Патарини

Електронските патарини најверојатно ќе ги гради турско-шпански конзорциум

понеделник, 21 јануари 2013, 19:24

Турско-шпански конзорциум најверојатно ќе воведува ред на наплатните станици долж автопатот „Александар Велики“. Тие доставиле најдобро решение од четирите пријавени компании на тендерот за модернизација на патарините, откриваат извори од Агенцијата за патишта. Сепак, постапката не е завршена. Допрва ќе се разгледува финансискиот аспект на апликациите.

Злоупотребите, но и долгите колони и чекањето и по десетина минути особено за викендите и одморите ќе бидат минато за 18 месеци. Во овој рок избраниот изведувач ќе треба да изгради четири нови пункта и целосно да го елиминира плаќањето во кеш.

„Електронската наплата ќе се врши на два начини – автомобилите со вграден специјален уред воопшто нема да треба да застануваат, а другите ќе плаќаат со смарт и банкарски картички“ велат од Агенцијата за патишта која на 1 октомври ги презеде патарините од „Македонија пат“.

Проектот тежи 17 милиони евра. Парите се обезбедени преку кредит од ЕБРД.

И додека трае постапката за елиминирање на човечкиот фактор, Агенцијата за патишта распиша и јавен оглас за униформи за вработените на наплатните рампи. Според најавите, работната облека ќе биде спична на онаа што ја носат стјуардесите во авионите.

http://vesti.alfa.mk/default.aspx?mId=37&eventId=62046

Јас навистина не можам да сфатам, зашто не направат странските возила да купат Вињетка на граница или на првата Б.С. која што ќе важи 7-10 дена, цената во зависност од тежината/големината на возилото, и да поминуваат на посебна лента ...

Приходите од наплата на патарини поголема за 17%


Откако лани ја презеде надлежноста за патарините, Агенцијата за патишта за кратко време успеа да го зголеми процентот на наплата на патарините за 17% во првите три месеци од годинава во споредба со истиот период лани. Но и покрај тоа, споредено со другите земји од регионот, патарината во Македонија е најевтина


Во првите три месеци од годината приходите од наплата на патарини се зголемени за 17%. Откако Јавното претпријатие за државни патишта минатата година ја презеде надлежноста за патарините од Македонија пат и почна со реновирање на наплатните станици, драстично е зголемена ефикасноста и контролата за наплата на патарината.

Директорот на Јавното претпријатие, Љупчо Георгиевски, за Вечер објаснува дека со поголемата контрола на наплатните станици која сега е воспоставена се очекува драстично зголемување на вкупните приходи од патарина.
- Ако направиме споредба со првите три месеци од минатата година, во просек, од патарините имаме зголемување на приходите за 17%. Засилени се контролите на вработените, а почнавме со поставување видеокамери кои го евидентираат работењето на инкасантите на патарините, што значи снимање на издавањето на фискалните сметки и на наплатата на патарините, а во кадарот е и регистарската табличка на возилото. Камери се поставуваат и во кабините на вработените. Целокупниот видеозапис преку оптички кабел е поврзан со командниот центар каде што се следи во живо кој, како и што работи, објаснува Георгиевски.

Тој информира дека Јавното претпријатие со цел за поефикасна наплата и транспорт на парите склучила договор со банка која се грижи за прибирање на дневниот промет и негова уплата во Буџетот, а осигурани се и од кражби и злоупотреби.
Покрај веќе инсталираните безбедносни камери, според директорот, во моментов се работи и на поставување на панорамски камери, стотина метри пред и по наплатните станици, преку кои во контролниот центар ќе се набљудува одвивањето на работата, а ќе им бидат достапни на сите граѓани.

Што се однесува до проектот за воведување на електронски патарини, директорот вели дека во согласност со тендерската процедура за избор на конзорциум очекувањата на Јавното претпријатие се дека до ноември годинава би требало да биде избран изведувачот. На јавниот повик распишан од Агенцијата за државни патишта се пријавија шест конзорциуми - од Турција, Словенија, Австрија, Шпанија, Грција и од Хрватска и во моментов се оценуваат техничките услови на компаниите.
- Во наредниот период ќе биде објавен тендерот за избор на изведувач и конзорциумите коишто пројавија интерес за проектот за модернизација на патарините ќе можат да достават своите понуди. Онаа којашто ќе понуди најниска цена, ќе биде избрана, потенцира директорот Георгиевски.

Годишните приходи во Буџетот од наплата на патарина просечно изнесуваат 1,1 милијарда денари.

Патарината најевтина во Македонија
Возачите во БиХ плаќаат 0,061 евро по поминат километар на автопат, а во Македонија три пати помалку.

Највисоки цени за користење на автопатишта во земјите на регионот плаќаат возачите во Босна и Херцеговина, додека најевтини се патарините во Македонија, покажа истражувањето на агенцијата Анадолија.

Во Македонија патарината изнесува 0,020 евра по поминат километар. Така возачите на делницата на автопатот Скопје - Петровец во должина од 25 километри, плаќаат 30 македонски денари, што е 0,49 евра.

По Македонија, најевтина патарина во регионот имаат во Србија, каде што возачите плаќаат 0,035 евра по поминат километар. Така на пример, возачите во Србија за 450 километри користење на автопатот од Суботица до Ниш плаќаат 13,5 евра. Цената на патарината во Србија е меѓу најевтините во споредба со другите земји во регионот и пошироко и не се менувала од 2008 година.

Цената на патарината во БиХ е три пати поскапа од патарината во Македонија, додека возачите во БиХ плаќаат два пати поскапа патарина од таа која ја плаќаат возачите во Србија. Од останатите земји во регионот, цената на патарината по километар во Хрватска во просек е 0,055 евра. На пример, цената на патарината за 409 километри автопат од Загреб до Сплит чини 21 евро.

Александра Спасевска

http://www.vecer.com.mk/?ItemID=F1DA4452B812AC47991C9B7F00D55158

отсекогаш се наплаќа фонд за патишта... и одсекогаш се прашувам каде одат тие пари навистина.

дали знае некој што е суштината на овој проблем,јас искрено слабо го пратев овој настан и не сум многу запознат.се коси ли со некој закон или што е работата?

знам дека кај нас менувачниците не примаат метални монети.вероватно сето ова има некаква врска,ама негледам логика

Originally posted by gjoko знам дека кај нас менувачниците не примаат метални монети.вероватно сето ова има некаква врска,ама негледам логика

Во Скопје повеќето примаат од 1 евро и 2 евра монети но ги менуваат по курс 50 денари= 1 евро

На здравје нека ни е, поскапеа патарините!

Владината одлука:

http://p.1cm.com.mk/Media/56/%D0%9E%D0%B4%D0%BB%D1%83%D0%BA%D0%B0%20%D0%B7%D0%B0%20%D0%B8%D0%B7%D0%BC%D0%B5%D0%BD%D0%B0%20%D0%BD%D0%B0%20%D0%9E%D0%B4%D0%BB%D1%83%D0%BA%D0%B0%D1%82%D0%B0%20%D0%B7%D0%B0%20%D0%BF%D0%B0%D1%82%D0%BD%D0%B0%20%D1%82%D0%B0%D0%BA%D1%81%D0%B0.pdf

Надоместок за користење на патнички возила што се плаќа при регистрирање на возилото. Освен тоа, поскапеа и патарините низ Македонија.

Не разбирам сериозно, се поскапува а платите исти! Баш ми интересира зошто поскапело и што ќе прават со тие пари. Иако се плаќа патарина, автопатите кај тие делници исти се, па дури ниту кабините не се чистат а камоли реновирање! Секоја година кога доаѓам во Македонија нема ништо ново. Немам против поскапувањето, но платите треба да се ок и барем малку чистење на патарините и автопатот! Каде одат парите?