Енергетика (општо)

РЕГУЛАТОРНА В ГОДИНА ЌЕ ИМА ЗГОЛЕМЕН ТРОШОК ЗА ЕНЕРГИЈА ЗА 35 ОТСТО - колку ќе порасне цената на струјата

Регулаторната комисија за енергетика идната година ќе потроши повеќе пари за енергија, односно за струја и нафтени деривати, во споредба со оваа година.

Поточно, предвидено е расходите за енергија идната година на енергетскиот регулатор да му се зголемат за 35,14 отсто, а тоа е наведено во Финансискиот план за 2022 година на оваа институција.

Или, ако оваа година РКЕ, според пресметките досега и претпоставките за до крајот на годинава, за струја има потрошено 12.000 илјади евра, за идната година се очекува тој трошок да биде близу двојно поголем, односно 22.800 илјади евра.

Кога станува збор за трошоците за бензин, нафта и други деривати, пак, ако годинава тие изнесуваат 8.550 евра, в година ќе бидат нешто повисоки, на ниво од околу 10.000 евра.

Или вкупно, ако годинава за енергија се потрошиле 20.500 евра, идната година енергетскиот трошок на РКЕ ќе и тежи 32.500 евра.

Во Финансискиот план енергетските регулатори го напишале следното објаснување.

„Расходите за потрошена енергија за 2022 година се предвидува да се зголемат за 35,14 отсто во однос на одобрените расходи за енергија со финансискиот план за 2021 година, како резултат на зголемената цена на електричната енергија и нафтените деривати на енергетските пазари“, се вели во објаснувањето од РКЕ.

Ова прашање од аспект на РКЕ не е толку интересно, колку што е интересно од аспект на објаснувањето за зголемената цена на струјата, и значи ли тоа всушност предвидување дека од стартот на идната година за толку ќе се зголеми цената на електричната енергија во земјава, па Регулаторна го вкалкулира во својот финансиски план за идната година.

Фактор ја праша РКЕ зошто предвидува за над 35 отсто да и се зголемат трошоците за струја, и значи ли ова дека РКЕ веќе има некои пресметки дека струјата во земјава идната година ќе поскапи за над 35 отсто.

Од РКЕ велат дека се планира трошоците да се зголемат дел заради враќањето на комисијата во нормално работење после пандемијата, што значи ќе нема работење од дома, дел поради зголемениот обем на работа, но и признаваат дека тие купуваат струја на слободниот пазар, а знаеме дека таму се многу повисоки цените на електричната енергија.

„Регулаторна комисија за енергетика и водни услуги во Финансискиот план за 2022 година ги проектира расходите согласно актуелната пост пандемиска година во која се планира враќање во целосна нормала и функционирање на целокупната економија. Што се однесува до расходите кои се наменети за потрошувачката на електрична енергија за 2022 година, истите се зголемени согласно очекувањата за враќање во целосен континуитет на нормален режим на работа, што подразбира зголемена потрошувачка на електрична енергија, за разлика од претходната година кога беа спроведени превентивни мерки на Владата на РСМ за заштита и превенција од ширење на Ковид-19, кои се однесувааа на работа од дома, во смени или ротации. Дополнително поради зголемените надлежности во РКЕ кои произлегуваат од Законот за управување со отпадот, се планираат неопходни-нови вработувања, што значи и дополнителни средства во однос на потрошувачката на електрична енергија. Во исто време Ве информираме дека РКЕ набавува електрична енергија на слободниот пазар“, се вели во одговорот од Регулаторната комисија за енергетика.

Уште една друга работа паѓа во очи од Финансискиот план на РКЕ, а тоа е дека идната година оваа институција ќе има значајно зголемени трошоци за плати. Односно, ако годинава за плати биле исплатени 533.000 евра, идната година за таа намена ќе се потрошат 634.000 евра.

Или, трошоците се зголемени за близу 20 проценти.

„Предвидени се средства за платите на вкупно 49 вработени во Регулаторната комисија за енергетика, од кои 44 се тековно вработени и пет се нови вработувања, што е предвидено да се реализираат во 2022 година, врз основа на планираниот зголемен обем на работни обврски, а согласно новите надлежности на Регулаторната комисија за енергетика, предвидени со Законот за управување со отпадот. Ставката Плати и надоместоци на плати ги содржи потставките - нето плати, задолжителни придонеси од плати, персонален данок и останати надоместоци во согласност со закон, и планираниот износ е за 19,94 отсто поголем во однос на одобрениот со финансискиот план за 2021 година“, се вели во Финансискиот план за идната година.

До РКЕ поставивме прашање зошто планираат расходите за плати да се зголемат за над 19 отсто, односно дали тоа е само за новите вработувања, или ќе има и зголемување на платите на постојните вработени.

Оттаму се децидни дека РКЕ со предложениот финансиски план за 2022 година не планира зголемување на платите на вработените. Но, ќе има нови вработувања поради новите надлежности на комисијата, а РКЕ презела и двајца согласно Рамковниот договор, па и за нив треба да се предвидат плати.

„Согласно новиот Закон за управување со отпад кој беше донесен во 2021 година на РКЕ и е доделена нова дополнителна надлежност која подразбира регулаторот да ги утврдува тарифите за управување со комунален отпад. Согласно новата надлежност, која е комплексна, неопходно е РКЕ да се доекипира со соодветни кадри и да формира дополнителни организациони единици. Дополнително, во текот на оваа година во РКЕ согласно Законот за преземање на административни службеници вработени преку К-5 програмата во Министерството за политички систем и односи меѓу заедницитебеа преземени двајца вработени, што дополнително влијае врз расходната страна на буџетот на РКЕ“, објаснуваат од Регулаторната комисија за енергетика.

https://faktor.mk/regulatorna-v-godina-kje-ima-zgolemen-troshok-za-energija-za-35-otsto---kolku-kje-se-zgolemi-cenata-na-strujata

АКО ДОСЕГА ПЛАЌАВТЕ 3.000 ДЕНАРИ ЗА СТРУЈА, ОТСЕГА ЌЕ ПЛАЌАТЕ ОКОЛУ 3.300 ДЕНАРИ Поскапувањето нема да надмине 10 проценти

Министерот за економија Крешник Бектеши изјави дека не очекува зголемувањето на цената на електричната енергија да надмине 10 проценти. Утре се очекува ЕСМ да донесе одлука со каква цена ќе учествува на јавниот тендер на универзалниот снабдувач ЕВН Хоум.

– Согласно Законот за енергетика, цената на струјата од 1 јануари за првите шест месеци од 2022 година ја потврдува Регулаторната комисија за енергетика, но имајќи предвид дека цената што ќе ја понуди ЕСМ кон универзалниот снабдувач многу влијае врз финалната цена, согласно сите проекции, зголемување над 10 отсто нема да има. Со тоа се отфрлаат сите предвидувања од експерти во областа на енергетиката и од одредени политички партии дека зголемувањето ќе биде 30, 40 или 50 отсто – изјави Бектеши, одговарајќи на новинарски прашања при денешната посета на ски центарот Попова Шапка.

Според него, доколку енергетските компании работат како треба, тогаш не би требало и во иднина да има зголемување на цената на струјата.

– Ако енергетските компании работат на начин како сега, односно двата блока во РЕК Битола, во функција е и ТЕЦ Осломеј, а наредната недела чекаме да почне испораката на мазут за да се стави во функција и ТЕЦ Неготино и ако се подобри и хидролошката состојба, тогаш убеден сум дека и во иднина ќе нема зголемување на цената на електричната енергија. Зборувам за регулираниот пазар, за домаќинствата бидејќи обврска на ЕСМ е да покрива 60 отсто од потребите на универзалниот снабдувач, но за да нема зголемување на цената, одлучивме ЕСМ во првите шест месеци од 2022 година да покрива 100 отсто од потребите на универзалниот снабдувач кој ги снабдува домаќинствата и малите потрошувачи – рече Бектеши.

https://plusinfo.mk/ako-dosega-pla-avte-3-000-denari-za-stru-a-otsega-e-pla-ate-okolu-3-300-denari-poskapuva-eto-nema-da-nadmine-10-procenti/?fbclid=IwAR1ZZwTS9Cd9_iclPlEKPrVVFEzr0JMwd236mlMmZMFqz6ivAdx-n1ey4_4

РЕАЛНО БИ БИЛО СТРУЈАТА ДА ПОСКАПИ ЗА 50 ОТСТО - експертите децидни, Владата стои на 10 проценти, РКЕ не сака да лицитира

Барањата за поскапување на струјата за 40 отсто, според експертите, се реални, поради високите берзански цени и ниското домашно производство.

Професорот Константин Димитров за Канал 5 изјави дека државата ќе треба повеќе да го одврзе кесето за да ги покие трошоците и цената на струјата од први јануари да остане ниска.

„Најреално би било струјата да оскапи до 50 отсто, ако биде под 50 отсто, тоа е политичка мерка. РКЕ си кажа јавно, една или две фирми си бараат најреално 30 проценти. Значи, најреално поскапувањето би било 50 отсто. Владата може да донесе политичка мерка да ја 'замрзне' цената на струјата, ама реално тие пари мора да ги издвои од буџет и да им ги плати на компанииве. Тие инаку можат да речат, не увезуваме струја, немаме пари“, вели Димитров.

Финалната одлука ќе ја донесе РКЕ до крајот на идната недела.

Канал 5 имале сознанија дека ТЕЦ Осломеј веќе неколку дена не произведува струја.

Претседателот на Регулаторната комисија за енергетика и водни услуги (РКЕ) Марко Бислимоски порачува дека како регулатор нема да лицитираат со цената на електричната енергија што ќе ја плаќаат потрошувачите на регулираниот пазар по 1 јануари се додека не ги направат потребните анализи. Посочува дека одлуката за цената треба да биде донесена до крајот на месецов и нагласува дека јавноста детално ќе биде информирана колку биле, кои се трошоците и што предизвикува да има промена на цената на електрична енергија.

Тој во интервју за МИА посочува дека одлуката за цената треба да биде донесена до крајот на месецов и нагласува дека јавноста детално ќе биде информирана колку биле, кои се трошоците и што предизвикува да има промена на цената на електрична енергија.

„Ние кажавме дека со цени нема да лицитираме. Ги добивме барањата од сите три компании. Сега ги анализираме, ги разгледуваме и тоа во делот на набавка на електрична енергија, трошоци за обновливи извори, дали ќе има трошоци за увоз, тоа е кај ЕВН Хоум и во делот кај Електродистрибуција и кај МЕПСО. Факт е дека двете компании пријавуваат значително зголемени трошоци за набавка на електрична енергија за покривање на загубите во нивните мрежи и всушност тоа го прави најголемиот притисок врз цената. Ние ќе видиме дали се реални тие цени коишто тие ги побарале за набавка на електрична енергија, негде се околу 220-230 евра за мегават час, дали може да бидат пониски и врз основа на тоа ќе ја донесеме нашата одлука. Потенцирам дека ние со цени нема да лицитираме додека не направиме анализи и за сето тоа ќе ја информираме јавноста колку биле, кои се трошоците и што предизвикува да има промена на цената на електрична енергија.

Факт е дека најголем проблем ни е покривање на загубите и во преносната и во дистрибутивната мрежа. Во преносната мрежа се некаде околу 15-16 милиони евра побарано од нив дека се зголемени нивните трошоци, а во дистрибутивната мрежа 134 милиони евра. Значи, тоа се факти. И тука не може да се лаже. Тоа се тие бројки коишто ги пријавиле како трошок и факт е дека електричната енергија на берзата во Унгарија на ХУПЕКС денеска се приближи на 400 евра за мегават час. Тоа е фантастична цена и транспарентно го објавуваме и го кажуваме дека тоа има сериозно влијание и општо врз целокупниот пазар на електрична енергија не само во земјава, туку и во целиот регион“, рече Бислимовски.

https://faktor.mk/realno-bi-bilo-strujata-da-poskapi-50-otsto---ekspertite-decidni-vladata-stoi-na-10-procenti-rke-ne-saka-da-licitira

Јас незнам до кога ќе чекаме некоа Врховен Совет пи ЦК на СКМ да утврдува колку било "фер" да бидат цените и слични такви антипазарни механизми во оптек, оставштини. ЛИБЕРАЛИЗАЦИЈА!!! Тотален free-market на струја, па после тоа ако треба ќе дели владата субвенции за одредени групи, ама битно да се купува и продава по пазарни цени, и да дојдат уште многу мали терциајрни дистрибутери. За да нема повеќе ситуации Грчец и подрумот на ГТЦ. Ако се крадат меќу себе нека се крадат.

ОД 1 ЈАНУАРИ СТРУЈАТА ЌЕ ПОСКАПИ ЗА 9,48 ОТСТО, СЕ УКИНУВА ДНЕВНАТА ЕВТИНА ТАРИФА, СООПШТИ РЕГУЛАТОРНА КОМИСИЈА

Струјата од 1 јануари ќе поскапи за 9,48 отсто и ќе се укине днавната евтина тарифа. Директорот на Регулаторната комисија Марко Бислимовски, на денешната прес-конференција за поскапувањето на струјата поради енергестската криза кажа дека успеале да ја намалат цената од она што го барале енергетските компании.

„Ова е една од најтешките одлуки кои ги донела Регулаторната комисија од своето постоење. Барањата на компаниите до Регулаторна беа цената да се зголеми за околу 38 отсто. Реалното зголемување ќе беше многу поголемо, но успеавме да скратиме трошоци и Владата презема обврска да им помогне на компаниите во наредниот период“, рече Бислимовски.

Тој кажа дека се укинува само днавната евтина тарифа, а евтина струја и понатаму ќе има навечер и во надела. Ако не се укинела днавната евтина струја, тогаш поскапувањето ќе било 14,23 проценти.

„Дневната тарифа поради зголемена потрошувачка и зголемен увоз чини 100 илјади евра дневно. Овој товар нашиот енергетски сектор не може веќе да го поднесе и затоа се укинува дневната евтина тарифа. За овој чекор консултиравме голем број експерти и од сите добивме мислење дека тоа е неминовност“, додаде Бислимовски.

https://sdk.mk/index.php/naslovna/od-1-januari-strujata-ke-poskapi-za-9-48-otsto-se-ukinuva-dnevnata-evtina-tarifa-soopshti-regulatorna-komisija/

Пожар кај трафостаницата во Пинтија причина што половина Скопје немаше струја



Пожар кај трафостаницата во Пинтија е причината поради која половина Скопје остана без електрична енергија, потврдуваат од МЕПСО.
– Детали се уште не знам, неофицијално проблемот е кај нас, сите екипи се на терен, се прават секакви обиди да се стабилизира снабдувањето со електрична енергија – вели Виолета Зајкова од МЕПСО.

Поголем дел од Скопје попладнево остана без електрична енергија, при што нема струја во Центар, Карпош, Кисела Вода, Аеродром, Ѓорче Петров…

https://www.novamakedonija.com.mk/makedonija/skopje/pozhar-kaj-trafostanicata-vo-pintija-prichina-shto-polovina-skopje-nemashe-struja/

France to build up to 14 new nuclear reactors by 2050, says Macron

Премиерот Ковачевски на почетокот на реализација на 400кV далекувод од ТС „Битола 2” [17.02.2022"> by Влада на Република Северна Македонија, on Flickr

Премиерот Ковачевски на почетокот на реализација на 400кV далекувод од ТС „Битола 2” [17.02.2022"> by Влада на Република Северна Македонија, on Flickr

Премиерот Ковачевски на почетокот на реализација на 400кV далекувод од ТС „Битола 2” [17.02.2022"> by Влада на Република Северна Македонија, on Flickr

Ново поскапување на струјата од 1-ви јули? - Пристигнаа првите барања од енергетските компании до РКЕ

Досега барање до РКЕ имаат доставено Електродистрибуција за дистрибуција на електрична енергија, МЕМО за вршење на дејност организирање и управување со пазарот на електрична енергија и ЕВН Хоум.

„Овие барања пристигнаа во четвртокот. Ги анализираме и кога ќе имаме точни податоци од тоа која компанија што бара веднаш ќе ја информираме јавноста. Она што веќе е сигурно и се знае е дека Електродистрибуција ја има завршено годината со 40-ина милиони евра загуба. Исто така и ЕВН Хоум ја има завршено годината со помеѓу 25 и 30 милиони евра загуба. Кога ќе ги добиеме податоците за МЕПСО ќе информираме и за МЕПСО,“ рече Бислимоски во одговор на прашање на денешната прес-конференција.

Нагласи дека во процесот на формирање на цената најголемо влијание ќе има набавката пред се на загубите на електрична енергија во преносната и во дистрибутивната мрежа.

„Кога ја носевме последната одлука калкулиравме со цена од 143 евра за мегават час надевајќи се дека ќе имаме стабилизирање на пазарот на електрична енергија. За жал, тоа не се случи и оние податоци што ги имаме денес на Унгарската берза предвидувањата за цените за јуни се 236 евра за мегават час, за третиот квартал од годинава 257 евра и за цела 2023 година 240 евра за мегават час,“ рече Бислимоски и додаде дека загубите на електрична енергија на Електродистрибуција од март до јуни ги обезбедува ЕСМ по цена од 143 евра за мегават час.

ЕСМ, додаде, ги обезбедува и загубите во преносната мрежа.

„ЕСМ презема сериозен товар за да ги обезбеди овие загуби на електрична енергија по цена која што е далеку пониска од пазарната се со цел да се избегне зголемување на цената на електричната енергија. Дополнително, најголемо сериозно влијание врз цената ќе има тендерот за набавка на електрична енергија којшто треба да го организира ЕВН Хоум во јуни. Вообичаено на овој тендер се јавува ЕСМ и за првите шест месеци цената по која што ја обезбедува оваа електрична енергија е 41 евро за мегават час што е шест пати пониска од реалната пазарна цена,“ истакна Бислимоски.

Рече дека не е оптимист дека ќе има намалување на цените на електричната енергија под 200 евра за мегават час не само на регионалната берза, туку и на останатите европски берзи и додаде дека тоа ќе прави сериозен притисок на македонските компании кои се на слободниот пазар на електрична енергија.

Посочи дека ЕСМ во целост ги исполни своите обврски кон ЕВН Хоум во изминатите четири месеци по носењето на одлуката за цената на електричната енергија во декември со која што беше предвидено 100 проценти од потребите да бидат обезбедени од страна на ЕСМ.

„За жал, се појави група на потрошувачи кои вклучуваат и општини во државата кои на еден многу спорен начин од отворениот се вратија на регулираниот пазар. Овој некоректен однос за првите четири месеци чини 30 милиони евра. Тие 30 милиони евра се 9 проценти од регулираниот максимален приход којшто го определи РКЕ, појасни Бислимоски.

За сите овие појави, посочи, што РКЕ ги воочи уште кон крајот на јануари и почетокот на февруари, се известени сите релевантни институции во државата да преземат мерки и дополнително е даден налог на Електродистрибуција што е можно повеќе да ги анализира овие, како што рече, условно да ги кажам фиктивни договори што вообичаено се случуваат помеѓу еден потрошувач којшто бил на слободниот пазар и некоја новоформирана фирма или некое многу мало јавно комунално претпријатие кое што не ги исполнува условите да оди на слободен пазар и доаѓаат на регулиран пазар.

Препорача да се зголеми домашното производство на електрична енергија и додаде дека сигналите покажуваат дека во овие четири месеци тоа е зголемено за околу 10 до 15 проценти во споредба со истиот период лани.

„Дополнително, голем број на македонски компании коишто имаат можност поставуваат фотоволтаици на своите покриви и со тоа си заштедуваат трошоци за електрична енергија и според сознанијата што ги имаме сега имаат трошоци како што имале во едни мирни временски услови. Досега имаме издадено или почнати се постапки за издавање од околу 32-33 мегавати што е на ниво на „Св. Петка" последна хидроелектрана која што била направена со државни пари. Очекуваме во текот на јули и на август да се удвои бројот на такви компании и да имаме некаде за 7-8 месеци помеѓу 60 и 70 мегавати новоизградени фотоволтаични електрани коишто ќе ја релаксираат ситуацијата со цената на електричната енергија на слободниот пазар,“ потенцира Бислимоски.

РКЕ до крајот на јуни треба да донесе одлука за цената на електричната енергија на регулираниот пазар што ќе важи до крајот на годинава. Во неа се признаваат оправданите трошоци што ги имаат енергетските компании.

https://www.mkd.mk/makedonija/ekonomija/novo-poskapuvanje-na-strujata-od-1-vi-juli-pristignaa-prvite-baranja-od

(СИМУЛАЦИЈА) Колку поскапо ќе плаќаат оние што трошат повеќе електрична енергија







https://360stepeni.mk/simulatsija-kolku-poskapo-ke-plakaat-onie-shto-troshat-poveke-elektrichna-energija/