Модернизацијата на Штутгарт ги подели граѓаните

Großansicht des Bildes mit der Bildunterschrift: Жестоки демонстрации на граѓаните против проектот

Во Штутгарт почна уривањето на старата железничка станица која беше заштитена како споменик на културата. Уривањето е дел од проектот за модернизација вреден 5 милијарди евра. Дел од граѓаните на Штутгарт протестираат.

 

„Штутгарт 21“ е најголемата инвестиција во историјата на покраината Баден Виртемберг и еден од најголемите проекти за модернизација во Германија во догледно време. Тоа е проект за подземна железница, тунел долг девет километри, нова делница во продолжение и нова населба со големина од 140 фудбалски игралишта. Сето ова треба да се изгради до 2016 година, за речиси пет милијарди евра. 

Железничката станица во Штутгарт, со своите 16 перони и околу 300.000 патници дневно, е една од најголемите во Германија.

Возовите на станицата во швапската метропола, изградена во дваесетите години од минатиот век, можат да влезат и излезат само од едната страна. Сега треба да биде изградена подземна железница, која ќе биде поврзана со аеродромот и со мрежата на брзи меѓународни возови. Портпаролот Јирген Фридман зборуваше за големиот проект:

„Модерниот концепт на железничката станица во Штутгарт, претставува можност за флексибилно патување од и во сите правци. Тоа е предност, оти возовите нема да си пречат како на старата станица. Во иднина ќе имаме двоен капацитет, и времето за патувањето од Штутгарт до Улм ќе се преполови.“ Bildunterschrift: Großansicht des Bildes mit der Bildunterschrift:  Изгледот на новата железничка станица во Штутгарт

Најголемо градилиште во Европа

Во наредните десет години во срцето на Штутгарт ќе биде најголемото градилиште во Европа. Градоначалникот Волфганг Шустер вели:

„На Европа и‘ се потребни брзи делници. Инаку која би била алтернативата во Средна Европа? Или мораме да изградиме нови автопати, што еколошки не е пожелно. Или да го засилиме авионскиот сообраќај, што е едвај изводливо, ако се земе предвид преоптовареноста на воздушниот простор над Париз или Франкфурт.“

Европската унија ќе го поддржи проектот со 250 милиони евра. Покраината Баден Виртемберг ќе издвои скоро една милијарда, а државата 1,5 милијарди. Над новоизградените перони, во центарот на Штутгарт ќе се издигне нова населба.

Локалните економски здруженија ја поздравуваат одлуката за „Штутгарт 21“. Андреас Рихтер, раководителот на Индустриската и трговска комора вели:

„Баден Виртемберг е регион ориентиран кон извоз. Во целиот свет моментално сме можеби најголемиот индустриски центар. Но, нашата економија е зависна од добри сообраќајни врски.“Bildunterschrift:

Голем број граѓани против проектот

Но, проектот „Штутгарт 21“ има и многу противници. Ганголф Штокер е портпарол на граѓанското движење „Живеењето во Штутгарт“:

„Покраинската влада веќе најави дека планира двете милијарди делумно да ги издвои од средствата за регионализација, кои служат за набавки во регионалниот сообраќај. Тоа е на штета на регионалниот сообраќај.“

Покрај тоа треба да биде урната надворешната фасада на старата станица, а загрозени се и многу дрвја. Од железницата, пак, истакнуваат дека новата станица ќе биде со еколошки карактер. Портпаролот Јирген Фридман истакнува дека преку ден нема да има вештачко осветлување, ниту греење или климатизација, оти има постојана циркулација на воздух, и затоа проектот го смета за чекор напред во заштитата на животната средина.

Железничка несреќа во Белгија, 56 лица се повредени

Нова линија за брзи возови во Кина

Најбрзите возови во светот денеска тргнаа од станицата во Шангај, за да ја отворат најновата линија на брзи пруги во Кина, пренесува Асошиејтед прес.

Возовите новата делница од Шангај до Хандзоу, долга 200 километри, ќе ја минуваат за само 45 минути. Овие два воза од типот „CRH380“ го рушат светскиот рекорд со брзина од 420 километри на час.

Минатата година во декември, најбрзиот воз кој Кина го пушти во употреба, се движеше со брзина од 350 километри на час.

До 2012. година Кина планира да има 13.000 километри пруги за големи брзини. Додека управата на железниците неодамна објави дека работи на технологија што брзината на возовите ќе ја зголеми на преку 500 километри на час.

Една од најголемите брзи пруги во изградба е линијата Пекинг - Шангај, долга 1.318 километри, што ќе чини 32,5 милијарди долари.

Пругата треба да биде отворена во 2012. година и ќе го преполови патувањето меѓу двата најголеми кинески града на пет часа.

Извор: http://www.a1.com.mk/vesti/default.aspx?VestID=129296