Археолошки Музеј / Архив / Уставен Суд

Ова беа сите антички мозаици што ги најдов во Република Македонија, распоредени на три локалитети Стоби Хераклеа и Плаошник. Некој да не знае и други?

Во Музејов она малку мозаик што е прикажан тежи околу 1 % од колекцијава... би можело со слики да прикажат повеќе... истото важи и за останатите недвижни материјали (анимации од градови)... Тоа е тоа што можеби фали во музејот, а во однос на предмети е доста солиден.

Edited by damjan4o - 03-Nov-2014 at 05:53

Нели примети дека постот му е сарказам и дека воопшто не го мисли тоа туку сосема спротивното.

http://vecer.mk/kultura/makedonskiot-arheoloshki-muzej-vo-konkurencija-za-najdobar-vo-evropa

НА 29 ДЕКЕМВРИ - ГОДИШНА ИЗЛОЖБА НА АРХЕОЛОШКИ НАОДИ
Монети и штитови на македонски кралеви ексклузивно пред јавноста

26 декември 2014 - 15:15
"Годинава се фокусиравме на материјалните показатели што претставуваат директна и непобитна врска помеѓу имињата на двете држави, античкото кралство Македонија предводено од страна на плејада велики кралски водачи меѓу кои доминира Александар Македонски и современа и независна Република Македонија", вели д-р Лилчиќ, директор на Управата за заштита на културното наследство на РМ



Новооткриените 400 монети и двата штитови на античките македонски кралеви се само дел од ексклузивните наоди кои на 29 декември ќе можат да се видат во Археолошкиот музеј на Македонија, во рамките на годишната традиционална археолошка изложба.

Според проф. д-р Виктор Лилчиќ, директор на Управата за заштита на културно наследство на Македонија, над илјада археолошки експонати во витрините на изложбата потекнуваат од над стотина археолошки локалитети од целата територија на Република Македонија.

"Новина и особено значаен сегмент на изложбата се 400 монети на античките македонски кралеви од речиси сите делови на територијата на Република Македонија. Монетите потекнуваат од 100 локалитети, поголеми или помали раноантички градови, некрополи или отворени населби. Застапени се поголемиот дел од македонските кралеви, да речеме од Пердика Втори до последниот крал Персеј. Тука се и најрепрезентативните артефакти од античкиот театар од раниот римски царски период од Скупи, каде што беа откриени близу 2.000 монети и вредни археолошки наоди од архајскиот период, од раноримско време, од доцната антика и средниот век", вели д-р Лилчиќ.
Пред македонската јавност според д-р Лилчиќ ќе бидат претставени вредни артефакти од раноантичките градови Билазора, Стибера, градот на Градиште кај Младо Нагоричани.

Потоа, вредни наоди од доцноантичкиот град Баргала, античката и средновековна акропола Цареви Кули над Струмица, од откривањето на челниот моќен бастион-кула на кастелот и градот Чрнче на локалитетот Маркови Кули на Водно...

"Куриозитет на изложбата е првото јавно изложување на два македонски штита на кралот Деметриј Полиоркет од Старо Бонче, од археолошкиот комплекс на локалитети Висока и Старо Бонче. Меѓутоа посебно е значајно изложувањето на колекцијата од 400 монети на кралевите на античкото кралство Македонија, кои ги носеле со себе античките Македонци кои живееле на ова територија или, пак, Македонците војници кои доаѓале со единиците за да ја бранат ова македонска територија од упадите на северните варварски племиња", објаснува д-р Лилчиќ.
За првпат резултатите од Владините капитални проекти во археологијата ќе бидат претставени во новиот изложбен простор на Археолошкиот музеј.

"Што се однесува до начинот на презентација, од сега па во иднина, ќе се трудиме да се фокусираме на теми тесно поврзани со врвните и актуелни археолошки сегменти од човековата егзистенција на македонската почва. Како што ќе видите, годинава се фокусиравме на раната античка цивилизација, или поконкретно, на материјалните показатели што претставуваат директна и непобитна врска помеѓу имињата на двете држави, античкото кралство Македонија предводено од страна на плејада велики кралски водачи меѓу кои доминира Александар Македонски и современа и независна Република Македонија", додава д-р Лилчиќ.
Изложбата ќе трае до март, а на секоја витрина ќе има детален преглед на наодите и информација за секој капитален проект. (Д.Т.)


http://vecer.mk/kultura/moneti-i-shtitovi-na-makedonski-kralevi-ekskluzivno-pred-javnosta

Некако ми се виде процентуално неискористен објектот.Незнам што уште све има во него,али за така импонзантен објект два ката искористеност е многу малку

Посета на новиот Археолошкиот Музеј n°02

Една предновогодишна објава во духот на мојата предходна

Влегувате во музејот. Лево обезбедување, десно билетара. Музејот го посетив поради археолошката изложба\2014. Eве дел од каталогчето



Најпрво го побарав нашиот член Мартин (МКД), но за жал тој во моментот не беше присутен. Едно браво за Мартин ! Големи пофалби од страна на вработените, најбаран водич од посетителите. Моментално ја менаџирал веб страната на музејот. За замена го добив Иван (археолог) кој одлично си ја изврши работата.

Десно од главните скали или поточно под нив, се наоѓа подрумската просторија (просторијата во која требаше да стои познатата мумија од Липково). Овде е приложена новата поставка. Се симнувате и вртите десно. Тука е патот на Александар низ Република Македонија (дело на Виктор Лилчик). Овде се приложени монети со ликот на познати македонски владетели, ништо посебно. Продолжувате лево. Артефактите од Скупи се доста интересни. Има Пајонски и на мое изненадување Словенски. Од Стоби има 3 стаклени садови и ја има интересната играчка во вид на Тројанскиот коњ.



Има предмети од скоро сите локалитети, но најфасцинантни се сепак од локалитетот Бонче. Има претсавено реконструкција од наводната гробница и секако двата штита за кој што се жалев во минатиот post. Мартин сте послушале за штитовите, е ова е веќе нешто ! Достојна презентација





Се на се во музејот според мене не се приложени нови 1000 артефакти, како што пренесуваа медиумите. За жал мал број од нив се од 2014та година, повеќето се од останатите. 2014та година секако поради финансии не е спектакуларна за македонската археологија

Ви посакувам среќна нова и среќни празници на сите членови на build !

Тапа,еднаш бев во археолошкиот музеј во Лариса,Грција.
Тоа што е изложено во скопскиов е киндер јајце во споредба со тоа таму...а да не говориме за останатите музеи во Грција.

Kвалитет или ... ??