Патарини

Од патарините лани собрани 33,8 милиони евра, ковид-19 „стопи“ 10 милиони евра од приходите [инфографик]



Јавното претпријатие за државни патишта од патарините лани имало приходи во висина 33.782.331 евра, што е за над 10,5 милиони евра помалку во споредба со 2019 година. Корона кризата удри силно врз остварениот прилив на средства по надоместокот за користење на македонските автопати, а најизразено намалување на приходите може да се забележи во вториот квартал (периодот на полициските часови) и третиот квартал, кога изостанаа транзитните возила во летниот период и посетителите на земјава

„Во врска со прашањето за очекувањата за 2021 година, можеме само да
кажеме дека во голема мерка сè ќе зависи и главна улога ќе игра состојбата со пандемијата на ковид-19, отвореноста на границите со што ќе се овозможи и транзит на туристи и странски патници“, велат за „Мета.мк“ од Јавното претпријатие за државни патишта.

Во последниот квартал од 2020 година, од наплата на патарина остварени се приходи од 9.450.544 евра, при што овој надоместок во периодот октомври-декември е наплатен од 8.463.639 возила.

За период на целата 2020 година, ЈП за државни патишта наплатило 6.617 VT билети, односно остварен е промет од 19.125 евра од билети за неплатена патарина.

Во изминативе 12 месеци, продадени се 4.874 електронски СМАРТ картички и 2.884 МТАГови, вкупно 7.758 уреди за електронско плаќање патарина, при што остварен е промет од 64.198 евра.

Од воведувањето на електронската наплата на патарина, продадени се вкупно 21.465 електронски уреди. Од надополнувањата на таговите и картичките, во 2020 година биле собрани приходи од 4.558.661 евра. Севкупно, од електронската наплата на патарини лани имало вкупен промет од 4.641.985 евра.

Инаку, ЈП за државни патишта во претстојниве месеци ќе работи на воведување на електронска наплата на патарина и на наплатните станици долж Коридорот 8. Со електронските уреди во иднина ќе може да се плаќа и на патарините од автопатот Скопје-Тетово-Гостивар, како и на наплатната станица „Миладиновци“.

Дополнително, по повеќе од една и пол година бесплатно возење, следниот месец ќе започне изградбата на двете наплатни станици на автопатот Миладиновци-Штип. Новата наплатна станица „Преод“ ќе служи за наплата на надоместокот за користење на автопатот меѓу Миладиновци и Свети Николе, а за автомобили патарината ќе чини 70 денари во еден правец. Втората наплатна станица „Кадрифаково“ ќе чини 50 денари по правец за автомобилите, а на неа ќе се собира надоместокот за користење на делницата меѓу Свети Николе и Штип.

Турско-македонски конзорциум составен од компанијата „Аселсан“ од Анкара и „Жикол“ од Струмица го добија тендерот за воведување на електронска наплата на патарина на автопатските делници долж Коридорот 8 и за изведба на двете нови патарини, а договорот е вреден речиси 12,5 милиони евра.

Штом биде завршен автопатот Кичево-Охрид, со овој договор е предвидено да се изгради наплатната станица „Арбиново“, на која ќе се наплаќа за целата должина на идниот автопат меѓу Кичево и Охрид.

https://meta.mk/od-patarinite-lani-sobrani-338-milioni-evra-kovid-19-stopi-10-milioni-evra-od-prihodite-infografik/

Originally posted by гитардемон Originally posted by Staro Skopje Мислев нешто налик London congestion charge. И сега има идеја за паркирај-и-вози се во Маџари, Сарај, Илинден, ама ништо од реализацијата. Ништо и од налепниците кои требаше да се воведат пред 2 години. На овој начин колку повеќе се користи автомобил, толку повеќе ќе се плати, а за возврат би имало помали трошоци за регистрација и акциза за гориво и поевтин јавен превоз. Во периоди на зголемена загаденост градската патарина би била поголема. Големите возила секако треба да плаќаат повеќе за одржување, но прашувам дали е подобро да плаќаат поголеми еднократни или годишни давачки, а помала патарина, или обратно. Треба да целиме кон намалување на користењето на локални патчиња наместо автопат за да се избегне патарина, поголема достапност на јавниот превоз и стимулирање на економијата, па не е лошо да има дебата за „веќе платено со даноци и такси“ наспроти „плаќај како што користиш“. Повеќе луѓе ќе користат јавен превоз ако секој плаќа плус 5,000 денари данок за јавен превоз годишно, а билетот е 15 наместо 35 денари (може да има различни износи во зависност од тоа каде некој живее и работи, колку заработува итн). Нешто слично, иако не сосема идентично, е и со патарините. За park&ride треба приградска железница, не некој раскантан приградски автобус. Единствено ако се изгради кај новите терминали на BRT-то, но тие се премногу внатре во градот. Најдобро е во Драчево или во Илинден (покрај автопат) да се оставаат возилата во катни гаражи покрај железничките станици (дел од park&ride системот), и да има приградска железница на секои 30 минути од 06:00 до 00:00, а за тие што сакаат да влегуваат со возило во Скопје да си има дневна такса. Секако ова би било надополнето со ист систем и на западниот влез на Скопје во Сарај или Ѓорче Петров.

Za uspesno P+R potreben e vrven javen prevoz vo sekoja smisla a Skopje e daleku od takov javen prevoz svetlosni godini. JSP nema kapacitet svoite gragani da gi usluzi a ne pak onie sto doagaat od vnatresnosta na Republikata. Za pocetok potrebna e pogolema decentralizacija kako bi se namalile bespotrebnite patuvanja kon Skopje. Bukvalno za sekoja sitnica ve prakaat vo Skopje i cinam deka polovina Makedonija sekoj raboten den vo 6.00 sabajle trgnuva kon Skopje.

Originally posted by гитардемон Жива вистина. За жал ние сме град-држава. Но за жал, за некои работи не ни треба ни децентрализација, може да влеземе во XXI век и да издаваме документи електронски. Имам одено во Скопје за секакви глупости кои во нормална држава би ги завршиле за 2 минути. А ако сакате пасош по итна постапка, си се сликате во својот град и на вас е да одите до Скопје да си го подигнете (иако сте платиле 4800 денари за итна постапка).

Da ne go optovaruvam prostorot so banalni primeri, ke kazam samo deka navistina gi setaat lugeto bezvrska vo Skopje...

Чекајте прво да се оствари железничкото поврзување со аеродромот, па отпосле ќе даваме теории за Park and Ride. Освен во Петровец, вакви станици би требало да има и кај другите главни влезови, Илинден и Сарај, или евентуално една заедничка во Визбегово за посетителите од Косово). Но, со оглед на тоа дека се уште не можеме меѓународен аеродром да поврземе со главниот град, далеку сме од таа замисла.

Жителите на Седларце на протест – за 3.5 километри плаќаат по 30 денари патарина

Жителите на Седларце блокираа дел од патарината Тетово-Гостивар барајќи да не плаќаат по 30 денари за 3.5 км пат кој треба да го поминат по автопат во еден правец. Според нив помошниот пат не е уреден и единствен пат за да стигнат до Тетово е автопатот Тетово – Гостивар, а секој ден треба да плаќаат 60 денари за поминати 7 километри во двата правци. Бараат или да плаќаат за поминатите километри или да се уреди помошниот пат кој би ги ослободил од плаќање жителите од ова село.

Бараме од надлежните власти да се отстрани патарината или да се санира споредниот пат“, истакна демонстрант.

„Поднесовме барање за решавање на овој проблем, но ни одговорија, објаснувајќи ни каков е законот. Ние сите знаеме каков е законот, полицијата не праќа, амбулантата, итните случаи, пожарникарите. Закон е закон. Но, ние сакаме или да плаќаме колку користиме или да имаме алтернативен пат“, порача демонстрант.

Според нив доколку нивните барања не се исполнат, тие ќе го блокираат цел автопат и ќе го бојкотираат секој изборен циклус бидејќи нивното барање е старо над 30 години и никој до сега немал слух за тоа.

„Неправда за нашите селани бидејќи плаќаме за 3.5км. Ние сакаме да има патарина, но електронска – колку километри поминеме толку да платиме. Но, револтирани сме од неправата која ни се нанесува нам селаните. Споредниот пат не ни го санираа. Бараме нашите барања да се разгледаат. Ќе преземеме уште подрастични мерки, ќе го блокираме патот, а не вака на културен начин. Ако треба ќе излеземе со трактори и комбајни и ќе го блокираме патот. Нека разберат оние кои ги гласаме, бидејќи веќе 30 години нашите зборови наидуваат на глуво уво“, додаде демонстрант.

Ние бараме да се отстрани патарината бидејќи е многу блиску до селото. Поминуваме три-четири пати на ден, а не сме во можност да плаќаме толку. Не само да доаѓаат и да бараат гласови, туку нека нѐ слушнат сега. Ќе ги бојкотираме следните избори бидејќи не сме задоволни од оние кои нѐ водат“, вели демонстрант.

Седларце е под општина Боговиње, и е единствено село кое се наоѓа покрај автопатот Тетово – Гостивар. Жителите за да стигнат до Тетово треба да поминат или преку селото Камењане, што значи неколку километри пат, или по магистралниот пат каде треба да платат патарина.

https://mk.tv21.tv/zhitelite-na-sedlartse-na-protest-za-3-5-kilometri-plakaat-po-30-denari-patarina/

Ист е случајот и со новата патарина кај Демир Капија,максимално е оптеретен локалниот пат кон Неготино бидејќи има доста луѓе кои на дневна основа често се движат во оваа насока вклучително и доста мини-буси и камиони.
7 застанувања на делница од неполни 200км е премногу.

Воведувањето електронска наплата на патарина на Коридор 8 чека на изработка на проектната документација

Без конкретен рок кога ќе отпочне изведбата, но со најава дека се чека на изработка на проектната документација е планот за воведување на електронска наплата на патарина на наплатните станици долж патниот Коридор 8 и на автопатот Миладиновци-Штип. Од Јавното претпријатие за државни патишта за „Мета.мк“ информираат дека најпрво треба да се изработи проектната документација, по што ќе започнат активностите за модернизација и воведување на електронското плаќање на наплатните станици „Миладиновци“, „Глумово“, „Желино“, „Тетово“ и „Гостивар“.

Периодот во кој треба да се реализираат и пуштат во употреба модернизираните патарини е 12 месеци од ефективноста на договорот. Турско-македонскиот конзорциум од компанијата „Аселсан“ од Анкара и „Жикол“ од Струмица кон крајот на декември лани го доби договорот вреден 12,5 милиони евра, со кој електронското плаќање на патарина со М-Таг и М-Смарт картички ќе треба да се воведе на сите автопати во земјава.

Со воведување на електронските уреди, граѓаните на автопатите по Коридорот 8 ќе можат да остварат попусти од 2 до 7 отсто на цените за патарина, во зависност од висината на надополнување на М-Таг и М-Смарт картичката, поволност која што веќе ја користат возачите кои ги користат автопатските делници од Табановце до Гевгелија.

Од ЈП за државни патишта немаат конкретен датум за тоа кога ќе започне изградбата на двете патарини „Преод“ и „Кадрифаково“ на автопатот Миладиновци-Штип, по којшто веќе две години се вози без плаќање патарина од страна на возачите.

„Во период што следи ќе се отпочне со изградбата на наплатните станици Кадрифаково и Преод, штом ќе се заврши со градежните работи ќе бидат пуштени во употреба новите наплатни станици“, накратко одговараат од ЈП за државни патишта, без прецизирање на рокови.

По автопатот Миладиновци-Штип речиси две години се вози без плаќање на надоместокот за користење на патишта, со што ова е единствен автопат во земјава на којшто не се плаќа патарина. На сите други автопатски делници во земјава, граѓаните секојдневно плаќаат патарина. Откога ќе се воведе, на наплатната станица „Преод“, за користење на делницата од Миладиновци до Свети Николе, автомобилите ќе треба да плаќаат по 70 денари во еден правец. На втората наплатна станица „Кадрифаково“, меѓу Свети Николе и Штип, патарината за автомобили ќе чини 50 денари во еден правец.

Од ЈП за државни патишта информираат дека наплатна станица кај селото Арбиново ќе се гради и на новиот автопат Кичево-Охрид, но таа ќе биде пуштена штом целосно се заврши изведбата на делницата меѓу двата града.

„Пуштањето во употреба на наплатната станица Арбиново ќе биде со пуштање во употреба на автопатот Кичево-Охрид“, велат од ЈП за државни патишта.

https://meta.mk/voveduvaneto-elektronska-naplata-na-patarina-na-koridor-8-cheka-na-izrabotka-na-proektnata-dokumentaczija/

Од патарина во првите четири месеци од годинава инкасирани над 12 милиони евра

Јавното претпријатие за државни патишта во првите четири месеци од 2021 година од наплата на патарина инкасирало 12.150.185 евра. За овој период вкупно е наплатен надоместокот за користење на автопатите од 10.732.244 возила, информираат за „Мета.мк“ од ова јавно претпријатие.

Оттаму информираат дека при споредба со 2019 година, во периодот пред отпочнувањето на ковид-19 пандемијата, може да се увиди дека во првите четири месеци од 2021 година, процентот на приходи остварени од наплатните станици во земјава е зголемен за 4,45 отсто. Притоа, бројот на возила кои минале низ наплатните рампи во идентичниот период е намален за 10,9 отсто во однос на првите четири месеци од 2019 година.

„Најдобра слика за последиците од пандемијата може да се забележи преку опаѓањето на бројот на возилата кои транзитираат на наплатните станици и тоа, ако во 2019 година, во првите 4 месеци било наплатено на вкупно 11.908.915 возила од сите категории, за истиот период во 2021 година наплатено е на 1.176.671 возила помалку односно, поради целата ситуација, полицискиот час, затворени граници и слични рестриктивни мерки, наплатено е на вкупно 10.732.244 возила“, информираат од ЈП за државни патишта.

Во делот на електронската наплата на патарина, во периодот јануари-април 2021 година, остварен е промет од продажба на електронски уреди, надополнувања и наплата на ВТ тикети во висина од над 2 милиони евра. Во овој период продадени се вкупно 2.294 електронски уреди, или поединечно 1.233 М-Смарт картички и 1.061 М-Таг уреди. Од започнувањето со електронската наплата на патарина, заклучно со 30.04.2021 година, продадени се вкупно 23.759 електронски уреди, од кои 15.060 се М-Смарт картички и 8.699 се М-Таг уреди.

Зголемениот приход од наплата на патарина наспроти намалениот број на возила се должи на пуштањето во употреба на новите наплатни станици долж Коридорот 10, но и на високиот процент на наплата на овој надоместок од возачите.

https://meta.mk/od-patarina-vo-prvite-chetiri-meseci-od-godinava-inkasirani-nad-12-milioni-evra/

Со 2.8 милиони евра ќе се градеше некоја улица, секаде лом е ситуацијата. No comment

А накај Охрид немаат бесплатна патарина, тоа е моментот. Тотално се без компас.