build.mk Homepage
Forum Home Forum Home > Главни теми > Урбани прашања > Урбанистички целини
  Active Topics Active Topics
  FAQ FAQ  Forum Search   Register Register  Login Login

Зајчев рид

Bookmark and Share
 Post Reply Post Reply Page  12>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #1 Topic: Зајчев рид
    Posted: 28-Nov-2008 at 03:54
http://www.utrinski.com.mk/?ItemID=B7180F3D3A5E034DA7CE33B67A6F0B71

На Зајчев Рид ќе се гради мини-град

Советот на Општина Карпош го усвои ДУП за локалитетот, со што е реализирана една владина идеја

Советот на Општина Карпош едногласно даде зелено светло за изградба на станбена населба на Зајчев Рид, усвојувајќи го вчера Предлог-деталниот урбанистички план. Со планот на кој се работеше во изминативе две години, Зајчев Рид првпат ќе добие урбанистичка рамка, со што автоматски ќе се реализира и дел од владината програма за изработка на урбанистички планови од значење за државата. Урбанистичка рамка доби земјиштето од околу 147 хектари на кое, покрај станбени згради, е предвидена изградба на индивидуални објекти, црква, конгресен центар со хотелски комплекс, образовни институции, плоштад, парк... Станбените објекти ќе имаат најмногу шест ката, а индивидуалните три. Усвоениот план се разликува од досегашните верзии во урбанистичкиот опфат поради решението од Управата за заштита на културното наследство. Опфатот е зголемен, бидејќи при анализата на теренот биле откриени антички гробови. Изработувачите на планот објаснија дека населбата е замислена како амбиентална целина. Општината ќе може да ги услови заинтересираните инвеститори на предвидените содржини во смисла на архитектура, материјали и слично.

Најголем дел од земјиштето опфатено со планот е во државна сопственост, а има и приватни парцели. Пред две години кога Министерството за транспорт го предвиде локалитетот Зајчев Рид во програмата за изработка на урбанистички планови, најави дека државното земјиште ќе се отуѓува на меѓународен тендер. Цената на земјиштето, како што беше речено, ќе биде приближна, а може и повисока од цената по која се продаде земјиштето за изградба на населбата Сончевград. Од Општина Карпош, пак, тогаш најавија дека во општината една сериозна германска фирма неколку пати се распрашувала за локалитетот, сакајќи да инвестира во изградбата. (Дс.Т.)

Back to Top
SnowMaker View Drop Down
Newbiе
Newbiе


Joined: 15-Jan-2009
Location: Skopje
Online Status: Offline
Posts: 0
  Quote SnowMaker Quote  Post ReplyReply #2 Posted: 15-Jan-2009 at 23:13
Случајно чепкав на нет и наидов на форумов Smile

Па си викам да поставам некое прашање сигурно ќе има некој на форумов што би знаел. Епа вака: Моите дедовци имаат плац на Зајчев Рид кај раскрсницата накај Бардовци од страната на РХМЗ и е точно на брдото (Покрај улицата што е од Влае до автосалоните). Повлекоа моите барање за Денационализација ама некако на тие одговорните не им се дава тој плац Smile. Последно што им рекле е дека го земале Археолошко друштво на Р.М. и дека нема никакви шанси да се врати тоа земјиште.

Дали стварно е дадено за ископување на Археолошко Друштво или пак си го зел некој Газда па сака нешто да гради и сега не го дава?

Фала однапред

Поздрав, и се надевам дека некој ќе знае да ми одговори Smile!
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #3 Posted: 15-Jan-2009 at 23:54

па таму е Скупи, но побарај и официјален документ да добиеш, но најверојатно тоа многу нема да смени. сепак за да ти е мирна совеста оди до крај и испитај ја работата, има мислам второстепена комисија за жалби во владата во однос на денационализацијата, на крај ако и од тоа не си задоволен терај ја работата на суд.

исто има доста веројатност и да се работи за фол, со оглед дека ако излегува на пат тоа е доста атрактивно место само треба да се осигураш кои се границите на локалитетот и дали навистина е определено местото за археолошко истражување. односно сондажите покажале дека постои материјал за истражување. од она како што те разбрав ти си поблиску до тоа сервисот пред патот за бардовци или кон тенискиот клуб, со оглед дека велиш на тумбата ти е плацот, ако си на тумбата инетресно значи почнале да ги шират испитувањата и на јужната страна на тумбата...

Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #4 Posted: 16-Jan-2009 at 00:18
Колку знам оваја година се иде во правецот на брдото со ископувања, сондирањата покажава дека во тој дел има ископини.
Знам дека имаше исто така  некој проблем со некој гробишта кој се према брдото.
Задолжен за испитувањата во Скупи е Музејот на град Скопје.
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #5 Posted: 16-Jan-2009 at 02:34
па сите тумби во скопје биле контиунирано населени уште од неолит наваму, и маџари и зајчев рид и калето и газибаба и таор, интересно незнам дали природни околности ги терале луѓето на ова или пак се работи исклучиво за точки погодни за извидување, но по аналогијата на кокино повеќе држи дека истиве тумби биле користени за храмови и елитни резиденции, нешто налик географски точки за културна и социјална доминација Smile 
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #6 Posted: 16-Jan-2009 at 11:07
Originally posted by beTon

па сите тумби во скопје биле контиунирано населени уште од неолит наваму, и маџари и зајчев рид и калето и газибаба и таор, интересно незнам дали природни околности ги терале луѓето на ова или пак се работи исклучиво за точки погодни за извидување, но по аналогијата на кокино повеќе држи дека истиве тумби биле користени за храмови и елитни резиденции, нешто налик географски точки за културна и социјална доминација Smile 
епа најстарите населби на балканов се на ридови, бидејќи тоа биле важни стратешки места, исто манастирите на пр. се на високи ридови поради изолираност и заштитеност
само ај да не забегаме од темава Big%20smile
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #7 Posted: 26-Jan-2009 at 01:34

До Акведуктот по кал до колена

Од Општина Бутел, на чија територија се наоѓа овој културно-историски споменик, велат дека се чека новиот ГУП, во кој ќе се внесат предложените измени за тој да заживее

Поради недонесувањето на новиот Генерален урбанистички план (ГУП), Акведуктот и во наредните години ќе остане непристапен за граѓаните, зашто за да се стигне до него, мора да се минува низ ниви. Општината Бутел, на чија територија се наоѓа овој значаен културно-историски споменик, не може да интервенира, бидејќи чека предложените измени за овој дел од нејзината територија да влезат во ГУП.

- Со измената на тој план ние го внесуваме и најголемото културно-историско богатство на територијата на општината, а тоа е Акведуктот. Сега се' зависи од Градот, зашто ние не го усвојуваме ГУП. Ние само го усогласуваме Детаљниот урбанистички план со ГУП - вели градоначалникот на Бутел Петре Латиновски.

Општината Бутел одамна има поднесено предлог до Градот за да се измени ГУП и подготвена е дури да учествува со сопствени средства, целиот простор околу Акведуктот максимално да биде ставен во функција. Од Градот им било ветено дека ќе ги внесе измените во ГУП и дека ќе се направи група што ќе ги разгледа забелешките за да ги детализира сите измени во планот. Сепак, Советот на Градот, лани, на почетокот на летото, донесе одлука не за измени на ГУП, туку за донесување нов ГУП, што ги одолжува работите. Постапката за донесување нов ГУП е почната, но таа законски може да трае и до две години.

- Од сите скопски општини имаше доставени многубројни забелешки за измени и затоа е решено да се донесе комплетно нов ГУП, во кој тие ќе бидат внесени. Стручни тела ќе ги разгледаат тие измени, па ќе се организира јавна расправа. За тоа е потребен подолг временски период - велат од Одделението за односи со јавноста од Градот.

Самиот споменик е препуштен на забот на времето, иако надлежните неколку години ветуваат дека од него ќе направат туристичка атракција. Се чекаше на изградбата на булеварот Словенија. Сега и тој е готов, но се чека ГУП.

Општината Бутел со измените предложила просторот од двете страни на улицата Словенија да биде наменет за индустриски објекти, додека делот кон Акведуктот да се заштити со закон, а со ДУП да се осмислат пристапните патишта.

Општината има и проект за тоа како би го заживеале Акведуктот и би го направиле попристапен за посетителите. Портпаролот на Општината, Снежана Клинчарова, вели дека според проектот, предвидени се два пристапни пата до објектот, а на просторот околу него - шеталиште, летна сцена и пешачки патеки. На последните средби со министерката за култура, се разгледувала и можноста за изградба на фонтана.

- Министерството ќе издвои средства за конзервација и реставрација на Акведуктот. Сакаме тој простор да биде со мултимедијални намени. Да биде отворен за посети на ученици што овде би можеле да одржуваат историски час, да биде пријатно место за прошетки на граѓаните, а интересно за туристите. Акведуктот треба да ги задоволува не само потребите на локалното население, туку и да ги надминува локалните граници, објаснува Клинчарова.

Дел од проектот се однесува на конзервацијата и заштитата на споменикот, за што треба да се направат дополнителни истражувања. Од Министерството за култура велат дека засега не се предвидени конкретни активности околу конзервацијата на овој културно-историски споменик.

-Точно е дека одамна се разговара за конзервацијата на овој споменик. Но, најпрво Општината Бутел треба да ги регулира имотно-правните односи во тој дел, а тоа е сложена постапка која се одвива бавно. Дури потоа како институција ќе можеме да се зафатиме со конзервацијата и реставрацијата на објектот, со која убеден сум дека ќе ги зачуваме монументалните остатоци на Акведуктот, изјави Паско Кузман, директор на Управата за заштита на културното наследство.

До римскиот акведукт се стигнува преку булеварот Словенија, и тоа од страната на Бутел, потоа по новиот мост на реката Серава, од каде што се врти лево, но мора да се оди по земјен, необележан пат за да се стигне до него.

Акведуктот го снабдувал со вода новиот град Јустинијана Прима

Стариот акведукт е изграден од камен и тули. Имал 200 лака, од кои денес се зачувани 55, кои се потпираат на масивни столбови. Овој стар водовод е во должина од 400 метри.Според научните сознанија, се' уште не може точно да се утврди периодот кога е изграден овој значаен културно-историски споменик. Најнови претпоставки се дека акведуктот е изграден за потребите од снабдување со вода на новиот град Јустинијана Прима, во 6 век пр.н.е.

http://www.dnevnik.com.mk/?ItemID=F7483E488D47974D95C3E3D84C282A3D
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #8 Posted: 05-Apr-2009 at 19:12
Лукацијата Скупи

Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #9 Posted: 05-Apr-2009 at 19:26

мислам ова лево се гробиштата за домашни миленици во СК!?

иако според текстов такво нешто во СК не постои Граѓаните бараат Скопје да добие гробишта за миленици- Утрински - 14.04.2008 ... 

Back to Top
VirginAtlantic View Drop Down
Senior Member
Senior Member
Avatar

Joined: 01-Jun-2009
Location: Софиjа
Online Status: Offline
Posts: 254
  Quote VirginAtlantic Quote  Post ReplyReply #10 Posted: 15-Jan-2010 at 15:18

Прашане:

Дали може да ми кажете што за проект е тоа:
 
 
 
 
Дали се работи или е само проект?
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #11 Posted: 15-Jan-2010 at 16:09


http://www.build.com.mk/forum/forum_posts.asp?TID=674&PN=1

Накратко, ова е предлог проект за просторот на касарната Илинден во Скопје. Во моментов повеќе касарни низ државава се пренаменуваат урбанистички и на нив се планирани разни содржини. Но сето тоа е уште во фаза на промена на урбанистички планови и барање инвеститори.
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #12 Posted: 17-Feb-2010 at 01:02
  ако не се сматка тука нешто ова ќе биде најспектакуларниот рид во скопје, после калето, со оглед дека има екстра панорама, но воедно и парк во близина, хотели, стадиони, сали... мало но интересно брдо на кое за сега има само репетитор на космофон и метереолошки завод во продолжение!  

Edited by Max - 17-Feb-2010 at 01:03
Back to Top
krale View Drop Down
Senior Member
Senior Member

БАНИРАН

Joined: 28-Dec-2009
Online Status: Offline
Posts: 1487
  Quote krale Quote  Post ReplyReply #13 Posted: 17-Feb-2010 at 13:11
Штета што Зајчев рид не се урбанизира - но за тоа да се случи мора најнапред да се испита археолошки. Заради тоа се кочи целото ширење на градот во насока кон север во овој дел.

Инаку мислам дека нема да има никаква денационализација се додека не се утврди дека нема никакви вредни ископини под ридот.
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #14 Posted: 10-Dec-2012 at 12:57

АKТУАЛИЗИРАНА ИДЕЈАТА ЗА НОВА НАСЕЛБА KАЈ ХИДРОМЕТЕОРОЛОШKИОТ ЗАВОД

Kарпош ја кани елитата на Зајчев Рид

По неколку години заборав на замислата за елитна населба на запуштениот рид, на последната седница на Општината беа усвоени измени на планот. По завршување на целата постапка, се очекува локалната власт да распише повик за продажба на стотина парцели

По неколку години затишје од најавата за изградбата на населба на Зајчев Рид, темата за елитно место за живеење повторно станува актуелна. На последната седница на Советот на Општина Kарпош усвоени се измени на планот за овој реон, кој предвидува урбанизација на запуштената локација зад Хидрометеоролошкиот завод, со површина од 150 хектари. Во наредниот период ќе следува јавна расправа на нацрт-верзијата на планот, а по нејзиното завршување и усвојување на финалната верзија од Советот, локалната власт се подготвува да распише повик за отуѓување на парцелите во државна сопственост. Пред неколку години таква намера имаше Владата, но по ланското предавање на градежното земјиште во рацете на Kарпош, таа можност сега ја има локалната власт.

С` уште е рано за детали околу цената по која ќе се наддава, а и дали ќе се бара само еден инвеститор за реализација на целата замисла, од типот на Сончев град во Сопиште, за кој неодамна беше распишан повик за инвеститор.

Kако што објаснија надлежните од Општината, половина од земјиштето е наменето за индивидуално домување, а друг дел за трговски единици и хотели, бензински пумпи, плоштади, амфитеатар. Станува збор за стотина парцели, или 4.000 нови станбени единици. На презентација на планот процената на изработувачите беше дека тука дневно ќе гравитираат 24.000 луѓе.

- Во овој дел од градот ќе се најде место и за мали комерцијални и деловни објекти, за зеленило и за потребната комунална инфраструктура. Ќе има и содржини за рекреација, но и место за изградба на спортски објекти од отворен и затворен тип - изјавија од одделението за односи со јавноста.

На другиот локалитет од Зајчев Рид, односно блоковите 3 и 4, освен домување и деловни единици, зацртани се поексклузивни содржини. Се дава можност за објекти за домување со посебен режим и ограничен пристап. Поточно, елитни мини-населби. Исто така и за училиште, градинка, верски објект, амбуланта, објект за социјална заштита, појаснуваат од Kарпош. Сообраќајот е решен со неколку новопроектирани улици. Во населбата ќе се влегува од четири места - од Момин Поток, од надвозникот на патот за Kачаник, булеварот Словенија, како и од потегот што води кон населбата Бардовци.

Еднокатни куќи во Злокуќани

Освен Зајчев Рид, ќе се урбанизира и локалитетот Злокуќани, јужно од улица Скупи во делот кај клучката за Бардовци, одлучи Советот на Kарпош, усвојувајќи ги измените на планот за овој реон. Најголем дел од просторот е наменет за индивидуални куќи, со висина од девет метри, односно кат и потпокрив. Дел од земјиштето е предвиден и за изградба на училишта, мали деловни и комерцијални објекти, како и за формирање парковско зеленило.

Александар Арсовски


Dnevnik, http://www.dnevnik.com.mk/default.asp?ItemID=9B3F676F03852D4FB17D56B8A5EA4413

Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #15 Posted: 03-Apr-2013 at 11:04
Урбанистичките планови за овој локалитет станаа историја. Општина Карпош треба да покаже барем мала заинтересираност за овој проект, за делот од касарната Илинден, за туристичкиот потенцијал на Водно и за останатите проекти на периферијата од општината кои имаат можност да и донесат севкупен развој за подолго време.
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #16 Posted: 28-Sep-2013 at 10:47
Земјоделското земјиште е пренаменето во градежно во реонот на Зајчев рид. Урбанистичките планови не се објавуваат од општина Карпош од нејасни причини, што е поприлично сомнително. А какви муабети се говори за тоа кој криминалец се обидува да го земе целото земјиште на нелегален начин, за тоа подобро е да не отворам муабет.
Back to Top
build View Drop Down
Newbiе
Newbiе


Joined: 05-Aug-2020
Online Status: Offline
Posts: 1
  Quote build Quote  Post ReplyReply #17 Posted: 25-Sep-2020 at 14:17
https://denar.mk/182816/ekonomija/vo-karpos-se-finalizira-proekt-za-eko-naselba-koja-ke-se-prostira-megju-zlokukjani-i-bardovci
do kaj e so proektot
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #18 Posted: 10-Apr-2021 at 14:49


https://www.facebook.com/bogoevstefan
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #19 Posted: 10-Apr-2021 at 18:16



Може на пример да го стават ДУП-ов на официјалниот општински сајт, каде што му е местото, наместо на фејсбук профил на градоначалникот и во нечитлива резолуција.

Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #20 Posted: 10-Apr-2021 at 20:29
Originally posted by Cloverstack

... и во нечитлива резолуција.
Пази да не стават и некој векрторски формат као .dwg. Едвај .pdf со лош зум и можност да бираш layer-и е редок позитивен пример овде-онде да се најде.
Back to Top
 Post Reply Post Reply Page  12>

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.