build.mk Homepage
Forum Home Forum Home > Главни теми > Проекти > Здравствени
  Active Topics Active Topics
  FAQ FAQ  Forum Search   Register Register  Login Login

Клинички центар Скопје

Bookmark and Share
 Post Reply Post Reply Page  <12345 18>
Author
Message Reverse Sort Order
  Topic Search Topic Search  Topic Options Topic Options
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #41 Posted: 05-Nov-2021 at 15:14
За 5 години пак истиот муабет ќе го правиме, иако да, тоа се негативните страни. Еве што било планирано и ќе беше подобро ова веќе да го имаме, наместо оваа мизерија што е сега и ќе остане уште долго време.



Новиот блок во Клиничкиот центар во Скопје со површина од скоро 62 илјади квадратни метри ќе чини околу 70 милиони евра. Треба да почне да се гради догодина, а да заврши за три години, најави министерот за здравство Никола Тодоров.

Министерот за здравство Никола Тодоров пред медиумите го претстави конечното идејно решение и архитектонско-урбанистичкиот проект на новиот блок во Клиничкиот центар. Се очекува основниот проект за новиот клинички блок да биде готов за околу 5 месеци, рече Тодоров и најави дека изградбата на објектот треба да почне во првиот квартал од наредната година и да трае три години.

Новиот блок, од скоро 62 илјади квадратни метри, треба да се гради на местото на старата Клиника за гинекологија и ќе биде со модерен изглед и, како што рече министерот, енергетски ефикасна фасада. Најгоре, на осмиот кат, предвидено е да има и хелиодром. Новиот блок ќе биде поврзан со постојната зграда на Хируршките клиники, кои треба да бидат реновирани, со новата зграда на Гинекологија и со Онкологија.

Во рамки на новиот Клинички комплекс нема да бидат сместени само детската клиника којашто ќе биде споена со детската хирургија, Клиниката за инфективни болести, која ќе остане одвоена, како и Стоматолошкиот клинички центар и Клиниката за максилофацијална хирургија. Откако ќе се изгради новиот блок, зградите кои нема да бидат пренаменети, ќе бидат урнати за да се прошири паркот, најави Тодоров.

„Целиот проект чини околу 70 милиони евра, со се реконструкцијата на постојната зграда за хирургија и парите ќе бидат обезбедени од Банката на Советот на Европа за што веќе е формирана проектна единица и ова практично е втора фаза од веќе почнатиот проект од 25 милиони евра за реконструкција и изградба на повеќе здравствени установи“, рече Тодоров.

Поранешниот заменик министер за здравство и експерт за јавно здравство Владимир Лазаревик вели дека се надева дека овој проект навистина ќе се реализира, затоа што таквите решенија се пофункционални.

„Да се надеваме дека ќе се реализира така како што е планирано. Во принцип, сите големи и модерни клинички центри се интегрирани во една функционална целина. Нашиот беше отсекогаш исклучок како таков, така што идејата и можноста да се направи една зграда во којашто ќе бидат сместени клиниките е супер потег и сега да видиме како ќе се реализира до крај“, вели Лазаревик.

Тодоров најави дека во рамките на комплексот ќе се градат и две катни гаражи со по 1.250 паркинг места.


Слободна Европа

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #42 Posted: 05-Nov-2021 at 01:46
Originally posted by FT

Можеби стварно попаметно ќе е да се обноват постојниот Клинички и повеќе болници низ државата. Ама обнова а не 'реконструкција'.


Постојниот клинички има два големи проблеми.


Првиот голем проблем е недоволниот капацитет на околната сообраќајна мрежа, а едноставни решенија нема (поради урбанистичките и практичните ограничувања во тој реон). Сепак, со многу пари и со спремност за порадикални градежни зафати, сигурно може да се дојде до добро решение.


Вториот голем проблем е одвоеноста и раштрканоста на клиниките. Тој проблем не може да се реши со никакви реконструкции, обнови, доградби, топли ходници, и слично. Ако се задржи сегашната локација (што секако има низа предности), повторно не можеме да избегаме од фактот дека треба да градиме нов клинички центар и темелно да го реорганизираме просторот таму. Не некаква крпеница како еден претходен проект (што со години го трубеше Груевски и фала богу не го почна), туку нешто далеку посериозно и поскапо. Реално многу малку од постојните објекти и внатрешна инфраструктура би можело квалитетно да се инкорпорира и искористи.



Edited by Cloverstack - 05-Nov-2021 at 01:55
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #43 Posted: 05-Nov-2021 at 01:09
Originally posted by Blagh



Посоодветни локации:
1. Касарна Илинден - веднаш до секундарен булеварски прстен и Никола Карев (урбан автопат)
2. Институт за Лозарство во Бутел - веднаш до обиколница, поврзан со голем булевар Х.Т. Карпош
3. Старата локација кај Злокуќани - со оваа цена на чинење излегува дека е исти трошоците за откуп на приватното земјиште
(4) Можеби Расадник




Сите 4 локации звучат солидни сами по себе, и секако неспоредливо се подобри од онаа над Кондово.

Бр.1 и веројатно Бр.2 го исполнуваат и „условот“ да не треба експропријација. Инаку конкретно за касарната Илинден имаше разни планови но со време згаснаа... Можеби оваа држава реши сепак да ја зачува касарната?



Edited by Cloverstack - 05-Nov-2021 at 01:12
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #44 Posted: 05-Nov-2021 at 00:51

Кога локацијата кај Бардовци се замени со локација што е вон паметот, целосно се срушија надежите дека проектов ќе се прави како што треба!

Доволна е една брза анализа на пристапноста на новата локација (над Кондово) и веќе работите стануваат кристално јасни за секој што има 2 грама мозок. Не само што локацијата е премногу одалечена од грото население на главниот град, туку достапна е практично само преку автопат и реално е отсечена од било каква форма на сегашен или иден јавен превоз (градски автобуски превоз, БРТ, приградска железница...).

Ова носи интересни импликации не само за пациентите, туку и за целиот медицински и останат персонал, за студентите, за посетителите на хоспитализираните итн... Целата таа маса луѓе фактички ќе има избор едиинствено помеѓу користење на личен автомобил (доколку го има) или такси превоз. Ова би требало да биде повеќе од доволно таа локација да се прешкрта уште при прелиминарното разгледување.

Бардовци е 90875696325924570 пати подобра опција по апсолутно сите критериуми. Единствена „предност“ на локацијата над Кондово е што таму најдоа доволно голема државна парцела за воопшто да не се замараат со експропријација. Налетав на овој коментар што перфектно ја сублимира ситуацијата:
Originally posted by hcitrS

За проект од милјарда евра главен услов е земјиштето да било државно оти мн скапо ќе ги фатело... а бе домаќинлук невиден, алал да им е!




Edited by Cloverstack - 05-Nov-2021 at 00:57
Back to Top
Blagh View Drop Down
Groupie
Groupie
Avatar

Joined: 10-Feb-2013
Online Status: Offline
Posts: 41
  Quote Blagh Quote  Post ReplyReply #45 Posted: 05-Nov-2021 at 00:34
Посоодветни локации:
1. Касарна Илинден - веднаш до секундарен булеварски прстен и Никола Карев (урбан автопат)
2. Институт за Лозарство во Бутел - веднаш до обиколница, поврзан со голем булевар Х.Т. Карпош
3. Старата локација кај Злокуќани - со оваа цена на чинење излегува дека е исти трошоците за откуп на приватното земјиште

(4) Можеби Расадник


Edited by Blagh - 05-Nov-2021 at 00:38
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #46 Posted: 04-Nov-2021 at 23:32
Па и со изградба на подземен булевар итн., стариот клинички ќе биде подостапен. И кога веќе најосновната инфраструктура за новиот кој би бил на сред нива, ќе чини тешки милиони, можат тие пари да се пренаменат за на пример рушење и експропријација на некои од зградите што се околу клинички. Исто така, за брз трансфер од подалеку може конечно да се оформи хеликоптерска служба која би била од корист и за Дирекцијата за заштита и спасување која иако го носи терминот 'за сапасување' во називот - не располага со никаква опрема за спасување.

Edited by hcitrS - 04-Nov-2021 at 23:34
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #47 Posted: 04-Nov-2021 at 22:43
Можеби стварно попаметно ќе е да се обноват постојниот Клинички и повеќе болници низ државата. Ама обнова а не 'реконструкција'.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #48 Posted: 04-Nov-2021 at 22:08
Локацијата е многу лоша. Не треба да си експерт за да сфатиш дека локацијата е несоодветно избрана. Локацијата треба да е блиску до центарот на градот, а не надвор од градот и тоа ниту во рамки на градот што е опфатен со обиколницата.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #49 Posted: 04-Nov-2021 at 21:52
Изборот на самата локација е доста лош,предалеку е од град и можеби најблиску само за жителите на Ѓорче,нема никаква конекција и пристап,од Лисиче до таму би се патувало по саат време.
Можеше да се искористи локацијата на Ист Гејт или низа други локации кои стојат празни или се има намера да се претворат во станбени блокови а се многу поблиску од избраната опција.
Ова се знаеше дека ќе повлече многу средства за соодветна инфраструктура и сигурно уште низа на други "непредвидени работи" би излегле при текот на изградбата па ќе стигнеме до цифри блзиу милијарда евра што говори дека при ваква здравствена,економска и енергетска криза проектов изгледа уште долго ќе остане на хартија или евентуално во некоја децениска почетна фаза.
Точно дека треба да се дисперзираат услугите преку изградба на болници низ другите градови но ниту тоа не се планира ниту па се има намера да се довршат работите во Штип и Кичево.
Исто така можеби треба да се направи реновирање на постоечкиот Клинички во Скопје со барем 100-200 милиони евра кредит бидејќи овие 500 може многу лесно да одат нагоре а крајниот производ да не го видиме ни по 15 години. Само ќе се надеваме на ново а постојното од ден на ден се повеќе пропаѓа.
Back to Top
Vire View Drop Down
Senior Member
Senior Member
Avatar

Joined: 17-Aug-2021
Online Status: Offline
Posts: 349
  Quote Vire Quote  Post ReplyReply #50 Posted: 04-Nov-2021 at 18:42
Катастрофално би било ако пак почне да се Скопјанизира Македонија односно само во Скопје да се гради. Многу попаметно би било Битола,Штип,Тетово,Охрид,Струмица..да добијат нови болници што ОЧАЈНО му требаат,посебно сега во пандемија,а и општо за понатаму.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #51 Posted: 04-Nov-2021 at 17:59
Инфраструктурата ќе ја набилда цената на Клинички центар над 500 милиони евра

Повеќе од 15 години ова е главна тема во медиумите, се појавува во сите изборни програми на кандидатите, но наместо по толку најави, сликања, потпишувања договори, поништени тендери, конечно да се изградеше, целиот процес повторно е вратен од почеток.

Сегашната власт најави дека проектот ќе чини околу 500 милиони евра, но како што дознаваме, тука не се предвидени трошоците за инфраструктура, вода, гас, електрична енергија… Во моментов, целиот процес е закочен во Собранието со 2.000 амандмани од опозиционерите

https://fokus.mk/fokus-express/infrastrukturata-ke-ja-nabilda-tsenata-na-klinichki-tsentar-nad-500-milioni-evra
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #52 Posted: 07-Mar-2021 at 19:08
Како една понуда е подобро и ќе се контролира цената? Еве не знам, ама да земеш покрив да менуваш дома, па ќе се распрашаш кај 2-3 мајстори за цена.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #53 Posted: 07-Mar-2021 at 14:45
Германската Vamed и француската Bouygues construction треба да дадат една понуда за изградба на новиот клинички центар - Филипче ја повика опозицијата да не блокира

Министерот за здравство Венко Филипче, ја повикува опозицијата во Собранието да ги повлече 2.000 амандмани со кои е блокиран Законот за изградба на нов Универзитетски Клинички Центар.
„Во повеќе наврати досега и за време на собраниските комисии и на седниците за пратенички прашања Филипче и Владата и понудија на опозицијата собраниска комисија којашто ќе ја водат опозициски пратеници и ќе го контролираат процесот на градење, изведба и секој аспект од проектот за Клинички центар. Министерството за здравство ќе биде отстрана, и ќе и биде поддршка на опозицијата. Целата постапка за новиот Клинички центар е јавна и транспарентна, доколку опозицијата не ги прифати овие предлози ќе биде јасно дека воопшто не станува збор за нивна недоверба или желба за унапредување на проектот, туку едноставно стратегија за блокади и некоструктивност која веќе предолго трае“, смета Филипче.
Процесот за изградба на Клинички центар почна пред две години, втората фаза се одолговлечи поради ковид кризата. Процесот започна со таканаречен конкурентен дијалог, аплицираа 5 компании, за втората фаза останаа две - германската Vamed и француската Bouygues construction, едната која има искуство во градежниот дел, а втората искуство во менаџирањето и опремувањето на болниците.
Законот треба да ја регулира идејата двете компании да имаат можност, да дадат една единствена понуда, а независен финансиски ревизор да каже дали е таа соодветна, од причина што ќе биде една понуда мора да се контролира цената. Од огромен интерес на граѓаните е нов Клинички центар што ќе служи во следните децении и ќе даде интегриран тип на здравствена услуга.

Министерот им укажува на пратениците од опозицијата дека поддршката на Законот за нов Клинички центар ќе покаже дека партиите можат заедно да направат нешто што е од голема важност за граѓаните и нивното здравје.

https://faktor.mk/germanskata-vamed-i-francuskata-bouygues-construction-treba-da-dadat-edna-ponuda-za-izgradba-na-noviot-klinichki-centar---filipche-ja-povika-opozicijata-da-ne-blokira
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #54 Posted: 18-Dec-2020 at 11:44
КЛУЧ НА РАКА НА ЕДЕН ИЛИ НА ПОВЕЌЕ ОПЕРАТОРИ - Владата го забрзува проектот за новиот Клинички

Владата се реши да го забрза колку што може повеќе проектот за новиот Клинички центар. Локацијата е избрана, се знае и отприлика колку многу пари ќе ја чини државната каса, а во собраниска процедура се најде и законско решение за овој проект, кое ќе се носи по скратена постапка.

Наречен како предлог закон за реализација на проектот „Нов Универзитетски клинички центар“ за изградба и ставање во употреба на комплекс на градби, Владата во него навела бројни детали за тоа како ќе тече целата постапка, почнувајќи од тоа кому ќе му биде доверена изградбата, на каков начин, па до самата изградба и до тоа како потоа клиниките ќе се префрлаат постепено во новиот објект во близина на Ѓорче Петров.

А пред неколку дена и премиерот Зоран Заев откри дека во телото „За татковината со љубов“, се разговарало и за новиот клинички.

ЗА НОВИОТ КЛИНИЧКИ РАСПРАВАЛО И ТЕЛОТО „ЗА ТАТКОВИНАТА СО ЉУБОВ“

„Иницијативата е во согласност со отворениот пристап на оваа Влада за инклузивен процес кога се во прашање важни, стратешки прашања од интерес на граѓаните и државата... Еве, како најнова понуда е да разговараме за Законот за Клиничкиот центар, на пример, и подготвени сме да ги слушнеме мислењата на сите за да постигнеме најдобро и најефикасно решение за еден ваков стратешки објект во јавното здравство“, рече премиерот Заев.

Од Владата во предлог законот велат дека нивни стратешки приоритет е изградба на достапен, квалитетен и долгорочно одржлив систем на здравствена заштита, кој ќе обезбеди високо стандардни услови за работа на медицинскиот кадар, погодни услови за специјализација, и ставање на граѓаните во центарот на здравствениот систем. Тоа, како што објаснуваат, ќе се обезбеди со преместување на комплексот клиники „Мајка Тереза“ на greenfield локација.

Како цели што се настојува да се постигнат се подобрување на ефективноста и ефикасноста на здравствениот систем, групирање на сите постоечки служби во една зграда со интегриран капацитет кој ќе понуди соодветна циркулација, функционална поврзаност и континуитет на пружањето на здравствените услуги, клиничка непосредна поврзаност и прегрупирање на клучните услуги во еден ист кампус. Дополнително, стратешка цел е интеграција на наставата и истражувањето во рамки на кампусот, притоа не нарушувајќи го комфорот на посетителите.

Меѓу другото, власта очекува дека со овој закон ќе постигне и оптимизација на трошоците или другите ресурси кога ќе го гради новиот клинички, преку посебни услови и постапки за доделување на договорите за јавна набавка на стоки, услуги и работи за потребите на новиот клинички центар.

Скратената постапка се предлага бидејќи не се работело за обемен и сложен закон.

„Со овој закон се уредуваат постапката и условите за реализација на проектот Нов Универзитетски клинички центар - за изградба и ставање во употреба на комплекс на градби како градби од значење за државата. Ако со овој закон не е поинаку уредено, се применуваат одредбите од Законот за јавни набавки, Законот за експропријација, Законот за урбанистичко планирање, Законот за градење и Законот за општа управна постапка“, се вели во предлог законскиот текст.

ПРЕФРЛАЊЕТО НА КЛИНИКИТЕ ЌЕ ОДИ ПОСТЕПЕНО И ВНИМАТЕЛНО

Проектот ќе се состои од градење и ставање во употреба на комплексот на градби во новиот клинички центар, и тоа ќе опфати планирање, проектирање и подготвка на техничка документација, изградба, управување со изградбата и градежните работи, како и опремување.

Но, со законот ќе биде опфатено и планирањето на преместувањето на клиничкиот центар, управувањето со трансферот, потоа со процесот на паралелна работа на болничката инфраструктура, обуката на персоналот, како и одржување на објектот и опремата. Всушност, со законот се сака да се осигури дека ќе оди добро постепеното ставање во функција на новите градби, но и ставањето вон функција на градбите од стариот постоечки комплекс клиники „Мајка Тереза“, како и обезбедување на паралелно работење и целосна оперативност преку двата комплекса на градби.

„Комплексот на градби во рамки на проектот Нов Универзитетски клинички центар ќе се гради на локација која е поставена во северо-западниот дел од Скопската котлина, во западниот дел од општината Ѓорче Петров и јасно дефинирана со Обиколницата на Град Скопје, како главна инфраструктурна и геостратешка референца за просторот“, се вели во предложениот закон.

ДРЖАВАТА ЌЕ БИДЕ ИНВЕСТИТОР И ДРУГ НЕМА ДА МОЖЕ ДА СТЕКНЕ ПРАВО НА СОПСТВЕНОСТ

Решавањето на имотно-правните односи на земјиштето предвидено за изградба кои се наоѓаат на Локацијата, ќе биде на товар на земјава како инвеститор. На комплексот на градби ниту едно трето лице нема да може да стекне право на сопственост.

Постапките за јавни набавки на стоки, услуги и работи за реализација на проектот ќе ги спроведува Министерството за здравство, кое ќе биде договорен орган. Тоа ќе ги спроведува постапките за јавни набавки согласно Законот за јавни набавки, освен ако поинаку не е уредено со овој закон.

Интересно е дека во законот се наведува дека постапките за јавни набавки ќе може да се спроведат или како единствена постапка за доделување на договор за јавна набавка по принцип на „клуч на рака“ на еден економски оператор, или, пак, на група економски оператори како генерален изведувач.

Договорот за јавна набавка по принцип „клуч на рака“ е комбиниран договор за набавка и ќе биде доделен преку спроведување на постапка со конкурентен дијалог како единствена постапка за јавна набавка согласно Законот за јавни набавки, се вели во законот.

„Cо договорот за јавна набавка по принцип клуч на рака се обврзува генералниот изведувач да ги изврши збирно сите работи потребни за изградба и употреба на определена целосна градба или определен целосен комплекс од градби...“, се вели во предложениот закон.

Во оваа постапка ќе се дозволи поднесување на групна пријава од име на повеќе економски оператори кои претходно учествувале со поединечни пријави во фазата на претквалификација. Под групна конечна понуда се подразбира една единствена понуда доставена од име на повеќе економски оператори, оценети како способни кандидати.

Натаму во законот се опишува како ќе тече постапката со еден, а како би течела со понуда од двајца способни кандидати, и какви рокови ќе им бидат дадени.

Министерот за здравство, Венко Филипче, пред неколку месеци откри дека е почната постапка за изградба на нов Клинички центар. Тој најави дека се планира првиот од четирите блока на центарот да биде завршен во наредните четири години.

„Верувам дека првиот блок дефинитивно ќе биде завршен во следните четири години. Тоа ќе овозможи дел од сегашните клиники да се преселат и да почнат со работа. Како ќе бидат завршени следните блокови ќе се празнат и клиниките според стратегијата“, потенцираше министерот Филипче, и дополни дека едни од најкритичните и тие на кои им треба многу внимание се клиниките каде има операциони сали и интензивна нега. Што значи дека први би се преселиле хируршките клиники и операционите сали, и сè што е поврзано со хируршка интервенција.

Во однос на финансирањето, Филипче посочи дека сè уште се работи на финансискиот модел, а проценката е дека новиот клинички би чинел околу 450 милиони евра.

Кон крајот на минатата година, пак, министерот рече дека фазата на евалуација е завршена, па останати се две компании - германската Vamed и француската Bouygues construction.

https://faktor.mk/kluch-na-raka-na-eden-ili-na-povekje-operatori---vladata-go-zabrzuva-proektot-za-noviot-klinichki
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #55 Posted: 03-Sep-2020 at 10:05
ПРВИОТ БЛОК ОД НОВИОТ КЛИНИЧКИ ЌЕ БИДЕ ГОТОВ ЗА 4 ГОДИНИ - први ќе се селат хируршките клиники

Министерот за здравство, доц. д-р Венко Филипче во вчерашното гостување во емисијата „Само вистина“ на Канал 5 телевизија најави дека во новиот четиригодишен мандат ќе почне да се гради новиот Клинички центар. Тој истакна дека иако се подобрени условите и се направи реорганизација за подобрување на комуникацијата, сега, при третманот на пациенти со Ковид-19 се видоа недостатоците на поставеноста на клиниките, болниците, посебно во клиничкиот центар, кои физички се оддалечени, што претставува пречка за интегриран тип здравствена услуга и брза размена на стручни лица.

„Брзо се реорганизиравме и во рамки на тоа дури и сообраќајните проблеми се решија во Клиничкиот центар за да се олесни комуникацијата меѓу клиниките. Но, тоа не е трајно решение. Нам ни треба модерна болница. Клинички центар којшто на граѓаните ќе им служи во следните 60-70 години. Ние преземаме и други активности. Реновиравме огромен број одделенија и клиники за да ги подобриме условите. Но, дефинитивно иднината е во нов Клинички центар“, изјави Филипче.

Тој посочи дека е почната постапка за изградба на нов Клинички центар, која беше прекината поради изборниот процес и пандемијата со Ковид-19, но сега со стабилизација на ситуацијата, изградбата на Клиничкиот центар ќе почне постапно. Филипче изјави дека планира првиот од четирите блока на новиот Клинички центар да биде завршен во наредните четири години.

„Постапката практично започна. Ние ја прекинавме поради изборниот процес, коронакризата и сега треба да продолжи. Предлогот и концептот се Клиничкиот центар да биде во четири блока. Верувам дека првиот блок дефинитивно ќе биде завршен во следните четири години. Тоа ќе овозможи дел од сегашните клиники да се преселат и да почнат со работа. Како ќе бидат завршени следните блокови ќе се празнат и клиниките според стратегијата“, потенцираше министерот Филипче, и дополни дека едни од најкритичните и тие на кои им треба многу внимание се клиниките каде има операциони сали и интензивна нега. Што значи дека први би се преселиле хируршките клиники и операционите сали, и сè што е поврзано со хируршка интервенција.

Во однос на финансирањето, Филипче посочи дека сè уште се работи на финансискиот модел и проценката е дека ќе чини околу 450 милиони евра.

„Проценката е дека ќе чини околу 450 милиони евра, нешто што сметам дека ќе биде одлична финансиска инјекција и за севкупната економија. Веќе се почнати проектите, дел се и завршени во општината Ѓорче Петров за локалната инфраструктура, локален пат, струја, водовод итн. Така што, сметам дека ќе биде навистина значајна инвестиција генерално за нашата економија“, истакна Филипче.

https://faktor.mk/prviot-blok-od-noviot-klinichki-kje-bide-gotov-za-4-godini---prvi-kje-se-selat-hirurshkite-kliniki
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #56 Posted: 02-Sep-2020 at 23:04
Филипче: Новиот Клинички ќе почне да се гради во овој мандат, ќе чини околу 450 милиони евра

Новиот Клинички центар дефинитивно ќе почне да се гради во овој четиригодишен мандат на Владата. Тоа е нешто што нашите пациенти го заслужуваат, истакна вечерва министерот за здравство Венко Филипче во гостувањето на емисијата „Само вистина“ на Канал 5 телевизија.

Тој посочи дека ги воочиле недостатоците на една ваква поставеност на клиниките, болниците, посебно на Клиничкиот центар. Потенцира дека сите клиники физички не се на едно место за да може да се даде интегриран тип здравствена услуга.

– Ние брзо се реорганизиравме и во рамки на тоа дури и сообраќајните проблеми се решија во кругот на Клиничкиот центар, за да се олесни комуникацијата меѓу клиниките, но тоа не е трајно решение, заради тоа што нас ни треба модерна болница, Клинички центар што ќе им служи на граѓаните и во следните 60 до 70 години, рече Филипче.

Нагласи дека презеле други активности, реновирале голем број одделенија и клиники за да ги подобрат условите.

– Некаде не беше реновирано ни повеќе од 50 до 60 години, но дефинитивно иднината е во нов Клинички центар. Постапката практично започна. Ние прекинавме заради изборниот процес, корона кризата итн. и сега треба да продолжи. Предлогот и концептот е тој Клинички центар да биде во четири блока и јас верувам дека првиот блок дефинитивно ќе биде завршен во следните четири години. Тоа ќе овозможи дел од сегашните клиники да се преселат и започнат со работа. Има посебен план согласно компатибилноста на клиниките кои треба да се префрлаат и за тоа разговаравме да видиме како тоа би можело да се изведе, а да не се губи време, како ќе бидат следните блокови ќе се празнат и клиниките според таа стратегија, истакна Филипче.

(...)

libertas.mk
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #57 Posted: 10-Aug-2020 at 10:31
Како да се изгради тоа што ни треба – регионален клинички центар

Хаотичниот развој на Скопје по земјотресот од 1963 година направи од град со 180.000 сега да стигне до 700.000 жители. И, јасно, повеќето институции кои му служеа на градот пред земјотресот сега се задушени во хаотичното градење. Ние ги менувавме дуповите по региони по потреба на олигарсите за нивни потреби, а не за потребите на граѓаните и на функцијата на градот. Ваков пристап доведе до задушување на градот. Во 2005 година кога јас работев физибилити за развојните потреби на градот Скопје го разработив паркирањето во Државната болница и се запознав со проблематиката. Ланската година бев на лекување во болницата и дојдов до сознание дека тоа не е болница, ами паркинг-гаража, зашто внатре имаше повеќе коли од болни луѓе.

Политичарите нѐ бомбардираат со големи изборни ветувања: ваков клинички центар ќе направиме во постојната болница, другите предлагаат не таков – ами ваков клинички центар во Ѓорче Петров итн. Не ги слушнавме планерите што тие планираат, односно каде, каков, со каква намена и колку ќе чини ваков клинички центар?

За да им стане јасно на сите граѓани каков, каде и колку ќе чини ваков клинички центар, ќе им ја презентирам мојата визија, па можеби ќе помогнам во решавањето на овој проблем. Поаѓајќи од состојбата дека Македонија е клуч за стабилност во регионот, таа мора да порасне и во следните 50 години да биде главен економски фактор за регионот. Македонија со своите два милиона жители е многу мал пазар за каков било развој, затоа јас гледам на регионот – Ниш, Софија, Солун, Косово, Албанија, Црна Гора и Санџак – како на пазар од 15 милиони, што е интересна големина за бизнис. Третирајќи го регионот од аспект на пазар би требало и регионално решение за покривање со врвни здравствени услуги преку еден РЕГИОНАЛЕН МЕДИЦИНСКИ ЦЕНТАР. Ако во поранешна Југославија ВМА беше врвен центар за цела држава, зошто ние не би направиле таков центар за регионот? Неговото градење ќе чини над 800 милиони евра и ќе се гради 5-6 години. За ваков регионален центар, според мое согледување, планот треба да изгледа вака:

Локацијата да има доволна површина за сите потреби на сегашните клиники и за развој во следните 50 години. Да е ослободен од градскиот сообраќаен метеж и гасови. Да има поволна ружа на ветровите заради благо проветрување. Да биде на периферија на градот заради пристап од западната, источната и од косовската страна. Да има простор за хелиодром и можности за слетување на крововите на клиниките. Да има независен и резервен систем за снабдување со вода, струја (мини централа), Интернет и друго.

Во ваков регионален медицински центар би имало објекти за најмалку 10 клиники и простор за уште пет, како и за истражувачки институти. Клиниките ќе треба да се поврзани со воздушни топли мостови. Да има управна зграда. Тука да биде Медицинскиот факултет со студентски дом. Во комплексот треба да бидат изградени и три хотели – за стажанти, за доктори на специјализација и за ноќни смени на лекари, еден придружен хотел за продолжена нега на пациенти и еден хотел за посетители на пациентите. Околу комплексот би се изградиле три катни гаражи со по 500 места за паркирање.

Регионалниот клинички центар ќе претставува мал град во кој ќе бидат вработени повеќе од 5.000 илјади лекари, сестри и персонал. Ќе претставува една целина со визуелен информативен центар, внатрешна електрична и такси-служба, полициска станица, банки, продавници, ресторани, цвеќарници, јавни тоалети… Сите патеки за шетање ќе бидат покриени, внатрешните патишта направени со гумизиран асфалт итн.

За изградба на ваков комплекс со вакви развојни можности е најпогодна локацијата зад Американската амбасада, односно кај касарните и целиот простор зад нив. Тоа е општествено земјиште и мислам дека ги исполнува бараните услови за ваков клинички центар. На политичарите е да водат политика, на бизнисмените да водат бизнис, па јас би го предложил и бизнис-планот. Бидејќи буџетот на Северна Македонија не е во состојба за непроизводен погон да најде и да вложи вакви пари (800 милиони), тогаш предлагам локацијата на Државна болница, која е една од најголемите и најатрактивните, да се продаде за изградба на станови. Да се урбанизира и да се продава на почек. Тоа значи сега ја купувате, а по три години ја добивате во владение. Сметам дека ќе ја продадеме за околу 400 милиона евра, а тоа е 50 отсто од инвестицијата за регионален клинички центар. Другите пари ќе бидат од кредити. Не смееме да ја направиме истата грешка од пред 20 години кога ги продадовме рафинеријата, телеком и ЕВН за околу една милијарда евра, а да прашате кај отидоа парите, никој нема да ви каже точно. А точното е дека една милијарда од стопанството ја изеде нестопанството. Не смееме да дозволиме и парите од Државна болница да ги изеде нестопанството, туку тие да одат од болница за – болница.

од Божидар Милјовски

https://www.slobodenpecat.mk/kako-da-se-izgradi-toa-shto-ni-treba-regionalen-klinichki-czentar/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #58 Posted: 06-Aug-2020 at 14:23
НОВИТЕ УЛИЦИ И ПАРКИНЗИ ВО КЛИНИЧКИ ЦЕНТАР ПОПЛАВЕНИ ПО ПРВИОТ ОБИЛЕН ДОЖД



Улиците и паркинзите во Клиничкиот центар се поплавени по врнежите на дожд изминативе два дена. Паркингот кај Клиниката за стоматологија е целиот под вода и буквално за да излезат докторите и пациентите од возилата и да се движат низ комплексот шлапкаат низ вирови вода.

Град Скопје по почетокот на епидемијата на ковид-19 со пари од Министерството за здравство почна со реконструкција на улиците на Клиничкиот центар.

Од Градот велат дека на повеќето улици каде што работеле обновена е постојната атмосферска канализација и таму нема проблем со поплавување, а проблемите се појавиле на улиците и паркингот кои не биле предвидени со проектот за реконструкција и останале без одвод.

„Делот кај Стоматологија нема одвод и не е поврзан со атмосфреската канализација, па затоа таму постојано се собира вода. Според проектот и средствата кои ги добивме од Министерството за здравство овој дел не беше опфатен со реконструкцијата. А ако на други места има нособрано вода, тоа е бидејќи не се чистат сливниците, а обврска за одржување и чистење на комплексот на универзитетските клиники е на Службата за општи и заеднички работи на Клиничкиот центар“, велат од Град Скопје.

Уште во текот на градежните работи, вработените на клиниките ги предупредувале работниците дека овој простор постојано се поплавува и да водат сметка да стават повеќе сливници, но овие им одговарале: „Не се секирајте, водата си има природен пад“.

Реконструкцијата на улиците и изградбата на новиот паркинг чинеше 70 милиони денари.

https://sdk.mk/index.php/dopisna-mrezha/novite-ulitsi-i-parkinzi-vo-klinichki-tsentar-poplaveni-po-prviot-obilen-dozhd/
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #59 Posted: 03-Jul-2020 at 12:36
Originally posted by Џоле

Е па, кога нема сенка...

Инаку, фино го средиле центаров, личи на нешто поцивилизирано.

Да, ама за жал мора на сред улица пак паркирани возила да има...
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15018
  Quote Џоле Quote  Post ReplyReply #60 Posted: 03-Jul-2020 at 12:19
Е па, кога нема сенка...

Инаку, фино го средиле центаров, личи на нешто поцивилизирано.
За сè има вторпат
Back to Top
 Post Reply Post Reply Page  <12345 18>

Forum Jump Forum Permissions View Drop Down



This page was generated in 0.129 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.