build.mk Homepage
Forum Home Forum Home > Главни теми > Изградба и ентериери
  Active Topics Active Topics
  FAQ FAQ  Forum Search   Register Register  Login Login

Технички Речник

Bookmark and Share
 Post Reply Post Reply Page  <1234 5>
Author
Message
  Topic Search Topic Search  Topic Options Topic Options
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #21 Posted: 30-May-2009 at 21:22

60.  ПИЛАСТЕР  – Столб кој стои до (на) самиот ѕид или со едниот дел од својата дебелина е вграден во ѕидот; полустолб; внатрешен или надворешен ѕиден потпор, кој служи и како растоварување на сводовите. (итал.: pilaster)   [1]  наместо основа во фрома на калат база како кај класичниот столб, пиластрите во подножјето најчесто ги носи  цокле , и пиластрите можат да имаат потпорна функција, но исто така можат да служат како декоративен елемент.   [1] [2] [3] [4] [5] [6] [7] [8]

61. ПИРГ  – Кула, видиковец. се користеле и како камбанарии (коине: πυργος - одбрамбена кула, етимолошки - високо)   [1] [2] [3] [4] [5]

62.  ПИСЦИНА  (види и крине или фотистериј) Базен за потопување при Покрстувањето лоциран во крстилницата во раноХристијанските базилики, тоа е мал базен најчесто во кружна или крстовидна форма, катихуменот се потопува во оваа вода три пати, по што тој преку прочистувањето постанува достоен за Светата Тајна Крштевање. Тоа е симболично почетна гаранција дека доколку доследно ги почитува Седумте Свети Христијански Тајни, ќе успее да дојде до Божјата Светлина до вечниот живот на Небото. Писцината треба да има две скалила со по три степеника, едно влез другото излез за Крстениот катихумен  (лат.: piscis - коине: κολυμβηϑρα)   [1] [2] [3] [4]

63.  ПЛУТЕЈ  – Плоча, дел од презвитеријалната преграда, која кај раноХристијанската Црква е наместо олтарот и претставува ниска ограда околу Христовиот Гроб околу Олтарот.   [1] [2] [3] [4]

64.  ПОЛИЕЛЕЈ   Поликандило, украсен прстен од дрво или бронза кој виси под кубето и служи за свеќи и кандила. (коине: πολυελαιον - полиелион - поголем елеј(маслиново масло)) исто означува и дел од Богослужбите т.е. 134 и 135 псалм на празничните утрински Богослужби   [1] 

65.  ПОРТАЛ  (види и трибелон) Архитектонски обработен влез на Цркви, дворови, градини и други градби. Најчесто тоа е рамка од греда(линтел) и два столба, може да носи и лунета или корниз, а може да има и повеќе столбови. На средновековните Цркви главниот влез е украсен со пластични претстави со билни, геометриски, зооморфни и антропоморфни мотиви.   (лат.: porta од коине: πόρος )   [1] [2] [3] [4] [5]

66.  ПРЕЗВИТЕРИУМ  – Олтар, Светилиште, кај раноХристијанската Црква правоаголен простор на источниот дел од наосот, одделен со презвитеријална (олтарна) преграда позната како темпло името го добива по Свештениците – Презвитери т.е.нивното место во Храмот - Олтарот  (коине: πρεσβύτερος)   [1] [2]   

67. ПРИПРАТА   Пронаос односно Нартекс; Предворје на Црквата.   (коине: περιπατος - до патот)   Исто се среќава и како Перистил т.е. двор оформен со четири портика(стои)(пери-стили-ум ; наоколу поставени столбови.  (коине: περίστυλον - полустолб)

68.  ПРОСКОМИДИЈА  (види и ѓаконикон или пастофорија или протеза) Протезис, Жртвеник; Посебен, најчесто вдлабнат простор во северниот дел на олтарот, кој служи за подготовка на Светите Дарови, лебот и виното за Причест; анекс-пастофорија (доѕидана просторија); масата за подготовка на Светите Дарови за чинот на Евхаритија на Литургијата која уште се нарекува и протеза, кај базиликите и средновековните византиски Цркви се јавува и како засебна просторија во северниот дел од олтарната апсида или северната олтарна апсида во продолжение на северниот бочен кораб   (коине: προϑεσις изложување, положување)

69.  ПРОТЕЗИС   (види проскомидија или пастофорија) Најпрво маса - протеза, во нартексот, десно од влезот, за одложување на даровите, Лебот и Винито. Подоцна посебна просторија северно од нартексот, се смета дека во 6. век заради скратување на Процесијата Голем Вход, просториите ѓаконикон и проскомидија биле преместени на источната страна на базиликите. 



Edited by beTon - 31-May-2009 at 21:22
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #22 Posted: 30-May-2009 at 22:23

70.  ПУЛПИТУМ  (види амвон или аналој) Певница, од каде се чита Светото Евангелие   

71.  РОЗЕТА  – Кружен орнамент во форма на цвет, кружен простор со декоративен испуст од изрезбана камена плоча, тркалезен прозор со различни украси.   [1]

72. РОТОНДА  – Мала градба (Црква) со кружна основа, со купола.

73.  СВОД   (види апсида или калота или kупола) Конструктивен дел изѕидан по крива линија над една просторија, со потпирач на нејзините ѕидови; може да биде полузаоблен,  заоблен, крстест итд.   [1] 

74.  СЕПТУМ  – Септумска ограда, или колонада во наосот ги раздвојува зоните на централниот брод (патеката на Господ Исус Христос) од северниот и јужниот [ кораб  en.wikipedia.org/wiki/Aisle#Architecture ] (животната патека на жената и мажот)   (лат.: septum)   [1] [2]

75.  СИМБОЛИ  – Символи, метафори со преносно значење за изразување на Христијанските идеи и доблести чија цел е доближување до или објаснување на Православната есхатологија [1] , кои во раноХристијанството се посилно застапени во орнаментиката на сите видови Христијанска уметност, од архитектурата, преку фрескосликарството ,  мозаиците и резбата, па се до писанијата [1]   (коине.: συμβάλλω - придонесува до, доведува до)   [1] [2] [3] [4] [5]

Геометриски Символи   [1] [2]    

-        Крст  + Симбол на човековата егзистенција, на победата на Животот над смртта, симболика на Распетието, Воскресението и Вознесението на Господ Исус Христос со  што се отвори повторно Небесата за човекот

-        Квадрат  – Земната плоча

-        Круг  – Царството Небесно

-        Пелта  – Орнамент со полукружни крлушки (борова шишарка); изгрејсонце, бројни изгрејсонца, Воскресение

-        Плетенка  – Живот, јаже на животот, чест мотив на меанадар во раноХристијанската Црква [1]

-        Ромб  – Симболично порта за повторно раѓање, женскиот принцип на раѓањето

-        Свастика  – Тетраграматон, Симболична претстава на за вечното сонце, стар симбол на на вечното сончево патување

Вегетабилни символи      

-        Бршлен  – Живот

-        Винова лоза  – Живот

-        Крстовидна листеста розета  – Рај

-        Лилјан  – Господ Исус Христос, стебло на животот во Рајот

-        Стебло на животот  – Рај

-        Цвет  – розета, Рај

Фигурални символи на животни [1]

-        Гулаб  – Љубов

-        Гулабица  – Духот Божји кој лебди над водите, душа на праведникот

-        Елен  – Разгранети рогови, дрво на животот;плодност, растење и повторен живот; зооморфен симбол на душата на верникот; брзина и скокови; повик, Господ Исус Христос ги призива душите

-        Зајак  – Плодност, непрекинлива обнова на животот

-        Јагне  – Слика на Господ Исус Христос невина непорочна жртва

-        Квачка со пилиња  – Раскрилената Ранохристијанска Црква на своите Верници

-        Кошута, срна - Душа, невина душа

-        Паун  – Сончевиот круг симбол на бесмртноста; опашот ѕвездено небо. Неподмитлива душа и човековата психичка двојност. Јавачка птица, со стотина очи, симбол на вечно блаженство и средба на душата со Бог лице влице

-        Лав  – Помазаникот Божји, Сонце, Правда и моќ - Господ Исус Христос

-        Орел  – Вознесение, кралство, духовно обновуваање...

-        Феникс  – Нескршлива желба за преживување, Воскресение, победа на Животот над смртта; предзнак на сончевата светлина

-        воден коњ-хипопотам  – бехемот, демонот на водите

-        змија  - подземен зол демон, ѓавол

-        јарец - ѓавол, сатана, демон, грешник

-        скорпија - смрт, поретко користен симбол

Морски психопомпи

-        Делфин  – земни води, Господ Исус Христос Спасител

-        Риба  – земни води, Господ Исус Христос Спасител, Христијанските души

Фигурални символи, предмети

-        Арка  – Небесен свод

-        Кантарос  – Извор, стебло на Животот

-        Котва  – Душа, стабилизирање на душата на Христијанинот

-        Канелиран столб  – Искачување кон Небото   [1] [2]       

-        Канелура  – Надолжни жлебови, канали со полукружен профил. Симболика на канали по кои патуваат Христијанските души кон небесните води, по најдиректна аналогија со апсидалната ниша како најголем, централен канал.

76.  СИМЕТРИЧНА СЛИКА  – Според Стариот Завет, книгата на постанокот, Господ наредил: Нека има Свод среде Водата и тој да разделува вода од вода! Така Бог ја одвои водата од под Сводот, од водата над Сводот. Тоа биле значи основните елементи од античкиот и потоа раноХристијанскиот Космос. Според тоа верување, се што се наоѓа долу под сводот: земјата, морињата, океаните итн., претставува копија, симетрична слика на горниот, Небесен Свет, со единствена разлика: долу постои смртниот живот, а горе Вечниот Живот.

77.  СИНТРОНОИ  – (nave stacidia) Горно место; Полукружни степенасто оформени заеднички седишта, лево и десно од Светата Трпеза т.е. презвитериумот - во апсидите кај певниците. (коине: συνϑρονοι – заеднички седишта)   [1] [2]

78.  СКЕВОФИЛАКИОН  – Име за Ѓакониконот, просторија за чување на Свештеничките одежди (облеки). (коине: ςκευοφιλακιον - место, просторија за чување)

79.  СОЛЕА  Средишен простор на храмот лоциран под централното кубе.  (коине: σολυμ солум Престол) место во Храмот каде има право да седи великодостојник, кај раноХристијанските базилики тука бил сместен и хорот, тогаш солеата имала исто како и кај презвитериумот ниска ограда со плочи или како што денес е ограден Олтарот во римоКатоличките Цркви со [1] балустри била поткрената за една скала во наосот   [1] [2]        



Edited by beTon - 31-May-2009 at 22:23
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #23 Posted: 30-May-2009 at 23:00

80.  СКИТ   Мал Манастир во кој живејат Испосници, обично мало братство.   (коине: σκῦτος - сокрива)

81.  СПОЛИЈА  – Секундарно извадени архитектонски (столб, врата, плоча, ...) или градежни материјали (камен блок, керамика, ...) повторно употребени во некоја подоцнежна градба.   [1] [2]

82.  СТАВРИОН  – види Крст (коине : σταυροσ - исправен, праведен)

83.  СТИБАДИУМ  – Место за одмарање во полукруг, кај базиликите тоа е полукружна клупа или кпенести седишта во апсидата.   (коине: στιβάδιον од στιβάς - гранка [1] )  Исто што и Субселиум , камена клупа во полукруг во апсидата наменета за свештенството; долно седиште долж апсидалниот ѕид од спротива или од страните на Тронот ((катедрата) кој е горно или високо седиште)   [1]

84.  СТОЛБ  (види и импост или колонада или колонета или мено или пиластер ) Вертикален конструктивен елемент во архитектурата, носач на кружен пресек кој слободно стои, а функцијата му е да го пренесе товарот од кров, греда или лак, на друга површина или на тлото, а може да има и исклучиво декоративна улога; Класичниот столб е дел од архитектонскиот поредок во класичната архитектура кој е составен од капител(глава) тело(оска) и калат(база)   [1] [2] [3] [4] [5] [6]

85.  СУБСЕЛИИ  – Долни седишта, поставени латерално од Епископскиот Трон, долж апсидални ниши, на овие банкини-клупи седеле Презвитерите (асистентите свештеници) во името на Светите Апостоли, заради што и цел овој простор бил наречен Презвитериум. Кај помалите базилики еден ред кај поголемите се оформувале полукружно повеќе редови (лат.: subselliaкоине: ϑρονοι δευϑεροι)   [1] [2] [3] [4]

86.  СУПЕДАНЕУМ  – Мала клупа, постоље за нозете пред Тронот, исто што и скабилум

87.  СФЕРА  – Полос, Небесна сфера; елементите на сферата во раноХристијанската базилика се гледаат на повеќе места: Долната земната полусфера ја гледаме пр. во фиалите во атриумот, некои типови на писцилници на Крстилниците, некои сталаци на амвоните, исто Кадилниците, потоа во Светите Садови: сите пехари (Каликс, Путир) Патени, Лажицата итн. Горната Небесна полусфера ја гледаме кај Куполата на Црквата, во линија над презвитериумот или центарот на наосот, и делумно во апсидалната полукалота, додека кај базиликите и во балдахините над амвонот и Олтарната Трпеза.  (коине: σφαιρα - топка)   [1] [2] [3] [4] [5] [6]

88.  ТАМБУР   Цилиндричен или октогонален ѕид на кубето (кој ја носи куполата) кој се вметнува помеѓу пандантифот и калотата, за да кубето (калотата), однадвор  се постави повисоко и за да (на тој тамбур) можат да се отворат прозори за осветљување на внатрашноста на храмот.   [1] [2] [3] [4] [5] [6]

89.  ТЕМПЛОН  види Иконостас.



Edited by beTon - 31-May-2009 at 23:00
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #24 Posted: 31-May-2009 at 00:10

90.  ТЕСЕРА  – Мозаична камена или стаклена коцка   [1] [2] [3]

91.  ТЕСТУДО  – Кај базиликата свововидниот покрив над централниот кораб. [1] [2] кој кај трансептот преминува во крстовиден свод  потоа се јавуваат и арки на сводот кои се задржуваат кај западноевропските Црковни градби и истите подоцна се изведуваат со декоративни ребра во различни форми по сводот [1], типизирајќи повеќе ралични видови на заподноевропски сводови како разгранети (лепеза), ѕвездасти, ребрасти, мрежасти, палмовидни или (ќелијски)кристални сводови , сите карактеристични за по романичниот период  т.е.  карактеристични за готиката и ренесансата   [1]   (лат.: testudo - желка)

92. ТЕТРАКОНХОС  – Централен тип на раноХристијанска градба, комбинација во планот на квадрат со широки полукружни апсиди, на секоја страна од наосот; Градба составена од четири конхи, се јавува во втората половина на 5 век, симболизира соединување на кругот на сверата со секоја страна од наосот, т.е. спој на Небото и земјата. Од тука потекнува и идејата за „Впишан Крст во Правоаголен План„ Во 6. век западната конха се отстранува, поради негативното својство на западот - страната каде сонцето „умира„ и од каде што доаѓа ноќната темнина, така и се појавува Триконхосот.   [1] [2] [3] [4]                                                                                                                                                                                                                                                                                                                                                                                   

93.  ТИМПАНОН  (види пелта или лунета ) Вдлабнато или само врамено полукружно поле над врата и прозор,  кое обично е украсено со рељеф, мозаик или фреска.  (коине: τύμπανον )   [1] [2] [3] [4]

94.  ТИСИАСТИРИОН  – исто што и Трпеза. (коине: ϑυσιαστήριον )

95.  ТРАВЕЈ  – Основна просторна единица на Црква со правоаголна или квадратна форма, секција која ја формираат попречни греди , пр. Трокорабна Црква е составена од  централен брод и два странични травеи или бочни кораби. Ова е име и за сводното поле кое е омеѓено со лонгитудинални и трансверзални куполи.

96.  ТРАНЗЕНА  – Перфорирано украсена правоаголна камена плоча, монтирана воглавно на прозорците или во олтарните прегради.   [1]

97.  ТРАНСЕПТ   Страничен, попречен брод на Црква положен под прав агол по надолжниот брод, кој на основата на базиликалниот Храм му дава изглед на Крст; Попречен кораб во Базилика, оформен со отворањето на ѕидовите на ѓаконикот северно и проскомидијата јужно од презвитериумот, со идеја за оформување на крстовиден базиликален план.   [1]

98.  ТРИБЕЛОН  (види и портал) Троделен влез, премин од нартексот во централниот кораб или во наосот на еднокорабните Цркви; конструкција од три арки носени врз две колони (симболика на Света Троица).   [1] [2]

99.  ТРИБУНА   (види амвон или аналој или бема ) Трибина, пулпитум, апсидална трибина со поткрената платформа. Апсидалната платформа е повисока од подот на презвитеријалната бема, со идејата за искачување на Христијаните кон Светлината (ad lucem)   [1]



Edited by beTon - 01-Jun-2009 at 00:10
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #25 Posted: 31-May-2009 at 01:20

 100.   ТРИКОНХОС  Име за црковна градба со основа во форма на тролист, која ја сочинуваат три полукружни апсиди со полукалоти, три конхи. Се јавува во 6 век кога кај тетраконхата западната конха се отстранува, поради негативното својство на западот - страната каде сонцето „умира„ и од каде што доаѓа ноќната темнина.   [1] [2] [3] [4]

 101.   ТРИФОРА  (види и бифора или мено) Прозор поделен со две столбчиња на три дела. Најчесто изведуван  во време на ренесансниот период.   [1] [2] [3] [4] [5] [6] [7]

 102.   ТРОН  (види и катедра) Престол. Апсидален Престол. Симболично тоа е Божјиот Престол каде во името на Господ Исус Христос за време на Светата Литургија имаат право да седнат само Христијански Епископи (во случај на Архиерејска Литургија правото го има само Архиепескопот или Патријархот, кој е најголем помеѓу еднаквите по чин). Кратко најнапред Престолите биле дрвени а подоцна најчесто од камен, но повторно се јавуваат дрвените Престоли во средниот век, но, со поизразени резбани мотиви него кај каменот  (коине: ϑρονοσ - столица, седиште)   [1] [2] [3] [4]

 103.   ТРПЕЗА  (види и олтар или проскомидија или протезис) Престол на Чесната Трпеза, Олтарна Света Трпеза.   [1] [2] [3]

 104.   ФЕНЕСТЕЛА  – Мал прозорец на Светите Кивоти  (саркофазите [1] [2], гробовите или гробниците) за одавање на почести на реликвиите на Светителите   [1] [2] [3] [4] [5] [6] [7] [8]

 105.   ФИАЛА  – Полусверен сад за вода во атриумот кај базиликите, некаде и со симболика на вода за прочистување, неретко покриен и со балдахин.  се користела и за осветување на вода.   (лат.: phiala)   [1] [2] [3] [4] [5]

 106.  ФЛОРАЛНИ УКРАСИ  – (види и меандар или симболи - вегетабилни)  Декорација со мотиви од преплетени билки.   [1] [2] [3] [4]

 107.  ФЛОС  – (види и капител)  Цветот во центарот на абаковата плоча кај коринтските столбови.   [1] [2]

 108.   ФРЕСКА  (види и бордура и симболи) Живопис изведен на свеж малтер.   [1] [2] [3] [4] [5] [6] [7] [8] [9] [10]

 109.   ФОТИСТЕРИЈ  (види и писцина или фиала) Крстилница, посебна просторија кај Базиликите во која се врши Фотиго -просветлување на огласениот катихумен во Осветена Вода (коине: φωτιςω – свети, просветлува) Светата Тајна се извршува во писцина или кантарос   [1]

 110.   ХОНЕФТИРИОН  – Мала додатна просторија, надворешно од  храмот или како дел од ѓакониконот каде биле миени Светите Садови.



Edited by beTon - 01-Jun-2009 at 01:20
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3516
  Quote beTon Quote  Post ReplyReply #26 Posted: 31-May-2009 at 02:30
        

 111.   ХРАМ  Црква, Црковна градба за Богослужение. постојат два основни вида на Црковни градби првиот е базиликален, (правоаголен план) типичен за ранохристијанскиот период, а вториот e типичен за средновизантискиот период (централен план) односно Цркви со централен план кои може да бидат во основа (впишан крст во квадрат quincunx) крстообразни или кружни (конхални, ротондални).

Потоа просторно Црквите (најчесто базиликалните) се делат попречно: на едно или трокорабни градби т.е. еднобродни или тробродни.

Црквите се делат и според хиерархија и функција, односно катедрална или епископска-соборна, католикон или манастирска, пештерна или анахоретска, парохиска или градска(селска, маалска) и параклис или помала-помошна Црква.   

Естетски најголем акцент во Православниот Храм е ставен на внатрешното устројство (од подот па се до кубето ), но и на надворешноста, која е едноставна и е резултат на внатрешните сводови и апсиди, кои се и основа за скалесто оформените кровови и калкани, чија симболика (и внатрешно но повеќе надворешно) е скалесто искачување кон Царството Небесно. ѕидоите се најчесто во техника од клесан камен, украсени со геометриски орнаменти од керамопластика, истите можат да бидат изведени во  повеќе техники.    

(етимолошки има две претпоставки: првата од храна т.е. од прото-словенски хранимй – заштитува, чува [1] - xranimŭ guard ), и втората од црковно-словенски  хоромъ - хор

Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #27 Posted: 09-Jun-2009 at 17:48
.....подоцна кога и повеќе навлегов во архитектурата, сфатив колку и самиот објект е архитектонски издржан, има големи конзолни испуштања, големи стаклени површини, големи сали и голема тераса, што не ми е јасно зошто телциве (идни конобари) не ја искористија за забавата, туку им требаше да се исцепаат...и не можам да не кажам дека изборот на бојата на фасадата е тотален промашај и заедно со неколку детали, како чадорите и клупите пред објектот м....


Dave Gahan, во  #117 го спомнуваш овој термин „конзолни испуштања“ и навистина ме заинтересира што значи, па ако можеш појасни ми го...
Помогнете во Македонската Википедија - Слободна енциклопедија!
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Online
Posts: 8957
  Quote pbanks Quote  Post ReplyReply #28 Posted: 09-Jun-2009 at 17:52


Terminot na angliski e Cantilever. Najprosto kazano se raboti za delovi od konstrukcijata koi se 'izdadeni' i koi se vkruteni samo od ednata strana. Prost primer za toa se balkonite no konzolite imaat i mnogu "pograndiozna" primena.

http://en.wikipedia.org/wiki/Cantilever


Edited by pbanks - 09-Jun-2009 at 17:54
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #29 Posted: 09-Jun-2009 at 17:57
Хмм, конзоли и те како сме работеле статика, ама мислев дека би имало различно значење во архитектурата. Ова во архитектурата би дошло нешто како универзален термин за се што е издадено и виси (балкони и сл)?
Помогнете во Македонската Википедија - Слободна енциклопедија!
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Online
Posts: 8957
  Quote pbanks Quote  Post ReplyReply #30 Posted: 09-Jun-2009 at 18:06
Originally posted by La Linea

Хмм, конзоли и те како сме работеле статика, ама мислев дека би имало различно значење во архитектурата. Ова во архитектурата би дошло нешто како универзален термин за се што е издадено и виси (балкони и сл)?


bas me zbuni tvoeto prasanje bidejki i jas pretpostavuvav deka konzoli ste rabotele kaj tebe na fax . Kolku sto mene me sluzi memorijata konzola e toa sto go objasniv vo prethodniot post od konstruktiven aspekt. E sea povtorno ako dobro me sluzi memorijata ne mora sekoj izdatok da bide konzola postojat nacini i od drugi konstruktivni elementi da se izvedat nekoi kombinacii od ovoj tip.

No najdobro neka objasnata arhitektite ili pak uste podobro nekoi od gradeznicite koi se sunjaat na forumo


Edited by pbanks - 09-Jun-2009 at 18:07
Back to Top
medo View Drop Down
Senior Member
Senior Member
Avatar

Joined: 24-Dec-2007
Online Status: Offline
Posts: 217
  Quote medo Quote  Post ReplyReply #31 Posted: 11-Jun-2009 at 11:03
pbanks, наполно си во право за објаснувањето. Уште би додал дека конзола претставува статички определен конструктивен систем, кој може да се реши со условите за рамнотежа на силите, SumaX=0, SumaY=0 и SumaM=0.
Најчести примери за конзоли од праксата се:
  • тераси, балкони
  • делови од мостови
  • настрешници
  • антенски или други столбови (пр. за семафори и сл.)
  • елементи за покривање на стадиони (Филип II на пример има конзолни испусти за покривот на Јужна, а и Северна наскоро)
  • кранови за подигнување товар
  • крила на авиони...
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Online
Posts: 8957
  Quote pbanks Quote  Post ReplyReply #32 Posted: 11-Jun-2009 at 20:32
Фала на инфо медо Thumbs%20Up. Туку потсети ме дали можеше да се направи нешто ала конзола на пример со некои греди со препусти? Имаше ли нешто такво или сум побркал?

--о----------о--
   |             |
   |             |
   |             |
   |             |

Исто дали оној герберов носач имаше некои такви варијанти? Знам дека тој имаше решеткаста структура одоздола но се некако ми се врти во глава дека и таму имаше некакви препусти?
Back to Top
medo View Drop Down
Senior Member
Senior Member
Avatar

Joined: 24-Dec-2007
Online Status: Offline
Posts: 217
  Quote medo Quote  Post ReplyReply #33 Posted: 12-Jun-2009 at 09:43
Да, ова што си го скицирал е рамка со два препуста (лево и десно од гредата), кои што препусти претставуваат конзолни носачи.
Герберовиот носач е статички опеделен носач, составен од статички определени носачи (проста греда, конзола, проста греда со препусти) и зглобови. Тој е рамнински линиски носач.
Ајде за твое освежување еве ти линк од колегите од Загреб: http://www.grad.hr/nastava/gs/zb1/node18.html
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Online
Posts: 8957
  Quote pbanks Quote  Post ReplyReply #34 Posted: 12-Jun-2009 at 14:14
Originally posted by medo

Да, ова што си го скицирал е рамка со два препуста (лево и десно од гредата), кои што препусти претставуваат конзолни носачи.
Герберовиот носач е статички опеделен носач, составен од статички определени носачи (проста греда, конзола, проста греда со препусти) и зглобови. Тој е рамнински линиски носач.
Ајде за твое освежување еве ти линк од колегите од Загреб: http://www.grad.hr/nastava/gs/zb1/node18.html


аха, значи препустите си се третираат како конзоли при пресмтките. Ете тоа сум го заборавил. Фала на инфо Thumbs%20Up
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #35 Posted: 31-Aug-2009 at 15:14
Дали некој од вас го знае англискиот термин за каскадни брани? 
Помогнете во Македонската Википедија - Слободна енциклопедија!
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7069
  Quote zabegan Quote  Post ReplyReply #36 Posted: 31-Aug-2009 at 22:35
Originally posted by La Linea

Дали некој од вас го знае англискиот термин за каскадни брани? 
river cascades во овој случај
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11998
  Quote Cloverstack Quote  Post ReplyReply #37 Posted: 01-Sep-2009 at 00:47


пиши river cascades на google images и ќе добиеш 90% водопади  Dunno


Edited by Cloverstack - 01-Sep-2009 at 00:47
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #38 Posted: 01-Sep-2009 at 09:11

cascade dams јас повеќе би рекол.

Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #39 Posted: 01-Sep-2009 at 09:57
Да ама никако да најдам за каскадни брани на река како што се планира на Вардар. Најблиско нешто до кое дојдов беше weir


A weir (pronounced /ˈwɪər/), also known as a lowhead dam, is a small overflow-type dam commonly used to raise the level of a river or stream. Weirs have traditionally been used to create mill ponds in such places. Water flows over the top of a weir, although some weirs have sluice gates which release water at a level below the top of the weir. The crest of an overflow spillway on a large dam is often called a weir


http://en.wikipedia.org/wiki/Weir


Edited by La Linea - 01-Sep-2009 at 09:57
Помогнете во Македонската Википедија - Слободна енциклопедија!
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #40 Posted: 01-Sep-2009 at 10:22
Чекај, јас колку што разбирам, каскадноста е само поради начинот на поставување на браните, односно нивното надоврзување, а со тоа и зголемување на нивото на водата во поголем дел од течението на реката.
 
Дали и браните на Треска (Козјак, Матка 2 и Матка 1) се сметаат за каскадни?
Back to Top
 Post Reply Post Reply Page  <1234 5>

Forum Jump Forum Permissions View Drop Down



This page was generated in 0.219 seconds.

Copyright ©2007 - 2018  build.mk

Коментарите на форумот претставуваат лично мислење на нивните автори и не претставуваат официјален став на build.mk.