build.mk Homepage
Forum Home Forum Home > Главни теми > Инфраструктура > Енергетика
  Active Topics Active Topics RSS Feed: Енергетика (општо)
  FAQ FAQ  Forum Search   Register Register  Login Login

Енергетика (општо)

Bookmark and Share
 Post Reply Post Reply Page  <1 212223
Author
Message
  Topic Search Topic Search  Topic Options Topic Options
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2017
  Quote alexsend Quote  Post ReplyReply #441 Posted: 07-Sep-2020 at 17:56
Јас прв ли да се изнасмеам?
Не сме ние држава која има визија и можности за вакво нешто.

Ама...со среќа
Јас Скопје никогаш не сум го замислувал вака.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1270
  Quote ehrlich Quote  Post ReplyReply #442 Posted: 07-Sep-2020 at 21:22
Па најпрвин треба да ни дозволат на нас домаќинствата да имаме право да му продаваме струја на некој од снабдувачите или најдобро МЕПСО (како зелена тарифа), а не да ги ограничуваш домаќинствата. На овој начин и те како може да се дојде до зголемен процент на обновлива енергија.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2575
  Quote Staro Skopje Quote  Post ReplyReply #443 Posted: 07-Sep-2020 at 21:52
Ништо за Белене (и нуклеарна енергија општо) во владината програма.

Нови мали хидроелектрани ќе забранат само во заштитени подрачја и национални паркови, наместо во цела држава, а нема најава и за оцена на влијанието на постојните и оние за кои веќе е планирана изградба, а потоа и нивна ревизија и, по можност, поништување.

Се најавуваат повеќе ветерници и фотоволтаици, што е добар почеток, но мора подолгорочна стратегија и уште повеќе и уште подобро истите да се шират. Може и стипендирање на студенти и научници од оваа област, како и повикување на странски експерти од енергетиката, со различни погледи, да дадат предлози за озеленување на македонската енергетика.

Владата ветува дека „ќе започне државна енергетска трансформација со која секој наш граѓанин ќе добие можност да биде енергетски производител и, секако, корисник на еколошки чиста и поефтина енергија. За таа цел, предвидуваме посебни, иновативни и високоефективни проекти за соларни термални колектори (ќе бидат опфатени околу 100000 домаќинства во период од четири години, за што од домашниот буџет би биле одвоени околу 30 милиони евра). Оваа мерка ќе придонесе за намалување на емисиите на CO2 во атмосферата за околу 200 000 тони годишно.“ Добра идеја, но мора да им се овозможи на сите субјекти (особено оние во руралните и изолираните средини) и да се постигне вистинска либерализација (со соодветна регулација) и производство на струја од соларни извори кај голем дел од субјектите. Прашање е колку трансфер од само-произведувачки домаќинства може да издржи постојната инфраструктура.
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #444 Posted: 18-Sep-2020 at 17:14
Корона кризата ја закочи и реализацијата на Стратегијата за енергетика до 2040 година

Најновата Стратегија за развој на енергетиката до 2040 година ќе почека подобри економски и политички моменти за старт. Ковид кризата која ги закочи економските текови, како и парламентарните избори, го одложија предвидениот термин за прифаќање на едно од трите предложени сценарија (референтно, за умерена транзиција и зелено сценарио). Рокот кога Владата требаше да избере едно од сценаријата и да донесе Програма за реализација во период од 5 години, беше јули годинава, шест месеци од донесувањето на Стратегијата, во месец февруари.

Иако засега е неизвесно кога ќе се случи изборот на сценариото, сите досегашни изјави на владини претставници одат во насока дека ќе се прифати „зеленото“ сценарио, кое става акцент на инвестиции и изградба на енергетски постројки од обновливи извори на енергија и напуштање на јагленот како главен енергенс, на кој се базира домашното производство на струја, а со цел заштита на животната околина и воздухот.

„Имајќи ја предвид состојбата со кризата од корона вирусот, дел од активностите се пролонгирани. Очекуваме до првиот квартал од 2021 година, Програмата да биде завршена и предложена на Владата за усвојување. Министерството за економија преговараше со Амбасадата на Обединетото Кралство за обезбедување на грант средства за изработка на Програмата, истите се веќе одобрени и избран е тимот кој ќе работи на документот“, изјави за „Мета.мк“ Фатмир Битиќи, заменик-претседателот на Владата за економски прашања, координација на економските ресори и инвестиции.

Тој додава дека последнава Стратегија е првата донесена во земјите членки на Енергетската Заедница која во целост базира на петте столбови на ЕУ кои се однесуваат на енергија и клима (сигурност, солидарност и доверба, целосно интегриран енергетски пазар, климатска акција – декарбонизирање на економијата, истражување, иновации и конкурентност).

„Анализите покажаа дека за „зеленото“ сценарио се потребни најголеми вложувања. Но, на долгорочен план, придобивките се најголеми токму од ова сценарио, како од економски аспект, така и во однос на намалување на емисиите на стакленички гасови и на локалното загадување“, вели Битиќи.

Според пресметки во Стратегијата, како резултат од „зеленото“ сценарио, може да се отворат најмалку 6.000 домашни работни места, надвор од оние за изградба на големите ХЕЦ, како „Чебрен“ и хидроцентралите на Вардар.

Според Битиќи, јасно е дека намалувањето на загадувањето е еден од приоритетите во Стратегијата, според која, во „зеленото“ сценарио во 2040 година емисиите на стакленичките гасови се намалуваат за 61,5 отсто во однос на 2005 година, а истовремено значително расте користењето на обновливи извори на енергија достигнувајќи нивно учество од 45 отсто во бруто финална енергија.

Во две од трите сценарија (за умерена транзиција и зелено) се предвидува напуштање на јагленот како енергенс и значителни инвестиции во енергетски постројки на сонце и на ветер. Пресметките се дека за таа цел ќе бидат потребни брзи, капитални инвестиции од 9,4 до 17,5 милијарди евра до 2040 година, зависно од избраното сценарио.

Главниот фокус во сите три сценарија е ставен на инвестиции во енергетска ефикасност, по што следат инвестициите во обновливи извори на енергија, што е добра можност за поддршка и финансирање од европски фондови и од меѓународни финансиски институции и донатори, бидејќи тие исто така ја идентификуваат и потенцираат нивната важност.

https://meta.mk/korona-krizata-ja-zakochi-i-realizaczijata-na-strategijata-za-energetika-do-2040-godina/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #445 Posted: 27-Sep-2020 at 11:18
За пет години ќе се знае дали РЕК Битола ќе се затвори



https://alsat.mk/mk/за-пет-години-ќе-се-знае-дали-рек-битола/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #446 Posted: 04-Oct-2020 at 14:04
Се разгледува можноста нафтоводот Солун-Скопје повторно да се стави во функција

Премиерот Зоран Заев и помошникот државен секретар за енергетика и ресурси на САД, Франсис Фенон, денеска на заедничката прес-конференција истакнаа дека постои заинтересираност кај грчката компанија „Хеленик петролеум“ за повторно ставање во функција на нафтоводот Солун-Скопје кој е изграден во 2000 година, но не е во функција од 2013 година, кога престана да работи рафинеријата „Окта“.

„Разговаравме за повторно ставање во функција на нафтоводот Солун-Скопје. Претстојат преговори со „Хеленик петролеум“ и се надевам на решение. Грчката компанија е заинтересирана да го стави овој капацитет во функција, и да го надгради. На тој начин ќе биде создаден центар и освен овде, со нафтени деривати ќе бидат снабдени и пазарите во регионот,“ рече Заев.

Фенон исто така потврди дека дискусиите со грчката страна напредуваат и тие се посветени на соработка и партнерство.

Инаку, веќе осма година по ред е стопиран транспортот на сурова нафта преку нафтоводот Солун-Скопје. Нафтоводот Солун-Скопје почна со работа во 2002 година, има должина од околу 213,5 километри и носивост на транспорт од 2,5 милиони тони нафта годишно. Транспортот на суровата нафта се одвиваше од терминалот на „Хеленик Петролеум“ во Солун до терминалот во „Окта“.

https://meta.mk/se-razgleduva-mozhnosta-naftovodot-solun-skopje-povtorno-da-se-stavi-vo-funkczija/
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2575
  Quote Staro Skopje Quote  Post ReplyReply #447 Posted: 26-Oct-2020 at 22:41
Првиот блок од РЕК Битола ќе се затвори во наредните години

16.10.2020


Првиот блок на РЕК Битола ќе биде затворен за најмногу пет години. Следува период во кој ќе мора да се затворат сите централи кои работат на јаглен, најави премиерот Зоран Заев и додаде дека првиот блок на битолскиот енергетски гигант треба да се пренамени во гасна централа, односно да биде приклучен на гасоводната мрежа која е изградена пред извесен период. Директорот пак на ЕСМ Васко Ковачевски вели дека блок-1 ќе мора да се затвори. Останатите два блока ќе работат на јаглен се додека дозволува Европската Унија, а тоа е најмалку десет години.

„Ние планираме еден по еден блоковите во следните години да се затвораат. Во првите пет години ќе биде затворен блок еден кој што не е модернизиран и најмалку во него се инвестира. Меѓутоа блок два и блок три може да работата во следните десетина години“, рече Васко Ковачевски директор на ЕСМ.

(...)

alsat-m.tv



Edited by Staro Skopje - 26-Oct-2020 at 22:42
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #448 Posted: 17-Dec-2020 at 18:29
Влада: Нафтоводот Солун-Скопје да биде достапен за сите увозници, цената да ја одредува РКЕ

Нафтоводот да може да го користат сите увозници на дизел гориво, а цената за користење да ја формира Регулаторната комисија за енергетика и водни услуги. Ова е решението што го предлага Владата во однос на реактивирање на нафтоводот, кој веќе осум години не е во функција.

Владата на 24-тата седница ја разгледала информацијата за улогата на трговското друштво „Нафтовод“ ДООЕЛ Скопје во својство на малцински акционер во претпријатието за нафтени цевоводи Солун-Скопје, „Вардакс“ АД.

„Истовремено, Владата заклучи да се има предвид мислењето на Кабинетот на
заменикот на претседателот на Владата на Република Северна Македонија,
задолжен за економски прашања, координација со економските ресори и
инвестиции, со укажување решението во однос на барањето на мнозинскиот акционер да се стави во функција на нафтоводот со цел истиот да пренесува нафтен дериват- дизел потребно е да се побара во рамките на Енергетската заедница.Поточно, истото да биде во рамки на третиот пакет европски директиви за енергетика каде за кој било инфраструктурен проект од енергетиката треба да важи начелото за конкурентност, при што секој активен транспортер (увозник) на дизел гориво треба да има пристап до истиот инфраструктурен објект. Воедно, неопходно е да се утврди дека Регулаторната комисија за енергетика и водни услуги на Република Северна Македонија ќе ја пресметува и објавува цената за користење на нафтоводот како инфраструктурен објект“, пишува во записникот од владината седница.

„Мета“ веќе пишуваше дека нашата земја е една од ретките која на својата територија има нафтовод што не го користи. Во 2013 година беше стопиран транспортот на сурова нафта преку нафтоводот Солун – Скопје.

„Хеленик Петролеум“ преку нејзината компанијата „ЕЛПЕТ Балканики“ е мнозински сопственик на рафинеријата „Окта“ и сопственик на 80 отсто од капиталот во грчко-македонската компанија „Вардакс“, која стопанисува со нафтоводот. Останатите 20 отсто од нафтоводот се во сопственост на нашата земја.

Грците во текот на 2016 година во времето на минатата владејачка структура предводена од ВМРО-ДПМНЕ и ДУИ најавија дека нафтоводот е исчистен од остатоците од сурова нафта и дека е приспособен за транспорт на дизел гориво. Тие ја обвинија тогашната Влада дека не дава дозвола за пуштање на употреба на нафтоводот иако тоа би било корисно за македонските граѓани и економијата бидејќи би се обезбедил сигурен и квалитетен транспорт на дизел, кој е убедливо најупотребувано гориво во нашата земја.

Премиерот Зоран Заев во октомври, годинава информира дека се во тек преговори околу пуштање на нафтоводот.

„Преговараме со ОКТА за пуштање на нафтоводот, а под кои околности, ќе се договориме. Како држава, изразуваме и желба за учество со акции во гасоводот од Александрополис, не само на компаниите“, рече Заев.

Нафтоводот почна со работа во 2002 година, има должина од околу 213,5 километри и носивост на транспорт од 2,5 милиони тони нафта годишно. Транспортот на суровата нафта се одвиваше од терминалот на „Хеленик Петролеум“ лоциран во индустрискиот комплекс во Солун до терминалот во „Окта“.

Во 2012 година преку нафтоводот беа увезени 259.355 тони сурова нафта, односно за 62,18 отсто помалку количини на сурова нафта во однос на увезените количини во 2011 година. Кога почна со работа нафтоводот, транспортираните количини беа неколкукратно поголеми.

https://meta.mk/vlada-naftovodot-solun-skopje-da-bide-dostapen-za-site-uvozniczi-czenata-da-ja-odreduva-rke/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #449 Posted: 27-Jan-2021 at 18:31
Инвестиции и зголемено производство на енергија од обновливи извори, приоритети во енергетиката до 2023

Зголемено количество на енергијата произведена од обновливи извори на енергија (ОИЕ), нови инвестиции и подобрување на енергетската ефикасност остануваат едни од главните цели на енергетската политика во наредниот период. Енергетскиот сектор во РСМ треба да обезбеди: доверливо, сигурно и квалитетно снабдување на потрошувачите со енергија и со горива, забрзан економски развој и зголемена грижа и заштита на околината. Овие клучни цели треба да се остварат преку одржлив развој, намалување на зависноста од увозот и диверзификација на горивата.

Ова се посочува во делот за планираните реформи на пазарот за енергија, дадени во Нацрт-програмата за економски мерки за периодот 2021-2023 година, што ја донесе Министерството за финансии и ја усвои Владата на вчерашната седница, а која содржи 20 планирани реформски мерки за сите клучни сектори во државата.

До крајот на оваа година се очекува учеството на ОИЕ во финалната потрошувачка на енергија да изнесува до 23,9 отсто, според Акциониот план за ОИЕ на Министерството за економија, а до 2025 да достигне до 25 отсто. Во однос на зеленото сценарио во Стратегијата за развој на енергетиката до 2040 година, учеството на ОИЕ во финалната потрошувачка до 2030 година треба да биде 38 отсто. Инаку, според податоците на Државниот завод за статистика, уделот на ОИЕ во финалната потрошувачка во 2018 година е 18,2 отсто, а во 2019 година 16,8 отсто, при што намалувањето се должи на неповолните хидролошки услови и помалото производство на електрична енергија од хидроцентралите.

Вкупниот инсталиран капацитет на производители на енергија од ОИЕ во државава во 2019 година изнесувал 766,37 мегавати, а најголемо е учеството на малите и големите хидроцентрали, 598,08 мегавати, додека најмало е на електраните кои работат на биомаса, 0,60 мегавати.

За проекти во ОИЕ на локално ниво во наредните три години се планира да се потрошат по околу 2 милиони евра годишно, од кои дел ќе бидат буџетски средства.

„Користењето на обновливата енергија нуди важни придобивки за економскиот развој, локалните самоуправи собираат данок на имот, приход и други плаќања од сопствениците на проектите за обновлива енергија. Овие приходи можат да помогнат во поддршката на виталните јавни услуги, особено во руралните заедници. Проценетите трошоци за активностите за спроведување на оваа мерка се околу 2.087.000 евра за 2021 година, од кои 1.225.000 евра се буџетски средства, а остатокот е техничка помош од донатори. Додека во 2023 година овие средства се планирани да изнесуваат 1,7 милиони евра само од буџетски извори“, се посочува во Нацрт-програмата.

Според веќе потпишаните 35 договори, годинава треба да се инсталираат фотоволтаични централи во земјава со вкупна моќност од 62 мегавати и тие треба да бидат во функција до 2023 година. Владата планира годинава да продолжи со оваа мерка, со објавување на нови јавни повици за дополнителни инсталирани капацитети од фотонапонски централи.

Според Нацрт-програмата, инвестициите во ОИЕ се неопходни за намалување на емисиите на стакленички гасови.

„Во РСМ емисиите, како сооднос со БДП, се петпати поголеми од просекот во ЕУ, и потребни се значителни инвестиции за нивно намалување до 2040 година. Лигнитот е одговорен за 70 отсто од сите емисии на CO2. Тешката индустрија (железо и челик, обработка на руда и цемент), слабо изолираните градби и неефикасните уреди како и малиот процент на употреба на ОИ во домаќинствата придонесуваат за висока емисија на стакленички гасови“, се констатира во документот.

Затоа, потребни се дополнителни инвестиции за зголемување на капацитетите од ОИЕ и за постигнување на целите за енергетска ефикасност. Истовремено, експанзијата на обновливите извори ветува и можност за нови работни позиции и ја намалува зависноста од увоз на енергија.

https://meta.mk/investiczii-i-zgolemeno-proizvodstvo-na-energija-od-obnovlivi-izvori-prioriteti-vo-energetikata-do-2023/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #450 Posted: 04-Mar-2021 at 15:47




https://www.facebook.com/bochvarskiblagoj
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 13759
  Quote Џоле Quote  Post ReplyReply #451 Posted: 05-Mar-2021 at 11:00
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #452 Posted: 02-Apr-2021 at 16:07
Пуштен во употреба новиот 400/110 киловолтен трансформатор „Битола 2“, се подготвува терен за далноводот кон Албанија

Премиерот Зоран Заев денеска го пушти во употреба новиот 400/110 киловолтен трансформатор во трансформаторската станица „Битола 2“. Станува збор за сопствена инвестиција на АД МЕПСО во висина од 2,4 милиони евра.

„Инвестициите во енергетската мрежа се од голема важност за целиот електроенергетски систем и имаат директно влијае на пристапот и стабилноста во снабдувањето со електрична енергија за домаќинствата од овој регион, за малите претпријатија како и за големите индустриски капацитети“, рече премиерот Зоран Заев.

Тој подвлече дека задоволството е уште поголемо што континуирано се инвестира во енергетскиот сектор во земјава.

„Од оваа трафостаница тргнува интерконективниот далекувод кој ја поврзува земјава со Грција, а токму тука, со проширување на последното поле во трафостаницата се подготвува теренот за изградба на интерконекцијата со Албанија, преку далекуводот Битола-Елбасан“, изјави Заев на денешниот настан на кој заедно со Благој Бочварски, министер за транспорт и врски и Куштрим Рамадани, генерален директор на АД МЕПСО ги истакнаа придобивките од инвестицијата за целиот електроенергетски систем.

Министерот Бочварски рече дека инвестициите во електро преносниот систем што ги реализираме се само доказ на нашите стратешки одлуки во зајакнување на електро-енергетскиот сектор во Република Северна Македонија.

„Оваа инвестиција е од огромно значење не само за Битола и Пелагонискиот Регион, туку и за нас како држава и за цел енергетски сектор. Оттука испраќаме јасна порака до сите сегашни и идни инвеститори. Со модернизацијата на оваа Трафостаница, сега нудиме стабилно и редовно снабдување со електрична енергија, a тоа е одговор на нивните потреби”, изјави Бочварски и додаде дека вкупните инвестиции на АД МЕПСО надминуваат 100 милиони евра во сите сегменти од реконструкција и модернизација на трафостаниците до изградба на нови далекуводи.

Директорот на АД МЕПСО, Рамадани истакна дека новиот 400/110 киловолтен трансформатор се поставува на местото на стариот кој беше во функција од далечната 1982 година.

„Постапката за набавка на новиот трансформатор започна во 2019. Трансформаторот пристигна во февруари, стручните екипи на производителот го монтираа и тој досега беше во пробна работа. Овој 235 тонски електроенергетски елемент е произведен од Колектор-ЕТРА од Словенија“, рече Рамадани.

https://meta.mk/pushten-noviot-400-110-kilovolten-transformator-bitola-2-se-podgotvuva-teren-za-dalnovodot-kon-albanija/
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 13759
  Quote Џоле Quote  Post ReplyReply #453 Posted: 03-Apr-2021 at 11:38
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #454 Posted: 12-May-2021 at 17:13
Фотонапонските електрани и лани најбројни како нови објекти, малите хидроелектрани со најголема моќност [инфографик]



За производството на електрична енергија од сонцето и водата како обновливи извори на енергија (ОИЕ) и понатаму постои најголем интерес во земјава, споредено со останатите извори на „зелена енергија“. Како и изминатите години, бројот на нови енергетски објекти лани бил најголем кај фотонапонските електрани, додека малите хидроелектрани што биле изградени имаат поголема моќност за производство на струја, покажуваат податоците на Агенцијата за енергетија и Регулаторната комисија за енергетика и водни услуги.

Според Регистарот на електроцентрали за производство на електрична енергија од ОИЕ, во земјава има 168 фотоволтаични електрани, 98 мали хидроелектрани, 3 биогасни електрани и по 1 ветерен парк и електрана на биомаса. Сепак, овие податоци ажурирани од Агенцијата за енергетика на 20 април годинава покажуваат дека малите хидроелектрани имаат најголема моќност, а поради нивната големина и произведуваат најмногу мегават-часови електрична енергија.

Инсталираната моќност на малите хидроелектрани, заклучно со крајот на април, е 88,88 мегавати, по што следи ветерниот парк во Богданци со инсталирана моќност од 36,8 мегавати. Иако најбројни како објекти, фотоволтаичните електрани имаат моќност од само 23,83 мегавати. Биогасните електрани во земјава имаат инсталирана моќност од 7 мегавати, додека единствената електрана на биомаса е со моќност од 0,6 мегавати.

Податоците на Регулаторната комисија за енергетика и водни услуги покажуваат дека лани во електроенергетскиот систем на земјава биле приклучени нови производители на електрична енергија со инсталиран капацитет од 14,8 мегавати.

„Најголем дел од новите електроцентрали се или фотонапонски електроцентрали, со вкупен инсталиран капацитет од 7 MW, или мали хидроелектроцентрали, со вкупен инсталиран капацитет од 7,8 MW“, се наведува во Годишниот извештај за работењето на РКЕ во 2020 година.

Во 2020 година, во земјава започнале со работа 38 нови електроцентрали кои користат обновливи извори на енергија. Од нив, 6 биле хидроелектрани, додека 32 фотонапонски електроцентрали.

„Како и кај малите хидроелектроцентрали така и кај фотонапонските електроцентрали доминира бројот на повластени производители“, се наведува во Годишниот извештај на РКЕ во однос на тоа по кои цени овие објекти ја продаваат произведената електрична енергија.

Повластената тарифа, како мерка за поддршка на производството на електрична енергија од обновливи извори на енергија, беше воведена во 2007 година, додека првите електроцентрали кои произведената електрична енергија ја продаваат по повластени тарифи започнаа со работа во земјава во 2010 година.

Од РКЕ во Годишниот извештај за 2020 година наведуваат дека кај производството на електрична енергија од хидроелектроцентрали и ветерни електроцентрали, трошоците за поддршка во просек се пониски по единица произведена електрична енергија во споредба со трошоците за поддршка кај фотонапонските електроцентрали и термоелектроцентралите на биогас.

Воедно, податоците за минатата година, споредбено со 2019 година, покажуваат пораст на производството на електрична енергија од сите видови на електроцентрали, освен термоелектроцентралата на биомаса, којашто немала производство во 2020 година.

https://meta.mk/fotonaponskite-elektrani-i-lani-najbrojni-kako-novi-objekti-malite-hidroelektrani-so-najgolema-mokjnost-infografik/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #455 Posted: 29-Aug-2021 at 09:49
Почнува изградбата на 400-киловолтниот далновод Битола – Елбасан

Со поставување камен темелник денеска во близина на Охрид ќе биде означен почетокот на изградбата на 400 – киловолтниот далновод Битола (Северна Македонија) – Елбасан (Албанија), како дел од Коридорот 8.

Како што соопшти владината прес-служба, на почетокот на изградба на овој капитален објект ќе се обрати премиерот Зоран Заев, а обраќања ќе имаат и министрите за транспорт и врски Благој Бочварски, за економија Крешник Бектеши, заменик-министерот за енергија и индустрија на Албанија Илир Бејта, генералниот директор на Електропреносниот систем оператор на Албанија, Скерди Дренова, како и Куштрим Рамадани, генерален директор на АД МЕПСО.

На настанот, кој е во организација на АД МЕПСО, предвидени се и обраќања на претставници на Делегација на ЕУ, како и на Европската банка за обнова и развој.

Реализацијата на оваа инвестиција во полна функција ќе го ставен електроенергетскиот коридор исток – запад што значи транзит на струја од Бугарија, преку Северна Македонија и Албанија до Италија, посочуваат од Владата.

https://alsat.mk/mk/pochnuva-izgradbata-na-400-kilovoltniot-dalnovod-bitola-elbasan/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #456 Posted: 29-Aug-2021 at 13:17
ПОЧНА ИЗГРАДБАТА НА ДАЛЕКУВОДОТ ЗА ЕНЕРГЕТСКО ПОВРЗУВАЊЕ НА МАКЕДОНИЈА И АЛБАНИЈА



Во близина на Охрид денеска почна изградбата на новата 400/110-киловолтна трансформаторска станица, дел од далекувод за поврзување на електропреносните системи на Македонија и на Албанија. Со поставувањето на камен-темелникот на овој капитален објект почнува и реализацијата на интерконективниот далекувод за пренос на електрична енергија меѓу Бугарија, Македонија, Албанија и Италија.

Како што кажа премиерот Зоран Заев, проектот за 400-киловолтна интерконекција Северна Македонија – Албанија на македонска територија е составен од изградба на 400-киловолтен далекувод од трансформаторска станица Битола 2 до македонско-албанската граница во должина од 97,4 километри, изградба на 400/1100трансформаторска станица во Охридскиот Регион, како и изградба на 400-киловолтно далекуводно поле во трансформаторска станица Битола 2.

„Со изградбата на 400/110-киловолтната трансформаторска станица, во Охридско-Струшкиот Регион, која со влез и излез ќе биде поврзана на новиот 400-киловолтен интерконективен далекувод Битола- Елбасан, се реализира капитална инвестиција која ќе овозможи сигурен и доверлив пренос на електричната енергија, градење добрососедски односи, поврзување за нови инвестиции, вработувања, повисок економски стандард, а со тоа и севкупен економски просперитет“, рече премиерот Зоран Заев на поставувањето на камен-темелникот во близина на село Мешеишта.

Заминик-министерот за енергија и индустрија на Албанија Илир Бејта рече дека овој коридор ќе овозможи еден поширок пазар и поголем развој на рагионот во однос на енергетиката.

Според министерот за транспорт и врски Благој Бочварски, со овој проект се обезбедува квалитетно и непрекинато снабдување со електрична енергија на стопанството, се надминуваат проблемите и се подобрува мрежата во југозападниот дел од државата.

Инвестицијата, која е дел од електоенергетскиот Коридор 8, е во вредност од 50 милиони евра. Станува збор за најголемата инвестиција во преносната електроенергетска мрежа во нашата земја која, согласно утврдената динамика, се очекува да биде завршена во 2023 година.

https://sdk.mk/index.php/dopisna-mrezha/pochna-izgradbata-na-dalekuvodot-za-energetsko-povrzuvane-na-makedonija-i-albanija/

Edited by stef4o - 29-Aug-2021 at 13:17
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #457 Posted: 29-Aug-2021 at 13:35
The construction of a 400/110 kV transformer station in Ohrid has begun, which begins the realization of the 400 kV Monastery (North Macedonia) transmission line - Elbasan (Albania), as part of Corridor 8.







https://www.facebook.com/MinisterKreshnikBekteshi
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 12032
  Quote stef4o Quote  Post ReplyReply #458 Posted: 02-Sep-2021 at 14:21


https://www.facebook.com/photo/?fbid=336577007861433&set=a.217916909727444
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 13759
  Quote Џоле Quote  Post ReplyReply #459 Posted: 04-Sep-2021 at 13:48
За сè има вторпат
Back to Top
 Post Reply Post Reply Page  <1 212223

Forum Jump Forum Permissions View Drop Down



This page was generated in 0.209 seconds.

Copyright ©2007 - 2021  build.mk

Коментарите на форумот претставуваат лично мислење на нивните автори и не претставуваат официјален став на build.mk.