Патарини

Полицијата може и сега да функционира, па ете не функционира. Значи не е до моделот на наплата, туку до нефункционирањето на институциите кое достига апсурдни размери. Не велам дека моделот на наплата е небитен, но без претходно да воведеме основен ред, џабе би разглабале за тоа прашање.

А за втората опција (вињета при регистрација или при влез во земјата) всушност нема потреба од вињета бидејќи таквиот систем би ги опфатил сите возила, туку плаќање на такса. Во секој случај премногу ригиден систем, бидејќи ги изедначува оние кои константно возат по автопат, со оние кои не возат воопшто, или возат ретко/периодично. Поентата на вињетите е да ги купат оние кои ги користат автопатите, а не сите.


Edited by Cloverstack - 15-Jun-2011 at 20:28

Решение нема. Можеби има методи некои за намалување, но ќе треба да се вратиме години наназад. Се додека не се почитува земјата и законите во кои се живее, нема да има никакви подобрување. За жал од искуство го зборувам ова, кој влегол во одредени села, знае што се случува. Искрено многу се нервирам кога зборувам за ваква тема. Имам дома прилично голем материјал деновиве собрано од полагање токму за теми кои индиректно навлегуваат и во неплаќањето на патарините. Ама џабе е се. Никогаш, ама стварно никогаш, локалните индијанци нема да можеме да ги натераме да плаќаат државни работи, затоа што едноставно ова за нив не е легитимна држава. Крај на дискусијата. Но уште пострашен податок е дека поради ваквите случување и доминантната заедница не плаќа патарина. И тоа тие што не плаќаат го прават тоа токму на патниот правец ск-гв. Вињети може само од типот да се плаќаат годишни при регистрација на колите, ама пак и тоа не е лек затоа што тие што сега вадат пиштоли и не плаќаат, исто така не си ги регистрираат ниту колите.

Најдобар систем кој скоро целосно го исклучува човечкиот фактор при наплата за патарина а истовремено допринесува за брз проток на возила е таканаречената е-вињета. Истиот функционира преку плаќање за користење на автопатишта за одреден период при што преку наплатна станица (бензинска, граничен премин, продавница итн.) во централен компјутерски систем се внесува бројот на регистрацијата на возилото.

На одредени места на автопатиштата има поставено камери кои ја читаат регистрацијата и проверуваат дали за одредено возило е платена патарина. Доколку не е, казната му се испраќа преку пошта на сопственикот на возилото по автоматизам. Казни за странски возила се наплаќаат од страна на полицијата на самиот автопат или пак на граница при излез од државата. Се работи за релативно скап систем но со оглед на тоа дека нема потреба од човечка работна сила а се заштедува и трошокот за печатење на вињети во вид на налепници, на подолг рок ваквиот систем е исплатлив.

Абе луѓе вие зборите за здраво-разумски држави. Стварно, сте биле ли во села од типот на Студеничани, Средно Коњаре и сл.? Таму не ги регистрираат колите, а камоли да им стигне дома наплата за патарина. Нон сенс. Колку што се институциите криви, толку е и народот крив. Прво кој ќе биде херојот што ќе ја однесе таа казна кај доточниот прекршител на закон. Гледате дека одвај од ЕВН влегуваат во селата. Ние овој проблем треба да го заборавиме, да замижиме пред него, како што мижиме и за дивите таксисти или пак радикално да се променат работите. Но така ќе се јават разно разни институции и целата ситуација ќе отиде во вода. Јас сум за принцип на снимање со камера и после тоа плаќање на вињетите при регистрирање, односно кој колку возел, на следната регистрација ќе си плати плус. Но тука пак губиме сигурно вработени со 500 евра плата на патарините, што делумно ќе го осиромаши народот, а ќе ја обогати државата. За жал, се додека не се подобри економската ситуација во Македонија, ваквиот начин на наплата на патарини ќе биде далеку од успешен. Еве и со новите патарини кои ќе ги донесат, пак ќе мора тие вработени некаде да ги преструктуираат.
Да не ме сфатите погрешно, не се сите луѓе од тие села индијанци. Но локалните шерифи се, помоќни се во некои места дури и од државата, па затоа ќе слушаме како некој вади пиштол.

Неплаќање на патарина е сепак класично прекршочно дело и третирање на истото како кривично од причина што прекршочните судови или полицајците не се ажурни е слаба аргументација. Сепак не е непознато прекршоци од сличен вид да се регулирани преку кривичното право. Таков е примерот во неколку градови во Германија каде возење во јавен превоз без билет може да повлече кривична одговорност. Според мене прагматично решение би било забрана за регистрација на возило за сопственици кои ги немаат подмирено сообраќајните финансиски казни и тоа од било кој вид.

Edited by OCB - 15-Jun-2011 at 21:15

Originally posted by N23 MyMacedonia го зборам тоа поттикнат од низа аргументи. Не сакам на национална база да ја отерам дебатава, ама дај ми логично објаснување зошто вакви испади се најчести на патниот правец скопје-гостивар?

Izvini ama sekade ima takvi incidenti.Iako ima takvi incidenti, sepak ne znam od kade go najde toj diven zapad.Seuste ne mi e jasno?Od kade takvo etiketiranje na graganite?
A ima dosta lugje od drugite gradovi sto pominuvaat niz toj avtopat, mozebi im se dosaduva koga vekje vo eden avtopat ima 100 patarini??

Овие настани немаат врска со националноста на населението, колку што имаат врска со неактивноста на полицијата. Ако немаше полиција и во битолските села, сигурно ќе имаше и таму вакви будали. Е сега зошто не функционира државата во овие места, тоа го оставам на вас. Беззаконието исто делува врз сите, нема врска од која националност се.

А ти my Macedonia, зошто се лутиш? Факт е дека таму законите не се спроведуваат како што треба, па како последица имаме тотално безредие. Државата е виновна, не населението. Ако некој е навреден тука, треба да биде централната власт, не сфаќам ти зошто си навреден. Ама ако сепак мислиш дека е навреда, биди навреден.

Edited by гитардемон - 15-Jun-2011 at 21:43

Ја се откажувам од понатамошна дебата. MyMacedonia, јас убаво погоре напишав, сите луѓе од таму не се индијанци, само очигледно знам премногу информации кои се тотално непотребни тука да ги постирам, затоа што ептен ќе забегаме. А државата не може да функционира ако има непоштувачи на законот. За да го почитуваат законот, треба да се преземат радикални мерки, кои би можеле да бидат политички етикетирани и работата да не успее. Прекинувам тука, за да напливот на информации не се пренесе во оваа нишка.

Originally posted by <Fresno> Има едноставно решение за овој проблем, а тоа е е-вињета прилагодена за македонски услови. Рампите на патарините си остануваат, со тоа што може да се воведат двојни рампи за спречување на шверцањето позади некој друг. За оние што имаат чип со кредит на него, рампата ќе се дигне. За останатите може да има лента за плаќање во кеш и лента за плаќање со картица. Возачите ќе бидат мотивирани да избегнуваат плаќање на лице место поради времето потребно да се направи тоа, па повеќе ќе им одговара да си користар вињета. Како бонус може да има и боцки кои автоматски ќе се активираат доколку рампата се скрши.

Си ги помешал системот на дигитална наплата со кредит и е-вињета. Како што објаснив и погоре е-вињетата ја претвара регистарската таблица во виртуелна сметка за платена патарина. Нема потреба од никаква картица или рампи. Твојот предлог-систем звучи многу поскап и посложен од сегашниот.

Вест од 11 јуни 2009

Очигледно некому не му се допаднала понудата на оваа компанија.

Австриски „Капш“ со решенија за железницата и патарините



По отворањето на претставништво во Македонија компанијата најавува можности и планови за учество во изработка на ГСМР систем за МЖ и за подготовка на софтверско решение за проектот за дигитална наплата на патарини во земјава, како и да биде оператор што ќе ја наплатува патната такса.

Компанијата најавува можности и планови да учествува во подготовка на софтверско решение за Проектот за дигитална наплата на патарини во земјава. Притоа, согласно своите досегашни искуства во други земји, како на пример, во Чешка, од „Капш“ пројавуваат интерес да бидат и оператор, кој ќе ја наплатува патната такса.

http://biznis24.com.mk/biznis24mk/node/338

http://www.kapsch.net

http://en.wikipedia.org/wiki/Electronic_toll_collection