build.mk Homepage
Forum Home Forum Home > Главни теми > Инфраструктура > Железници
  Active Topics Active Topics
  FAQ FAQ  Forum Search   Register Register  Login Login

Железничка врска до аеродром Скопје

Bookmark and Share
 Post Reply Post Reply Page  <1 3456>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #81 Posted: 09-Oct-2020 at 13:03
од фб

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #82 Posted: 18-Feb-2021 at 18:25
Железница работи на идејно решение за пругата што ќе се гради до Меѓународниот аеродром Скопје

Јавното претпријатие за железничка инфраструктура Железници на РСМ во моментов изработува идејно решение за изградба на нов железнички крак од постојната пруга Скопје-Куманово до Меѓународниот аеродром Скопје, информираше директорот на ова претпријатие Хари Локвенец во гостувањето во „Утрински брифинг“ на „Слободна ТВ“. Директорот на Железници-Инфраструктура очекува дека изградбата на овој железнички крак може да се заокружи во 2023 година.

Во меѓувреме, „Мета.мк“ од крајот на јануари до денес во три наврати постави прашања, но не доби одговор од Министерството за транспорт и врски до каде е постапката за добивање одговор од Делегацијата на Европската Унија во однос на поднесениот инвестиционен план за изработка на Студија за изградба на железничкиот крак до аеродромот, која е планирано да се финансира со средства од новата ИПА III програма на ЕУ.

Имено, изработката на консултантската и проектната документација треба да следи откако воведувањето на аеродромскиот воз влезе како проект во Програмата за работа на Владата за периодот 2020-2024 година, а претходно проектот беше вклучен и во Националната транспортна стратегија за периодот 2018-2030 година. Меѓу другото, со овие документи треба да се утврди финалната траса по која ќе се гради железничкиот крак и економската оправданост за неговата реализација.

Постојат две опции за изградба на железничкиот крак до Меѓународниот аеродром Скопје: првата почнува од железничката станица Илинден, а втората траса од железничка станица Миладиновци до идната станица на аеродромот. Првичната проценка изнесена во Националната транспортна стратегија на земјава е дека проектот ќе чини 30 милиони евра, којшто ќе ја опфати изградбата на железничкиот крак и идната станица на аеродромот.

„Мета.мк“ во неколку наврати во изминативе две години пишуваше за предностите од воведувањето на аеродромскиот воз. Од Транспортниот центар во центарот на Скопје до аеродромот би се стигнувало два пати побрзо, со билет што би бил четири пати поевтин, а со возот би можело да се превезат пет пати повеќе патници. Воедно, овој воз би можеле да го користат и жителите од општините Илинден, Миладиновци и Гази Баба во рамките на идејата за воспоставување на градско-приградска железница во Скопје.

Идниот железнички крак до Меѓународниот аеродром Скопје би можело да се користи и за застанување на патничките возови меѓу Скопје и Куманово, која е втора по големина општина во земјава.

https://meta.mk/zheleznicza-raboti-na-idejno-reshenie-za-prugata-shto-kje-se-gradi-do-megjunarodniot-aerodrom-skopje/
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #83 Posted: 18-Feb-2021 at 20:12
Originally posted by stef4o

од фб




Што е ова побогу? Кој го постирал ова на ФБ?


Ова е железничка врска до Мралино, а не до аеродромот. Од патничкиот терминал до оваа пруга има 2 километри, под услов да направат пешачки премин преку пистата ( ), инаку е многу подолго. Ако е ова вистина, тогаш овој проект влегува во категоријата „подобро воопшто да не се реализира“.


Станица треба да има буквално пред терминалната зграда, по ова прашање нема простор за „инвентивност“. Единствена легитимна дилема е дали кракот за аеродромот ќе се двои кај Илинден или кај Миладиновци (второво би идело со изградба на нова станица Миладиновци, а затворање на старата).




Edited by Cloverstack - 18-Feb-2021 at 20:14
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #84 Posted: 18-Feb-2021 at 20:58
Картава е од СХС
Градот убав никна, но го откорнаа
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #85 Posted: 18-Feb-2021 at 21:05
Кога ќе го видам ова "~" место "ч", знам дека мора да е инволвиран некој екстремен глупак што сеуште користи фонтови наместо да користи поддршка како цел нормален свет, или па е некој документ ископан од мувла. Инаку ова што е на сликата е најглупавата можна врска по сите параматери што би се додала во железничката мрежа на Скопско поле. Мислам дека можно е причина да било некаква надморската висина, зашто аеродромот е блиску до пругата но пругата е некако повисоко од аеродромот и незнам дали може тоа да се надомести на кратка дистанца, зашто не би можело.

Едниствено логично би било да се додаде во големата слика една ваква врска која попатно би се искористила и за други поврзувања како на пример: Индустриска Зона Бунарџик, Индустриска Зона Чојлија, населба Петровец како најголемо населено место тамо, потоа поврзување на селото Огњанци со Зелениково преку комбиниран железничко-патен мост со што се добива патна врска која сега насушно му треба на селото и на земјоделците од скопско поле. И кога на една линија, пандан на S-Bahn, би ги имале сите вработени од Бунарџик за кои сега имаат посебни патнички комбиња и минибуси организирани од секоја фирма посебно, потоа иде Миладиновци, Петровец, Драчево, Зелениково, Лисиче. Значи кога на една линија кружна во двата правци, би ги имале практично неколкуте најголеми населени места во Скопко Поле, тогаш воопшто и не е проблем на пола саат да има воз и аеродромот да биде само една попатна станица.



Edited by user8642 - 18-Feb-2021 at 21:12
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #86 Posted: 18-Feb-2021 at 21:09

Originally posted by Staro Skopje

Картава е од СХС


Картата да, ама со оглед на латиницата во легендата, каде има ` наместо Ж овој „Претпроект“ е од дигитално доба. Затоа прашав кој го постирал на ФБ, дали е ова обична или институционална глупост.



Edited by Cloverstack - 18-Feb-2021 at 21:10
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #87 Posted: 18-Feb-2021 at 22:10
Originally posted by Cloverstack


Originally posted by Staro Skopje

Картава е од СХС


Картата да, ама со оглед на латиницата во легендата, каде има ` наместо Ж овој „Претпроект“ е од дигитално доба. Затоа прашав кој го постирал на ФБ, дали е ова обична или институционална глупост.



Обична глупост е неможам точно да се сетам од каде налетав на картава сум копирал набрзина па не сум ставил линк.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #88 Posted: 19-Feb-2021 at 02:41


Ај малку математика. Бројките што ќе ги земам се од 2019, бидејќи поради пандемијата бројките од 2020 не се воопшто релевантни во случајов.

2019г. Скопски аердром - вкупно патници: 2.360.000
2019г. МЖ - вкупно патници: 549.000

Од тие 2.360.000 за аеродромот, комотно 1 милион може да земе железницата. И да не заборавиме дека бројот на патници на аеродромот беше во континуиран и силен раст. Ако за 2-3 години се оствари железничкото поврзување со аеродромот, до тогаш последиците од пандемијата ќе се зад нас, па би можеле да сметаме и на продолжување на растот на патници на аеродромот.

Но еве да одиме со стартна бројка од 1 милион. Тоа се во просек 2.740 патници дневно. Ако земеме дека возовите би се обраќале 16 часа во денот, тоа се во просек 172 патници секој час. Ова е не само добра, туку е фантастична основа да се воспостави линија која ќе привлече уште многу дополнителни патници, односно да функционира како приградска железница. Како таква ќе има услови за фреквенција на возовите на секои 30 минути (па и почесто обраќање во шпицовите). Со оглед дека линијата се движи по една оска долж која има солиден проток на луѓе, а ќе може да понуди добра фреквенција, брзина и квалитет, мислам дека комотно може да се рачуна на барем 50% дополнителни патници плус аеродромските (во просек 86 патници на час, што би ја користеле како приградска железница). Веќе зборуваме за вкупно барем 1,5 милиони патници годишно, што е скоро 3 пати повеќе од бројот на патници што го превезла МЖ во 2019 на сите други линии!

Значи, еве конзервативни бројки за линија С1 (или како сакате крстете ја) во 2024:

- 1.500.000 патници годишно
- просечно 4.128 патници дневно
- просечно 258 патници на час (16 часа дневно)


Како кратка и релативно „густа“ линија, и фактот што патниците до аеродромот во најголем дел ќе плаќаат попрофитабилни еднократни билети, оваа линија има услови да биде исклучително исплатлива и да послужи како финансиска, логистичка и репутациска отскочна даска за препород на патничкиот сообраќај на МЖ. Да се потсетиме дека во 1985 МЖ (во тоа време JЖ ЖТП Скопје) има превезено 7 милиони патници! Дури и пред само 10 години бројката на патници беше 1,5 милион. Потенцијал за патничкиот железнички сообраќај дефинитивно има, а поврзувањето на аеродромот и добро менаџирање со линијата можат да го почнат пресвртот.

И сето ова што го кажав е само од аспект на економска исплатливост за операторот. А дополнително е што придобивките за патниците што ќе ја користат се огромни. Зголемувањето на мобилноста на населението со оваа линија сигурно ќе има многу поголеми вкупни економски ефекти.

За сето ова да почне базично да функционира е потребно да се изгради некоја смешна должина на пруга, да се изгради една нова станица, и да се набават две адекватни електрични патнички гарнитури (2 гарнитури за да може возовите да се обраќаат секои 30 минути). Понатака може да се реконструираат станици и евентуално да се доградат нови, може да се подигнат стандардите и брзината на пругата (оваа делница секако е од огромна важност и ја користат други возови), да се докупи 1-2 гарнитура ако треба за уште поголема фреквенција и за резерва... Но сега е важно да почне да функционира што побрзо, а за надградби ќе размислуваме понатака.



Еве нацртав мапа како би изгледала варијантата со вклучување на Миладиновци. Со светло црвено се постоечката пруга и станици, а со темно црвено е тоа што треба да се догради. Со прашалник се потенцијални идни станици за кои се двоумам.

- Скопје Главна станица (постоечка)

- Ск Ќерамидница (можеби?). Примарно би ги покривала: Ќерамидница, Индустриска зона Исток, Автокоманда, станбениот и деловниот сегмент на Skopje East Gate. Би рекол дека оваа станица не особено потребна од аспект на приградска железница, но во зависност од тоа како долгорочно ќе бидат решени некои работи во јавниот превоз во Скопје, може да стои како опција.

- Ск Маџари (постоечка)

- Илинден (постоечка)

- Јака (можеби?). Примарно би ги покривала Бунарџик зоните, Бунарџик селото, Марино, новата населба Јака. Оваа станица ја имам ставено со прашалник, затоа што прво треба да се најде добро решение за да можат да ја користат Бунарџик зоните, или барем населбата Јака да се згустне повеќе. За зоните Бунарџик минимум што ќе треба е пешачки мост преку автопатот, за станицата да стане корисна за вработените во Ван Хол и околните фабрики, ама што станува со фабриките што се 2-3 километри подалеку? Во секој случај постојат можности станицата да биде корисна за целата зона, дали со средства за микромобилност, дали со некој модел на интерен систем на превоз во зоните... Ама во моментов може да се скокне оваа станица, по истата логика дека сега е важно линијата да почне да функционира што побрзо, а надградби може понатака.

- Миладиновци Нова (да се изгради). Ако се избере траса за пругата што ќе се двои кај Миладиновци, ќе биде добар момент на тој нов сегмент успат да се направи и станица кај Селото (бидејќи постоечката станица не може да се вклопи во линијата).

- Аеродром Скопје (да се изгради). За почеток не мора да биде ништо особено, доволно е најобична платформа и базично покривање. Понатака може да ја разубавуаме, да ја надградуваме, да ја денивелираме... Но сега е важно што побрзо да почне да носи патници од/до аеродромот.






Edited by Cloverstack - 19-Feb-2021 at 03:17
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #89 Posted: 19-Feb-2021 at 03:10
По твоиве бројки ако се точни, а нема зашто да се сомневаме во претпоставките, дури има и математика за приватна железничка линија. Конечно имаме простор (рентабилност) дури и за приватен оператор. Како држава треба да изградиме само километар-два пруга. Па ваљда до толку можеме.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #90 Posted: 19-Feb-2021 at 09:36



Статистичките бројки се тие, нив ги имам само преземено, а за моите претпоставки и за проекциите секако може да дебатираме.

Но прееска испуштив да спомнам три групи на потенцијални патници, кои би ја направиле оваа линија уште порентабилна и покорисна. Особено првата група е голема маса на луѓе:

1. Оние што испраќаат или пречекуваат патници на аеродромот.

2. Вработени на аеродромот и сите пропратни служби и сервиси таму.

3. АРМ има голема база на аеродромот.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #91 Posted: 19-Feb-2021 at 12:09
Железницата би била корисна и за ИЗ Ќојлија; таму и во Бунарџик може да има минибуси.

Може пругата да се продолжи уште некој километар за да го покрие и Петровец.
Градот убав никна, но го откорнаа
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #92 Posted: 19-Feb-2021 at 13:14
Морам да кажам дека имам екстензивно искуство со патување од и до многу светски аеродроми (со секое можно превозно средство), и моето гледиште е следново:

Пругата кон аеродромот ќе биде ефикасна само доколку се воведе вистинска приградска железница во Скопје. Да образложам:

Мојата замисла, според примери од неколку светски градови, е рутата кон аеродромот едноставно да биде едно продолжение на некоја од приградските линии, а не линија сама по себе од скопската железничка до аеродромот. Што точно мислам, и зошто?

Ете на пример, линија 1 на скопската приградска железница може да биде Тетово-Скопје-Куманово (со минорни постојки), додека пак линија 1А да биде Тетово-Скопје-Куманово (пак со минорни постојки, ама преку аеродромот). Ако линија 1 има поаѓања на секои 30 минути, линијата 1А нека има поаѓања на секој час. Или ете линија 1 на секои 45 минути, линија 1А на секој час и половина (двојно помала фреквенција).
Слично, линија 2 нека биде Велес-Скопје, а линија 2А нека биде Велес-Скопје (преку аеродромот).

Е сега очигледно дека возот кој ќе продолжува кон аеродромот би застанувал и на скопската централна железничка станица за да ги опслужува луѓето кои живеат во централното подрачје на Скопје, но:

1. Некој да фаќа такси (или градско/приградски автобус) од Сарај, Скопје Север, Ѓорче Петров или пак Драчево за да стигне до централната железничка станица е глупава и нефункционална идеја, и на крајот веројатно пак ќе оди со автомобил (ќе побара пријател) или ќе си фати нелегално такси.

2. За целосна интеграција на железничкиот сообраќај во државава, може да следиме еден пример од соседството (Атина). Имено, не мора (и не треба) секој воз од Битола и Прилеп, или Кичево и Тетово, или Кочани и Штип да пристигнува на централната железничка станица во Скопје, па оттаму луѓето да се прекачуваат на приградски воз кон аеродромот. Може да се изгради еден јазол во Миладиновци или Илинден (па нека биде и Велес, но не одговара за линиите од Куманово и Тетово), каде линиите кои доаѓаат од внатрешноста ќе се вкрстуваат (синхронизирано) и луѓето ќе можат да се прекачуваат (или кон аеродромот, или пример кон Куманово/Србија) без да се трошат дополнителни 15-20 минути да се влезе во Скопје, и после уште 15-20 да се излезе од Скопје.

Значи не мора некој од Куманово, Битола или Велес да влегува во Скопје па да фаќа воз кон аеродромот. Со еден поголем централен јазол (не мора да е кој знае каква станица, и онака би се чекало 5-10 минути за следниот воз) би се решиле многу вкрстувања и би се забрзало времето на патување.

Верувам дека мојата идеја е најоптимална за иднината на железничкиот сообраќај во Скопје па и во државата.
Arguing on the internet is like running at the special olympics. Even if you win, you're still retarded.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #93 Posted: 19-Feb-2021 at 16:29
Да, треба да се размислува и за поврзување на аеродромот со другите градови, можеби и Приштина и Ниш, но фреквенцијата на возови би била далеку помала отколку кај приградска железница.

Тетово-Аеродром може да оди и преку центарот на градот, доколку некако некогаш се врати пругата низ Тафталиџе и Хром.
Градот убав никна, но го откорнаа
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #94 Posted: 19-Feb-2021 at 17:49


Originally posted by гитардемон

Ете на пример, линија 1 на скопската приградска железница може да биде Тетово-Скопје-Куманово (со минорни постојки), додека пак линија 1А да биде Тетово-Скопје-Куманово (пак со минорни постојки, ама преку аеродромот). Ако линија 1 има поаѓања на секои 30 минути, линијата 1А нека има поаѓања на секој час. Или ете линија 1 на секои 45 минути, линија 1А на секој час и половина (двојно помала фреквенција).
Слично, линија 2 нека биде Велес-Скопје, а линија 2А нека биде Велес-Скопје (преку аеродромот).

Сето ова е во ред, ама за нешто вакво треба огромна стартна инвестиција и долго време за реализација. Плус има ред други проблеми што стојат на патот.

Да, Куманово, Тетово и Велес дефинитивно треба да се квалитетно врзани со Скопје со чести железнички поаѓања, на таа агломерација требаше одамна да почнеме плански да работиме. Но тоа е голема и комплицирана тема. Реалноста во моментов е таква што нема речиси никакви предуслови и надежи.

За приградската линија до Аеродромот ситуацијата е сосема спротивна:
- треба многу малку вложување
- може многу брзо да се реализира
- ризикот е практично непостоечки

А оваа линија ги има сите услови сама по себе да е исклучително рентабилна. Баш затоа погоре пишав дека линијата може да биде финансиска, логистичка и репутациска отскочна даска за препород на патничкиот сообраќај на МЖ. Ширење на приградската железница и подигнување на стандардите би се надоврзале природно врз аеродромската линија како добар темел.



Originally posted by гитардемон

1. Некој да фаќа такси (или градско/приградски автобус) од Сарај, Скопје Север, Ѓорче Петров или пак Драчево за да стигне до централната железничка станица е глупава и нефункционална идеја, и на крајот веројатно пак ќе оди со автомобил (ќе побара пријател) или ќе си фати нелегално такси.
Не е баш така, транспортниот центар и со сегашниот мизерен јавен превоз е пристојно достапен за најголем дел на Скопје. Од лично искуство и од искуство на мои роднини и познаници, во огромен процент би се користел возот ако постоеше, макар и како таква изолирана опција. А и многупати ќе ме поштедеше од возење до аеродром и изигравање таксист за другар, за стрина, за балдаза и слично

Но поважно, не треба да се врзуваме само со постојната состојба на јавниот превоз. Полека се тркалаат подготовки за БРТ систем, за месец-два треба да го претстават идејниот проект. Со БРТ системот и линиите што би го хранеле, пристапноста на Транспортниот центар ќе биде на многу високо ниво.

А не треба да се заборави и меѓуградската автобуска станица која е во склоп на транспортниот центар. Сигурно има незанемарлив број на патници што во Скопје би доаѓале со меѓуградски автобус и одма би се прекачувале на приградската линија кон аеродромот.

Се согласувам со тебе дека е потребен посеопфатен систем на приградски линии и создавање на агломерација на Скопје со трите поголеми градови околу него и населените места во тој триаголник (вкупно околу милион луѓе). Но толку голем чекор напред во моментов не е реалистично сценарио. Аеродромската линија е таа што би го пробила мразот, па да може понатаму да се надоградува системот.


Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #95 Posted: 08-May-2021 at 23:34
Врскава би била уште попрофитабилна ако се продолжи уште ~3km до село Петровец. Директно би опслужувала дополнителни 3,500 жители од с. Петровец и с. 'Ржаничино, а со собирни автобуски линии уште 5,500 од остатокот од о. Петровец. Инвестицијата би била со прифатлива цена за наши услови, а огромна корист.

Во иднина, со успех на приградската железница, пругата може да се продолжи до Трубарево каде би се споила со постоечката мрежа и би била од корист на уште 9,000 луѓе.
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #96 Posted: 17-Nov-2021 at 16:45
Век и половина Македонски железници: До крајот на 2023 година пруга до скопскиот аеродром

По повод одбележувањето на 150 години од основањето на Македонските железници во далечната 1873 година, Јавното претпријатие за железничка инфраструктура Железници на РСМ планира до крајот на 2023 година да ја заврши изградбата на пругата од железничката станица Илинден до Меѓународниот аеродром Скопје. На тој начин, Скопје ќе добие аеродромски воз што би сообраќал од Транспортниот центар до аеродромот.

Директорот на ЈП за железничка инфраструктура Хари Локвенец за Мета.мк информира дека во моментов работат на изработка на проектната задача што следи пред изготвување на физибилити студијата за идната пруга што ќе биде долга 8 километри. Локвенец појаснува дека токму физибилити студијата ќе даде податоци за оправданоста за реализација на проектот, но и неговата прецизна финансиска вредност.

„Нашите очекувања се дека до крајот на 2022 или почетокот на 2023 година би требало да се почне со градежните работи на терен и да се заврши во рок од една година“, истакнува директорот Локвенец.

Тој додава дека лесниот терен на којшто ќе се гради пругата ќе овозможи експедитивно завршување на изведбата на овој проект.

Пред почетокот на изградбата на пругата, во период од шест месеци би траела изработката на физибилити студијата и проектната документација за планираната железничка инфраструктура. Дополнителни шест месеци ќе се потребни за реализација на тендерската процедура за избор на компанија-изведувач што ќе ја гради оваа пруга.

Директорот Хари Локвенец појаснува дека реални се очекувањата да се обезбедат средства за проектот преку апликација до Европската банка за обнова и развој (ЕБОР), и тоа дури и од веќе постоечки кредитни линии во зависност од слободните средства што стојат на располагање кај нив.

Во однос на возниот парк што би се користел за одржувањето на аеродромскиот воз, Локвенец појаснува дека тоа е прашање за Железници на РСМ-Транспорт, но тој смета ќе треба да се обезбедат посебни превозни средства само за оваа линија, со предвидлив и оптимизиран капацитет, кои ќе одговараат на потребите на Меѓународниот аеродром Скопје.

Инаку, според Националната транспортна стратегија за периодот 2018 – 2030 година, воведувањето на аеродромскиот воз е проектирано дека ќе чини 30 милиони евра. Овие средства би биле потребни да се изгради пругата, железничката станица во близина на аеродромската зграда, како и да се набават нови возови за одржување на релацијата.

Мета.мк“ во изминатиов период во неколку наврати пишуваше дека воведувањето на оваа железничка линија би им овозможила на граѓаните да патуваат до скопскиот аеродром двојно побрзо и за три до четири пати поевтино во споредба со актуелната автобуска линија. Воедно, аеродромскиот воз би можел да се користи и од локалното население и граѓаните кои работат во Илинден и околните населени места и индустриски зони, а коишто секојдневно патуваат од и кон центарот на Скопје.

https://meta.mk/vek-i-polovina-makedonski-zheleznici-do-krajot-na-2023-godina-pruga-do-skopskiot-aerodrom
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #97 Posted: 17-Nov-2021 at 18:14
Ova e golem zafat. Ne e samo postavuvanje sini od aerodromot do postoeckata sinska mreza. Treba da se izgradat nekolku stanici, aurodromskata stanica mora da bide integrirana so terminalnata zgrada pa duri togas da se analizira dali povrzuvanjeto da bide regionalno ili gradsko. Potrebni se i novi vozovi koi ke gi nadminat kinestite vo sekoj pogled.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #98 Posted: 17-Nov-2021 at 20:06
Колку само нема да се направи ова
Back to Top
The Wild Boy View Drop Down
Senior Member
Senior Member
Avatar

Joined: 19-Jan-2020
Online Status: Offline
Posts: 491
  Quote The Wild Boy Quote  Post ReplyReply #99 Posted: 17-Nov-2021 at 20:54
Ајдеее едно 40 годишно ветување, па за 3 години од сега демек ќе поминат со магично стапче и ќе биде се како што треба... џабе веќе се обидуваат, мислат дека ќе им поверува некој. Железницата е подолги години веќе ирелевантна, ќе им треба доста време да ја вратат довербата во народот. Дури и ако почнат со градба на железничката линија до Аеродромот, ќе треба доста време да се достигне оној посакан резултат. До сега да имавме доста шанси, и голем потенцијал овие 40 години нешто да биде од Железницата, барем во главниот град ама ништо. Се додека имаме политичари, министри и директори на чело кои што се без мозок, кои што немаат јасна стратегија и пристап а гледаат само да се награбаат пари, нема ништо да биде како што треба.

Прво јас би ги тргнал сите партиски вработени, сите оние приврзаници со политичките партии, и би ставил некој кој што ќе има некакво познавање во тоа што ќе треба да го менаџира и некој кој што со срце ќе си ја сака работата.

И би го вратил тоа претпријатие кое што беше укинато во 2007, да се вратат луѓето да ги оддржуваат пругите.

Ако веќе целиме да градиме железничка линија до аеродромот, тогаш треба да целиме и на имплементирање на градско - приградска железница.

Сигурно нема овие "трупци" само една линија да изградат директ од Железничката Станица до Аеродромот без никакви попатни станици... нема ништо да ме зачуди во овој случај.

Ако можат тие Горбачов GWR возови да се поправат и да се вратат во функција, би биле добра корист за линија до Аеродромот.

Cloverstack направи една добра калкулација и анализа. Буквално не треба ништо многу (помалце од едно 100 милиони евра) да се инвестира да се оправат железничките "чворови", да се реновираат и сменат пругите, да се електрифицира каде што треба, да се дуплираат пругите каде што треба (делот кај железара према бутел и ѓорче петров е веќе пруга со двоен колосек, ама не е двоен бидејки тоа функционира како две разделени линии, треба да се изменат скретниците таму да се направи возовите да одат во две насоки, со по една во секоја пруга), да се направат некакви си мали прости железнички станици, да се реновираат веќепостоечките и тоа е тоа. Буквално тоа е тоа што треба, за да можат Македонски Железници да почнат да заработуваат и одат во профит. Решението ни е пред нос, ама очигледно нашиве политичари се решени да ги докусурат Македонски Железници, да ги сведат на банкрот, да ја приватизираат Железницата и да ја дадат на некои си нивни да ја "менаџираат". Не смееме да си дозволиме единственото нешто алтернативно (освен автобускиот превоз) на возењето и тоа да пропадне на цело и отиде во безвест...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #100 Posted: 26-Mar-2022 at 14:06
Молк од градските власти за идејата за воведување на градска железница во Скопје

Четиридецениската идеја за воведување на градско-приградска железница како надополнување на јавниот превоз во Скопје не наидува на воодушевување кај новата градска власт. Скопскиот регион располага со 95 километри железничка пруга која што е недоволно искористена во моментов, наспроти преоптовареноста на патната инфраструктура. Уште во 1982 година, скопските градски власти пробале да го воведат јавниот превоз со возови на релациите од Транспорниот центар кон Ѓорче Петров, Миладиновци и Зелениково, но ваквиот проект не е заживеан до денешен ден.

Мета.мк испрати до Градот Скопје во два наврати на 1 и 7 март прашања за тоа какво е мислењето на актуелното градско раководство за воведување на градско-приградска железница во Скопје и кои конкретни активности тие би можеле да ги преземат во претстојниот мандат за да се искористи скопскиот железнички јазол за потребите на јавниот превоз во Скопје. До денешен ден од скопските градски власти не добивме одговор на ниту едно од поставените прашања.

Скопје е еден од ретките градови на Балканот, без воопшто да се спомене Европа, којшто не само што нема градска железница или друго шински средство за масовен превоз на патници, туку и нема ниту конкретна активност што планира да ја преземе за негово воведување. Пробно возење и промоција на идејата за комбинирање на возовите со велосипедски превоз беше направено во 2018 година од тогашното раководство на Град Скопје, но засега оваа идеја останува без реализација.

Целокупната железничка инфраструктура е во сопственост на државата, вклучувајќи ги железничките станици и пругите во Скопскиот регион. За Јавното претпријатие за железничка инфраструктура Железници на РСМ веќе пишувавме дека до крајот на 2023 година планираат да ја завршат изградбата на железничката пруга од постојната станица Илинден до Меѓународниот аеродром во Скопје, со што главниот град би ја добил првата градско-приградска линија од Транспортниот центар до аеродромот.

Сепак, покрај надлежностите што ги има државата, за да може да профункционира градската железница неопходно е во нејзината реализација да се вклучи и Градот Скопје. Искуствата од другите градови каде што е имплементиран ваков проект покажуваат дека возовите треба да се вклучат во тарифниот систем (цената на билетите и тарифните зони) на автобускиот превоз, сосе уреди за валидација и набавка на превозни средства – моторни гарнитури.

Воедно, неопходно е да се обезбеди пристап за велосипеди, пешаци и нови автобуски линии до постојните железнички станици и стојалишта во Скопје, како би можело патниците брзо да стигнат до својата крајна дестинација откако ќе се симнат од воз. Сите овие обврски би требало да ги реализира градската администрација, со обезбедување на средства за оваа намена.

Мета.мк минатата година направи обиколка на железничките стојалишта и станици во Скопскиот регион и забележавме дека истите се наоѓаат во катастрофална состојба. Нема патокази до нив, нема соодветно осветлување, нема пешачки и велосипедски патеки и паркинзи, ниту пак до поголем дел од станиците и стојалиштата минуваат автобуски линии од јавниот превоз. Поради сето ова, бројот на патници што го користат возот како најеколошко превозно средство е минорен во Скопје.

Покрај тоа што возовите можат да пренесат и по неколку пати поголем број на патници во споредба со автобусите и автомобилите, актуелниот возен ред на постојните возови кои сообраќаат од Железници на РСМ-Транспорт покажуваат дека барем за половина би се скратило времето за патување на граѓаните со воз, во споредба со автобус, на релациите од Транспортен центар до Драчево, Зелениково, Волково, Ѓорче Петров, Маџари, Миладиновци и Илинден, како и на оние лица што патуваат до аеродромот.

Самиот Транспортен центар со своите 10 колосеци би можел без проблем да ги прими новите линии од градско-приградската железница, а во прилог на реализацијата на градско-приградската железница е и фактот што постоечките железнички линии од Транспортен центар до Маџари, Скопје-Север и Драчево се наменети исклучиво за одвивање на патнички железнички сообраќај.

Цената на билетите за патување со воз би можела да биде унифицирана со постојниот јавен превоз, додека дел од автобуските линии да се прилагодат на начин што нивните почетни станици би можело да бидат токму од железничките станици и стојалишта, со прилагодени поаѓања и пристигнувања со градската железница.

https://meta.mk/molk-od-gradskite-vlasti-za-idejata-za-voveduvanje-na-gradska-zheleznica-vo-skopje
Carpe diem
Back to Top
 Post Reply Post Reply Page  <1 3456>

Forum Jump Forum Permissions View Drop Down



This page was generated in 0.111 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.