планираме да започнеме во средината на август. Хотелот ќе има 140 луксузно опремени соби, од кои 27 ќе бидат резиденции за подолг престој, како и два претседателски апартмани. Ќе има ресторан, банкет-сала, бар со надворешна тераса, неколку конференциски сали, бизнис-центар, а на најголемиот кат ќе има посебен executive lounge, кој ќе биде на располагање за гости кои ќе престојуваат во апартманите. Инаку, ќе има и спа-центар со базен, две сауни, две турски бањи, фитнес-центар, фризерски салон, салон за козметички тертмани, како и неколку соби за масажа. Хотелот ќе биде во синџирот хотели под брендот Рамада плаза (Ramada Plaza)“, вели Бојан Ристевски, извршен директор на Стоун бриџ хотел.

Дел од сопствениците на останатите парцели кои ги контактираше “Капитал“ уверуваат дека ќе изградат атрактивни хотели. Еден од нив е и сопственикот на фирмата Дивелоп груп, Александар Ивановски, кој се јавува и како инвеститор на два хотели на атрактивни локации во Скопје и во Охрид. Во Скопје на плоштад ќе го гради хотелот Мериот, дел од светскиот синџир Мериот интернационал. Иако пред неколку месеци Ивановски најавуваше дека првиот светски хотелски бренд во Македонија ќе биде целосно изграден до октомври 2013 година, сега не сакаше да одговори до каде е изградбата. Според првичниот план, Мериот во Скопје треба да има 166 обични соби и апартмани, банкет-сала за 700 луѓе, претседателски апартман, спа-центар и базен. На светско ниво Мериот има 70% пополнетост на капацитетот и повеќе од 3,5 милиони гости со членска карта на хотелот.

http://www.kapital.com.mk/mk/prilozi_edicii.aspx/84645/skopje_se_ushte_go_cheka_svojot_luksuzen_hotel.aspx?iId=2764

Отворен ултрамодерниот хотел „Гранд Плаза“ во центарот на Скопје

Најсофистициран, ултрамодерен, најголем, најдобар. И официјално денеска стартува со работа хотелот ТЦЦ Гранд Плаза во Скопје.

Ексклузивно: Индиецот Рој плати нешто помалку од 5 милони евра за хотелот Славија!

Фактор ексклузивно дознава дека бизнисменот Субрата Рој за хотелот Славија платил нешто помалку од 5 милиони евра. Зделката, како што веќе објави Фактор беѓе реализирана вчера, веднаш по пристигнувањето на Рој во Охрид.

Дека индиската компанија Сахара Индија Паривар на чело  ја купи Славија, за Фактор потврди досегашниот сопственик на хотелот Владо Рувинов.

“Точно, индискиот бизнисмен Субрата Рој стана сопственик на хотелот Славија. Можам да кажам дека четиримесечните последни преговори вродија со плод. Субрата Рој дефинитивно го купи хотелот со најубава локација на Охридското крајбрежје. Сакам да искажам огромна благодарност до премиерот Груевски, до министерот Ставрески и до директорот Виктор Мизо за се што до сега направија, што во земјава донесоа сериознен инвеститор како Субрата Рој. Со ова, но и со реализацијата на грандиозниот проект на Субрата Рој во Љубаништа мислам дека ќе се прероди и Охрид и Македонија“, изјави за Фактор Рувинов.

Рој го купи хотелот Славија каде што ќе се сместат архитектите и сите инженери кои веќе за половина месец треба да дојдат во Охрид за да ги почнат подготовките за реализација на проектот „Сахаријан Македонија“.

Индискиот биснисмен ќе ја посети локацијата во Љубаниште со површина од околу 240 хектари, каде што треба да се изгради специфичен пловечки хотел со казино, пристаниште, голф терен на многу високо ниво, спа центар, вили кои ќе можат да се купат, хотели, конференциски сали, шопинг центри…

Како што неодамна во интервју за Фактор објави Мизо, Субрата Рој планира да воведе и неколку оргинални и ексклузивни содржини односно објекти кои ќе ги има само на Охридското езеро и никаде на друго место во светот.

Се очекува наскоро на прес конференција деталите од продажбата на Славија да ги обелодени самиот Субрата Рој, а пред новинарите ќе се обрати и Министерот за финансии Зоран Ставрески.

http://faktor.mk/archives/23734?utm_source=rss&utm_medium=rss&utm_campaign=%25d0%25b5%25d0%25ba%25d1%2581%25d0%25ba%25d0%25bb%25d1%2583%25d0%25b7%25d0%25b8%25d0%25b2%25d0%25bd%25d0%25be-%25d0%25b8%25d0%25bd%25d0%25b4%25d0%25b8%25d0%25b5%25d1%2586%25d0%25be%25d1%2582-%25d1%2580%25d0%25be%25d1%2598-%25d0%25bf%25d0%25bb%25d0%25b0%25d1%2582%25d0%25b8-%25d0%25bd%25d0%25b5%25d1%2588%25d1%2582%25d0%25be