build.mk Homepage
Forum Home Forum Home > Главни теми > Проекти > Хотели и одморалишта
  Active Topics Active Topics
  FAQ FAQ  Forum Search   Register Register  Login Login

Хотели, преноќишта и одморалишта (општо)

Bookmark and Share
 Post Reply Post Reply Page  <1 45678 38>
Author
Message
  Topic Search Topic Search  Topic Options Topic Options
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #101 Posted: 10-May-2010 at 22:33

Што има лошо ако судиш и по надворешниот изглед, можда палас или холидеј Ин биле луксузни пред 15 години, сега сигурно не се.. особено холидеј ин кој е франшиза во скопје т.е. превземена зграда со застарен (неатрактивен) изглед.. а дотичниов се гради сега..

па во денешно време секој луксузен хотел оди кон тоа да биде поспецифичен и неговата околина уште од далеку да ја рефлектира неговата ексклузивност..
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #102 Posted: 10-May-2010 at 22:34
Сакав да кажам дека изгледот не е секогаш пресуден и не ни мислев да го споредам овој „станбен блок“ со Холидеј Ин (тоа беше само за пример дека надворешниот изглед нема секогаш врска со квалитетот), туку сакав да потенцирам дека квалитетот и сериозноста се гледа повеќе од името (а богами и од рендерот) на инвеститорот. Кој фактор во туризмот се овие Градежник и Ремис (нели се градежни компании, од каде инвеститори?)

Како и да е, сите сме на иста страна. Хилта за ваквите!
Arguing on the internet is like running at the special olympics. Even if you win, you're still retarded.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #103 Posted: 10-May-2010 at 22:42
Originally posted by гитардемон

Сакав да кажам дека изгледот не е секогаш пресуден и не ни мислев да го споредам овој „станбен блок“ со Холидеј Ин (тоа беше само за пример дека надворешниот изглед нема секогаш врска со квалитетот), туку сакав да потенцирам дека квалитетот и сериозноста се гледа повеќе од името (а богами и од рендерот) на инвеститорот. Кој фактор во туризмот се овие Градежник и Ремис (нели се градежни компании, од каде инвеститори?)

Како и да е, сите сме на иста страна. Хилта за ваквите!


Во случај на "елитен хотел" мислам дека надворешниот изглед може многу да каже. Елитен хотел денеска може да биде или некое чудо на современата архитектура или некое ултра кич чудовуште (кое може ќе биде грозно но несомнено ќе биде луксузно). Станбени згради во било која комбинација не се никакви елитни хотели.

Тоа што инвеститорите се градежни компании дополнително ме загрижува. Ако навистина маркицата сега е хотелиерство па компаниите ја протуркале оваа чудна категорија времено издавање (апартмани), јас сум уште од сега сигурен дека овдека не чека кинески ѕид шема и становите ќе се продаваат.
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #104 Posted: 10-May-2010 at 22:47

гитар

Со тебе ќе се сложам за луксузни бунгалови, па макар и кажано на шала.. јас сеуште мислам дека на охрид му прилегаат помали хотели/луксузни вили ако веќе збориме за ексклузивност (нема да образлагам пошто 100 пати сме збореле).. По мене работата е од старт искривена и мешаме квантитет со квалитет (мислам на одговорните во државава).
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #105 Posted: 11-May-2010 at 00:28

Елитна населба на местото на хотел „Парк“ во Охрид

Елитни станбени згради со по седум ката ќе се градат на плажата Горица 1, непосредно до претседателската вила „Билјана“, откако ќе се урнат објектите на хотелот „Парк“, дознава „Дневник“. Оваа елитна населба ќе биде прва од ваков вид на охридското крајбрежје, која се гради на првата линија до езерото.

Атрактивната туристичка населба ќе биде составена од три станбени згради, со станови и апартмани, од различна квадратура, кои ќе се продаваат по рекордни цени од 2.000-3.000 евра за квадратен метар. Цената на становите ќе зависи од местоположбата на зградата во која ќе биде сместен станот и дали истиот ќе има директен поглед на езеро. На пример, стан од 50 квадратни метри со поглед на езерото ќе чини околу 150.000 евра.

Градежните активности за изградба на ексклузивните згради ќе почнат веднаш по расчистувањето на теренот и треба да завршат за околу две години.
 
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #106 Posted: 11-May-2010 at 12:49

Ќе се урива хотелот „Парк“ во Охрид

Нов елитен хотел ќе никне на Горица 1, најблиската плажа до Охрид. Стариот објект каде што со децении престојуваа странски гости, од кои најмногубројни Холанѓаните, ќе се урива

Како што нé информираа од Управата на хотелскиот комплекс „Инекс-Горица“, на местото од стариот објект ќе никне ново здание со апартманско сместување и други туристички содржини.

Во тек се последните подготовки за поставувањето динамит со кој ќе се урива хотелот „Парк“, а неговото активирање ќе се случи по неколку дена.

- Ги правиме последните подготовки за да го рушиме хотелот, а најверојатно тоа ќе се случи за пет-шест дена. Денеска планираме да поднесеме и официјално барање за оваа акција во Секторот за внатрешни работи од Охрид - велат во хотелската управа.

Плажата Горица 1 е една од најблиските плажи на источното крајбрежје на Охридско Езеро до која се стигнува пеш и која често се користи како атрактивно излетничко место.

 
Имам чувство дека овој објект ќе заврши во Урбана мафија.
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #107 Posted: 19-May-2010 at 00:19
Охрид е изложен на градежна агресија
 
 
Најавата за проширување на рекреативната патека во заштитената зона на Студенчишкото блато и поставување на урбана опрема, како и пренамената на просторот на плажата Горица, каде на местото на хотелот Парк ќе никне апартмански комплекс неколку пати поголем од сегашниот објект, ќе имаат несогледливи последици не само врз животната средина туку и врз севкупниот развој на градот, предупредуваат од Билатералниот секретаријат за заштита на Охридското Езеро.

„На споменатиот потег на охридското крајбрежје се случуваат многу работи кои реално не би требало да се случуваат. Не навлегувам во легалитетот на постапката туку во легитимитетот и потребата за вакви постапки, затоа што ниту стратешки, ниту културно ниту еколошки, а ниту економски не се оправдани вакви потези какви што се преземаат на охридското крајбрежје“, смета Дејан Пановски од Билатералниот секретаријат за заштита на Охридското Езеро.

Според него наместо да се заштитат Студенчишкото блато и крајбрежјето се на удар на урбана агресија која не носи ништо позитивно, а најмногу последиците ќе се почувствуваат во туризмот на што се темели целокупниот развој на градот.

„На Охрид не му доликува ваков развој на туризмот, туку му треба сосема поинакво користење на природните реткости кои ги има и се додека не застанеме сите заедно и не го кренеме громко гласот за ова што му се случува на Охрид, се дотогаш ние кои се бориме за заштитата на животната средина ќе ја губиме битката пред оние кои во сето тоа гледаат само некаков интерес“, рече Пановски.

Градежните зафати на крајбрежјето се изведуваат согласно урбанистичките планови одобрени од локалната и централната власт, но отсуствува поширока дебата во јавноста која засега е само нем набљудувач на промените, посочуваат стручњаците. Тие укажуваат дека е крајно време Охрид да ја промени развојната стратегија која според нив не смее да се темели само на урбанизација, посочувајќи дека неколкуте илјади изградени викенд станови со најавените планови за неколку години ќе се дуплираат што во целост ќе ја промени не само економската, туку и демографската слика на градот.
 
Back to Top
Mr.Edmund View Drop Down
Groupie
Groupie
Avatar

Joined: 23-Jul-2008
Online Status: Offline
Posts: 0
  Quote Mr.Edmund Quote  Post ReplyReply #108 Posted: 19-May-2010 at 19:25
Вака како што затерале, Охрид никогаш нема да се ослободи од имиџот на патлиџан-туризам дестинација. Наместо да се заштитат природното и културното богатство, кои се најсилните адути на тој регион, се форсира интензивна урбанизација и изградба на монструми како оној погоре. Вистинска штета, зашто за Охрид и Струга уште пред децении се правени студии за урбаниот развој во полза на туризмот (јас знам за таа на Борис Чипан, во која се дадени прилично добри насоки за развојот на овие градови)....се дозволи приватниот интерес да биде единствениот критериум при изработката на урбанистичките планови
СМРТ ЗА ФАШИЗМОТ-СЛОБОДА ЗА НАРОДОТ
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #109 Posted: 20-May-2010 at 20:11
Охрид: Поради минирање забранет пристапот кај хотел Парк
 

Пристапот околу хотел „Парк” во Охрид, денеска ќе биде забранет заради минирање на објектот. Уривањето ќе го извршува овластена компанија ќе започне на пладне и треба да заврши во 19 часот.

На место на хотелот “Парк“ ќе се гради луксузен апартмански комплекс. Новиот објект се очекува да биде готов за две години и да биде неколку пати поголем од хотелот „Парк”.

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #110 Posted: 21-May-2010 at 04:17

Урнат хотелот „Парк“ во Охрид

четврток, 20 мај 2010, 21:37



Започна уривањето на еден од најстарите хотели на охридската ривиера – “ хотелот Парк“. Без знаци на предупредување, првите два обиди срушија само дел од објектот. Поради тоа, снимателите и фоторепортерите не успеаа да го овековечат уривањето на хотелот кој има сентиметрална вредност за охриѓани, иако цели 3 часа чекаа во чамци.

Крстарењето на германската делегација од министерството за внатрешни работи, ја одложи акцијата за доцна попладнево. Од безбедносни причини, уривањето на “Парк“ ќе продолжи наредните денови.
До сега употребени се 108 кг експлозив.

Инаку на местото на хотел “ Парк “ ќе се гради капацитет двојно поголем од постојниот. На површина од 5.000 метри квадратни ќе никне објект на 5 ката и поткровје.
Се работи за инвестиција тешка околу 20 милиони евра. Локалците тријат раце, од парите за коминалии општинската каса ќе ја појачаат за еден милион евра.

За нив, ова е успешно склучена зделка која оди во прилог на туризмот. Изградбата на капацитетот кој поради својата габаритност ќе се гледа од охридскиот кеј нема да ја нагрдело сликата за Охрид.

- 4 години наназад ние бараме инвеститори странски на локацијата од др стана на брдото на хотел Парк, меѓутоа на ниеден од тие тендери не се појави иневститор за да гради хотел а ние сега овде имаме инвеститор, вели Бранко Арнаудов, раководител на секотор за урбанизам

Инвеститорот- Ристо Тренески, сопственик на градежната фирма Градежник – очекува хотелот со 5 ѕвезди да се изгради за 2 години. Вели дека ќе биде најлускузниот на охридската ривиера. Ќе има околу 200 апартмани, наменети за околу 500 гости. Дел од нив ќе се продаваат по цена од над 100.000 евра.Просторот планираат да го уредат и со тениски игралишта, базени и други содржини. Од локаната кажуваат дека планираат да се изградат уште 4 до 5 хотели.
Критиките за претераната урбанизација на крајбрежието, за локалните урбанисти се неприфатливи.

Интерес за изградба на хотели има- вели Арнаудов, проблем се нерешените имотно правни односи и процесот на денационализација.

http://vesti.alfa.mk/default.aspx?mId=36&eventId=22539
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #111 Posted: 21-May-2010 at 13:50

Какви 5 ката и поткровје кога и на рендерот се гледа дека е П+6 и плус можеби поткровје?

Инаку дали е некој запознаен дали се практикува продавање на апартмани во хотел со 5 ѕвездички (макар како редок исклучок), или ова е некој уникатен охридски изум?
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #112 Posted: 21-May-2010 at 13:58
Во охрид се е изум па не би коментирал според нивни шеми. Инаку во светот постои изнајмување (на подолг период и логично по поинакви цени), па и купување на хотелски апартман, соба.. зависно од договорот, истата може редовно да се издава кога сопственикот не ја користи, (можеби е на 2месечно патување во друг дел од светот), тогаш хотелот ја користи и се грижи за неа како и за секоја друга соба.. значи - може..
 
само во случајов со охрид мене ова ми се чини на станбена зграда а не на хотел со 5 звезди..значи пак некои чудни миксови карактеристични за охрид


Edited by SkyBoy - 21-May-2010 at 14:00
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #113 Posted: 21-May-2010 at 14:00
Луѓе какво купување на апартман во хотел. Истото сценарио е како кинески ѕид. И тука најавуваа хотел па искочи чудо. Јасно е како бел ден што се случува и не ми е јасно зошто никој не реагира. Еве ако некој од Прва архи бригада чита би предложил да се огласат по ова прашање, бидејќи не треба да го браниме само Мал ринг. 
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #114 Posted: 22-May-2010 at 00:36

Неуспешно минирање на хотелската зграда на охридското крајбрежје

Ни динамит не го сруши Парк

На ова место е предвидено да се гради елитен комплекс од приземје, пет ката и потпокрив. Објектот ќе има 200 апартмани кои, според слободни проценки, би се продавале и до 2000 евра за квадратен метар, но поради атрактивноста на просторот и близината на езерото се очекува да бидат распродадени уште пред да се изградат

Хотелот Парк во Охрид, еден од најстарите туристички капацитети на охридското крајбрежје, завчера беше срушен, но не целосно. Специјализирана компанија со 108 килограми експлозив го изврши минирањето на зградата. Поради цврстината на градбата акцијата заврши со рушење само на средниот дел од објектот. Според најавите минирањето за кое ќе биде употребено дополнително количество експлозив, ќе продолжи следната недела и со тоа Парк целосно ќе биде на земја.
На ова место е предвидено да се гради елитен комплекс од приземје, пет ката и потпокрив. Објектот ќе има 200 апартмани кои, според слободни проценки, би се продавале и до 2000 евра за квадратен метар, но поради атрактивноста на просторот и близината на езерото се очекува да бидат распродадени уште пред да се изградат. Од инвестицијата тешка 20 милиони евра во општинската каса ќе се слеат околу еден милион денари на име комуналии. Според најавите на инвеститорот апартманскиот комплекс ќе никне за две години. Оваа луксузна зграда ќе биде најубавата на ривиерата. Градоначалникот Александар Петрески вели дека градбата ќе се одвива според пропишаните законски прописи, имотно-правните односи за оваа локација се решени, а фирмата која ја поседува локацијата доставила уредна документација.
- Од пред неколку месеци сопственик на Парк не е повеќе Инекс, туку фирмата Градежник" и таа одлучува за судбината на своите објекти. За нас е битно тоа да е во согласност со урбанистичките планови, а одлуката дали ќе се руши и какви содржини ќе има е избор на сопственикот, вели Петрески.

Back to Top
shyes View Drop Down
Senior Member
Senior Member
Avatar

Joined: 09-Sep-2007
Location: Australia
Online Status: Offline
Posts: 259
  Quote shyes Quote  Post ReplyReply #115 Posted: 22-May-2010 at 03:28
И мене не ми се допаѓа планираниот хотел-апартмени. Ако веќе ќе го градат поарно да не го изградат покривот барем, многу поарно ќе изгледа. Не можам да разбирам зошто толку македонски фирми се прилагодени кон изградба на таков стил на згради, незнам дали им је лесно и ефтено да ги изградат или се многу вљубени во тој стил. (ps. зборам за планираниот хотел во Охрид).

Edited by shyes - 22-May-2010 at 03:30
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #116 Posted: 24-May-2010 at 23:31
Охрид: Нови хотелски комплекси ќе никнат на источното крајбрежје
 
 
Покрај апартмантскиот комплекс во Горица на местото на хотелот „Парк“, според постоечките урбанистички планови на источното крајбрежје од охридската ривиера ќе се изградат повеќе нови хотели, но и викенд куќи и други објекти.

Ова во изјава за OhridNews, дадена деновиве го обелодени началникот на Секторот за урбанизам и заштита на животната средина при Општина Охрид, Бранко Арнаудоски.

„Покрај во Горица се предвидуваат хотели и на просторот од х. „Застава“, кај Пионерскиот дом, кај поранешната Специјална детска болница. Хотелите Гранит, Метропол, Белви и Универзитетското одморалиште ќе ја задржат сегашната намена и има дел хотели кои се предвидени над патот Охрид Св. Наум,“ изјави Арнаудоски.

Тој рече дека постои интерес кај инвеститорите за овие локации, но проблем претставуваат нерасчистените имотно правни односи.

„Дел од овие локации се предмет на денационализација и од завршувањето на таа постапка ќе зависи реализацијата на дел од предвидените хотелски комплекси.“ истакнува Арнаудоски.

Арнаудоски ги отфрла критиките кои се погласно се слушаат во јавноста дека на Охрид му се случува урбана агресија која ќе има несогледливи последици врз туризмот и севкупното живеење во градот.

„Ние мораме да го урбанизираме Охрид. Колку побрзо ќе го урбанизираме просторот толку побрзо ќе се справиме со бесправната градба која е производ на неурбанизираниот простор не само во Охрид туку насекаде во Македонија,“ рече Арнаудоски.

Првиот човек на општинскиот сектор за урбанизам смета дека изградбата на новиот апартмански комплекс во Горица ќе влијае позитивно на економскиот развој на Охрид, посочувајќи дека по неколкуте неуспешни тендери што ги распиша државата, тоа е прва конкретна инвестиција во туризмот на ривиерата.
 
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #117 Posted: 24-May-2010 at 23:37
„Ние мораме да го урбанизираме Охрид. Колку побрзо ќе го урбанизираме просторот толку побрзо ќе се справиме со бесправната градба која е производ на неурбанизираниот простор не само во Охрид туку насекаде во Македонија,“ рече Арнаудоски.
Абре има урбанизација и урбанизација Bash
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #118 Posted: 25-May-2010 at 05:32
Јас го сватив човекот што сакаше да каже пред некој ден и мислам дека ок му беше мислата. Што побрзо како општина одговорат на фуријата на градење и донесат урбанистички планови за одредени блокови толку повеќе ќе спречат неартикулиран урбан простор на куп се на диво. А вака сето тоа се работи според план. И Охрид е град и од се шири како и сите други. Атрактивноста си го прави своето. Колку повеќе планови за нови делови од градот толку позашитен стар град и толку позаштитени други делови од урбано дивеење, што секако нормално во никој случај не значи дека е сигурен лек. Најголем проблем со кои се соочуваат сите градови во Македонија е пренамената на маркиците преку ноќ. Е тука помага само строго спроведување од општината.
Back to Top
Emerson View Drop Down
Newbiе
Newbiе
Avatar

Joined: 26-May-2010
Online Status: Offline
Posts: 0
  Quote Emerson Quote  Post ReplyReply #119 Posted: 26-May-2010 at 17:56
Тоа теориски изгледа точно, но кога ќе се погледаат работите од поблиску, еве што мислам... Едно е донесување на детални урбанистички планови, што е несомнено добра работа, а друго е давање дозволи на субстандардни градби. Ајде да со првото не се затскрива или оправдува второто, важи?

Во тоа дека стариот град е позаштитен со подетални планови (и урбанизација?) на други реони звучи како добра теорија, но како и секоја социолошка идеја таа не е универзално правило. (Дали е тоа некоја теорија за урбаниот развој позната низ светот?) На крај, таа ми звучи како изговор, бидејќи Стариот град ќе се обезбеди со новиот специјален закон за Охрид.

Ете, тоа е мојот прв пост.

П.С. ја не знам што се маркици.   
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #120 Posted: 26-May-2010 at 18:19

.



Edited by SkyBoy - 26-May-2010 at 21:56
Back to Top
 Post Reply Post Reply Page  <1 45678 38>

Forum Jump Forum Permissions View Drop Down



This page was generated in 0.189 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.