Железнички станици

ФОТО ВЕСТ: Во полн сјај блесна реконструираната Железничка станица во Скопје

За десетина денови целосно ќе заврши реконструкцијата на Железничката станица во Скопје. На лице место може да се увиди дека е завршена санацијата на сите шест перони, поставени се новите лифтови и ескалатори, променети се влезните врати, реконструирани се сите станични тоалети, а нов лик доби и чекалната. Во рамки на зданието е поставен нов противпожарен систем, целосно е санирана инсталацијата, меѓу кои електриката и климатизацијата. Покривната конструкција на објектот е офарбана, а воедно треба да се постават фотонапонски панели на покривот од кои делумно ќе се произведува потребната електрична енергија за станицата.

Според денешната слика на градилиштето, она што во претстојниот период треба да се доврши е реконструкцијата на билетарата, но и поставувањето на нови информативни табли за возниот ред на возовите. Комплексниот зафат треба да заврши со целосно чистење на железничката станица, по што објектот е предвидено да биде пуштен во употреба. Очекувањата се дека свеченото отворање ќе се организира наредниот месец.

Реконструкцијата на Железничката станица во Скопје доцни веќе шест месеци. Градежниот зафат започна во април 2014 година, кога беше најавено дека истиот ќе заврши во рок од една година. За оформување на новиот лик на маркантниот објект беа издвоени 2,5 милиони евра, од кои 85% се обезбедија од ИПА фондовите на Европската унија. На терен работите ги изведуваа фирмите „Инком Инженеринг“, „Бонор Инженеринг“ и „Глобоцки“, додека надзорот на градежните активности го вршеше италијанската компанија „АРС Проџети“ (ARS Progetti SpA).

Проектната документација за реализираниот реконструктивен зафат ја изработи холандската фирма „Гронтмеј“ (Grontmij), врз основа на изворното идејно решение на славниот јапонски архитект Кензо Танге. При овој зафат беа санирани единствено просториите на Железничката станица во Скопје. Останатите сегменти на Транспортниот центар, како што е: главната пошта, административните простории на МЖ-Транспорт и театарската сала, ќе чекаат некои подобри времиња за изведба на некој друг реконструктивен зафат.

1.


2.


3.


4.


5.


6.


7.


8.

Со оглед на малите предвидени средства за реконструкција мислам дека мора да бидеме задоволни од конечниот изглед.

Како што гледам на сл.14 не го одстраниле целосно казинотo?

Каква е таа „театарска сала“?

Edited by stratus - 25-Sep-2015 at 10:46

се е супер, ама пак е испозаграден просторот кој и онака е мал и не личи на железничка станица... тоа горе терасичето измеѓу двете скалила, кај што беше инсомниа, пак го заградиле... што ќе има таму?

Очекував нови електронски дисплеи, или барем нови (и повеќе) клупи на пероните. Си викам не барам многу.

Над шалтерите гледам некои жици извадени, па си викам можно е да стават некој дисплеј таму.

Edited by ovaj_stariov - 26-Sep-2015 at 19:23

 
Ќе мораат да стават засилено стакло пред сликите, од кое ќе може лесно да се бришат, односно отстрануваат графитите и останатите симболи и синоними на македонската општонародна култура. 
 

Originally posted by Џоле Уште не е завршена реконструкцијата, така што можно е подоцна да стават. За клупи зборам, електронски дисплеи се веќе научна фантастика.

 
Хехе, како не разбираш Џоле дека има стратегија позади непоставувањето на електронските дисплеи.
 
Одговорот го имаш во сликата со осветлениот рекламен знак на фризерот, кој сепак треба да заработи нешто од целата обнова. Белким ќе залута некој патник кој не знае кој воз кога доаѓа и кога тргнува, па ќе му текне во меѓувреме да се потстрижи.
 
Не изградивме железничка пруга од Кичево кон Струга и Охрид за да го спасиме Галеб, а сега не поставуваме електронски дисплеи за да му направиме добар бизнис на фризерот.
 

Originally posted by Џоле

Edited by Dexter26 - 27-Sep-2015 at 14:12

реконструкцијава шо ја напраија е на ниво коа ќе ја потсредиш гаражата дома, ќе смениш конечно сијалица онде кај зимницата, и ќе стаиш уше некоја полица за тој новиот алат шо ти го донесе Перо...... е тоа е напраено.... се шинаа.....

Со оглед на буџетот?! А за тркало има 19 милиони

Originally posted by Staro Skopje Со оглед на буџетот?! А за тркало има 19 милиони

И не само то‘!

Железничката е (делумно) реконструирана со позајмени пари (кредит), а тркалото идиотско се гради со буџетски!

Логика...

"Во втората фаза на перонот ќе бидат поставени и видеотабли за информации. За побрза услуга за патниците, ќе бидат поставени и два апарата за издавање карти."
http://republika.mk/?p=489046

Ајде баш да видиме