Железнички станици

Билетите за железничкиот превоз ќе се купуваат од два автомата

Kомплетно се завршени сите предвидени градежни работи за обнова на Железничката станица во Скопје, а наскоро следува втората фаза, односно опремувањето на станицата со информативни табли и обезбедување видеонадзор, пренесува Дневник.



Според помошник-директорот во „Македонски железници – Инфраструктура“, Петар Спасовски, во текот на овој месец треба да се направи технички прием на првата фаза од обновата на железничката станица, како и да се предаде документацијата, а ќе се изврши и обука за нејзиното понатамошно одржување.

Избраната фирма ќе има задача да постави 60 видеокамери на виталните места според проектот, односно да ја покрие железничката станица со видеонадзор и да постави информативни табли - една поголема на главниот влез, една помала на вториот спореден влез од страната на населбата Аеродром, како и на мезанинот.

Фирмата ќе треба да постави информативни табли и на секој перон за да можат патниците да се информираат кој воз за каде оди, кога ќе пристигне, дали доцни итн. Освен тоа, ќе треба да постави и разгласен систем за да можат патниците сето тоа да го чујат.

- Очекуваме дека Железничката станица во пролетта 2016 година со овие финеси ќе биде комплетно готова - најави Спасовски.

Инаку, градежните активности на Железничката станица почнаа лани во мај.

- Обновени се тоалетите на источната и на западна страна, поставени се два лифта, кои ќе ги превезуваат патниците од приземјето до пероните горе, како и лифтовска платформа до мезанинот и до првиот колосек. За 20 сантиметри се подигнати трите платформи за влез на патниците во воз. Поставени се нова електрична инсталација, соларни панели за енергетска ефикасност, спуштени тавани во службените простории и во билетарницата, ново осветление. Освен тоа, на платформите се поставени гранитни плочки, уредени се чекалните, сервер-собата, а монтирани се и два ескалатора. Во Железничката станица има и нова противпожарна централа и дактилни патеки за слепи лица - информира Невзат Мамути, советник за односи со јавноста во „МЖ-Инфраструктура“.

Помошник-директорот Спасовски потенцира дека за неколку дена ќе бидат поставени два автомата за купување билети.

-Тие се набавени, само треба да се постави софтверот. Билетите за железничкиот превоз ќе можат да се купуваат и со пари и со картички - објасни Спасовски.

http://www.skopjeinfo.mk/biletite-za-zheleznichkiot-prevoz-kje-se-kupuvaat-od-dva-avtomata

Edited by jyvation - 13-Nov-2015 at 09:56

Како успеаа толку да ја влечат работава секоја чест, изгледа втората фаза пак нешто смрди (избори)

Уште една фотографија од фејсбук:

На линкот има фотографии од реконструираната ЖС Прилеп. Би требало веќе да е завршена или да е при крај. Штета што на линкот нема слики од внатрешноста на станицата.
http://markukule.mk/%D1%84%D0%BE%D1%82%D0%BE-%D0%B3%D0%B0%D0%BB%D0%B5%D1%80%D0%B8%D1%98%D0%B0-%D0%B6%D0%B5%D0%BB%D0%B5%D0%B7%D0%BD%D0%B8%D1%87%D0%BA%D0%B0%D1%82%D0%B0-%D1%81%D1%82%D0%B0%D0%BD%D0%B8%D1%86%D0%B0-%D0%B2/

Originally posted by Џоле

Одлично е , а внатрешноста е средена или се работи сеуште ?

Edited by Џоле - 16-Dec-2015 at 16:36

И така има бесплатен железнички превоз во викенди, помладите членови од форумов можат слободно да отидат до Велес и Прилеп и назад во еден ден за да направат добри фотки

Фино изгледа.

Originally posted by Џоле Штом нема слики, моја претпоставка е дека уште се работи внатре.

Дада највероватно уште се работи ...

Сивите алуминиумски прозорци воопшто не ми се допаѓаат, можеле да стават нови бели дрвени (како реконструираната куќа во Кичево пред некоја година)

kој нездрав ги бираше тоа сребрените врати брее!! па има сеа онакви ко дрво шо изгледаат.... сакати едни...