Ски центри (општо)

"Село мое лепше од Париза". Селски менталитет, мора у секоја паланка да има аеродром, автопат, а по ново еве сега, и ски-центар! Бадијала фрлени пари, уште една Кожуф приказна. На радиус од 2h возење има Банско, Боровец, Попова Шапка, Маврово, Копаоник. Да не зборам за Пониква што е на 15км воздушна линија и веќе има стабилна основа за развој во поголем ски центар.

ЛУКСУЗНИ СКИ ЦЕНТРИ ЦЕНТРИ НА ЈАБЛАНИЦА, БУШОВА ПЛАНИНА И КАРАЏИЦА: Проект вреден 800 милиони евра најави Агенцијата за странски инветсиции

Директорот на Агенцијата за странски инвестиции, Дејан Павлески на денешната прес конференција информираше за, како што рече, еден од најголемите и најграндиозни проекти што се планирани од нивна страна, а на овој проект работеле подолго време Даниеле Костантини, експерт од Италија со над триесет годишно искуство во креирање на планински и ски ресорти ширум светот.

-Во изминатите 6 месеци направивме сеопфатни анализи за потенцијалите на нашата земја за развој на целогодишниот туризам, со особен фокус на зимските спортови, па со гордост можеме да го презентираме пред вас и јавноста. Република Северна Македонија има потенцијал за изградба на три нови луксузни ски центри по сите светски стандарди на Јабланица кај Струга и Вевчани, Бушова планина кај Крушево и Македонски Брод и Караџица во Сопшиште и Студеничани. Тоа се локации кои имаат одлични природни предиспозиции и соодветна инфраструктура. Развојот на овој проект ќе ја промовира Северна Македонија како врвна ски дестинација со конкурентни цени на скијачкиот пазар, во споредба со регионот и со меѓународните конкуренти. Станува збор за проект кој има главна цел да го стимулира и да даде силен импулс за развој на домашниот туризам и економија и да ги „отвори вратите“ за љубителите на природата и авантуризмот, како од Европа, така и од целиот свет. Идејата е овие нови туристички центри да можат да се користат од страна на посетителите во текот на целата година, а не само во зимските месеци. Прелиминарните проценки се дека овој проект би чинел помеѓу 700 и 800 милиони евра, опфаќа изградба на три нови туристички села на овие три локации кои би содржеле вкупно 16 луксузни хотели со четири и пет ѕвезди, ресторани и околу 130 планински куќи со капацитет од над 5000 легла, понатаму жичарници, ски лифтови, над 180 километри алпски скијачки патеки, велосипетски и авантуристички патеки, истакна Павлески

Нагласи и дека Агенција активно ќе работи на промоција на овие проекти со цел во најскоро време и да се реализираат.

Во наредните неколку месеци ќе ги презентираме и на светскиот настан ЕКСПО 2020 во Дубаи, а веќе остваривме прелиминарни контакти кои набрзо ќе резултираат и со директни презентации. Јас верувам во успехот на овој проект, бидејќи сите негови аспекти од искористување на природниот потенцијал и соодветната инфрастуктура се исполнети. Доминантната изложеност на исток, присуство на вода и на езера на голема надморска височина, присуство на снежна покривка помеѓу 1200 и 2200 метри во текот на близу 140 дена во годината, како и лесната пристапност и двата меѓународни аеродроми во непосредна близина се огромна предност и тешко се наоѓаат сите заедно на едно место во повеќето актуелни туристички места и во Европа и на други места во светот, рече Павлески.

https://faktor.mk/luksuzni-ski-centri-centri-na-jablanica-bushova-planina-i-karadzica-proekt-vreden-800-milioni-evra-najavi-agencijata-za-stranski-invetsicii

Реална е, гледаш веќе оствариле контакти, а и на саем ќе идат. За година дена скијаме во Вевчани.

РЕАКЦИИ ЗА ФИЗИБИЛИТИ СТУДИЈАТА ЗА ИЗГРАДБА НА ЛУКСУЗЕН СКИ ЦЕНТАР НА ЈАБЛАНИЦА



Најавата за изградба на ски центар на Јабланица со десет хотели ги разгоре ставовите меѓу властите и граѓанските активисти во Струга. Градоначалникот Мерко вели ова е многу значаен проект за Струга и регионот.

„Се започнува процедурата за изградба на скијачки центар на Јабланица. Оваа е важен процес за нашата општина затоа како градоначалник во следните чекори ќе ги консултираме невладините организации, месните заедници, бизнис секторот и сите други засегнати страни" - вели градоначалникот Мерко.

Но, граѓанските активисти од старт се на ставот дека изградбата на ваков голем комплекс ќе биде штетен за планината и природата.

Информацијата е дека вкупната инвестиција за Јабланица би била околу 320 милиони евра. Должината на скијачките патеки е предвидено да биде 85 километри, 21 километар скијачки лифтови и два резервоари каде ќе се произведува снег. Предвидено е изградба на 10 хотели, од кои шест би биле со четири ѕвезди, а другите по пет.

И претходно низ годините имаше најави за ваков проект на Јабланица но досега не се имплементира.

https://24.mk/details/reakcii-za-fizibiliti-studijata-za-izgradba-na-luksuzen-ski-centar-na-jablanica