build.mk Homepage
Forum Home Forum Home > Главни теми > Инфраструктура > Енергетика
  Active Topics Active Topics
  FAQ FAQ  Forum Search   Register Register  Login Login

Нуклеарна електрана?

Bookmark and Share
 Post Reply Post Reply Page  123 18>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #1 Topic: Нуклеарна електрана?
    Posted: 29-Jul-2008 at 10:36
http://www.vreme.com.mk/DesktopDefault.aspx?tabindex=0&tabid=1&EditionID=1463&ArticleID=95417

ИНТЕРВЈУ: АТАНАСКО ТУНЕСКИ, УНИВЕРЗИТЕТСКИ ПРОФЕСОР
Само нуклеарна централа ќе не спаси од скапата струја

Цената на струјата ќе се зголеми, а доколку струја немаме доволно, никој нема да има одговорност пред граѓаните. Ваква ќе биде енергетската реалност, објаснува Атанаско Тунески, професор на Машински факултет. Тој појаснува дека Македонскиот електропреносен систем-оператор (МЕПСО), кој досега се грижеше за редовно снабдување со струја, сега ја нема лиценцата за снабдување со електрична енергија. Од друга страна, Електрани на Македонија (ЕЛЕМ) сега се во позиција да произведуваат и да продаваат струја. Ова, како и самиот факт дека цената на струјата не е зголемена од 2006 година, ќе го поскапи енергентот, кој на светските берзи оттогаш доживеа повеќекратно зголемување. у Како ги коментирате новите измени на Законот за енергетика?
- ЕЛЕМ со новите измени ќе произведува, ќе купува и ќе продава. Не е јасно како ќе се прави ова бидејќи диспечерскиот центар преку кој се следи сето производство, сета потрошувачка и сиот извоз на електрична енергија се наоѓа во МЕПСО. Лиценцата за снабдување со електрична енергија, која досега ја посетуваше МЕПСО, сега ја нема никој. Не е јасно кој ќе биде одговорен за снабдувањето со електричната енергија. Ова е сериозен пропуст. До сега МЕПСО се грижеше да има струја насекаде и во секое време. Сега никој нема да биде крив ако нема струја. Со новите измени во Законот за енергетика, на ЕЛЕМ му се даде право да купува и да продава, но не и законска обврска да се обезбеди струја за населението во доволни количества. у Владата рече дека е потребно да се зголемат производните капацитети. Имаме ли за тоа потенцијал?
- Реално не постојат причини зашто ЕЛЕМ не би можел да ги задоволува потребите за електрична енергија. Во периодот од 2000 година до 2006 година, ЕЛЕМ произведуваше 6.330 гигават-часа електрична енергија годишно и со тоа ги задоволуваше потребите за струја за населението и малото стопанство. Во 2007 година произведе само 5.500 гигават-часа, а во 2008 година најавите се дека ќе произведе дури и помалку од ова. Недостигот од овие 1000 гигават-часа ја чини Македонија речиси 100 милиони евра. Ако ЕЛЕМ го задржи своето просечно производство од 2000 до 2006 година, тогаш нема да има потреба од увоз на струја. Сегашната цена на увозната струја е над 100 евра за мегават-час, што значи дека непотребно се одлеваат 100 милиони евра. у Дали ова е основната причина за огромниот трговски дефицит?
- Увозот на електричната енергија и нафтата се клучни причини за огромниот трговски дефицит. Намаленото производство на ЕЛЕМ од околу 15 проценти, зголемената цена на увозната струја од 100 проценти од пред две години, доведе до огромни и неоправдани трошоци за државата у Во каква состојба е енергетскиот систем?
- Резервите на јаглен во РЕК „Битола“ се доволни за уште пет години експлоатација. Во меѓувреме, мора да се активира наоѓалиштето Брод - Гнеотино, што ќе обезбеди јаглен во наредните околу 10 години. Но, за помалку од 20 години веќе нема да може да се прави струја од домашен јаглен и ќе мора да се увезува. Сега треба да се направат анализи дали е економски поисплатливо Македонија да почне да увезува јаглен за потребите на РЕК „Битола“ пред да се потрошат домашните резерви. Според мене, подобро е како од безбедносни, така и од политички причини уште сега да се почне со увоз на јаглен. у Во Бугарија веќе се гради нуклеарна централа, а има најави за нуклеарна централа и во Лерин. Каде сме ние тука?
- Македонија мора да реагира. Првото од можните решенија е да учествува во изградбата на нуклеарната централа во Белене, Бугарија, и да има сопствен дел од таа електрана. Со тоа ќе добие многу поевтина електрична енергија. Нуклеарната електрична енергија е повеќе од двојно поевтина од струјата произведена од мазут и од увозен јаглен и двојно поевтина од увозната струја. Македонија во 2008 година за увоз на електрична енергија дала околу 250 милиони евра, од кои околу 100 милиони за потребите на населението и малата индустрија и околу 150 милиони евра за големата индустрија. Доколку располагаме свој дел од електричната централа во Белине, значително ќе заштедиме во увоз на електрична енергија.
Исто така, може да учествуваме во изградба на наши енергетски објекти. За пет години со издвојување на само 50 милиони евра од буџетот годишно, што е само 2 проценти од буџетот, ќе може да имаме енергетски објект со капацитет од 250 мегавати.



Edited by pbanks - 24-Dec-2008 at 12:03
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #2 Posted: 29-Jul-2008 at 11:34
Наголема соларна централа во светот во Шпанија

ДАЛИ НАС НИ ТРЕБА НУКЛЕАРНА  Bash СО ПРОБЛЕМИ

Како тоа во Германија се користи соларната
http://www.dw-world.de/dw/article/0,2144,3520066,00.html
Аудио повеќе и за шпанската централа:
http://www.dw-world.de/popups/popup_multi_mediaplayer/0,,3016120_type_audio_struct_10364_format_WMedia,00.html
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #3 Posted: 29-Sep-2008 at 20:46
http://a1.com.mk/vesti/default.aspx?VestID=98269

Енергија за иднината се создава во Белене

29.09.2008 19:28
Проектот за атомската централа чини 4 милијарди евра

 

Мало гратче на бугарско-романската граница со огромен потенцијал да стане енергетски џин на Балканот. Што претставува атомската централа во Белене? А1 на местото на настанот.

Фронтмените на атомската централа не пречекаа со порака - Македонија мора навреме да се пријави и да закупи струја ако сака да ја избегне енергетската криза.

„Може да се водат отворени разговори за Македонија да си учествува со свои средства во изградбата на проектот. Било дали ќе биде во вид на процентно учество, или во вид на авансно плаќање на електрична енергија која подоцна ќе се користи. Постои можност за тоа“, изјавија од атомската централа.

Изградбата почна месецов - чини четири милијарди евра. Инвеститор е бугарската компанија „Нек“ со 51 процент. За останатите 49%, битка бијат германски РВЕ и белгиски „Електрабел“.

Овој проект не мина без контроверзи. Противниците, екологистите сметаа дека нуклеарните централи се опасни жаришта.

Раководството уверува дека Белене е последен крик на модерната технологија, а граѓаните се надеваат дека нема да биде балкански Чернобил.

„Франција има 50 нуклеарни централи, никој ништо не се пожалил. Една дури има и во Париз и сите си живеат мирно. Ова е добра инвестиција во нашиот град, добра перспектива, многу млади ќе се вратат во градот“, велат граѓани на Белене.

На ова место за пет години треба да се подигнат двата реактора на најголемиот проект во енергетиката на Балканот.

„Сакаме да се заштитиме од променливите цени на нафтата и јагленот. Едноставно да бидеме во состојба на независност од надворешните извори на енергија“, рекоа од централата.

Речиси сите земји во регионот се соочуваат со ист проблем. Недостаток на струја, истрошени термо централи, слаби водни ресурси.

Изградбата на нуклеарните централи беше само идеја која не дочека да биде ставена ниту на хартија. Во Македонија предизвикуваше дебата само во академските кругови.

Многумина сметаат дека изградбата на нуклеарната централа може да претставува пресвртница во енергетската стратегија и за другите земји во опкружувањето.




Edited by pbanks - 24-Dec-2008 at 12:04
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #4 Posted: 22-Oct-2008 at 01:08

Македонија сака учество во „Белене“

Вицепремиерот Зоран Ставрески, заедно со поширока владина делегација, денеска ќе престојува во работна посета на Бугарија, каде што треба да се сретне со бугарскиот министер за економија и енергетика, Петар Димитров, и со министерот за транспорт на Бугарија, Петар Мутавчиев. На средбата ќе се разговара и за учество на Македонија во изградбата на нуклеарната електрана „Белене“. (МИА)

http://utrinski.com.mk/?ItemID=16A4A839BCAFE74595DE2CC88143D185

Оваа вест може би и не припаѓа на форумов пошто се однесува на министерска посета на соседна држава, но за нас е интересен делот, Дали Македонија треба да инвестира во Белене. Досега никој не ни објаснил дали и зато или па зашто не, треба мМакедонија да инвестира во Белене. Јас би прифатил инвестирање. Ќе добиеме ефтина струја од нуклеарна централа, а бељета ќе ни биде прилично доста далеку од пред порти. Всушност Бечене ќе биде акционерско друштво и сега е прашањето дали Македонија на време да си купи акции во таа фирма додека се ефтини и да учествува во изградба.

Не сакав да идам со нова нишка пошто сепак се работи за нешто што не занима нас како држава, а па од друга страна проекти у странство не не занимаат и овдека би сакал да се задржиме на дискусијата само дали Македонија треба да инвестира или не.

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #5 Posted: 03-Nov-2008 at 00:06

Струја од домашна нуклеарка?

Експертски тим подготвува анализа за да споредиме дали е пооправдано да изградиме сопствена нуклеарна централа или да се вклучиме во проектот „Белене“ на бугарската влада, изјави вчера вицепремиерот Зоран Ставрески.Според вицепремиерот, опцијата да се гради домашна нуклеарка и неколкуте проекти за изградба на термоелектрани се со цел за да се добие поголемо количество електрична енергија од домашно производство.Делегација на македонската влада неодамна беше во Бугарија да разговара за можностите на вклучување во овој значаен енергетски проект за Балканот.

- Добиени се позитивни сигнали за финансирање на проектот. За сметка на тоа, ќе добиеме извесно количество електрична енергија од нуклеарната централа. За нас беше значајно да добиеме релевантни податоци од прва рака за да направиме соодветна анализа на исплатливоста на тој проект. Дали да се вклучиме во тој проект или е поисплатлива алтернативата да изградиме сопствена нуклеарна електрана. Истовремено разгледуваме проекти за изградба на термоелектрани со цел да се зголеми домашното производство на енергија - вели Ставрески.

http://dnevnik.com.mk/?ItemID=1821735E2FBF714A95340DC76F9249A3


Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #6 Posted: 03-Nov-2008 at 00:25
Сопствена нуклеарка а? Овие се КРЕТЕНИ тотални. Јас волку некомпетентни луѓе не сум сретнал на едно место. Место елегантното решение да се вклучиме во АЕЦ Белене, ниту на наше тло, ниту ризик, отпадоци, итн.
За целосна, сопствена нуклеарна централа пред се требаат огромни средства, проект и најмалку 10 години. Второ, требаат огромен број на експерти и инженери коишто би работеле во таа централа. Тие Македонија нити ги има нити ќе ги има. Трето централите се градат до големи водни базени (Кршко е на Сава, Козлодуј е на Дунав). Таква река кај нас нема. Знаете ли дека откако реката ќе мине низ разладните кули, температурата се покачува за 4-5Ц? Тотална екокатастрофа за Вардар. Потоа, цели градови се градат за потребите на НЕЦ-овите (Припет за Чернобил, Козлодуј за Козлодуј). Нашиве место одма да прифатат учествово Белене се занесуваат. Што е следно, космодром ли кај нас?Bash
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #7 Posted: 18-Nov-2008 at 04:15

Македонија задоцнила да биде акционер во „Белене“

Македонија ја испушти шансата да биде акционер во бугарската нуклеарна централа „Белене“, а може со инвестиција да учествува во нејзината изградба со што би добивала струја по поповолни услови. Ова го тврди Галина Тошева, заменик-министер за економија на Бугарија, која вели оти акционерската структура на нуклеарката веќе била затворена. Според Тошева, акционери на „Белене“ ќе бидат Бугарија со 51 отсто и германски РВЕ со 49 отсто од капиталот на нуклеарката.

- Учеството на Македонија во „Белене“ е прашање на преговори со новата компанија, која ќе биде формирана. Има многу варијанти и можности за учество на Македонија. Во оваа етапа сите опции се отворени. За да се донесе една одлука, не е доволно само да се поднесе барање, туку треба и да се разговара. Вицепремиерот Зоран Ставрески изрази желба Македонија да ја финансира изградбата на „Белене“. Вашата влада треба да дефинира како сака да учествува во „Белене“ и да дојде со предлог - изјави Тошева.Ако се вклучи во финансирање на изградбата, Македонија ќе може само да откупува поповолно електрична енергија од „Белене“.

http://dnevnik.com.mk/?ItemID=52353096E341964CADFF1C5261330C98

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #8 Posted: 18-Nov-2008 at 14:50
Нуклеарка во Македонија по 2025-та?



Автор:  А.С.Д.

Стручен тим во МАНУ наредните седум дена ќе ја разгледува опцијата за изградба на нуклеарна централа во Македонија. Земјата увезува дури 80 отсто од потребите за електрична енергија, по цени три пати повисоки од струјата произведена дома. Многу брзо ќе станеме и 100 отсто зависни од увоз, предупредуваат експертите. Во вакви околности изградба на сопствена нуклеарна централа се чини како најповолна варијанта за излегување од енергетскиот и економски колапс што ни се заканува.

- Деновиве ќе направиме дополнителни анализи за изградба на нуклеарна централа од аспект на мрежа. Потребно е да се довршат сите испитувања и да се види дали изградба на нуклеарна централа е само опција или реална можност. Сепак изградбата на атомска централа во Македонија може се реализира по 2025 година - вели академикот Глигор Каневче, раководител на експертскиот тим, задолжен за изработка на долгорочна енергетска стратегија.

Академиците предупредуваат дека ако не се подобрат постојните енергетски извори и не се изградат нови, ќе се соочиме со забавување на целата економија, огромен трговски дефицит и недостиг од ресурси.

Анализите на МАНУ упатуваат на максимално искористување на водните потенцијали, јагленот и обновливите извори на енергија (мали хидроцентрали, сончева енергија, ветерот и биомасата). Државата треба да ги обезбеди сите предуслови и за поголемо искористување на природниот гас.

 

 

МЕПСО со нов трансформатор во „Дуброво“

АД МЕПСО го монтира и го пушта да работи вториот енергетски трансформатор во трафостаницата „Дуброво“. Намената на оваа станица е трансформација од 400 на 110-киловолтно напонско ниво и едновремено пренос на електричната енергија меѓу двете напонски нивоа. Трансформаторот значајно ќе ги зголеми доверливоста во работата на високонапонската мрежа и стабилноста на електроенергетскиот систем на 110-киловолтно напонско ниво, велат од МЕПСО. Компанијата веќе го изгради 400-киловолтниот далековод од Штип до бугарската граница, а во тек е изградбата и на нова 400/110-киловолтна трафостаница во близината на Штип. Со овој проект се зголемува капацитетот на електроенергетскиот систем во источна и централна Македонија.

http://novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=233&ArticleID=11326

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #9 Posted: 18-Nov-2008 at 15:04
Дебата „Нуклеарна енергија: решение или влошување на проблемот“

Во организација на Амбасадата на Франција во Македонија и Францускиот културен центар во Скопје, во рамки на Неделата на дебати за актуелните предизвици на животната средина, денеска на скопскиот Економски факултет се дебатираше на тема „Нуклеарна енергија: решение или влошување на проблемот“



Според заменик-министерот за животна средина и просторно планирање Соња Лепиткова, Македонија треба да ги сослуша искуствата од Франција, како една од најнапредните европски држави во користење на нуклеарната енергија.

- Република Македонија се уште не е подготвена на своја територија да изгради нуклеарна централа. Иако може да размислуваме во тој поглед, нас ќе ни требаат многу години за да создадеме човечки потенцијал кој соодветно ќе управува со централите. Потребни се два реактора од по 1.000 мегавати кои би продуцирале таква енергија, а тоа е голем чекор кој треба темелно да се анализира, рече заменик-министерот Лепиткова.

Професорот на Институтот за физика при Природно-математичкиот факултет во Скопје Доне Гершановски истакна дека Македонија како членка на Меѓународната агенција за атомска енергија се труди и успева да постапува според препораките околу користењето и примената на електричната енергија.

Владимир Петковски, професор од Економскиот факултет во Скопје додаде дека кога се размислува за алтернативните извори на енергија, во Македонија најчесто се размислува за зголемено користење на сончевата, геотермалната енергија и ветерот.

- Во земјава паралелно треба да се размислува и да се гради стратегија, бидејќи алтернативен извор е обновливата, пред се сончевата енергија. Како јужна земја, со утврден број на сончеви денови во годината навистина не е јасно како имаме толку мал број сончеви колектори на куќите, истакна Петковски.

Според процеките на стручната јавност, Република Македонија увезува 80 отсто од потребната енергија, а за кратко време ќе стане 100 отсто зависна од увозот.

Дебатата се одржа во соработка со Министерството за животна средина и просторно планирање. На дебатите кои во текот на неделата ќе се одржуваат на Економскиот и на Медицинскиот факултет на теми поврзани со животната средина ќе учествуваат француски и македонски експерти.

http://www.kirilica.com.mk/vest.asp?id=18657



Edited by lslcrew - 18-Nov-2008 at 15:05
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #10 Posted: 18-Nov-2008 at 15:04

Тука малце полаички се дадени констатациите него во предходниот текст, но се сложувам дека сеуште не сме ги искористиле максимално сите други извори како сончева и ветер, но сепак нуклеарната е драстично поефтина одколку стандардните алтернативни извори како ветер и сонце.

Сум приметил тенденција кај повеќе луѓе да се настојува нуклеарната да биде последно ршение кога се друго ќе се потроши. Тоа е многу погрешно размислување зашто нуклеарната ќе не заштити од недостиг на енергија барем во наредните 50 години сигурно. Дури и во случај сите да возиме на струја. Ова е нешто на што веќе активно треба да се размислува за во реонот на Мариово.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #11 Posted: 19-Nov-2008 at 15:46
Македонија сака своја нуклеарка, ама и се плаши



Автор:  Александар С. Димковски

На Македонија ѝ треба нуклеарна енергија, како на жедниот што му треба вода. Долгорочно тоа е единствениот спас на земјата за излез од енергетската криза. Она што недостига е знаење, стручен кадар што ќе ја раководи атомската централа и соодветна законска регулатива. За да создадеме вакви експерти, потребни се минимум 6-7 години, беше кажано на вчерашната дебата на темата „Нуклеарна енергија: решение или влошување на проблемот“, организирана од Амбасадата на Франција во Македонија.

Многуте домашни и странски експерти што учествуваа во расправата се согласни дека нуклеарната енергија е реалност во целиот свет и сè повеќе земји се ориентираат кон овој ресурс.

Доне Гершановски, професор на Институтот за физика при Природно -математичкиот факултет, рече дека во Македонија не може да се направи засолниште за нискорадиоактивни материјали.

- Изградбата на нуклеарен реактор бара многу подготовки. Самиот збор нуклеарка значи зрачење и потребно е да има најмалку 3-4 нивоа на заштита. За управување со една ваква станица се потребни 300-400 експерти по нуклеарна физика - појасни Гершановски.

Жерар Коње, советник за нуклеарна енергија за Централна Европа, ги пренесе искуствата на Франција од аспект на користењето на нуклеарната енергија. Во Франција 80 отсто од потребите за енергија се покриваат од нуклеарните централи, кои ги има многу во земјата.

- Денес во светот голем број држави се вртат кон нуклеарната енергија.Во следните 20 година нуклеарни реактори ќе се градат во Кина, јужна Африка, Индија и други места - истакна Жил Бан, универзитетски професор.

МАНУ веќе најави дека нуклеарна централа во Македонија може да стане реалност по 2025 година.

Според заменик-министерот за животна средина и просторно планирање Соња Лепиткова, Македонија треба да ги сослуша искуствата од Франција, како една од најнапредните европски држави во користењето на нуклеарната енергија.

- Република Македонија сè уште не е подготвена на своја територија да изгради нуклеарна централа. Иако може да размислуваме во тој поглед, нас ќе ни требаат многу години за да создадеме човечки потенцијал што соодветно ќе управува со централите - рече заменик министерот Лепиткова.

Владимир Петковски, професор од Економскиот факултет во Скопје, додаде дека кога се размислува за алтернативните извори на енергија, во Македонија најчесто се размислува за зголемено користење на сончевата, геотермалната енергија и ветерот.

- Во земјава паралелно треба да се размислува и да се гради стратегија, бидејќи алтернативен извор е обновливата, пред сè сончевата енергија. Како јужна земја, со над 260 сончеви дена во годината, навистина не е јасно како имаме толку мал број сончеви колектори на куќите - истакна Петковски.

http://novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=234&ArticleID=11443
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #12 Posted: 19-Nov-2008 at 15:47
Тропаме на отворена врата за „Белене“



Автор:  Александар С. Димковски

Македонија чека понуда од Бугарија за учество во нуклеарката „Белене“. Официјална Софија тврди дека понудата била испратена уште пред три години.

- Бугарскиот претседател Георги Прванов во 2005-та упати покани до сите земји во регионот да учествуваат во финансирањето на изградбата на централата во Белене, со што ќе си обезбедат сопственички удел во понатамошното субвенционирано снабдување со електрична енергија.

Од македонските власти досега ништо посериозно не е преземено. Разни делегации во неколку наврати престојуваа во Бугарија, но без конкретен резултат. Во Министерството за економија и енергетика на Бугарија досега нема пристигнато официјално барање од Македонија за учество во Белене - тврдат бугарските власти.

Македонскиот државен врв е со поинаков став.

- Сега на потег се Бугарите од НЕК и Германците од РВЕ, кои ја градат централата. Тие треба да ги кажат условите откако ќе формираат заедничка компанија. Во почетокот на наредната година би се знаело и која е финансиската конструкција и инвестицискиот проект. Тогаш би се знаело и од нивна страна кои би биле можните опции и конкретната понуда за евентуално финансирање. Дури потоа ќе се одлучува дали ќе закупиме струја од нуклеарката - вели Фатмир Бесими, министер за економија.

Бугарските власти збунети од ваквата изјава.

- Се мешаат работите. Нашата понуда трае веќе три години. Досега немаше ниту одговор ниту иницијатива од македонска страна. Потребен е реален интерес, односно македонска понуда за учество во проектот - велат високи дипломатски извори.

Бугарија не може да определи за колкаво количество струја е заинтересирана Република Македонија, ниту пак со колку финансиски средства сака да партиципира во проектот. Секоја држава посебно ќе си ги направи пресметките, велат нашите извори.

Што се однесува до финансиската конструкција на проектот „Белене“, таа е затворена уште минатиот месец.

Во документот до кој &схѕ;дојде „Но&схѕ;ва Македонија“ стои дека најдоцна до 15 септември бил одобрен и последниот пакет од техничкиот проект, со што практично се затвора финансиската конструкција на „Белене“.

Дали Македонија ќе може дополнително да се вклучи ќе зависи од добрата волја на стратегиските инвеститори, велат нашите извори.

Дознаваме дека просечната цена на електроенергија што ќе се произведува во „Белене“ ќе изнесувала помеѓу 3,5 и 4 евроценти за киловат-час. Според експертите, шансата на Македонија за вклучување во проектот „Белене“ може да се бара единствено кај германскиот инвеститор РВЕ и белгиски „Електрабел“, кои контролираат 49 проценти од сопственичкиот пакет. Германската РВЕ учествуваше и на тендерот за Чебрен и за Галиште, што може да ѝ даде на Владата дополнителен маневарски простор за евентуално наше вклучување во „Белене“, сметаат експертите.

Според академикот Томе Бошевски, за инвестицијата во „Белене“ воопшто и не треба да се двоумиме, зашто ако сега не се вклучиме, подоцна од неа ќе купуваме струја и ќе ја плаќаме по баснословни цени.

За Владата, пак, инвестирањето во сопствени производствени капацитети е поисплатливо од аспект на пораст на економијата и отворање нови работни места.

Во весникот „Фајненшл тајмс“ беше објавен тендерот за проектот „Вардарска долина“, кој предвидува изградба на 12 хидроцентрали со вкупна инсталирана моќ од 320 мегавати и со просечно годишно производство на електрична енергија од 1.000 гигават-часа. Хидроцентралите ќе се градат по текот на реката Вардар, од Велес до Гевгелија.

Станува збор за еден од најголемите проекти во Македонија во енергетскиот сектор, чија вредност се проценува на 1,2 милијарда евра.

http://novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=234&ArticleID=11444

Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #13 Posted: 16-Dec-2008 at 23:27
Иако овој проект нема да се гради на територијата на Република Македонија, мислам дека ваков исклучително грандиозен проект во кој нашата земја би можела да земе учество си заслужува своја одвоена нишка. Прво би презсентирал некои информации околу местоположбата на НЕЦ Белене и оквирите на проектот.
Градот Белене се наоѓа на брегот на река Дунав, на самата Бугарско-Романска граница,  220км северно од Софија и околу 450 км северо-источно од Скопје.



Проектот датира од 1981 година и е проектирана од „Атоменергопроект“ — Киев и „Енергопроект“ — Софија. Првобитниот план бил за изградба на 4 блока но заради распадот на комунизмот, проектот е корегиран и сегашната НЕЦ Белене ќе има 2 реактора.
Првобитниот проект и сегашниот:




Во 1987 проектот е официјално започнат и до 1990 година е завршена 40% од работата на 1ви блок и е доставена 80% од техниката неопходна за него. Во 1990 година проектот е замрзнат и се извршуваат само конзерваторски работи.





Сгашен статус на НЕЦ Белене:

Централата треба да се состои од два реактора од руско производство VVER-1000/446 (Водо-водяной энергетический реактор) или Водно-воден енергетски реактор. Овој тип на реактори покрај во многу источни земји се употребува и во Финска, Од ЕУ и Западот се прифатени како тотално безбедни, последна, 3та генерација на нуклеарни реактори.
Изградбата на теренот практички е започната (демонтирање на старите конструкции и подготвување на теренот). Во март 2008, НЕК (Национална Енергетическа Компанија) го избра RWE за стратшки инвеститор кој треба да инвестира 2.8 милијарди евра и со тоа да поседува 49% од проектот вреден вкупно 6 милијарди евра.
Реалната изградба на Блок 1ви треба да почне во Март 2009 и да заврши во Декември 2013.
Реалната изградва на Блок 2ри треба да почне во Март 2010 и да заврши во Јуни 2014.



Република Македонија во овој проект:

Покрај константниот пораст на конзумација на електрична енергија во Македонија, речиси 20 години немаме капитална инвестиција во Ел-Ен систем на земјава(ако ја исклучиме ХЕЦ Козјак и ХЕЦ МАТКА 2).

АРГУМЕНТИ ЗА ПРОЕКТОВ:
- Нек Белене нема да се наоѓа на наша територија, туку на територијата на друга земја. Тоа ни заштедува ред работа како нпр: избор на локација за НЕК кој мора да биде покрај голема река за да може да се ладат разладните кули на реакторите. Избор на фирма градител и партнер во овој проект. Сите знаеме колку спори и неуспешни се тендерите за капиталните инвестиции.
- Бугарија е земја со традиција во доменот на нуклеарната енергетика за разлика од Македонија. Тоа ни заштедува образование на неколку илјаден висококвалификуван кадар кој би ја опслужувал евентуално нашата НЕЦ. Таква образовна институција кај нас колку што знам нема.
-Би се користел Бугарски уран. Со тоа се покрива прашањето за суровини за централата.
-Јадрените одпадоци би се одвезувале во веќе постоечкиот склад на Прва Атомна Електрана Козлодуј, П. Бугарија. Решено прашање за нас.
-Реакторите од 3то поколение се докажано безбени. Тестовите не направени за евентуални пожари, земјотреси, терористички напади, па дури и удар на авион.
-Централата ќе биде далеку од нашата земја. Евентуална хаварија би се одразила послабо.
-Со влезот на Македонија во ЕУ, на земјава ќе и бидат доделени т.н. СО2 квоти. Секое повишување на истите, ќе резултира со плаќање на пенали во Брисел. Сите знаеме дека нуклеарните централи се многу почисти од ТЕЦ (на јаглен или мазут) и ГЕЦ.
-Децениско затворање на прашањето за електрична енергија на Македонија.

АРГУМЕНТИ ПРОТИВ:
-
Самата централа нема да биде на наша територија, што и дава на Бугарија чекор напред. При влошување на односите меѓу двете земји, може да ни се запре или опструира дотокот на ел. ен.
-Еколошките аспекти околу безбедноста на проектот и неговите еколошки последици. (Овие прашања се подигнати од еколошки организации и се демантирани од страна на Европската Комисија и ИАЕА).
-Економската исплатливост на проектот и евентуално подоброто искористување на истите пари во наша НЕЦ.


Мислам дека Македонија безрезервно треба да се уклучи активно во проектов. За мене аргументи од типот на Ќе ни ја секнат струјата, не држат затоа што тие договори се регулирани од меѓународни организации и се директно под нивен надзор. На овој принцип Словенија и Хрватска ја делат НЕК Кршко која се наоѓана територијата на Словенија и засега нема поголеми проблеми. Вие што мислите околу ова?
Cheers
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #14 Posted: 16-Dec-2008 at 23:40
Одличен пост Андреј Thumbs%20Up

Го делам мислењето дека доколку учествуваме во Белене, опасноста да извисиме во евентуални периоди на влошени односи е практично занемарлива.

Белене дефинитивно звучи примамливо. Треба само да се направи студија дали имаме поисплатливи алтернативи за да ги вложиме парите дома. Но за жал немаме многу време за размислување и премислување... Анализите требало да се прават порано. Сега ми се чини дека ќе треба да донесеме одлука во цајтнот.
Back to Top
Б.Ѓ.Т View Drop Down
Senior Member
Senior Member
Avatar

Joined: 15-Nov-2008
Location: skopje
Online Status: Offline
Posts: 311
  Quote Б.Ѓ.Т Quote  Post ReplyReply #15 Posted: 16-Dec-2008 at 23:42
super informacija... i se slagam so toa deka treba da se vkluci i makedonija vo proektov. a toa sto izjavile deka e super sto nema da bide kaj nas vo "argumenti za proektot" so nekoj do negde se slozuvam, posebno so delot deka se spori i neuspeshni tenderite kaj nas...
a toa so obrazovanieto,sram da mu e na toj sto go kazal toa,ke se napraelo takov smer ke se obrazovale luge i ke sme imale strucen kadar moze ke potraelo ama ke se isplatelo.
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #16 Posted: 16-Dec-2008 at 23:57
Јас сум го кажал тоа...LOL И не се срамам и сеуште држам на тоа. Прво во Скопје, Физика е само отсек од Природно-Математички Факултет, а нуклеарна физика е само смер. Немаме ни посебен Факултетза Физика. Немаме нити кадар, нити финансии нити техника нити простории за производство на 1000 високо образовани луѓе и тоа само за неколку години. Да не забораваме дека нашиот проблем со недостигот на ел. енергија е УРГЕНТЕН. Нема време сега ние за да речеме 5 години се од 0 да почнеме. Бугарија има 2 огромни центри за таа област во Софија и Козлодуј, кои се со традиција и огромна помош од Русија во сите аспекти. Евентуално можеме да испратиме наши студенти на школување таму кои би работеле во заедничката НЕЦ Белене. 
Back to Top
Б.Ѓ.Т View Drop Down
Senior Member
Senior Member
Avatar

Joined: 15-Nov-2008
Location: skopje
Online Status: Offline
Posts: 311
  Quote Б.Ѓ.Т Quote  Post ReplyReply #17 Posted: 17-Dec-2008 at 01:25
Originally posted by Andrej_LJ

Јас сум го кажал тоа...LOL

ja pa mislev od negde ti e izvadeno,nekoj milenja od nekojsi...a ako e od tebe pishano togaash dobro,ne mislev togash takaLaugh mala shala.

Прво во Скопје, Физика е само отсек од Природно-Математички Факултет, а нуклеарна физика е само смер. Немаме ни посебен Факултет за Физика.Немаме нити кадар, нити финансии нити техника нити простории за производство на 1000 високо образовани луѓе и тоа само за неколку години.


znam deka nemame poseben fakultet za fizika, a za da se izvadi strucen kadar ne se potrebni bogzna kolku finansii,tehnika i prostorija ke se najde i za toa ne e problem, moze malce vremenski ke se izgubi,ke vlozish vo nehto ama posle dobivash.mesto da plakas posle nekoj inzinjer od stranstvo za tie raboti sto ke te koshta duplo poskapo za nekakvo mislenje da ti kaze,ke go imash doma,zasto pa vo bugarija da se skoluvaat koga moze tuka,pa posle da gi pratime da rabotat vo NEC belane.

Да не забораваме дека нашиот проблем со недостигот на ел. енергија е УРГЕНТЕН.


 znam deka e urgenten,i pisav i deka treba da se vkluci makedonija vo proektot  a se drugo sto pisav e  vo odnos na ARGUMENTITE ZA PROEKTOT.
a sea veke koga si se gradi vo bugarija,neka ucestvuvaat nashite tamo,toa e odlicna prilika za nas i za opravuvanje na krizata od el.energija kaj nas.


Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #18 Posted: 17-Dec-2008 at 11:42
Прекрасен пост на Андреј. Македонија под итно треба да земе учество во изградбата на Белене. Сепак, мислам дека размислите за изградба на нуклеарна централа во Македонија ни се мегаломански и опасни. Не се работи само за стручниот кадар, проблем се и средствата, немањето на доволни количини вода за ладење на реакторот, еколошкиот фактор тука е најбитен. Производството на струја ќе го надополниме со изградба на други објекти. Искрено како се грижиме за термоелектраната во Битола и Осломеј, имам голем страв од можноста за хаварија на таа нуклеарна централа во Македонија.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #19 Posted: 17-Dec-2008 at 13:45
Јас не сум толку сигурен дека Бугарија (или било која друга земја) не би можела да ја злоупотреби положбата каде има еден заеднички енергетски капацитет со друга земја на своја територија. Но ако се стават на кантар сите аргументи ЗА и ПРОТИВ кои Андреј навистина убаво ги документираше дефинитивно превагнувам кон опцијата ЗА изградба.

Ние немаме опција да сме енергетски независни во ситуација кога и оние ресурси кои ги имаме ги нема во изобилство ниту пак се поволни од многу аспекти а пак сме земја во развој чија потрошувачка на енергија во перспектива многукратно ќе се зголеми. Дури и со разните ТЕ ТО централи кои се градат или планираат да се изградат неможе да сме сигурни дека енергенсот од кој тие централи зависат секогаш ќе го имаме на тацна

Така да лично сметам дека дефинитивно треба да сме исклучително заинтересирани за овој проект што повеќе пребаше да бидеме заинтересирани од многу порано. .

Воопшто не би се сложил дека создавање на кадар не кошта БЃТ. Напротив образование (квалитетно а не ради реда) е е многу скапа работа што се докажува и со состојбата на образованите во Македонија денеска воопшто.

Исто така... Луѓе ние сме мала земја и не може да имаме квалификуван кадар во сите бранши од земјоделие до ракетна технологија. Акцентот треба да биде на неколку клучни сектора не повеќе. Мал оф топик но морав да кажам.


Edited by pbanks - 17-Dec-2008 at 14:14
Back to Top
Б.Ѓ.Т View Drop Down
Senior Member
Senior Member
Avatar

Joined: 15-Nov-2008
Location: skopje
Online Status: Offline
Posts: 311
  Quote Б.Ѓ.Т Quote  Post ReplyReply #20 Posted: 17-Dec-2008 at 17:52
ne ste me svatile sto sakam da kazam so toa ama nema veze,muabetot mi bese deka ne se nisto tie finansii vo sporedba so toa sto ke pridonese posle toj kadar.i toa e mnogu tocno deka nemozeme da imame kvalifikuvan kadar od site branshi,nemame potreba...ama koga bi imale zasto da ne go sozdademe.
Back to Top
 Post Reply Post Reply Page  123 18>

Forum Jump Forum Permissions View Drop Down



This page was generated in 0.164 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.