build.mk Homepage
Forum Home Forum Home > Главни теми > Проекти > Културни
  Active Topics Active Topics
  FAQ FAQ  Forum Search   Register Register  Login Login

Саат Кула - Скопје

Bookmark and Share
 Post Reply Post Reply Page  123>
Author
Message
  Topic Search Topic Search  Topic Options Topic Options
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #1 Topic: Саат Кула - Скопје
    Posted: 14-May-2008 at 11:45
ПО ПАУЗА ОД 45 ГОДИНИ
Саат кулата неделава ќе ги добие часовниците
За реконструкција на Саат кулата Општина Чаир чека дозвола од Заводот за заштита на споменици

Четири швајцарски часовници ќе бидат монтирани на Скопската саат кула, која се наоѓа покрај Султан Муратовата џамија на Бит-пазар, до крајот на неделава, најавуваат од Општина Чаир.
Градоначалникот на Чаир Изет Меџити вели дека, иако се одамна пристигнати во Скопје, часовниците досега не се монтирани, бидејќи општинарите чекале да се прецизира договорот со турската владина организација ТИКА, која најавила донација за поправка на пристапните патишта до Саат кулата и осветлување на нејзината околина.
"Сакавме поставувањето на часовниците и реконструкцијата на кулата да одат истовремено, бидејќи поставените скелиња за часовниците, ќе беше добро да ги искористиме и за реконструкцијата. Но, не можеме да чекаме да стигне одговор од донаторот ТИКА, па затоа саатите ќе ги поставиме до следниот понеделник", вели Меџити.
Меџити вели дека за реконструкција на Саат кулата ќе му биде потребна и дозвола од Заводот за заштита на културни споменици, па затоа работите овој пат ќе се изведуваат во фази, односно прво ќе ги постават часовниците, а комплетната санација на кулата и нејзината околина малку ќе почека.
Часовниците од марката "мобитајм" се веќе пристигнати од Швајцарија, а нивната набавка и поставување Општината ќе ја чини 600.000 денари.
Султан Муратовата џамија секојдневно ја посетуваат голем број верници, но тие засега не можат да се качат на Саат кулата, бидејќи скалите се многу оштетени. Оттука идејата на Општина Чаир за санација на кулата, поправка на скалилата, изградба на пристапни патеки и дополнително осветлување.
http://www.vest.com.mk/default.asp?id=151415&idg=8&idb=2372&rubrika=Skopje


Edited by vardar - 14-May-2008 at 11:46
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #2 Posted: 14-May-2008 at 12:29


Кога ќе заврши реконструкцијата, ќе имаме уште едно одлично место од каде ќе може да се прават убави панорамски фотографии.

Cheers


Edited by Cloverstack - 14-May-2008 at 12:35
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #3 Posted: 27-May-2008 at 23:46
Cheers

Саат-кулата по повеќе од четири децении повторно доби часовници

Наскоро ќе се постават и ѕвоната коишто ќе означуваат колку е часот

Саат-кулата на Бит-пазар, познатиот културно-историски споменик во дворот на Султан Муратовата џамија, по 45 години повторно доби часовници. Мерачите на времето, ги обезбеди Општина Чаир од Швајцарија, а чинат околу 600.000 денари. Тие веќе се во функција и го покажуваат точното време, а штом ќе бидат поставени ѕвоната, бројот на отчукувањата, како што било некогаш, ќе означува колку е часот. Општина Чаир комплетно ќе ја обнови Саат-кулата и инфраструктурата околу објектот, како и двата пристапа што ќе се прават за да се стигне до споменикот. Од Чаир очекуваат дека Саат-кулата ќе стане туристичка атракција. За zaпочнување на градежните зафати се чека дозвола од Министерството за култура, а ќе ги изведува турската невладина организација „Тика“. Работите комплетно ќе ги надгледува и со нив ќе раководи Општина Чаир.

„Саат-кулата, како културно-историски споменик има посебно значење за градот Скопје и за Oпштина Чаир. Обновувањето ќе се одвива во неколку фази. По поставувањето на часовниците, тие ќе бидат осветлени. Во третата фаза се предвидува комплетно обновување на објектот, а веднаш потоа ќе се обновува инфраструкурата околу него, за да се обезбеди подобар пристап“, рече Муса Зухер, претседавач на Советот на Oпштина Чаир на вчерашниот официјален старт на работата на часовниците.

Саат-кулата останала без своите часовници за време на земјотресот и никој не знае каде завршиле, а од силниот потрес штети претрпел долниот дел од објектот. Саат-кулата била изградена во 1566 година, а градител бил Канон Султан Сулејман, а ѕвоната се слушале на оддалеченост од 12 километри. До врвот каде што се поставени часовниците и до видиковецот водат 105 скали. (Сн.К.)

http://www.utrinski.com.mk/default.asp?ItemID=2811D58AD4D0424FBAEACF539FCC587B

Помогнете во Македонската Википедија - Слободна енциклопедија!
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #4 Posted: 18-Aug-2008 at 10:48
Кога ги поставија, кога се расипаа. Туку тука има некоја индиректна најава дека ќе почне реставрација на објектот, па чисто за во евиденција...

Вратени се двата часовника на Саат-кулата
Двата нови часовника на Саат-кулата што беа оштетени од гром се поправени и повторно поставени на објектот. Тие биле под гаранција, па општинарите од Чаир ги испратиле на поправка во Швајцарија, во фирмата „Мобитајм“, која ги изработила.
Од општината Чаир велат дека го чекаат електромагнетскиот механизам, кој ќе го обнови камбанското отчукување, кое би звучело автентично како кај стариот апарат, а тогаш би требало да се постави и громобран, за да се спречат вакви појави во иднина.
- Во преговори сме со повеќе фирми за собирање понуди за да се постави громобран на Саат-кулата. Ние чекавме да почне реставрирањето на објектот, па тогаш да го поставиме громобранот, но сега ќе го вградиме независно од уредувањето на кулата, во дворот на Султанмуратовата џамија - додаваат општинарите.
Саат-кулата пред околу два месеца доби четири нови швајцарски апарати, кои се широки еден метар, имаат римски броеви, како и систем за глобално позиционирање, односно џипиес, со кој ќе можат самите да го менуваат времето од зимско во летно и обратно. Апаратите имаат и посебен агрегат, кој овозможува да се покажува времето дури и ако настане прекин во напојувањето со електрична енергија. Чаир ги постави часовниците на скопската Саат-кула со донација од турската владина агенција „Тика“.


http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=161&ArticleID=5684
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #5 Posted: 13-Oct-2008 at 17:23

Ѕвоното на Саат-кулата повторно ќе го означува точното време

Поради сообраќајната бучава, ѕвоното сега нема да се слуша многу далеку

На Саат- кулата на Бит-пазар од идниот месец повторно ќе почне да отчукува старото ѕвоно кое, како и пред повеќе од четири децении, ќе го означува точното време. Во минатото ѕвоното се слушало на оддалеченост од 12 километри, некаде до тврдината Кале и населбата Гази Баба.

Сега, надлежните од Општина Чаир велат дека и најсилното биење било задушено од силната сообраќајна бучава. Веројатно стариот впечаток како некогаш кога часовниците на Саат-кулата гласно го означуваа точното време ќе може да се постигне само во ноќните часови, кога ќе се намали сообраќајниот метеж на булеварот „Крсте Mисирков“ и на другите околни сообраќајници.

Надлежните во општината објаснуваат дека бил сложен процесот на поврзување на звоното со новите модерни часовници, кои подоцна ќе добијат и осветление. Поврзувањето чинело 5 илјади евра, а работите ги изведувала фирмата „Спин“, а часовниците околу 600 илјади евра.

Општинарите пресметувале дека комплетното обновување на фасадата на Саат-кулата, партерното и хортикултурното уредување, пристапните патеки заедно со сите придружни елементи потребни за објектот да се претвори во туристичка атракција, ќе изнесува околу 100 илјади евра. Овие средства преку донација со материјал и изведба на градежните работи ќе ги обезбеди турската фирма „Тика“.

Од Чаир информираат дека Одделението за урбанизам веќе работи на главниот проект, а за започнување на градежните зафати ќе треба да се чека дозвола од Министерството за култура. (Сн.К.)



http://www.utrinski.com.mk/?ItemID=85B762435E1BAF41B1751BBDE191CADB
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #6 Posted: 26-Jan-2009 at 16:15
Thumbs%20Up

Саат-кулата ќе се реконструира од февруари
Скопје
По истражување од една година, во февруари ќе почне реконструкцијата на Саат-кулата кај Бит-пазар, најавуваат од општината Чаир. Оттаму велат дека обновата ќе трае до крајот на септември, а дека, покрај надворешното уредување околу кулата, ќе се направи и целосна реконструкција на фасадата и на внатрешноста на објектот.

- Проектот за реконструкција е готов, се чека само да се заврши процедурата за тоа кој ќе ги изведува градежните работи. Во период од една година се вршеа геодетски анализи на градбата на Саат-кулата, од кои е заклучено дека таа ја има задржано вертикалата и дека нејзината конструкција не е оштетена. Сето ова се должи на цврстината на објектот и на масивноста на ѕидовите во долниот дел, кои имаат ширина од еден метар. Со реконструкцијата ќе се опфати реновирањето на двете пристапни улици до кулата, каде што ќе се обнови калдрмата и ќе се расчистат дрвцата што почнале диво да никнуваат. Понатаму ќе се врши санација на целата градба, ќе се малтерисува долниот дел, ќе се менува влезната врата и ќе се санираат пукнатините на ѕидовите со специјално фугирање со полна тула, како и со хоризонтални и вертикални фуги. Исто така ќе се менуваат и гредите за да се прицврсти објектот од внатрешната страна, а ќе се заштити и куполата - објаснува Џавит Гаши, архитект во општината Чаир.

Тој додава дека ќе се постави и громобран на објектот за да не се повтори случајот од пред неколку месеци, кога во кулата удри гром ги оштети новите часовници, со кои таа првпат по четириесетина години почна да го покажува времето и ја доби старата намена заради која била изградена. Исто така, кулата ќе биде осветлена со рефлектори. Општинарите велат дека проектот е одобрен од конзерваторскиот центар, а дека најверојатно финансиски ќе биде поддржан од американската амбасада.

Според историските податоци, скопската Саат-кула, која се наоѓа во дворот на Султанмуратовата џамија на ридот спроти Бит-пазар, била изградена во периодот меѓу 1566 и 1573 година, како прв објект од ваков тип на територијата на османлиската држава. Била подигната врз темелите на една од четирите кули на поранешниот манастир „Свети Ѓорѓи“, кој се наоѓал на тоа место. Тогашниот механизам за часовникот османлиите го донеле од унгарскиот град Сигед. Кулата била оштетена во пожарот во 1689 година, но потоа била обновена. Денешниот изглед го добила кон крајот на 19 и почетокот на 20 век, кога бил поставен и нов часовник од Швајцарија. Саат-кулата претрпела оштетувања и во земјотресот во 1963 година, кога се смета дека биле украдени механизмите за часовникот и биле продадени во Истанбул. Објектот е висок 37 метри, составен е од три дела, а до врвот водат 107 кружни скали. Долниот дел е изграден од камен, средниот од тули, а горниот бил изѕидан во 1902 година од солунски печени тули. Во највисокиот дел има празни кругови и отвори, каде што се наоѓал стариот часовник и од каде што одекнувала камбаната. Кулата завршува со кубе, на кое има неколку прозорчиња од кои се гледа речиси целиот град.

Новите швајцарски часовници беа поставени во мај минатата година, со донација од турската агенција „Тика“.


Извор: Нова Македонија
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #7 Posted: 07-Feb-2009 at 02:21

Ќе се обнови Саат-кулата на Бит-пазар

Активностите предвидуваат надворешна и внатрешна реставрација на објектот, уредување на околината и пристапните патишта до него

Саат-кулата,која се наоѓа во кругот на Султанмуратова џамија на Бит-пазар, комплетно ќе биде обновена. Реставрацијата, која ќе се врши во соработка со Конзерваторскиот центар - Скопје, ќе почне во март, велат од Општината Чаир која веќе го има иработено проектот со кој поднесе барање за средства кај американската амбасада во Скопје.

Проектот предвидува надворешно и внатрешно обновување на Саат-кулата. Фасадата однадвор ќе биде исчистена и обновена и ќе ја задржи нејзината автентичност. Исто така, ќе бидат обновени прозорците, оградата и куполата. Ќе биде ставена во функција и камбанаријата, која ќе отчукува со стариот звук на секој час.

- Саат-кулата ќе биде комплетно осветлена однадвор заради визуелен ефект навечер, а и однатре. Ќе бидат реставрирани дрвените скали, вели Џавид Гаши, референт во Секторот за урбанизам при Општината Чаир.Со проектот се предвидува однатре да се исчистат и да се бојосаат ѕидовите, ќе се постави нов громобран, а и комплетно хортикултурно ќе се уреди околината. Во кругот на објектот ќе се направи плато, еден вид мини-плоштад, а ќе бидат обновени и осветлени двата пристапни пата што водат до објектот.

Скалестиот пат ќе биде поплочен со камења, а рамната калдрма која исто така води до кулата, ќе биде уредена, но ќе го задржи својот првобитен изглед од камен. Како што објаснуваат од Општината, лиценцирана фирма веќе ја испитала издржливоста на објектот и утврдила дека иако е висока 37 метри, таа е стабилна.

- Се очекува реконструкцијата да биде завршена до октомври, кога објектот ќе биде пуштен во употреба, вели Гаши. Од Општината Чаир очекуваат позитивен одговор од американската амбасада, од која добиле ветување дека за проектот ќе се издвојат 100.000 долари.Првичните процени се дека комплетната реализација на проектот ќе чини 120.000 евра. Општината е подготвена од својот буџет да издвои 40.000 евра. Саат-кулата во мај, минатата година, по 45 години ги доби четирите нови часовници. Тоа се најсофистицирани швајцарски часовници, за кои Општината Чаир издвои 600.000 денари. Два месеца по нивното поставување, два од нив се расипаа од удар на гром.

Прва саат-кула на османлиската држава

Саат-кулата е шесткатна. Подигната е помеѓу 1566 и 1573 година и била првата саат-кула на територијата на османлиската држава. Изградена е на темелите на поранешна средновековна одбранбена кула. Часовникот бил запленет и донесен од Сигет, Унгарија, при османлиските освојувања. Заедно со него бил доведен и неговиот мајстор, кој за одржувањето добивал добра плата. Во пожарот од 1689 година, што го предизвикал австрискиот генерал Пиколомини, Саат-кулата претрпела оштетување.

Денешниот облик го добила за време на валијата Хавзи-паша. Во 1904 година горната, дрвена конструкција била заменета со тули и тогаш бил монтиран нов механизам за мерење на времето. Во 1963 година, за време на катастрофалниот земјотрес, Саат-кулата претрпела сериозни оштетувања. Потоа била обновена, но без часовник. Оттогаш таа е оставена на забот на времето и никој веќе не се ангажирал да ја обнови, ниту да постави нови часовници.

Анела Петрова


http://www.dnevnik.com.mk/?ItemID=07E816F79C4DE846900B87AB76E49231


Ми се допаѓа планот за реконструкција, можеме да одиме да ја испосликаме сега за да може да споредиме по реконструкцијата.



Edited by La Linea - 07-Feb-2009 at 02:23
Помогнете во Македонската Википедија - Слободна енциклопедија!
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #8 Posted: 07-Feb-2009 at 02:32


Одлична идеја Cheers
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #9 Posted: 07-Feb-2009 at 10:30
Previous
Како не успеваме од толку езотерии во оваа малечка Македонија да направиме соодветна туристичка пропаганда и атракција.

Прва саат-кула на османлиската држава

Нешто off, за да го видиш Гринич т.е. еден камен поставен сред поле ке платиш добри 24 фунти, и ќе видиш илјадници туристи со уауу....
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #10 Posted: 07-Feb-2009 at 15:20
Originally posted by Vladimir P

Previous
Како не успеваме од толку езотерии во оваа малечка Македонија да направиме соодветна туристичка пропаганда и атракција.

Прва саат-кула на османлиската држава

Нешто off, за да го видиш Гринич т.е. еден камен поставен сред поле ке платиш добри 24 фунти, и ќе видиш илјадници туристи со уауу....
да, ама проблемот е што саат кулата има сосема друга околина
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #11 Posted: 07-Feb-2009 at 16:39
Се слагам со тебе забеган. За да се постигне саканиот ефект, односно, да се направи еден вид туристичка атракција од Саат-кулата, мора да се уреди и пошироката околина иначе вака и ќе се губи ефектот.
Помогнете во Македонската Википедија - Слободна енциклопедија!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #12 Posted: 07-Feb-2009 at 16:40
Па околината на саат кулата точно дека не носи многу предиспозиции да биде атрактивна туристичка дестинација. Пред се степенот на урбанизираност е на многу ниско ниво.  Саат кулата може со многу мали интервенции во околината да се направи лесно достапна. Штета е ваков објект да се наоѓа меѓу два булевара, а да е толку недостапен поради тесната структура на теренот околу. Бул. Александар македонски и не така да го расцепкаме со милион влезови излези, ама од блеварот (пред бит пазар) од тука може многу лесно да се направи кулава достапна. Работата ми изгледа како почната недоврше со оној кракот десно од амбулантата.

Исто така ао добар над/под премин преку булеварот може да се обезбеди пешачки простор помеѓу кулата со турската чаршија па да бидат автентичен сведок за еден голем период што бил на овие простори.

Митатос ти си од тој реон, да не случано можеш да не обезбедиш со некој ДУП од овие простори. Стварно ме интересира дали општината има некои амбициозни планови за битпазар или уште долго време ќе го гледаме вака.


Edited by lslcrew - 07-Feb-2009 at 16:46
Back to Top
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #13 Posted: 07-Feb-2009 at 17:28
Obicno opstinata poveketo proekti gi realizira so turcija , zboram za opstina chair, ovoj plan e odamna za rekonstrukcija na dzamijata i saat kulata , toa sum go slusnal licno od turski donatori koi rekoa posle Mustafa Pashina dzamija ke se prefrlat tuka na ovoj prostor , zborot mi e za dzamijata i Saat kulata, jas ne raspolagam so nekoj DUP , no vi kazuvam carsiski muabeti toa sto sum go slusnal , inace toj cickoto od odborot na dzamijata mi kaza deka se vo kriza, IVZ ne gi plaka dovolno za da rabotat kako IMAMI vo dzamijata , no ja mu rekov deka po 1 evro od turisti da zeme za saat kulata nema da ima potreba nikoj da gi plati za da rabotat , megutoa tamu vnatre ima i drugi vredni raboti ima eden star saat koj e tuka od 18-19 vek , potoa tepisonite se epten stari ,vnatresnosta e premnogu ubavo napraveno ne znam dali ste vlegle nekogas vnatre, ima nekoi slicnosti so sharena dzamija vo enterier, i toj mi kazuvase deka dzamijata imala KUPOLA kako sto e denesnata mustaf pashina dzamija , no vo 1 svetska vojna , Avstro-hungarcite ja bombardirale oti tamu togasnite ziteli ( ili pak vojnici ) cuvale oruzje, iako na niv ne im bilo dozvoleno da bombardiraat verski objekti , znaci objektot samiot po sebe e turisticka atrakcija, zborev isto so eden star saatcija , toj mi rece deka e mozno da se napravi mehanicki saat no se razbira deka treba mnogu pari, no sepak za da bide atrakcija treba i okolinata da se sredi a toa e vo plan odamna, no zosto ne pocnale seuste jas ne znam.
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3887
  Quote beTon Quote  Post ReplyReply #14 Posted: 07-Feb-2009 at 21:36
Originally posted by Vladimir P

Previous
Како не успеваме од толку езотерии во оваа малечка Македонија да направиме соодветна туристичка пропаганда и атракција.

Прва саат-кула на османлиската држава

Нешто off, за да го видиш Гринич т.е. еден камен поставен сред поле ке платиш добри 24 фунти, и ќе видиш илјадници туристи со уауу....

во склоп а и во контекст и султан муратовата Џамија е исто толку атрактивна [1] [2] знам дека истата е прва и единствена џамија која е изградена од османлиски султан на балканот, патем  утврдено е дека е изградена на темелите на Манастирот Свети Георги – Горгос или заради брдото познат како Виргински Манастир, кој бил разурнат во времето на отоманската навала... 

сепак она што е промашено во однос на туристичко панорамскиот спектакл е онаа зградата што ја насадија таму 42°0'4.5"N 21°26'24.9"E која не само  што го унакази погледот на саат кулата и џамијата туку и самата зграда е многу грда, добро тоа стакларникот до некаде ја вади но мислам дека кога веќе дозволиле нешто тука да се крева тоа требало да биде или хотел или некоја поспектакуларна деловна зграда! ајде ко да е за утеха и зградите од спротива не се нешто поарни но бар тие имаат некаква историја по земјотресот или пак сакале или нејќеле заради дотраеност ќе мора да се рушат  за некое време со оглед дека се во многу лоша состојба.   



Edited by beTon - 08-Feb-2009 at 15:11
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #15 Posted: 07-Feb-2009 at 22:15
@lsl

за бит пазар уште од времето на Пенов се крчка изградба на голем затворен пазар и изградба на плоштад. Целиот плац е на Скопски Пазар и колку што знам тој проект е сеуште актуелен и последнава 1-2 години имаше и одредени информации дека соработката меѓу СП и Општина Чаир си тече и има консензус околу проектот.

Сепак не знам точно како треба да изгледа се спомнуваа разни варијанти и за објектот на СП и за димензиите на потенцијалниот плоштад.

@beton да знам за која зграда зборуваш и мене истата ми боде око, спрема мене дури ни стаклата не ја вадат. Сепак немам размислувано убаво како би сакал да изгледа цел тој простор. Ако се држиме само за булевариот јас би ги порушил целиот ред на згради помеѓу Мавровка и Битпазар и зградава за која зборуваме од оваа страна. Но немам идеја со какви објекти е најубаво да се пополни.

Како и да е мислам дека џамијата и саат кулата имаат доволно доминантна позиција, немора баш во гро план да се гледаат во булеварот. Потребно е само да се уреди нивната околина.



Edited by lslcrew - 10-Feb-2009 at 22:34
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #16 Posted: 08-Feb-2009 at 13:28
Еден стар фотос



Саат кулата изградена помеѓу 1566 и 1572 година и Султан-Муратова (Хјунќар) џамија изградена 1436
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #17 Posted: 10-Feb-2009 at 08:34

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #18 Posted: 23-Mar-2009 at 11:55
Се чека американска донација за обнова на Саат-кулата
Скопје
Иако реконструкцијата на Саат-кулата кај Бит-пазар требаше да почне минатиот месец, градежните работи се одложиле поради тоа што не стигнала донацијата од американската фондација, соопштуваат од општината Чаир. Оттаму велат дека проектот за обнова на кулата е готов и дека чекаат одговор на доставената апликација до американската фондација на светско ниво. Тие очекуваат одлуката да падне кон крајот на овој месец, а целата процедура се одвива преку Конзерваторскиот центар за градот Скопје, бидејќи станува збор за монументален објект и споменик на културата.

- Се надеваме дека наскоро ќе бидат одобрени парите за реновирањето и дека ќе почнат градежните работи. Покрај надворешното уредување околу кулата, ќе се направи и целосна реконструкција на фасадата и на внатрешноста на објектот. Во период од една година се вршеа геодетски анализи на градбата на Саат-кулата, од кои е заклучено дека таа ја има задржано вертикалата и дека нејзината конструкција не е оштетена. Сето ова се должи на цврстината на објектот, на масивноста на ѕидовите во долниот дел, кои се широки еден метар. Со реконструкцијата ќе се реновираат и двете пристапни улици до кулата, каде што ќе се обнови калдрмата и ќе се расчистат дрвцата што почнале диво да никнуваат и да го спречуваат менувањето на посетителите. Покрај тоа, ќе се врши санација на целата градба, ќе се малтерисува долниот дел, ќе се менува влезната врата и ќе се санираат пукнатините на ѕидовите со специјално фугирање со полна тула, како и со хоризонтални и вертикални фуги. Исто така ќе се менуваат и гредите за да се прицврсти објектот од внатрешната страна, а ќе се заштити и куполата - објаснува Џавит Гаши, архитект во општината Чаир.

Тој додава дека ќе се постави и громобран на објектот за да не се повтори случајот од пред неколку месеци, кога во кулата удри гром и ги оштети новите часовници, со кои таа првпат по четириесетина години почна да го покажува времето и со тоа ја добила старата намена поради која била изградена. Кулата ќе биде осветлена со рефлектори, а општинарите се надеваат дека со реновирањето Саат-кулата и нејзината околина ќе добијат поубав изглед и ќе станат попривлечни за посета на туристите.

Проектот е одобрен од конзетваторскиот центар за Скопје, а оттаму велат дека с? уште не добиле никаков одговор и дека процедурата за почеток на реконструкцијата на Саат-кулата била почната.

Од Чаир велат дека локалните избори не можат да ја запрат постапката и дека новата општинска администрација не може да ја поништи досегашната процедура.

Според историските податоци, скопската Саат-кула, која се наоѓа во дворот на Султанмуратовата џамија на ридот спроти Бит-пазар, била изградена во периодот меѓу 1566 и 1573 година, како прв објект од ваков тип на територијата на османлиската држава. Била подигната врз темелите на една од четирите кули на поранешниот манастир „Свети Ѓорѓи“, кој се наоѓал на тоа место. Тогашниот механизам за часовникот османлиите до набавиле од унгарскиот град Сигед. Кулата била оштетена во пожарот во 1689 година, но потоа била обновена. Денешниот изглед го добила кон крајот на 19 и почетокот на 20 век, кога бил поставен и нов часовник од Швајцарија. Саат-кулата претрпела оштетувања и во земјотресот во 1963 година, кога се смета дека биле украдени и механизмите за часовникот и дека биле продадени во Истанбул. Објектот е висок 37 метри, составен е од три дела, а до врвот водат 107 кружни скали. Долниот дел е изграден од камен, средниот од тули, а горниот бил изѕидан во 1902 година од солунски печени тули. Во највисокиот дел има празни кругови и отвори, каде што се наоѓал стариот часовник и од каде што одекнувала камбаната. Кулата завршува со кубе, на кое има неколку прозорчиња од кои се гледа речиси целиот град.

Новите часовници беа поставени во мај минатата година, со донација од турската агенција „Тика“.

http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=348&ArticleID=20866
Back to Top
Dragan View Drop Down
Senior Member
Senior Member
Avatar

Joined: 19-Feb-2009
Location: Tetovo
Online Status: Offline
Posts: 1171
  Quote Dragan Quote  Post ReplyReply #19 Posted: 23-Mar-2009 at 18:39
a taa uste e vo sluzba, dali idat vernicite od muslimansko poteklo??
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #20 Posted: 23-Mar-2009 at 18:40
Originally posted by Dragan

a taa uste e vo sluzba, dali idat vernicite od muslimansko poteklo??


Kаква врска има саат-кула со муслиманите?

А ако добро те разбрав, одговорот што го бараш е само неколку поста погоре...

Саат-кулата на Бит-пазар, познатиот културно-историски споменик во дворот на Султан Муратовата џамија, по 45 години повторно доби часовници. Мерачите на времето, ги обезбеди Општина Чаир од Швајцарија, а чинат околу 600.000 денари. Тие веќе се во функција и го покажуваат точното време, а штом ќе бидат поставени ѕвоната, бројот на отчукувањата, како што било некогаш, ќе означува колку е часот. Општина Чаир комплетно ќе ја обнови Саат-кулата и инфраструктурата околу објектот, како и двата пристапа што ќе се прават за да се стигне до споменикот. Од Чаир очекуваат дека Саат-кулата ќе стане туристичка атракција. За zaпочнување на градежните зафати се чека дозвола од Министерството за култура, а ќе ги изведува турската невладина организација „Тика“. Работите комплетно ќе ги надгледува и со нив ќе раководи Општина Чаир





Edited by La Linea - 23-Mar-2009 at 18:43
Помогнете во Македонската Википедија - Слободна енциклопедија!
Back to Top
 Post Reply Post Reply Page  123>

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.