Булевар Илинден

Originally posted by alexgizh Доволно е и до таму засега, се' додека не се направи потребниот мост преку Вардар, па да се продолжи накај Волково.

Имам некое предчуство дека „Илинден“ долги години ќе си остане слепа улица која завршува во нива. Сепак, добро што се сетија да ја прошират до крстосницата со улицата на задна 15-ка, барем тој дел е среден со 2+2 ленти и ќе има капацитет да го прими сообраќајот. Треба единствено да се интервенира и да се направи посебна станица(лента) за таксистите и градскиот превоз на конкретната улица.

Добро... А зар не можат да го експроприираат? И така не е градежно земјиште, на него неможе да се гради, зеленило е....

Originally posted by Andrej_LJ Не ли мислите дека е подобро парите наменети за проширување на делот на Илинденска од Воената б-ца до Карпош 4, да се наменат за продолжување на улицата од Карпош 4 кон Обиколницата и мостот над Лепенец(?). Мислам дека засега нема некакви особени застои во делот помеѓу Воена и Карпош 4 (да, тоа веројатно ќе се смени кога ќе биде пуштен Молот, но веројатно ситуацијата нема да биде критична). Наместо тоа, Скопје може да добие западен влез во градот и да се растовари метежот на улиците Партизанска и Ѓорче Петров.

дефинитивно ваквите проекти требаше да бидат приоритетни, можеби малку повеќе средства ќе се потрошеа, но кога ќе размислиме колку пари се фрлија на реконструкција на булевари, асфалтирање на улички со минорно локално значење и проширување на улици, ќе се сумира некако таквата цена
никој досега не сфати дека џабе е поширока улица, ако завршува слепо и имаме џворови во градот и дека после кратко време, ќе се појави истиот проблем... дефинитивно му фалат неколку пробивања на улици на градов, ама никој не се нафаќа на тоа, бидејќи не е во интерес на политиката

Датум: 04.06.2012, 16:40
ИНИЦИЈАТИВА НА ОПОЗИЦИЈАТА ВО СОВЕТОТ НА СKОПЈЕ

Kарпош и Ѓорче да се спојат со мост

Идејата за изградба на мост преку Вардар е стара 10 години, уште од времето на Ристо Пенов, но досега никој не се нафати за негова реализација

Најавата на градската власт за скоро проширување на булеварот Илинден со две нови ленти во делот на Kарпош 4, повторно го актуализира и прашањето за изградба на мост преку Вардар. Предвидено е тој да биде продолжение на булеварот, да почнува од свиокот во Kарпош 4 и овој дел да го спои со населбите Влае и Ѓорче Петров. Реализацијата на ваква инвестиција би значела скратена сообраќајна врска за околу 30.000 граѓани.

Точката вчера се најде и на дневен ред на Советот на Скопје, како иницијатива на опозициската СДСМ, но беше повлечена за некоја наредна седница, поради отсуство на градоначалникот Kоце Трајановски.

-Нема да имаме квалитетна расправа. Немаме информации од градоначалникот за овој проект, иако е од суштинско значење. Мостот е битен за урбаниот развој на Ѓорче и на Kарпош, но и за Општината Сарај. Исто така и за локалниот-економски развој на индустриските зони во Ѓорче Петров и можноста за инвестиции кон заобиколницата. Вака се создава тесно грло на две места - по Тетовска трошарина - Злокуќани, бидејќи не се користи заобиколницата и Порта Влае кон Ѓорче Петров с` до излезот на Скопје од запад - рече Александар Наумовски.

Kоординаторот на советничката група на ВМРО-ДПМНЕ, Дафинка Саздова, му одговори дека градската власт за мостот има изработено идејно решение, но дека проблем е новиот Генерален план на Скопје (ГУП), кој во моментов се изработува и набрзо се очекува да биде усвоен.

- Со донесувањето на новиот ГУП се наметнува обврската идејното решение да се разработи и да се дефинираат сите профили на сообраќајни коридори, чиј составен дел е мостот - истакна Саздова.

За оваа нова сообраќајна врска се зборува веќе десетина години. Беше еден од предизвиците кои градоначалникот Ристо Пенов обожаваше да ги споменува, но никогаш не се нафати да ги реализира. Неопходноста од негова изградба пред две години ја потенцираше и градоначалникот на Ѓорче Петров, Сокол Митровски со акцент дека овој дел од градот нема алтернативна сообраќајна комуникација со центарот, освен надвозникот по црквата „Свети Петар и Павле“.

(А.П.)
http://www.dnevnik.com.mk/default.asp?ItemID=D35CD8C4411F1F42BE453386B974954C

Веста како е објавена изгледа како од утре да ќе се гради.
Ваква иста може да објават утре и за мостот кај МЗТ, кај Владата...
Сите знаеме дека на тоа место е предвиден мост многу пред опозициониве советници да иницираат разговор на оваа тема.
Но во ред, нека се одржува барем идејата за овој мост во живот.

Булеварот „Илинден“ продолжува да се шири. Премиерот Никола Груевски и таткото на градот Коце Трајановски, денеска го означија почетокот на градежните активности од третата фаза за реконструкција и проширување на „Илинден“, на потег од бензинската пумпа Макпетрол до улицата Љубљанска во должна од 1500 метри.

Реконструирана и проширена ќе биде и улицата „Манапо“ на потег од крстосницата со булевар „Партизански одреди“ до крстосницата со булеварот „Илинден“ во должина од 500 метри.

-Градот Скопје продолжува со проширувањето и реконструкцијата на булеварите и улиците во градот. Изградбата на овие две сообраќајници на територијата на општина Карпош ќе придонесат за подобар, побезбеден, поефикасен и поеколошки сообраќај во овој дел од Градот, изјави градоначалникот Трајановски при означувањто на почетокот на градежните активности.

Со проектот е предвидено „Илинден“ да се прошири со четири коловозни ленти, а од двете страни ќе бидат поставени нови тротоари. Во средишниот дел ќе се изгради жардиниера, а по должината на булеварот ќе биде поставено комплетно ново осветлување.

Улицата „Манапо“ исто така ќе се прошири со четири коловозни ленти, а ќе бидат поставени нови тротоари и улично осветлување.

Рокот за изведба на третата фаза од булеварот „Илинден“ и „Манапо“ е 90 работни денови, а Град Скопје во овој градежен зафат ќе вложи околу 92 милиони денари.

Поголеми ботови од новинариве наши НЕМА! COPY --- PASTE
Ако тој поглавицата на градот лупа броеви како му дојде има ли некој медиум кој проверува што објавува!? Ја прочитав веста на 6-7 медиуми/портали и сегде истата бројка од 1500 метри. Дури и оние медиуми кои не се баш владини не им текнало да отворат GoogleEarth.

1500 метри има до НИКОЛА ПАРАПУНОВ
А до ЉУБЉАНСКА има не повеќе од 950-1000 метри МАКСИМУМ, тука додавам и 110 метри за крстосницата во правец никола парапунов.

Исто и за МАНАПО не е 500 туку 440-450, 50 метри не е мала разлика кога ќе израчунаш во пари.

На овој дел Илинденска ќе имала по 3 ленти во правец, така рече Коце, се надевам не е и ова маркетиншки лапсуз.

Во говор од 30 секунди ни "украде" 600 метри и никој од новинарите тоа не го забележа нели???

Проблем е што освен неколку „ентузијасти„ кои не има на форумот другите не се ни замарат со точни бројки а мора да признаете тоа донекаде ни е и во менталитетот. Пример за тоа е вчерашата бројка на гледачи на натпреварот Вардар Бате Борисов. Веста одеше вака, „на стадионот имаше ОКОЛУ 31 илјади гледачи. Е сега ова околу може да значи и 25 илјади. Така да Кловер мислам дека не треба многу да се замараме со точни бројки, а за бројките кои неможат да се проверат си уште повеќе во право. Но овој народ се радува кога се гради нешто зошто многу добро ни е познато дека може и да не се гради а парите пак да ги нема. А еално гледано како што сега се гради Скопје инфраструктурално не се градело така никогаш во поновата историја на градот. На крај моја најголема забелешка не се метрите кои се спомнуват по медиумите, туку е делумно површната изработка на булеварите, лоша сигнализација, превисоки тротоари, тенок слој на асфалт и слично. 

Originally posted by alexsend Поголеми ботови од новинариве наши НЕМА! Во говор од 30 секунди ни "украде" 600 метри и никој од новинарите тоа не го забележа нели???

Се согласувам 100%. Очигледно е дека пишуваат тоа што ќе им го кажат, без да го проверат, без да се посомневаат во веродостојноста на исказот. И ова секогаш се случува кога се барата со бројки.

Како и да е, мое мислење е дека е добро што се гради и го делам ставот што беше изнесен тука дека Скопје се гради како никогаш до сега. Тоа е добро!

Originally posted by lslcrew Една скица од тоа како раскрницава е изведена. Трасата е малку измесена и на скицава може и да не се приметува драматичноста на таквото импровизирање кое не ми е воопшто јасно зашто било потребно. Со црвени линии е до каде е изградена трасата, а сината линија е влезот во бензинската при што многу лоша привидна S кривина се создава кога сакате да влезето во бензинска доаѓајки од кај центар. Драго ми е што се случува продолжување на Илинденска но впечатокот позитивен ми се нарушува со некои вакви необјасниви, неочекувани, непотребни зафати. Како да не беа доволно вакви поместувња за пола лента по Теодосиј Гологанов кај Алумина или на којзнае уште колку места низ градов, или како да не можеше, кога веќе решиле да го изменат профилот, да се направи постепено тоа.

Дали некој знае што се планира за оваа направена глупост помеѓу двата семафори.
Во возење исгледа многу повеќе опасно.
Најдобро решение ќе биде да си продолжи зелениот појас до раскрсницата.