Археолошки Музеј / Архив / Уставен Суд

ШЕСТ ИЛЈАДИ АНТИКВИТЕТИ НА 6.000 КВАДРАТНИ МЕТРИ ВО АРХЕОЛОШКИОТ МУЗЕЈ



Преку палеолит, неолит, бронзено и железно време ќе се влегува во архајскиот период, па во античкиот дел, каде што најрепрезентативно е претставен македонско-хелинистичкиот период, вели директорката на Музејот, Весела Честоева

Археолошкиот музеј на Македонија, во кој ќе бидат изложени околу 6.000 антиквитети, најрепрезентативните предмети од минатото на оваа земја ќе биде отворен до крајот на месецот, информираат од Министерството за култура. Во новоизградениот објект на Kејот на реката Вардар се финализираат последните договори, кој предмет во која витрина ќе биде поставен. Резултатот треба да биде богата археолошка поставка, хронолошки конципирана во неколку периоди, модерно поставена и максимално заштитена.

Според директорката на Музејот, Васела Честоева, при крај се подготовките на лапидариумот, каде што ќе бидат поставени камените споменици, како и реконструкцијата на гробовите и археолошките наоѓалишта, се мести мозаикот, олтарот веќе е готов.

- На првиот кат од десната страна почнува праисторијата. Преку палеолит, неолит, бронзено и железно време ќе се влегува во архајскиот период, па во античкиот дел, каде што најрепрезентативно е претставен македонско-хелинистичкиот период. Следува римскиот период, каде што на оригинален начин, во природна големина, ќе биде изложена ритуалната кочија од Делчево стара 18 века. Поставката продолжува преку доцната антика, од каде што симболично, преку оригинална олтарна преграда се влегува во средниот век. Ќе биде изложен и прекрасниот мозаик од Суводол. Поставката завршува со отоманскиот период - објаснува Честоева.

Безбедноста на високо ниво

Поставката е организирана хронолошки. На трите ката, на површина од околу 6.000 квадратни метри ќе бидат изложени околу 6.000 артефакти. Во музејот се застапени неколку оддели: за праисториска, античка и за средновековна археологија, кабинет за нумизматика, лапидариум, антрополошка поставка. Честоева вели дека ќе има и многу изненадувања, ултрамодерно вклопени во целата поставка.

- Археолошкиот музеј, освен археологија, ќе нуди и една голема вистинска приказна, заснована на една величествена историја - вели таа.

Предметите ќе бидат изложени во модерни стаклени витрини со челична конструкција, со алармен систем и ЛЕД-осветлување, која на предметот, освен експозиција, му нуди и конзервација. Витрините се модерни и располагаат со најсофистицирана опрема. Честоева вели дека безбедноста е решена со систем за техничка заштита од кражба и напад, систем на видеонадзор, снимање и трансмисија.

- И двата система се проектирани според највисоките светски стандарди, со алармни централи, детектори и фотосензори. Системот ќе овозможи 24-часовна мониторинг-контрола на просторот со внатрешни и со надворешни камери и ќе се менаџира со посебен софтвер за видеонадзор - вели таа.

Освен стандардната поставка, во Археолошкиот музеј ќе бидат изложени неколку деликатеси - исклучително ретки предмети во светски рамки, кои се пронајдени на територијата на Република Македонија. Еден од нив е дијатретата од 4 век, пронајдена околу село Таранеш, која ќе биде поставена на видно место на првиот кат, во специјално изработена витрина.

Тука се вбројуваат и ритуалната кочија, пајонската свештеничка од Лисичин Дол (некрополата на Исар-Марвинци), Големата Мајка од Маџари, штитот од село Бонче, Венера Пудика од Скупи, која со уште неколку скулптури ќе добијат видно место. Во секој момент се очекува да пристигне и копијата од Александрискиот саркофаг, кој Турција дозволи специјално да се направи за оваа намена.

Восочни фигури и амбиентални уметнички дела

Во поставката ќе има и богатата нумизматичка збирка од античкиот и од средновековниот период, како и копијата од златната маска од Требеништа (оригиналот е во Белград), која Србија пред неколку години ~ ја подари на Македонија.

На отворањето нема да бидат изложени златните предмети од Охрид и од Неготино, кои се изложени во Музејот „Kелтен ромен“ во Манхинг, Германија. На прашањето дали тоа можеби ќе го „осиромаши“ отворањето на музејот, Честоева вели:

- Изложбата во Германија е исклучителна можност европската јавност да се запознае со еден од најзначајните и најславни периоди од македонската историја. Изложбата по 16 ноември ќе биде дел од поставката на Археолошкиот музеј на Македонија. Kако матична државна институција сметаме дека ги имаме сите услови овие експонати да бидат дел од постојаната поставка на Музејот - вели Честоева.

За посетителите сигурно ќе бидат интересни и восочните фигури на повеќе историски

ликови. Ќе има вкупно 15 фигури, меѓу кои се Александар Трети Македонски, Филип Втори и неговата сопруга Олимпија, Аристотел, Јустинијан, Цар Самуил, Ана Kомнена, Kрали Марко.

Поставката ќе биде дополнета со 83 амбиентални уметнички дела изработени од македонски, руски и од украински уметници. Тие треба да го доловат времето од праисторијата до средниот век. Меѓу изложените уметнички дела ќе бидат: „Палеолитски живот“, „Жртва“, „Kерамичарот“ од Алексеј Федоров, „Подигнување на храмот“, „Театарот“, „Храмот на божицата Немеза“ и „Гладијаторска битка“ од Сергеј Трошин, „Гозба“, „Неолитско секојдневие“, „Гробот од Таранеш“ од Kоле Манев, „Подготовка за лов“, „Kамена стела“, „Гробницата на атињаните во Демир Kапија“ од Данчо Kал’чев.

ВОДИЧИ НА ПЕТ СТРАНСКИ ЈАЗИЦИ

Цената на билетите за Археолошкиот музеј на Македонија треба да биде утврдена деновиве. Гостите ќе можат комбинирано да ја разгледаат поставката. Ќе има и водичи и уреди преку кои посетителите ќе можат да се лоцираат во музејот, да изберат тематска посета снимена на пет странски јазици. Во рамките на музејот ќе биде отворена и сувенирница.

- Секој ќе може да си купи по некој сувенир или публикација што ќе им остане во спомен, а ќе ги потсетува на нашето богато културно наследство и сето тоа што го поседуваме како држава - вели Честоева.

Весна И. Илиевска
http://dnevnik.mk/?ItemID=12A243126800C14BA16119363CC19DB1

ФОТО ГАЛЕРИЈА: Ѕирнете во новиот Археолошкиот музеј кој се отвора вечер!
Сабота, 18 Октомври 2014 12:55

Златните предмети од некрополата на Требеништа и Горна Порта од Охрид, меѓу кои и уникатните обетки со гулабици, единствениот бронзен појас заедно со реконструкција на гробот на т.н. пајонска свештеничка од некрополата кај валандовското село Марвинци, штитот од селото Бонче, на кој го пишува името на македонскиот крал Деметриј Први Полиоркет, стаклената чаша дијатрета, вредни рановизантиски мозаици, копија од саркофагот од Александрија, кој Турција и го подари на Македонија. Ова се само дел од илјадниците предмети кои првпат ќе бидат обединети и презентирани на едно место - во Археолошкиот музеј на Македонија во центарот на Скопје, пишува Дневник.

Свеченото отворање на Музејот е закажано за вечерва во 19 часот. Во импресивната постојана музејска поставка на 6.000 квадратни метри, ќе бидат изложени повеќе од 6.000 артефакти од сите историски периоди.

За да се гледа од плоштадот... Во нашиот менталитет, ако не се гледа, исто како да не постои. Затоа кога ќе навлезеш малку подалеку од радиусот на плоштадот Македонија ја добиваш вистинската слика на Скопје - ѓубре, хаос, беда итн.

Kolku sto se gleda ne e bas tocno deka se samo kopii (ili povekjeto kopii). Osven par predmeti (kopii na maskite od Trebenista, koi se vo Belgrad, ili sarkofagot so motivi od Aleksandar Makedonski), ne mi se veruva deka golem del od ostanatite predmeti se kopii.

Vo nekoj od napisite pisuva deka terakotnite ikoni, koi bea vo Ukraina na izlozba, se tuka. Isto i za staklenata casa. Ete i nekoi zlatni predmeti kje bidat tuka, koi se momentalno vo Germanija na izlozba. Ne mi se veruva da prakjame kopii vo stranstvo na izlozbi, za da si gi vratime isite kopii vo muzejov.

Дел од изложените артефакти...









vecer.mk

Edited by Џоле - 19-Oct-2014 at 09:25

Вчера како и сите останати граѓани ја имав приликата да го посетам новиот Археолошки музеј на Македонија. Како голем љубител на археологијата и историјата со нетрпение го чекав тој ден, така што со голема возбуда и енергија тргнав кон истиот. Првото нешто што воочив е самиот влез. Да мал е. Дали намерно или ненамерно, влезот е навистина мал.



На мое изненадување не е само влезот мал, и холот е мал. Холот е копи пасте на оној на Музеј на ВМРО, само што според мене многу помалку е репрезентативен. Започнав со неговиот десен ходник. Во него се поставени реконструираните черепи , мермерната маска на трагедијата, како и монетите. Да расчистиме некои работи. Амбиентот во овој ходник како и во другите е перфектен. Проследен со убава музика, добро поставена светлина и интересни видео анимации. Продолжив во вториот (левиот) ходник. Овде ме пречекаа скулптурите од пред влада и единствената копија во цел музеј. Саркофагот на Александар. Единствена копија затоа што нигде ги немаше најавените златните маски од Требреништа.

Ексклузивно за build, слика од него...


Многу добро се гледа дека е копија. Саркофагот е како пластичниот барок од Скопје 2014. Според мене најголемата глупост во целиот музеј.

Се качив на првиот кат. Овде се артефактите од неолитот. Имаше доста интересни работи. Разни тотеми, Големата Мајка од Тумба Маџари, Адам од Говрлево и др. Според мене, никој на црниот пазар не е заинтересиран за неолитот, така што оваа поставка беше најбогата.

Продолжив кон вториот кат. Од лево се поставени Пајонците, од десно Античките Македонци. За Пајонците има доста работи, појасот и гробниците се стварно уникатни.

Следува најголемото разочарување. Античките Македонци. Поставката е буквално празна. Мора да ги пофалам што успеале да ги најдат златните обетки од Гулабица и Ерос. Останатите украдени предмети ги нема. Овде е и Дадал од Плаошник, Штитот од Бонче според мене не е реконструиран, туку е само склопен.

Штитот од Бонче, како дете со сложувалка...



За жал овде еден од вработените ме примети дека сликам, така што немам повеќе слики.

Морам да ги искритикувам вработените. Буквално јас знаев повеќе за предметите од нив. Никој не знаеше да ми одговори на прашањата, а за предметите има истакнато многу малку информации. Ритуалната кочија според мене беше доста интересна. Поставени се уметнички слики од изгледот на самиот ритуал.

Следуваат артефактите од ранохристијанскиот период. Поставени се доста крстови, а и во оваа поставка е единствениот мозаик во цел музеј, наспроти најавеното дека ќе чекориме по многу од нив. Стаклената чаша дијатрета е "реконструирана"
како штитот од Бонче.

После тоа е Цар Самуил. Една витрина, две восочни фигури и толку. Ништо од Словенскиот период.

Крали Марко. Отомански периот. ПРАЗНО... Восочна фигура, слика како Паши пушат наргиле и толку.

Заклучок
Музејот е празен, најрепрезентативните артефакти се украдени и продадени. Џабе се вложија толку многу пари за археологијата, па и за музејот. За толку голем објект просторот е навистина мал. Музејот на Македонија е два пати поголем. Од новиот објект си заминав со големо разочарување...

Originally posted by jyvation Zevzek целиот музеј го прошета?Која е цената на влезницта?Ако имам можност ќе го посетам деновиве музејов. Нели се пофалија дека внатре во музејот се презентирани околу 6.000 артефакти? Стварно штета за сите изнесени артефакти во овие неколку децении сигурно два вакви музеи не не крпеа. Иначе мора да има место и за нови артефакти како што ќе се одвиваат археолошките наоди, сигурно нема до тука да застанат со поставките.

Да jyvation целиот музеј го прошетав. Влезот беше гага. Верувам дека има 6.000 артефакти ако се брои монета по монета, менѓуша по менѓуша. Поставката е сиромашна. Буквално ништо не нуди од средновековниот период. Најрепрезентативниот предмет е мизерната копија од саркофаг. Злато 5-6 парчиња и толку. Од последната кражба само 2 предмети се вратени. 3тиот кат не беше отворен, битребало тој да е за идните поставки. Уште еднаш ќе напоменам, за толку многу потрошени средства навистина е големо разочарување...

Се плаќа ли влезница?