Од соседството

Браво, одлично изгледаат!

Во Грција пристигна првиот брз воз „Бела стрела“ што ќе сообраќа меѓу Солун и Атина (фото)

Првиот од петте брзи возови „Бела стрела“ (Freccia Bianca) пристигна во Солун од Италија, јавува грчкиот весник „Катимерини“. Станува збор за генерација на брзи возови на Италијанските државни железници произведена од француската компанија „Алстом“, кои развиваат брзина до 200 километри на час и кои ќе служат за побрз превоз на патници меѓу Солун и Атина.

Во наредниот период, брзите возови „Бела стрела“ ќе се тестираат на брзата пруга Солун-Атина, која беше пуштена во функција во февруари 2019 година. „Бела стрела“ ќе има капацитет да прими над 475 патници, има девет патнички вагони, од кои еден вагон ресторан. Со него меѓу двата грчки града ќе може да се патува за 3 часа и 15 минути наспроти постојните 4 часа што се неопходни за да се помине растојанието со постојните возови.

Во наредните два месеца, вработените од грчкиот железнички оператор „ОСЕ“ ќе се обучуваат за управување со брзиот воз, а официјалното пуштање во употреба на „Бела стрела“ е предвидено за 25 март 2021 година. До претстојнава есен, сите брзи возови ќе бидат пристигнати во Грција. Висината на инвестицијата во петте брзи возови изнесува 52 милиони евра.

Со фондовите од ЕУ, Грција во изминативе години успеа во целост да ја изгради брзата пруга меѓу Солун и Атина со проектирана брзина од 250 километри на час, но и да ја реконструира и надогради пругата од Солун до македонско-грчката граница со максимална брзина на движење на возовите од 120 до 160 километри на час. Во меѓувреме, грчката државна железница „ОСЕ“ пред неколку години беше приватизирана и купена од Италијанските државни железници.

За разлика од нашиот јужен сосед, во Македонија максималната брзина на движење на возовите изнесува 100 километри на час, под услов да нема ограничувања на брзината на движење поради застарената инфраструктура. Од неодамна набавените шест кинески возови, во земјава во моментов се исправни и сообраќаат само два, додека од четирите нови кинески локомотиви што пристигнаа лани денеска сообраќаат три.







https://meta.mk/vo-grczija-pristigna-prviot-brz-voz-bela-strela-shto-kje-soobrakja-megju-solun-i-atina-foto/

Дали е ова целосно нова ЖП Гара и ЖП делница или претходно постоела (суштествувала) тука ЖП Гара и ЖП линија на истото место?! Знам дека Белград-Софија од секогаш имало, ама дали е ова некоја изменета нова траса?

Јас се надевам еден ден ќе има и нова траса према Македонија, можеби кога ќе се заврши коридорот од македонска страна прво. Мислам дека ЖП линијата према Ќустендил и Ѓуешево има далеку многу повеќе места каде ќе треба сериозно пеглање (гладене) и исправање на непотребни кривини кои не ги исполнуваат условите за радиуси на модерни ЖП линии. Ако видиш и Атина-Солун и Белград-НовиСад имаат такви делови каде делници целосно се напуштаат и се градат целосно нови траси на одредени делови, а со тоа и многу ЖП Гари остануваат да висат во просторот неискористени и да треба да се градат нови.

Ова мислам дека не е баш најдобрата најоптимална варијанта. Иако можеби проектираната брзина (скорост) е до 160 кмх, за разлика од предходната постоечка ЖП линија, сепак должината не се скратува ништо посебно. И втора негативна страна е што се избегнува Ќустендил како единствен поголем град на трасата помеѓу Крива Паланка и Софија (или Перник). Сепак не е целта ЖП линијата да биде телепортација меѓу Скопје и Софија, туку треба да го обслужува населението и стопанството и измеѓу крајните точки.

Според мапата пругата ќе поминува на некои 4-5км од Ќустендил шо и не е многу страшно

Во Србија завршен тунел и вијадукт по кои возовите ќе развиваат брзина од 200 километри на час







Завршена е и изградбата на вијадукт и тунел на брзата пруга Стара Пазова-Нови Сад.

Модернизацијата и изградбата на двоколска отворена пруга Стара Пазова – Нови Сад (40,4 километри), вклучително и изградбата на тунелот и вијадуктот „Чортановци“, се дел од проектот за изградба на брзата пруга помеѓу Белград и Будимпешта. Изведувач е руската компанија „РЖД Интернешнл“, а проектот е финансиран од руски кредит за модернизација на српските железници. Тунелот и вијадуктот „Чортановци“, кои се наоѓаат на линијата Стара Пазова – Нови Сад, се едно од најголемите инфраструктурни и инвестициони градилишта во овој дел на Европа. Изградени се две тунелски цевки, секоја со еден колосек долга 1,1 километри. Вијадуктот е долг 2,9 километри, носен од 59 столба, од кои највисокиот е 28 метри.
Руската компанија РЖД Интернешнл ги заврши градежните работи, порано повеќе од шест месеци од предвидениот рок.

Работите на изградбата на тунелот со две паралелни цевки со вкупна должина 2,2 километри, се извршуваа непрекинато од септември 2017 година и се завршени седум месеци пред договорените рокови. Непосредната изградба на тунелот траеше три години. Пробивањето се одвиваше истовремено на четири точки на двете цевки на северните и јужните портали. Во моментов во тунелот се поставува горниот строј на колосекот.
Работите на изградбата на вијадуктот започнаа на 1 ноември 2017 година и завршија шест месеци пред планираните рокови. Неговата должина е три километри. Вијадуктот е проектиран на излезот од тунелот Чортановци пред Сремски Карловци и се протега во поплавениот дел на Дунав. Дел од објектот се наоѓа на стрмен терен и затоа, со цел да се обезбеди сигурност за време на изградбабата и употребата, изградени се 20 заштитни конструкции од одрони.
РЖД Интернешнл“ продолжува со работите на изградба и реконструкција на железничката линија на делницата Стара Пазова – Нови Сад, дел од пругата Белград – Будимпешта од Паневропскиот сообраќаен коридор Х. По завршувањето на сите работи во согласност со проектот, патнички возови ќе може да развива брзина до 200, а товарни до 130 километри на час.

https://www.porta3.mk/vo-srbija-zavrshen-tunel-i-vijadukt-po-koi-vozovite-kje-razvivaat-brzina-od-200-kilometri-na-chas/

Од Виена до Табановце со воз со 200 километри на час, понатаму до грчка граница „турни ме да кинисам“

За пет години, во 2026 година, низ Србија до македонската граница ќе се патува по брза пруга со два колосека, со 160 до 200 километри на час. Северниот сосед заедно со Европската Унија веќе го објави претходно најавуваниот тендер за изградба на тунел број 4, на делницата Сталаќ-Ѓунис, на пругата Белград-Ниш, во општина Чичевац, што преставува прв чекор кон изградбата на брзата пруга Белград-Северна Македонија.

Во меѓувреме, нашата држава е преокупирана со изградба на пругата кон Бугарија, па по европскиот железнички Коридор-10 до нашата граница ќе се стигнува експресно, а понатаму до границата со Грција како и досега, полека, со застои по стари пруги и со брзина далеку под 100 километри на час.

Српските медиуми објавија дека објавениот тендер вклучува изградба на едноканален тунел со два колосека долг 3.275 метри, со три тунели за евакуација и два пристапни пата, како и претходна изработка на проектна документација. Во него не влегува надградба на колосекот, електрификација, сигнализација и телекомуникации.

Работите ќе ги финансира Европската инвестициска банка со 40 милиони евра, а времетраењето на договорот е ограничено на 4,5 години, со краен рок за пријавување до 28 септември.

Договорот со ЕУ за поддршка на изградбата на железницата до македонската граница чиј дел е пругата Белград-Ниш е постигнат во април кога српскиот претседател Александар Вучиќ беше во посета на Брисел. Тогаш тој информира дека е прифатена варијантата со цена на изградба на пруга од 1,766 милијарди евра до Ниш. Вучиќ исто така изјави дека изградбата може да почне напролет следната година и наведе дека работите ќе бидат завршени во 2026 година, но без долгопланираната нова делница до Велика Плана.

Според изјавите на српската премиерка Ана Брнабиќ, околу 56 отсто од пругата Белград-Ниш ќе биде со брзина од 200 километри на час, а според претходните најави, некои делници од оваа пруга поради економичноста ќе бидат предвидени за брзина од 160 километри на час.

Овој инфраструктурен проект во Србија се смета за најголем во периодот што следува. Се проценува дека по новата пруга од Виена до Белград би се патувало пет часа, а потоа до Скопје уште три ипол часа. Судејќи според состојбата на македонските пруги и отсуството на намера кај македонските власти да го развиваат железничкиот Коридор 10, стоката и луѓето стигнати експресно до нашата граница понатаму ќе патуваат според принципот „турни ме да кинисам“. Во моментов нема планирани посериозни зафати на таа пруга. Останува со еден колосек, а фокусот на актуелната како и на сите власти во последните три децении е на изградба на пругата кон Бугарија. Таа се гради во три етапи, а во моментов работите се во застој. Минатиот месец директорот на МЖ Инфраструктура Тачко Локвенец на средба со бугарскиот колега Красимир Папукчиски во Скопје најави дека работите конечно тргнуваат со поддршка од Европската Унија.

-Тендерот е распишан, со изборот на изведувач започнува тридецениската желба да се реализира. Очекувам за 3-4 месеци овде, веќе да се гради, рече тогаш Локвенец.

Со реализација на овој план би се комплетирал Паневропскиот транспортен Коридор-8, што го поврзува Јадранското со Црното Море преку Албанија, Македонија и Бугарија.

Експертот по железнички транспорт и поранешен директор на МЖ Транспорт, Никола Костов, неодамна за весникот ВЕЧЕР посочи дека експресната пруга низ Србија ќе не затекне со инфраструктура во која не е вложено половина век. Тој смета дека на сите пруги им е потребен генерален ремонт, а во моментов пругата кон Бугарија, според него, е непотребна, зашто најважниот коридор е всушност десетката.

-За нас е најважен Коридорот-10. Таму поминува најважниот светски пат – патот на свилата низ кој патува стоката на релација Кина – Европа и обратно. Целата македонска економија е насочена на овој коридор, како во железничкиот така и во патниот транспорт. Потребен ни е двоен колосек на релацијата од Табановце до Гевгелија на Kоридорот-10 за да можеме да го фатиме приклучокот со Европа, зашто годинава Србија пушта двоен колосек на пругата од Суботица до Белград, во 2026 година ја продолжува до Ниш, а потоа и понатаму. Ако ние не го направиме тоа, паралелно со нив ќе останеме слепо црево, тврди Костов.

Во спротивно, вели тој, целиот товарен железнички сообраќај од Европа ќе се насочи кон Бугарија и ќе нè заобиколи.

https://www.vecer.press/од-виена-до-табановце-со-воз-со-200-киломе/

Prvi korak ka gradnji brze pruge od Beograda do Makedonske granice

Raspisan tender za projektovanje i izgradnju tunela 4 na deonici Stalać-Đunis vredan 40 mil EUR