Трамвај Скопје ( Лесна железница / LRT )

Имам прашање луѓе.

На пример, се изгради Линија 1. Дали тогаш ќе се елиминираат и скратат, модифицираат, поделат некои линии.

Пример. 15ка би се укинала сигурно. 22 ќе се скрати. 2, 12 исто така. 4, 24 исто....

Но има една работа. Дали Линија 1 ќе може да ги прими сите овие патници од овие автобуски линии?

Зашто сепак не би било логично да постои трамвај и автобуски превоз на цела или во поголем дел иста траса, линија.

Ова би можело да се пресмета во однос на постојните автобуски линии, но сепак ќе недостига проекцијата за раст во текот на изградбата и после пуштањето во употреба (доброто решение би донело нови корисници). Понатаму, многу од линиите не само што би се скратиле, туку и темелно би се ревидирале. На крај, треба да се претпостави и изградба на следни линии, како и приградска железница која би превзела дел од патниците на одредени релации..

Јас мислам дека линијата 1 би можела да се справи со поголем дел од протокот на линиите што ги наведе, при претпоставка за возила со капацитет 250 кои сообраќаат на секои 2 минути. Но, ова се случува само во два временски периода на „шпиц“. Не би било ништо чудно ако во тие периоди се додаваат автобуски линии на паралелни траси - на пример модифицирани 57, 5, 15 или експресни линии. Остатокот од времето автобуските линии само би ги пренесувале патниците до ЛРТ мрежата. Секако, ова подразбира нов систем на билети кои би дозволувале преседнување, што би било добро да се има и сега.

Инаку, токму од логиката на скратување и замена поаѓа мојот концепт за ЖС Маџари како терминал на „линија 1“: со оглед на тоа што источно од Транспортниот центар линијата би била помалку оптеретена, таа би ја превзела и линијата 23, а линиите 65 би почнувале од таму (според мене Ново Лисиче е лоша локација за терминал, а и воопшто за депо, но за тоа повеќе следниот пат).

Со електронскиот начин на наплата се средува проблемот со прекачување. Тука во Бризбејн функционира таков систем на електронска наплата каде што треба да се допре картичката до сензорот при влегување и при излегување, и ако се влезе во друго возило во орк од половина час од излегување од другото се смета како да го продолжуваш патувањето и само се додава додаток за евентуалното преминување во друга зона, бидејќи тука е поделен просторот на концентрични зони и во зависнот во која зона си од тоа зависи колку плаќаш по патување.

http://translink.com.au/tickets-and-fares/go-card

Инаку во Берлин системот е или карта за кратки патувања (до 4 S-Bahn станици или до 6 автобуски) и најчесто регуларна карта која ваќи два часа од нејзиното откуцување и можеш да смениш се што ти треба за транспорт, но не е дозволено во тие два часа да отидеш од А до Б и пак да се вратиш до А.





Edited by mirakuliks - 23-Feb-2012 at 10:35

И што правиме ако навистина ова влезе во фаза на реализација? Ќе се чудиме... џабе правиме и други алтернативни решенија..... 

Ај тоа што ќе биде од страните на булеварите... ама, што ќе правиме со тоа што низ центар не е подземен, туку поминува на Рекорд.

Не. Концесионерот ќе постапува по веќе изготвената студија на Виалто. Веќе е одлучено!

Логично и да ја имал таа слобода, секоја бизнис компанија има цел со помалку трошоци да има повеќе приходи, па според тоа шансите да се одлучи за изградба на ЛРТ со подземни делови се многу мали, кога веќе градот посочува и одобрува, подржува проект кој е поефтин од ЛРТ систем.

Ова за мене е чиста глупост. Иако во минатото навистина сакав да има трамвај во Скопје сега верувам дека тоа нема да смени ништо, напротив ќе го искомплицира сообраќајот уште толку.

Која е поентата да се гради трамвај кој ќе се движи по истите сообраќајници и со кој ќе се патува исто долго како и со автобусите?

Ова ми личи на бизнис како и речиси се друго што се прави во градов!

хмм...

Сигурно? Имајќи во предвид дека ќе се движи по главните артерии на градот, каде што има најголем проток и концентрација на автомобили, најголем број на автобуски линии... и значајни, густо населени и висока секојдневна активност и движење на население...

И кај ќе се движат сите овие автобуси.... ќе летаат?

Ај автобуси...

останати автомобили, таксисти....

премногу несериозно тргнавме со трамвајов.... колку само да го биде, да го има..

Edited by FoSsiL - 23-Feb-2012 at 19:40

На крајната десна лента од двете страни. Ако веќе го ставаат од страните нека го стават во зеленилото измеѓу коловозот и пешачките патеки... кај што е секако можно....

Ама во средина е во секој случај подобро, иако за жал нема да биде така...

Ама јас не разбирам... дали навистина незнаат, или намерно прават од градов турлитава... Едноставно ги уништуваат можностите за негов правилен развој... 

Рабирам дека трамвај е некој развој и дека луѓето подржуваат се што се гради... ама зошто не се разбере дека не е проблемот во тоа што се гради.... Ако, никој нема ништо против, сите сме за развој на градот... ама тоа што нас не засега е како се развива... правилно или неправилно... на нас ни треба правилен развој, додека сеуште имаме можност за тоа... но како што минува време и нови измислици, таа можност станува се помала и помала.... додека еден ден не се освестиме и се видиме како живееме во град кој е како растурена соба.... 

Навистина не разбирам... Како можеа од сите начини да ги одбираат само погрешните.... дали чиста коенциденција... дали баксуз, малер работа... дали намерно... незнам... ама како и да е не го бива... иако изгледа на несвесно намерно постапување... или пак можеби свесно?

Мора да кажам дека со ваков концепт за трамвај - ќе станам негов најголем противник. Еве некои моменти што би сакал Градот да ги објасни подобро (а нема, зошто нели политичарите се избрани и тоа е тоа).

1. Бидејќи споменуваат конкуренција, дали тоа значи дека ќе имаме уште еден оператор во јавниот превоз? Дали ова нема да значи тотален хаос? Зарем не тежнее секој град кон интеграција на различните видови превоз? И зошто упорно се турка трамвајот како „дополна“ на автобускиот превоз?

2. Што со следните линии, како ќе ги вклучат во концесијата или мислат дека ова се мобилни оператори, па кој има даде провизија - нему линија? Ако навистина таа една линија е на работ на исплатливост, тогаш нека не ја ни градат. Системот мора да се шири и притоа да биде унифициран, инаку сигурно ќе пропадне.

3. Со 8-10 минути чекање во шпиц и немање алтернативен превоз на тие траси, сето ова ми изгледа како реклама за кредит за кола. А Градот веќе отворено покажува дека најважни им се возачите (односно нивните гласови). Колку време ќе помине додека да им се стапне на врат за ваквиот однос, што треба да се случи?

Или не гледаат подалеку од носот - читај 4 годишниот мандат, или навистина сеуште веруваат во двокатните автобуси како семоќно решение. Би сакал да чујам и други мислења во врска со овие аспекти на проблемот. Од моја гледна точка, вака важен проект се води како да се работи за пионерско вовче до Сарај - нека го има, да се знае дека ние го направивме..

Edited by mladen_s - 23-Feb-2012 at 20:43