Трамвај Скопје ( Лесна железница / LRT )

Бојан има Џоле на претходната страна постирано за свесното продолжување на рокот .
постот

Само на Симс 4 и СК 2014 трамвај во 2014 се планира.

ШАРЕНИЛО ОД НОВА И СТАРА ОПРЕМА НА УЛИЦИТЕ

ПОЛОВИНА ГРАД ОСТАНА БЕЗ НОВИ СТОЈАЛИШТА ОТИ СЕ ЧЕКА ТРАМВАЈОТ



Јорданка Ивановска

И покрај заложбите на Јавното сообраќајно претпријатие „Скопје“ да ги модернизира автобуските стојалишта низ градот со нова опрема, натстрешница и клупи, во речиси сите населби с` уште се среќаваат старите стојалишта, од времето на социјализмот, без заштита од дожд и сонце, каде што патниците се принудени да чекаат на нога. И да газат
во кал и ѓубре, затоа што под нив нема бетонски подлоги, ниту канти за отпадоци. На некои стојалишта воопшто нема опрема, ниту знак дека местото е станица, па едвај се препознава дека таму се чека автобус.
На дел од новите постојки, пак, воопшто нема истакнат возен ред за информирање на патниците, а други се оштетени од вандали.

Пензионерите бараат клупи

На станиците владее шаренило од три типа опрема: новите, кои се сиви
и стаклени, следуваат старите црвени, кои се валкани и ’рѓосани, без бетонска подлога, како и најстарите жолтите, во вид на чадори на
зелени столбови, кои едвај се држат, а се случува и да паднат од
силни ветрови.

Обновата на стојалиштата се одвиваше во минатата година. ЈСП набави опрема за модернизација на 226 стојалишта, што не е доволно да се
покрие територијата на целиот град.

Најреволтирани од ваквата состојба се пензионерите.

- На многу автобуски станици нема клупи за седење, па принуден сум да барам некое столпче или жардиниера. Ако нема, седам на тротоар, што е невозможно ако врне. Исто така никаде не може да се прочита кој број
на автобус поминува од некоја станица и каде воопшто оди - вели Раде Стојановски од Ново Лисиче.

Стари постојки с` уште има на „Kлимент Охридски“ кај поранешен НИП,
кај Владата, на многу места во Аеродром и Ново Лисиче, на „Kузман Јосифовски-Питу“ кај Народна банка, на „Партизански одреди“, кај
црквата „Пресвета Богородица“ и во други населби. На многу улици каде што поминуваат автобусите на ЈСП воопшто нема означено стојалиште. Останува на граѓаните да нагаѓаат, како, на пример, на „Трета
македонска бригада“ кај средното училиште „Димитар Влахов“, кај „Раде Kончар“, на едната страна од булеварот „Јане Сандански“, во населбата Влае, во дел од Ново Лисиче, а една фали и на „Илинденска“.

Цел на вандали

Директорот на ЈСП, Мишо Николов, рече дека старите постојки не се заменети со нови на трасата каде што во иднина треба да поминува трамвајот. А таа е од Ново Лисиче до Ѓорче Петров, растојание од дваесетина километри и минува по булеварите Партизански одреди и
Јане Сандански.

- Обврската за обнова на стојалиштата на оваа траса е на изведувачот
што ќе го добие тендерот за воведување трамвајски сообраќај. Ако ги модернизиравме и овие стојалишта лани, ќе се изложевме на голем
трошок - изјави директорот Николов.

Тој е свесен за проблемот и рече дека ќе вложат напори да се надмине, евентуално да се освежат старите стојалишта.

Во однос на информативните табли, тој рече дека тие редовно се цел на вандали кои ги вадат и ги оштетуваат. Според Николов, вработените на
ЈСП се трудат редовно да ги обновуваат. Во секој случај, тој потсети дека неделава ќе има електронската аукција за избор на фирма што ќе воведува електронска наплата и автоматска локација на автобусите.
Дел од овој проект ќе биде и поставување електронски информативни
табли на пофреквентните стојалишта, од кои граѓаните на самото место
ќе се информираат за бројот на автобусот и за времето на пристигање на одредена станица.

http://www.dnevnik.mk/default.asp?ItemID=3BEC9EE453FDD844A3647F8DB8C3C2B9

Добро е барем си планираат за во иднина

Edited by jyvation - 17-Oct-2014 at 03:32

Потребни се „лесно метро“ и планско градење
     
Проширувањето на градските сообраќајници не го намалува туку го зголемува проблемот. Проширената сообраќајница привлекува нов сообраќај, велат сообраќајните експерти

Се нудат решенија за растоварување на сообраќајот

Во Скопје со децении расте конфликтот меѓу автомобилот и градот, меѓу пешакот и автомобилот и меѓу велосипедот и сите други заедно. Овој став го делат голем број граѓани на главниот град, од Сарај до Ново Лисиче, од Скопје Север до Водно. Точката до која оваа нетрпеливост стигна во последните неколку години беше аларм за градската администрација да ги прошири булеварите, да набави нови автобуси и да продолжи да повикува на зголемена свест за користење велосипед. Пред неколку дена од неформалното здружение на граѓани „Сите на точак“ по 29-ти пат излегоа со велосипеди и ја покажаа критичната маса за промени во сообраќајната култура и инфраструктура. Овие граѓани повикаа не само на простор за велосипедистите, туку на „простор за сите“. Овој нивен израз на незадоволство е уште едно потсетување дека за да се вози велосипед, освен свест, потребни се и доволно патеки. Граѓаните велат дека за да користат јавен транспорт и да возат велосипед почесто е потребно да имаат повеќе избор, поквалитетна услуги и подобра инфраструктура.

Градот е зрел за шински јавен превоз

Трендот на растечки сообраќај во главниот град не го издвојува главниот град од другите во светот, каде што низ годините е сѐ поголем конфликтот меѓу потребите за здрава животна средина и побрзиот и поквалитетен начин на транспорт. Според професорот Никола Крстаноски од отсекот за сообраќај и транспорт на Техничкиот факултет во Битола, време е за градење поинаква политика за развој на сообраќајниот систем.

- Во стручните кругови се зборува за конфликт помеѓу градот и автомобилот, зашто автомобилот бара преголеми површини за движење и паркирање. Познат е феноменот дека проширување на градска сообраќајница порано или подоцна не го намалува туку го зголемува проблемот. Проширената сообраќајница привлекува нов сообраќај. Затоа денес се зборува за градење и за поддршка на одржлив транспортен урбан систем, кој пред сѐ значи што помала употреба на автомобили и сѐ поголем број патувања во градот со јавен градски превоз, велосипеди, мопеди, такси и други видови „почисти“ и поефикасни превозни средства - појаснува Крстаноски.

Професорот нагласува дека јавниот превоз во Скопје е подобрен, но дека моменталната траса на автобуски линии е наследена и не одговара на потребите на граѓаните и на урбаното живеење.

- Скопје со повеќе од половина милион жители е повеќе од зрел да воведе шински јавен градски превоз, односно систем на брз трамвај или лесно метро. Овој систем, за разлика од класичниот трамвај, користи траси што се физички одвоени од преостанатиот сообраќај, односно не користи исти сообраќајни ленти со автомобилите - вели тој за долгогодишната идеја за скопски трамвај.

Наследени грешки

Грешките од минатите децении како лошо урбанистичко планирање што немало визија за развојните текови во блиска иднина создадоа состојби во кои денес сообраќајот и движењето на граѓаните се попречени, а се намалува и можноста да се поправат грешките. Резултатите се претрупани булевари, узурпирани тротоари и мал број велосипедски патеки. Професорот Крстаноски како пример на планирања без визија ја посочува населбата Капиштец, каде што се градеа високи згради, а плановите не предвидуваа доволно простор за паркирање и за сообраќај. Дополнително, тој го посочува и трговскиот комплекс спроти Градежниот факултет, кој привлекува сообраќај и за кој нема никакви решенија за пренатрупаноста. Граѓаните велат дека ги мачи дилемата, која им се наметнува од два спротивни впечатока, дека иако се работи на инфраструктурата, сепак проблемите не се намалуваат.

Од градската администрација велат дека вложуваат многу во конкретни проекти и кампањи.

http://novamakedonija.com.mk/NewsDetal.asp?vest=107141036591&id=14&prilog=0&setIzdanie=23292

Реченицата беше отприлика вака:

30 и кусур години во Скопје не е позначајно сменета активна или додадена нова линија во јавниот превоз.

Толку од инвентивноста на институциите.

За овие проблеми коментираат само граѓаните и некогаш поставуваш прашање до ЈСП, за тие да одговорат дека не биле надлежни. Во нашава држава никогаш никој за ништо не е надлежен, па мајка му стара ако не си надлежен, ќе речеш фала за предлогот и ти како институција (во случајов ЈСП) ќе го проследиш предлогот до Град Скопје, не гледам ништо тешко во тоа.

Инаку, да, конечно асално нешто објавено за градов. Очигледно само Нова Македонија остана која од време на време објавува добри текстови (освен за загадување, се разбира кога треба)

Originally posted by ehrlich За овие проблеми коментираат само граѓаните и некогаш поставуваш прашање до ЈСП, за тие да одговорат дека не биле надлежни. Во нашава држава никогаш никој за ништо не е надлежен, па мајка му стара ако не си надлежен, ќе речеш фала за предлогот и ти како институција (во случајов ЈСП) ќе го проследиш предлогот до Град Скопје, не гледам ништо тешко во тоа. Инаку, да, конечно асално нешто објавено за градов. Очигледно само Нова Македонија остана која од време на време објавува добри текстови (освен за загадување, се разбира кога треба)

Зависи, ако е за пофалба сите се први.За реакции и преземање одговорност сите се глуви, слепи или исчезнати

А да направевте линии и станици блиску до спортскиве објекти во Скопје.Еве немора БТ или СЦЈН еве до стадионот да има барем.

Фосил се знаат стварните и реални приоритети на Скопје. Стварните се дека се подземни подземни посоки во централното градско подрачје. И фактот што без еден огромен проект како урбаниот воз и користењето на внатрешниот полупрстен што е денес заобикола за меѓуградскиот и товарен железнички сообраќај исцртан на сликата. Исто така без завршување на сите проширувања, вклучувајќи и урбани посоки и булевари како јужен булевар воцентар, денивелирање на рекорд нема само што не е можно туку и не е исплатливо проект ЛРТ Град Скопје.

Ете го повторно циркузот баш како и што постирав кога претходно беше пролонгиран рокот,Коце вака ќе си ја тера до крај на мандат...да не беше трагично ќе беше комично....


Повторно пролонгиран терминот за понуди за скопскиот трамвај


Тендерот за изградба на трамвај во Скопје ќе наполни една година. По септемвриското пролонгирање на рокот, Градот Скопје деновиве го определи 28 јануари 2015 година како краен датум за доставување на понудите од компаниите што се заинтересирани за проектирање, изградба, финансирање, стопанисување и трансфер на трамвајот во главниот град. Ова е четврто поместување на датумот за испраќање на понудите, по првичното одложување на почетокот на мај, како и почетокот на септември и почетокот на ноември како дополнителни рокови. Кон крајот на јануари 2015 година ќе бидат познати имињата на компаниите што пројавиле интерес за реализација на скопскиот трамвај.





Освен крајниот рок, не се променети други сегменти од веќе распишаниот тендер за воспоставување на јавно – приватно партнерство. Компанијата што ќе биде избрана, предвидено е да управува со трамвајскиот систем во период од 35 години. За изградба на трамвајската линија 1, со должина од 12,1 километри, и за набавка на најмалку 22 трамвајски возила, таа ќе треба да инвестира 243 милиони евра. За возврат, идниот концесионер би ги добивал приходите од остварената продажба на билети и од сите други извори на финансирање. Огласот за доделување на договор за јавно – приватно партнерство за изведба на трамвајот во Скопје беше објавен на почетокот од јануари 2014 година.



http://www.build.mk/?p=40164