Железници (општо)

не знам зошто си толку опседнат со Југославија друже, гитар посочува реален проблем што општо е проширен низ цела македонија и сите бизниси, а тоа е лошата услуга и не толку цената, колку што е нелогично да платиш било што за такви ужасни опции и услови ... еве џабе и да е превозот 10 денари ако држава што е минијатурна по површина треба да ја патауваш пола ден, без разлика кое ти е превозното средство
еве да речеме во Македонија влезе фирма што ќе лета со спејс шатлови од град до град, џабе ако треба да застанува во секое забаталено село со 2 жители, луѓето нема да сакаат да плаќаат и да веруваат во тоа дека им се продава којзнае што

Реално експресниот (утрински) воз стигаше за точно 2 часа и 50 минути кога работите беа во најдобар ред. Некогаш за жал во Прилеп мораше да се чека другиот воз од Скопје кон Битола кој доцнеше барем 25 пати месечно, а бидејќи пругата е со еден колосек, немаше каде да се разминат.

Исто така, поентата на експресен воз од Битола до Скопје не е да застанува и Богомила и Рајко Жинзифов и пичкесиматерине. Битола-Прилеп-Велес-Скопје, толку. Ако се прашувам јас, можеби не треба ни Велес, бидејќи има преку 10-15 воза дневно меѓу Скопје и Велес. Е тогаш ќе се стига за 2 часа и 20 минути.

А пак конкуренцијата на железници... кај нас ниту еден автобуски превозник во државата не е доволно паметен да воведе директна експресна линија до Скопје (некој спомена дека имало таква линија од Струмица едно време!?). Значи еден автобус денот може да вози од Битола за Скопје без да застанува во Прилеп и Велес, макар биле картите и 100 денари поскапи. Никој не се сетил ниту да понуди подобри седишта за 200-300 денари плус. Реално човек кому му е важно да заврши работа на еден ден во „метрополата“ во ова наше централизирано државиче би платил и 800 денари за повратна ама да патува пристојни. 4-6 такви седишта се повеќе од доволно, и онака автобусите се ретко наполнати до крај. И тоа би го имало на 1-2 автобуси во флотата, максимум.

На евролинии од по 3-4-5 часа има „бизнис класа“. Барем малку повеќе простор, или малку пошироко седиште.

Толку разбираат кај нас.

Edited by гитардемон - 18-Sep-2021 at 12:11

Не се разбирам многу во возови,дали нашиве пруги можат да издржат брз воз ? Не мора да биде булет трејн како во Јапонија ама сепак да биде значително побрз,односно да не мора да се возам по 4 и пол саати од Скопје до Битола.. ?

Кај нас воз = сиромаштија. 99% од корисниците на железниците се возат поради тоа што им е најевтино превозно средство, а 1% бидејќи се вљубеници во железницата. Тажна е реалноста, но тоа е.

Proposal of the night train net by the German Green Party

Во Европската година на железницата, со месеци не сообраќаат возовите за Кичево, Кочани и Приштина

Европската Унија ја прославува 2021 како Европска година на железницата, додека во Македонија се укинати или привремено не сообраќаат и малкуте патнички возови на пругите. Тековново лето нема експресни возови од Скопје кон Белград и Солун, а веќе неколку месеци не сообраќа ниту брзиот воз на релација Скопје-Приштина-Скопје.

Бројот на возови за превоз на патниците е редуциран и во внатрешниот железнички сообраќај. Од почетокот на мај, привремено не сообраќа патничкиот воз Скопје-Кочани-Скопје, кој секојдневно поаѓаше од главниот град попладне а од Кочани рано наутро.

Веднаш по привременото укинување на овој патнички воз, кон крајот на мај годинава престана да сообраќа и патничкиот воз на релацијата Скопје-Кичево-Скопје, кој од Скопје секој ден поаѓаше попладне а од Кичево во утринските часови.

Граѓаните со незадоволство коментираат на социјалните мрежи за несообраќањето на возовите кои се впишани во актуелниот возен ред на Железници на РСМ-Транспорт, а деновиве се објавуваат и фотографии од Железничката станица во Кичево, со поставено известување за патниците дека возот меѓу Скопје и Кичево нема да сообраќа.

Одговори на темава побаравме од Железници на РСМ-Транспорт и ги прашавме до кога нема да сообраќаат возовите кон Кичево, Кочани и Приштина и кои се причините поради кои не се одвива редовниот патнички железнички сообраќај кој е предвиден со важечки возен ред. „Мета.мк“ не доби одговори на поставените прашања.

Идентичните прашања ги поставивме и до Министерството за транспорт и врски, од каде што добивме одговор дека на прашањата во однос на возовите и возниот ред треба да одговорат од Железници на РСМ-Транспорт.

Од Министерството за транспорт и врски за „Мета.мк“ велат дека државата преку буџетот дава финансиска поддршка на ова железничко претпријатие за покривање на трошоците во патничкиот сообраќај.

„За 2021 година предвидени се 380 милиони денари, а до сега исплатени се 201 милион денари“, објаснуваат од Министерството за транспорт и врски.

Патничкиот железнички сообраќај во земјава е во постојано опаѓање од година во година, со намалување на бројот на возови, но и на патниците кои го користат овој превоз. За разлика од кај нас, Европската Унија токму 2021 година ја прогласи за Европска година на железницата, за да ги стимулира граѓаните да го користат ова превозно средство.

Покрај тоа што возот е најевтин превоз и им овозможува најголем комодитет при патувањето на граѓаните, железничкиот сообраќај е убедливо најмал загадувач со штетни издувни гасови на воздухот, но и најмал емитер на стакленички гасови, споредено со патниот превоз, авиосообраќајот и бродскиот транспорт.

„Мета.мк“ подолг период наназад пишува за проблемите со функционирањето на патничкиот железнички сообраќај во земјава.

https://meta.mk/vo-evropskata-godina-na-zheleznicata-so-meseci-ne-soobrakjaat-vozovite-za-kichevo-kochani-i-prishtina/

Железница со иницијатива за воведување возови на секои два часа од Скопје кон Тетово, Куманово и Велес

Железници на РСМ-Транспорт покрена иницијатива за воведување на патнички возови на релациите Скопје-Тетово, Скопје-Куманово и Скопје-Велес на секои два часа во текот на денот. Ваквата иницијатива е доставена до Владата на РСМ на почетокот на годинава, а предлогот на раководството на Железници е да се набават минимум 10 нови возови, и тоа 6 дизел моторни гарнитури и 4 електро моторни гарнитури за поврзување на Скопје со околните градови.

„Наш предлог е да се разгледа можноста, средствата да се обезбедат преку заем од меѓународни финансиски институции или користење на средства преку Инструментот за претпристапна помош ИПА III, за периодот 2021-2027 година, “Прозорец 3: Зелена агенда и одржлива поврзаност”. Постапката за набавка, од распишување на тендер до воведување на возните средства во сообраќај, трае околу 2- 3 години“, информираат за „Мета.мк“ од Железници на РСМ-Транспорт.

Во објавената иницијатива на Железници на РСМ-Транспорт, се наведува дека возовите од Скопје за Тетово, Куманово и Велес би поаѓале секојдневно во 7, 9, 11, 13, 15, 17, 19 и 22 часот, односно од Тетово, Куманово и Велес би сообраќале во 6, 8, 10, 12, 14, 16, 18, 20 и 21 часот или со некој сличен возен ред, којшто на патниците би им обезбедил патнички железнички превоз во било кој дел од едно деноноќие.

„Железничкиот патнички возен парк денес е во лоша состојба, а од друга страна пак кај граѓаните на РСМ навиката т.е. традицијата да се патува со воз е се помалку присутна и покрај многуте бенефиции што ги нуди железничкиот патнички сообраќај. Затоа, целта на оваа Иницијатива е отпочнување на овој пилот-проект, кој има на среднорочен период за цел – витализацијата на патничкиот железнички сообраќај на територијата на целата Република, т.е. отпочнување на период за подобрување на состојбата со железничките патнички услуги“, се наведува во Иницијативата на железничкото претпријатие упатена до извршната власт.

Во иницијативата се наведува дека новите патнички возови кои би се вовеле меѓу Скопје и околните градови би довеле да се намали бројот на возила – автомобили и автобуси во главниот град, со што би се намалил метежот низ улиците, загадувањето и времето на патување низ Скопје. Од Железници во иницијатива објаснуваат дека цената на билетите меѓу Скопје и околните градови Велес, Куманово и Тетово е пониска во железничкиот превоз во споредба со автобускиот транспорт.

Од претпријатието посочуваат дека повратен билет кон Тетово со воз чини 192 денари, додека за автобус треба да се платат од 240 до 300 денари. Доколку патникот има месечен билет за работници на истата релација, патувањето со воз кон Тетово би го чинело 113 денари, додека со месечен билет за ученици едно повратно патување меѓу Скопје и Тетово чини 96 денари.

Од Железници на РСМ-Транспорт за „Мета.мк“ велат дека една дводелна патничка гарнитура со еден мотор би чинела околу 2 милиони евра, а вкупната сума што би била потребна за да се воведе ваквиот патничкиот превоз би била околу 20 милиони евра. Притоа, тие бараат и намалување на надоместокот за користење на железничката инфраструктура што се плаќа кон Јавното претпријатие за железничка инфраструктура, поради потребата од рекламирање и презентирање на новите патнички возови меѓу граѓаните.

Во иницијатива се наведува дека ќе бидат потребни финансиски средства за воспоставување и техничко инвестиционо одржување на сите попатни железнички станици и стојалишта на пругите Скопје-Велес, Скопје-Тетово и Скопје-Куманово. Притоа, за Куманово се предвидува возовите да сообраќаат до стојалиштето Перо Чичо на идната пруга Куманово-Крива Паланка, со што ќе им се овозможи железнички превоз на граѓаните од центарот на Куманово до скопското централно подрачје.

Идните современи возови што ги задоволуваат еколошките норми и стандарди по воведувањето кон околните градови околу Скопје, во иднина би можело да се прошират и на релацијата кон Гостивар, при што ако се покаже пилот-проектот како успешен, би се вовел редовен, безбеден и евтин железнички превоз и на целата пруга од Скопје до Кичево.

Инаку, 2021 година во Европската Унија е прогласена за година на железничкиот сообраќај, а главната причина за ваквиот потег на европските лидери е фактот дека возовите се најеколошкото средство за масовен превоз на патници. Според податоците на Европската Комисија, железницата има најмал удел во емисијата на стакленички гасови во атмосферата, кои се главната причина за порастот на просечната температура на Земјината топка. Поради тоа што се најзелениот транспорт заедно со велосипедите, ЕУ работи многу за железницата да постане транспортна опција за Европејците.

https://meta.mk/zheleznica-so-inicijativa-za-voveduvanje-vozovi-na-sekoi-dva-chasa-od-skopje-kon-tetovo-kumanovo-i-veles/

Циркуз за без пари си имаме, тоа е нашата чудесна банана држава

Србија планира брза пруга до македонската граница, што планираме ние?

Европската унија е подготвена да ја поддржи изградбата на пругата меѓу Белград и Северна Македонија, најави претседателката на Европската комисија, Урсула фон дер Лајен, по разговорите со претседателот на Србија, Александар Вучиќ во Брисел.

Брзата пруга која ја планира Србија ќе оди од Белград до Ниш, а од таму на југ се до границата со Северна Македонија.

Вучиќ изрази надеж дека договорот ќе биде потпишан наскоро и изјави „Ќе добиеме од 35 до 50 отсто од средствата од фондовите на ЕУ за тој проект. Тоа е дел од Зелената агенда. Тоа за нас е се големи пари, околу 600 до 700 милиони евра за тој проект“.

Македонија за изградба на својата железничка инфраструктура на располагање има 55,74 милиони евра од Еверопската банка за обнова и развој за периодот 2021-2023, и дополнителни неповратни грантови од 27 милиони евра, главно за коридорот 8 (источен дел). Ова го покажува објавениот бизнис план за 2021 на МЖ Инфраструктура.

Според бизнис-планот на МЖ Инфраструктура, оваа година ќе бидат инвестирани само 18,67 милиони евра, од кои од Европската банка за обнова и развој ќе следуваат 12 милиони евра како кредит, додека како грант 4,05 милиони евра, Остатокот се буџетски средства.

Најмногу пари годинава, околу 940 милиони денари, МЖ Инфраструктура ќе потроши на реконструкција на делницата Куманово – Бељаковце и на изградба на делницата Бељаковце – Куманово. На првата делница во должина од 30 километри до сега се инвестирани 1,7 милијарди денари. Двете фази треба да ги продолжи нов изведувач кој треба да биде избран годинава.



Долгорочно, железничката делница од Крива Паланка до границата со Бугарија, според бизнис-планот, ќе чини 404,7 милиони евра, а засега од ИПА се обезбедени 60,76 милиони евра, се вели во планот.

Бизнис планот за 2021 на МЖ Инфраструктура може да го погледнете тука.

https://www.porta3.mk/srbija-planira-brza-pruga-do-makedonskata-granica-shto-planirame-nie/

Еве уште неколку слики што најдов на фејсбук страната на АРМ. Ги издвоив тие што се врзани со железничкиов транспорт: