dali nekoj znae koje e minimalnata cena za kvadrat vo skopje?
pretpostavuvam toa se zgradite na periferijata od gradov

Некој да не има информација повеќе за ова?

КУПИ КУЌА, КУПИ СТАН: Субвенцијата за половина учество стана неповратна!
Понеделник, 12 Август 2013 15:14

Владата направи нова измена во станбени субвенциите со која парите во моделот за половина учество станаа неповратни, открива за Економски.мк вицепремиерот Зоран Ставрески. Измената ќе важи и за новите и за веќе земените кредити.
kupi-kukja

Со тоа граѓаните сега можат на самиот старт од проектот да добијат неповратни 9.200 евра за стан или 15.000 евра за изградба на куќа, а оние корисници кои веќе аплицирале за половина учество и го добиле заемот немаат обврска да го враќаат.

Вицепремиерот и министер за финансии Ставрески верува дека оваа нова погодност значително ќе го зголеми интересот за купување на стан или куќа со финансиска помош од државата.

- Ова е животна шанса за оние кои имаат некакви, но недоволни средства да добијат значителна сума и да се стекнат со сопствен дом. Во случај на купување стан државата дава 50% од учеството или 9.200 евра за кредит од 50.000 евра. За купувањето или изградбата на куќа, каде што државата покрива 75% од учеството, корисникот добива 15.000 евра за кредит од 50.000 евра, изјави Ставрески за Економски.

Бенефицијата важи доколку корисниците се придржуваат на веќе востановеното правило исплатата на кредитот да ја вршат подолго од десет години.



Наместо кирија, 82 евра рата за сопствен дом

Како што вели вицепремиерот, моделот "Половина рата" е исто така атрактивен ако се има предвид дека во тој случај корисникот на кредитот ќе плаќа поевтина рата за свој дом отколку месечна кирија.

- Во "Половина рата" за 50.000 евра кредит ратата изнесува 330 евра од кои корисникот плаќа само 82 евра, а државата 250 евра во првите пет години. Сите тие што плаќаат кирија од 100 евра месечно, можат наместо тоа плаќаат 82 евра рата и да изградат куќа или да купат стан, изјави Ставрески.
http://www.kurir.mk/makedonija/vesti/126414-KUPI-KUKA-KUPI-STAN-Subvencijata-za-polovina-ucestvo-stana-nepovratna

На интернет страницата на АК Инвест (градежната компанија која ќе ја гради оваа зграда) пишува само дека ќе биде лоцирана во Карпош.

Инаку, оваа зграда се планира да гледа на бул. Партизански одреди.







Edited by Џоле - 14-Oct-2013 at 11:40

Originally posted by Dexter26   Ова нема теоретски шанси да биде станбен објект, бидејќи ако биде, не можам да замислам како ќе изгледа кога ќе ги наредат тие чировите од надворешни единици за клима уреди, а сушење облека на тераса па да не правиме муабет.   И пред било кој да ми реплицира со:   Каде гледаш тераса на рендерот ?   Дозволете ми да ве потсетам дека ова е Македонија, земјата на чудата.

иако и мене ми е познато колку многу си патиме од урбано дивјаштво, не би се согласил со тебе, како прво објективе се многу потешки за „модифицирање“ од класичните, како второ, не се вселува секаква стока во нив... еве погледни некои од поновите станбени објекти во Дебар маало и на Партизанска
за климите немам зборови

Кај висококатниците нема некои промени, така што нема што да се слика. Ако си ги видел сликите од пред две-три недели, тоа е тоа засега. Инаку, има посебни нишки и за Џевахир облакодерите, и за бродовите во Вардар. Прочепкај малку низ форумот, ќе ги најдеш.

Edited by Џоле - 06-Nov-2013 at 16:53

Зградата на Адора во Аеродром

нов сум на форумот; ме интересира како да утврдам податок за матерјалот и изведба на преграден зид од становите спрема скалишното јадро. На веб сајтот се уште стои :
Станбените и деловните единици како и јавниот простор ќе бидат опремени со адекватни материјали, согласно архитектонското решение.
Ѕидовите во сите објекти се од блок тула.Ѕидовите кон скалишното јадро се сендвич (10+2+10), ѕидовите помеѓу становите се блок тула од 25см, додека внатрешните прегради се блок тула од 10см.
Како изолација во сендвич ѕидовите се користи ФИБРАН, кој има одлични карактеристики по однос на топлотната и звучната заштита. Ѕидовите и плафоните се малтерисани, глетувани и завршно колористички обработени.

Завршната обработка на ѕидовите и подовите, во бањите, делумно во кујните и на терасите, е керамика од европско потекло. Подовите пак во преостанатиот станбен простор се обложени со дабов паркет, завршно лакиран. Влезните врати во становите се сигурносни со соодветен оков и вграден сигурносен систем. Внатрешната столарија е од медијапан обложен со фурнир и завршно лакиран со полиуретански мат лак. Станбените единици и локалите се опремени со санитарии од европско потекло со придружни елементи.
Е сега одговорниот на градилиштето тврди дека зидовите спрема скалишниот простор се чист бетон, без никаква изолација, т.е. изолирани се само надворешните зидови.
Ме интересира дали е дозволено спрема новите прописи во становите да се користат чисто бетонски зидови, како од аспект на изолација, влага а и удобност на луѓето, мислам дека во Европа не се користат бетонски зидови без изолација ниту во казнено - поправните установи ?? Исто така ме занима постои ли постапка и надлежна инспекција околу битен суштински неквалитет или лоши проектански решенија ? Некој тврдат дека сега е најлошо од било кога, надзорот е приватен, мува не ги лазе. Посебна приказна се инсталациите за водовод и парногреење.

Edited by nefer22 - 13-Dec-2013 at 00:56

Постовите за „Белведере Ресорт“ се префрлени во соодветната нишка за проектот:
http://www.build.mk/forum/forum_posts.asp?TID=2947

... мада и во нишката за урбана мафија да ги префрлев, немаше да згрешам    

Сé повеќе скопјани се селат на периферија
Нова населба никнува во периферијата, која ја создаваат млади двојки, кои наместо помал стан во центарот, избрале да изградат куќа во приградските населени места.

kuka

Општина Илинден во селото Марино пред две години продаде 24 плаца, од кои на 11 во моментов се градат новите домови, а три се веќе вселени. Идните жители на Марино велат дека сакаат мир и спокој, далеку од градската џунгла, што е главната причина што бегаат во приградските делови, пишува „Дневник“.

Овде свој дом градат млади луѓе од Скопје и од други градови во државата. Темелите на својата куќа пред три дена ги постави 33-годишниот Ристе Атанасов, кој е од Радовиш, а работи во Министерството за транспорт во Скопје. Се надева дека во ноември куќата ќе биде готова.

- Се решив да изградам овде бидејќи условите што ги даваат Владата и Општина Илинден се многу поволни. За истата површина на куќа што ќе ја изградам овде, во Скопје би добил помал стан. Kомуналиите за градба се ниски – вели Атанасов и додава дека во Скопје е пет години и живее под кирија.

- Наместо за кирија, со парите ќе исплаќам рати и ќе си го решам станбеното прашање. Нешто ми помага и мојот татко. Овде ги има сите потребни содржини и услови за еден млад човек да формира семејство. Има градинка, дом на култура, библиотека, спортски игралишта, спортска сала, основно и средно училиште – вели Атанасов.

Малку подалеку од него куќа гради и 36-годишниот Сашко Младеновски. Тој живее во центарот на населбата Илинден, но решил да изгради куќа и во Марино бидејќи е помирно.

- Ми се допадна локацијата и решив да градам овде. Според урбанистичкиот план, веднаш спроти мојот плац е предвиден парк со клупи за седење и детско игралиште, како и деловни објекти. Треба да се средат и одводот и патот – вели Младеновски.

Во Општина Илинден велат дека во близина е економската зона Марино-Kадино каде што ќе се отвораат нови погони, а во кои може да се вработат младите луѓе што ќе се населат во овој дел од Скопско. Градоначалникот на Илинден Жика Стојановски смета дека Општината ги понудила сите услови за добар живеење.

- Спроведена е струја, сите плацови имаат приклучок за вода. Тие ќе бидат приклучени и на фекалната канализација, а во близина е и пречистителната станица. На крајот ќе се направи и патната инфраструктура – изјави Жика Стојановски, кој се радува што плацовите ги купиле, пред се`, млади семејства од цела Македонија, како што вели, од Радовиш, Kуманово, Kрива Паланка, Тетово, Јагуновце и од Пробиштип.

Плацовите беа продавани по почетна цена од 128 денари за квадратен метар. Тие се со површината од 350 до 550 квадрати.
http://republika.mk/?p=266923

За овој тренд кој веќе долго време го има во Германија имам на неколку пати зборувано. Се надевам дека и кај нас се повеќе луѓето ќе ги ценат предностите на мирниот живот на периферијата место хасот кој го имат во урбаните делови во градот. Колку што знам освен гореспомнатото Марино доста се гради и во Драчево. Сао подобрување на инфраструктурата за кратко време ќе се стига до центарот а од друга страна место кокошарник од видот на БЛОК стамбена зграда како оние во Реонски Центар имате Куќа, двор и може да правите што сакате.