Железнички станици

1.

2.

3.

4.

5.

6. (реновирање на еден од тоалетите)




Edited by N23 - 21-Jul-2014 at 15:07

 
Окно е изразот кој се користи за таканаречената "траса" кај лифтовите, чисто информативно.

ЕК бара компании за обнова нa 10 железнички станици во Македонија

Европската комисија денеска на својата интернет страница објави оглас со кој бара компании за рехабилитација, надградба и реконструкција на 10 железничките станици во Македонија долж пан-европскиот коридор 10, вклучувајќи го и кракот 10-д, согласно најдобрите практики во Европската Унија.



Со проектот за рехабилитација, надградба и реконструкција ќе бидат опфатени железничките станици во Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино – Вардар. Краен рок за поднесување на понудите на заинтересираните компании е до 30-ти следниот месец до 12 часот.
Целта на проектот е подобрување на целокупниот квалитет на услугите за патниците и карго-превозот, зголемувајќи ги техничките стандарди и капацитети на 10 железнички станици кои се лоцирани на коридорот 10 и кракот 10-д во Македонија.
- Предвидено е реновирање и надоградба на сите главни елементи на железничките станици, како што се водоводната и електричната инсталација – вклучувајќи ги и внатрешното и надворешното осветлување, санитариите, инсталација на системи за греење и ладење, системи за противпожарна заштита, патнички информативен систем, како и подобрување на пристапноста за товарен транспорт и достапност и поврзување со патниот транспорт (јавен и индивидуален). Посебно внимание при реализирањето на овој проект ќе се обрати на подобрувањето на пристапноста за лицата со намалена подвижност, соопшти Министерството за транспорт и врски.
Со проектот, меѓу останатото, ќе бидат целосно заменети крововите, подовите, ќе се санираат фасадите и внатрешните ѕидови, ќе биде поставена нова термичка изолација и ќе се изградат нови тоалети кои ќе бидат посебно оспособени за користење и од страна на инвалидизирани лица. На платото пред влезот во железничките станици од страна на улицата се предвидува рампа за непречен пристап, а поради сигурност платото е предвидено да се поплочува со тактилна предупредувачка лента по рабовите.

http://www.kanal5.com.mk/vesti_detail.asp?ID=45396

Edited by jyvation - 10-Oct-2014 at 21:07

НОВ ФРОНТ ЗА РАБОТА

И МАКЕДОНСКИТЕ ГРАДЕЖНИЦИ ЌЕ ГИ ОБНОВУВААТ ЖЕЛЕЗНИЧКИТЕ СТАНИЦИ



Пропишаните критериуми во тендерот што го распиша ЕK не се толку строги и недостижни за домашните фирми, како што беше случај со неколкуте последни крупни инфраструктурни проекти што ги финансира ЕУ во земјава

И македонските градежни компании ќе може да се пријават и да учествуваат на јавниот повик за обнова и модернизација на десет железнички станици во земјава, што деновиве го објави Европската комисија. Пропишаните критериуми во овој тендер не се толку строги и недостижни за македонските градежници, како што беше случај со неколкуте последни крупни инфраструктурни проекти што ги финансира ЕУ во земјава, кои ги добија странски градежни компании, а нашите од почеток беа дисквалификувани. Притоа во речиси сите случаи македонски фирми подоцна беа ангажирани како подизведувачи и ја вршат главната работа.

Од Синдикатот за градежништво сметаат дека за домашната економија е многу значајно да им се овозможат еднакви услови за учество на ваквите тендери и на македонските компании, а не однапред да се фаворизираат странски. Синдикатот досега неколкупати бараше Владата да врши притисок кај европските институции во работите да се вклучат и градежни компании од Македонија, што им успеа во неколку случаи.

- Остануваме на ставот дека и овој пат треба да се инсистира и да се бара начин македонските градежни компании да идат вклучени во проектот, се разбира, доколку ги исполнуваат пропишаните критериуми - велат во Синдикатот за градежништво.

Заинтересираните фирми ќе треба да се пријават до 30 септември, а избраните компании ќе треба да завршат со градежните активности во рок од седум месеци. И покрај тоа што секој пакет може да го работи различна компанија, сепак сите треба да се синхронизираат и да ги завршат активностите во исто време.

Според пропишаните критериуми, на тендерот може да се пријават градежни компании или конзорциуми, кои во последните три години имале приходи од 500.000 до 850.000 евра, како и во последните пет години да работеле на проекти вредни од 250.000 до 350.000 евра.

Според условите на тендерот, реконструкцијата на десет железнички станици по должина на Kоридорот 10 е поделена во четири пакети. Првиот опфаќа реконструкција и модернизација на железничките станици во Велес, Чашка и во Богомила, а вториот на стојалиштата во Битола и во Прилеп. Во третиот пакет се сместени станиците на Табановце, Градско, Неготино-Вардар и Демир Kапија, а во последниот е станицата во Гевгелија.

Планирано е секоја од овие станици да добие нова електрична и водоводна инсталација, односно ново осветление, санитарии, системи за климатизација, како и за противпожарна инсталација. Објектите, од кои повеќето сега се дотраени, ќе добијат нови покриви, подови, фасади и изолација. Истовремено, ќе се инсталираат современи електронски системи за информирање на патниците, а планирано е и да се подобри поврзувањето на железничките станици со достапниот јавен и индивидуален транспорт во околните населени места.

НАШИ ФИРМИ ГИ ГРАДАТ НОВИТЕ АВТОПАТИШТА

Kинезите бараа нивна компанија да го добие тендерот за изградба на автопатите Kичево- Охрид и Миладиновци-Штип како услов Македонија да добие кредит од кинеската Ексим банка за овие два проекта. Сепак, Владата во договорот со Kинезите го вметна условот главниот изведувач задолжително да ангажира подизведувачи од земјава за најмалку 49 отсто од предвидените работи, а во исто толкав процент и да набави градежни материјали од Македонија. Истовремено, му наложи најмалку 51 отсто од ангажираните работници да бидат од земјава, со што на домашните градежни компании им отвори нов терен за работа. Во моментов на изградбата на двата автопата се ангажирани неколку македонски градежни компании како подизведувачи.

И изградбата на автопатската делница од Демир Kапија до Смоквице, по барање на кредиторите од ЕУ ја доби грчката фирма „Актор“, но и на овој проект се ангажирани голем број работници од Македонија.

http://www.dnevnik.mk/?ItemID=B5A79E9AEFFDAE4E95184BA6DB7B22CE

Edited by jyvation - 10-Oct-2014 at 21:07

Има ли планове за реновиране на гарата в Битоля?

ФОТОСТОРИЈА: РЕКОНСТРУКЦИЈАТА ВО ПОЛН ЕК
Драги, те чекам на новиот перон на железничка!

12 септември 2014 - 14:59
Екипата на ВЕЧЕР беше во обиколка на Железничката станица со цел да видиме како напредуваат градежните работи. На терен можеше да се види дека два од пероните се готови, останува уште обнова на последниот, нивно поплочување, како и набавка на лифтовите и уредување на ентериерот


Реконструкцијата на Железничката станица во Скопје која започна да се реновира од пред два месеци е во полн ек. Првиот перон е целосно реконструиран при што е подигната подлогата за околу 30 сантиметри поради набавката на новите вагони кои ќе бидат повисоки од постојните. Работниците деновиве ќе завршат и со реконструкцијата на третиот, а последен ќе се обновува вториот перон.

Екипата на ВЕЧЕР беше на Железничката станица да види до каде се градежните работи. Претставници од конзорциумот "Инком инженеринг", "Бонор инженеринг" и "Глобочки инженеринг" кои ги изведуваат градежните работи велат дека во оваа фаза се завршени најгрубите градежни зафати како санирање на подлогите и просториите, инсталацијата, а во наредниот период ќе се работи на поплочување и ентериерното средување.

Од таму велат дека досега сработеното опфаќа половина од обемот на работа што се однесува на градежниот дел, а во наредниот период ќе следуваат поголемите финансиски зафати кои ќе ја вклучуваат набавката на лифтови, ескалаторите, плочките.

- Се обновува делот од Железничката станица што го користат патниците, а не деловните простории. Значи, се воведуваат рампи за инвалиди, лифтови, ескалатори пред се за лицата што не можат да ги користат скалите. Се обновува билетарницата, контролната соба, чекалните. Останатиот дел од Железничка само ќе се исчисти. Во моментов се чека Железничка да одлучи во која боја ќе бидат плочките што ќе се лепат на пероните, посочи претставникот од конзорциумот.

Железничката станица се обновува по 33 години, а вкупната инвестиција е предвидена да изнесува 2,9 милиони евра од кои 85 проценти се европски пари, додека останатите се од домашно задолжување. Комплетно нов лик Железничката треба да добие најдоцна до пролет. (С.М.)

фото: Д.Митрески



Два перона завршени



Бетонот се носи со колички



Пероните се со воздушен под




Два лифта до пероните





Тоалетите речиси готови






http://vecer.mk/skopska/dragi-te-chekam-na-noviot-peron-na-zheleznichka

Убаво е да сонуваш вакви работи, само што тука чим се разбудиш одма сфаќаш дека се било и останува само на сон