build.mk Homepage
Forum Home Forum Home > Главни теми > Проекти > Здравствени
  Active Topics Active Topics
  FAQ FAQ  Forum Search   Register Register  Login Login

Клинички центар Скопје

Bookmark and Share
 Post Reply Post Reply Page  123 12>
Author
Message Reverse Sort Order
  Topic Search Topic Search  Topic Options Topic Options
majstorot_001 View Drop Down
Newbie
Newbie


Joined: 12-Feb-2018
Online Status: Offline
Posts: 28
  Quote majstorot_001 Quote  Post ReplyReply #1 Topic: Клинички центар Скопје
    Posted: 29-Mar-2018 at 17:03
на архитектонски факултет при УКИМ нема соодветни стручни лица, но затоа има тезгароши
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 11378
  Quote Џоле Quote  Post ReplyReply #2 Posted: 27-Mar-2018 at 18:26
Владата реши нов клинички центар да се гради на територијата на општина Карпош

Владата на Република Македонија на денешната седница ја разгледа и усвои информацијата за започнување на проектот за изградба на комплекс универзитетски клинички центар на локација во општина Карпош.

Министерството за транспорт и врски и соодветните институции и општина Карпош да извршат измени во урбанистичките и катастарските и други планско урбанистичко–проектни документи за 2018 година.

Со оваа одлука на Владата, Министерството за здравство треба да му препорача на Архитектонскиот факултет при универзитетот „Св. Кирил и Методиј“, да формира стручна комисија и да спроведе јавен конкурс за идејно решение на дел од комплексот универзитетски клинички центар, соопшти службата за информирање на Владата.

https://www.mkd.mk/makedonija/skopje/vladata-reshi-nov-klinichki-centar-da-se-gradi-na-teritorijata-na-opshtina-karposh
За сè има вторпат
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 486
  Quote hcitrS Quote  Post ReplyReply #3 Posted: 13-Mar-2018 at 13:06
Па можеби доказ за сериозноста на намерите на владата би бил почетокот на археолошки истражувања. Бидејќи ако се сериозни дека планираат изградбата да започне за 1.5-2 години, археолошки истражувања, во најмала рака проспекција, би требало да почнат веднаш, за една недела. А колку што знам од прва рака, годинава парите за археолошки истражувања се многу скромни а проект за рекогносцирање баш на тој дел од градот не е предвиден.

Истите можат да се извршат и неинвазивно, со геомагнетно скенирање, па така ќе може да се дефинира каде постојат битни објекти, некропола, и сл., па да се земе истото пред вид при проектирањето за да се избегнат непотребни ископувања кои се комплицирани, скапи и траат многу долго.
Back to Top
majstorot_001 View Drop Down
Newbie
Newbie


Joined: 12-Feb-2018
Online Status: Offline
Posts: 28
  Quote majstorot_001 Quote  Post ReplyReply #4 Posted: 13-Mar-2018 at 11:17

Потполно се согласувам. Штетата од губењето на доверба кај банки кои даваат кредити со 1-1.5-2% камата, плус обезбедени консултантски услуги на сметка на ЕУ фондови, не се мери со бројки ни со пари ни со време. Едноставно ќе си ја трпиме, но предност е што ќе имаме многу време за мудрување бидејќи се потешко ќе наоѓаме пари нешто да реализираме    
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 454
  Quote <Fresno> Quote  Post ReplyReply #5 Posted: 13-Mar-2018 at 10:53

Касно е веќе, ако се наврати на првичниот план, Владата ќе биде на мета на ААМ и останати „експерти“. Проблем е и губењето доверба кај ваков тип банки за идни проекти.
Back to Top
majstorot_001 View Drop Down
Newbie
Newbie


Joined: 12-Feb-2018
Online Status: Offline
Posts: 28
  Quote majstorot_001 Quote  Post ReplyReply #6 Posted: 13-Mar-2018 at 08:52
Да не заборавам дека сум сигурен дека особено внимание експертскиот тим има посветено на постепено „исклучување“ на постоечките клиники со преминување во новиот објект, така да во секој момент на изградбата ќе има функционален центар со сите клиники. Изградба на нова локација значи комплетно завршување на сè, патишта, друга инфраструктура, објекти, нивно комплетно опремување, па потоа преселба. .... за едно 20 години во најдобри услови ... или „пруга за Бугарија“
Не може една клиника таму една ваму, тоа така не функционира.

Затоа, уште еднаш, да се почне изградба според договорот за изведба ден поскоро. Кога ќе се заврши, може слободно да се размислува за понатамошен развој на здравствениот систем во државава за наредни 25-30 години и со време да се одреди место и начин на реализација на идни капацитети.
Back to Top
kultuzin View Drop Down
Senior Member
Senior Member


Joined: 07-Nov-2010
Online Status: Offline
Posts: 3811
  Quote kultuzin Quote  Post ReplyReply #7 Posted: 12-Mar-2018 at 23:57
10 meseci nemozat bandera da pomestat. A vie zboruvate za proekti od vakov tip. Tuku aj so nesto mora da se zamajuva narodot.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 634
  Quote ehrlich Quote  Post ReplyReply #8 Posted: 12-Mar-2018 at 23:15
Јас ќе се осврнам на финансиите и на тоа дека овде се работи за три пати поголеми средства само за изградба на клиничкиот центар без потребната сообраќајна инфраструктура и јас не би се сложил дека за истата би биле потребни неколку милиони евра, туку можеби неколку десетици милиони евра, што е троа поголема разлика. Воедно, на оваа проектирана цена, неминовно е да се очекуваат анексирани суми и се плашам дека ќе добиеме уште една „пруга до Бугарија“ (фрлени пари во бетонски столбови на мостови и тунели), уште еден „автопат до Охрид“ (само денес кажаа дека се потребни уште 150 милиони и минимум уште три години изградба), па така да не завршиме со нов „клинички центар“ (вреден пола милијарда евра на нова локација во изградба десет години).

И на крај, смалете малку со желбиве, ко божем овој новиов еве готово уште фали да го опремат, па ние бираме дали на Скопје му требал уште еден ургентен и каде да бил тој. За да ве вратам во реалноста, појдете во било која клиника на Клинички во било кој ден и ќе сфатите кај живеете. И воедно потсетување, кога се расфрлате со годиниве (дека за 2-3 години плус не било страшно) да ве потсетам дека не сите имаат пари за лекување во Систина и дека напатените македонски работници ќе продолжат да се лекуваат во клиники кои капат, кои немаат асален инвентар, лекови, опрема и слично.

И за крај, ова милиониве евра, кои полека милијарди стануваат, за економија во стагнација ко македонскава, не се занемарливи и некој ќе треба да ги враќа, а не дека баш проективе носат раст и развој.

И да не биде дека само мрчам и критикувам, мое мислење за разлика можеби од сите вас тука е дека требаше да си се изгради клиничкиот центар на сегашното место, од првенствена причина што ќе беше поевтино дури и со средување на паркинг и општо преуредување на просторот на самиот Клинички, како и со обнова на Воена болница (денешна Градска 8 Септември), со на пример отворање на Траума центарот и искористување на крилото од Жан Митрев. И ќе беше далеку побрзо од новава локација, за која повторно ќе повторам, сум голем скептик дека ова ќе се изгради некогаш.
Back to Top
majstorot_001 View Drop Down
Newbie
Newbie


Joined: 12-Feb-2018
Online Status: Offline
Posts: 28
  Quote majstorot_001 Quote  Post ReplyReply #9 Posted: 12-Mar-2018 at 17:47
Cloverstack,
Малку доцнам со одговоров, а гледам и дискусијава тргнала, па да не должам со уводи ...

Прво мора разграничиме дека барем од вклучените во оваа дискусија (според коментарите) никој не го видел проектот, вклучително и јас. Мене информациите ми се од втора, ај да не речам трета рака, но најмногу паралела со КБ Штип пошто тој проект сум го видел, го виделе повеќемина, се гради, а сме го виделе бидејќи освои награда на БИМАС, 2014-та беше, ако не грешам. Тој проект е во истиот пакет со КЦ Скопје и сè е исто, банка, кредит, експерти-консултанти, различни други помагачи или одмагачи :-), само се различни проектантите. КБ Штип се нели Митровиќ, а КЦ Скопје се од Италија, со јас барем не знам, која наша фирма или колку наши фирми се поддршка од овде.

Колку ми е мене познато постоеле два експертски тима на банката, еден за студија и „претпроектна програма“ и вториот за помош во проектирањето на основниот проект.
Е таа студија изработена од експерти на банката кажува дека треба да се гради на постоечката локација. Како и зашто е дојдено до тој резултат не можам да знам, не сум видел. Банката е нели „при Советот на Европа“ колку е комерцијална колку е за развој и поддршка, тоа пак никако не знам, ама знам дека цел на такви банки е реализација со јасни резултати. Заглавена реализација и ненаменска употреба на средствата е неприфатливо. Затоа старата власт го има сменето мислењето, инаку ако добро се сеќавам и јас првата најава и од нив беше исто во Злокуќани.

Да не се повтори и овој пат кога ќе почнат да се бараат пари, да станеме свесни до кај ни е чергата. Не функционираат тие фондови на „ми се сака“ принцип. Дали сме кадарни за комплетно комерцијален кредит? А овој потпишан договор за изведба заминал во историјата и сме се вратиле 7 години назад. Сметам дека е крајно неодговорна постапката на Владата да консултира само архитекти кои веројатно немаат поим од финансирање на проекти, нека не се вреѓаат, 99% од архитектите немаат. Малку посеопфатна анализа треба пред да се истрчаат со изјави. Затоа се и моите сомнежи за ситни интереси.

Вториот пак експертски тим, за правење на проектот (според паралела со КБ Штип како споменав) е веројатно и овде всушност комплетен автор на функционалното решение.
Колку ми е мене познато треба да останат стоматологија, инфективно и детско. Тие засега не би имале топла врска. Гинекологија останува во „стариот“ објект, прилично е нов нели, а се поврзува со топла врска и комплетно интегрира, а хирургија практично станува дел од главната зграда со комплетна реконструкција, а на дел и рушење. Сè друго се руши, единствено не знам што треба да се случи со Судска и Кардиологија, со тоа што нова кардиологија има во главниот објект.

Сообраќајот е проблем и ваму и таму. Таму треба да се решат не знам колку километри низ приватни имоти, плус што ако се појави културно наследство, а овде е тесно од сите страни ама не е нерешливо. Плоштад Скендербег го изградија преку булевар, само што ја не мислам дека така треба да се прави. Има и други пристапи и други начини.

Градежните работи. Не сме ги виделе проектот и техничките услови па не можеме да знаеме околу пристапот и начинот на работа кои барања се наложени. Тоа на консултантскиот тим не можело да му пројде без забелешки. Околу загадувањето и бучавата исто така, но неспорно е дека ќе се зголеми, веројатно не повеќе од изградбите на хирургија и гинекологија.

Проблемот со „ни се брза“ е во токму во тоа што заради разни причини, меѓу кои и политичката криза, доцнење на основниот проект и веројатно дубари на финансиери и изведувачи (ние сме мали деца за европјаните, а ова и за нив не се средства за потценување) за конечно потпишување на договор за изведба се загубија 3 години. И плус една сега. Ни се брза и заради фактот дека е се подготвено, а стои.

Моите сомнежи за воопшто реализација на Бардовци повеќе пати ги искажав, особено знаејќи го фактот дека изборот за постоечката локација е од експертите на банката финансиер и секако е поткрепен со докази и причини.

Далеку од тоа дека мислам дека постоечката локација е без проблеми и потполно се согласувам дека двете локации се „зезнати“. А идеална нема ни да најдеме.
Затоа, според мене, единствен исправен пат е постоечкиот хаос што „из милоште“ се нарекува Клинички Центар, а скопјани си го нарекуваме „Државна“, да се направи болница која ќе е современа по сите битни параметри и понатаму ќе игра улога на клинички центар, па да се побара вистинска локација каде би се направил вистински Клинички Центар за потребите на цела држава во кој нема да доаѓа и шуто и рогато и криво и право и здраво на преглед (би требало да се прави разлика помеѓу Болница и Центар), а ова да си остане Клиничка Болница Скопје која заедно со „8 септември“ ќе биде доволна за Скопје.
Последниов коментар „дали 2-3 години можат да оправдаат .... “ не би се сложил, односно би се сложил ако се додаде една нула .. па биде 20-30 години, а тогаш веќе можат да оправдаат. Тврдам дека за 2-3 години нема да има ништо, ни проект ни пари и да не заборавиме дека за 2 години најдоцна идат нови избори и пак ли ќе менуваме.
Сега веќе никој не размислува да ја руши КБ Штип (се надевам), а доколку не беше почнато изведба веројатно и таму ќе имаше нови .. или стари ..идеи.

Роковите што се кажуваат за изградба во Бардовци се благо речено смешни. Па за суми 2-3 милиони евра проектите се влечат со години по европската бирократија. Ако сами можеме, ајде, ама еве и вчера министерот пак рече ќе обезбеделе пари, што значи дека нема од сопствени извори.


Edited by majstorot_001 - 12-Mar-2018 at 17:49
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11883
  Quote Cloverstack Quote  Post ReplyReply #10 Posted: 12-Mar-2018 at 14:21



И јас со голема резерва ги земам најавените рокови. Тоа ми е и најголемиот страв: дека изградбата на новиот клинички ќе се развлече и дека ќе останеме заглавени со постоечката катастрофа на старата локација.

Но неизвеноста со роковите е заеднички именител и за проектот кај Бардовци и за проектот за стариот клинички центар. Нема никакви гаранции дека вториов би се реализирал во рамки на рокот што беше последно најавен. Баш напротив, тој проект веќе има историја на тотално занемарување на било какви рокови. Така да бидејќи секако мораме да преземеме ризик со роковите, мислам дека е подобро тоа да го направиме со опцијата која нуди и поголема награда. А и не е само тоа, туку ако се завлечка изградбата кај Бардовци, остануваме подолго заглавени во сегашната катастрофа, но ако се завлечкаше изградбата кај стариот клинички, тогаш ќе бевме заглавени во уште поголема катастрофа.




Edited by Cloverstack - 12-Mar-2018 at 14:23
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 454
  Quote <Fresno> Quote  Post ReplyReply #11 Posted: 12-Mar-2018 at 14:08
Originally posted by Cloverstack


Додека да се реализира проектот, поради обемните градежни активности, кај стариот клинички всушност би имале многу полоша ситуација од денешната, а не подобра. Ако земеме дака двата проекти (и кај стариот клинички и кај Бардовци) би се реализирале во рамки на роковите кои се најавуваа(т), испаѓа дека додека да се прикрпи стариот клинички центар, новиот веќе би се наѕирал. Дали тие 2-3 години разлика можат да го оправдаат влошувањето на ситуацијата кај стариот за време на изградбата, како и дополнителниот финансиски трошок?


Во право си, додека се гради ќе биде хаос. Инаку скептик сум дека разликата би била 2-3 години. Само поради тоа што очекувам разликата да биде 5-10 години и сум за реализација на проектот на постоечката локација. Ќе покаже времето.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11883
  Quote Cloverstack Quote  Post ReplyReply #12 Posted: 12-Mar-2018 at 13:58


Паралелна изведба на проектот за стaриот клинички би донела не само дополнителни големи финансиски проблеми, туку и редица сериозни последици за функционирањето на овој здравствен комплекс, на кои се осврнав претходно:

http://www.build.mk/forum/forum_posts.asp?TID=587&PID=225244#225244

Додека да се реализира проектот, поради обемните градежни активности, кај стариот клинички всушност би имале многу полоша ситуација од денешната, а не подобра. Ако земеме дака двата проекти (и кај стариот клинички и кај Бардовци) би се реализирале во рамки на роковите кои се најавуваа(т), испаѓа дека додека да се прикрпи стариот клинички центар, новиот веќе би се наѕирал. Дали тие 2-3 години разлика можат да го оправдаат влошувањето на ситуацијата кај стариот за време на изградбата, како и дополнителниот финансиски трошок? Според мене не.

Што се однесува до Тодоров, тој лик имаше доволно време да го реализира проектот ако навистина имаа намера да направат нешто.





--------------------------------------------------------------------------------------------------------------



01-Feb-2018  
Originally posted by Dexter26

Јас сум за изградба на нов клинички центар во Бардовци

(Ова е постирно веднаш откако Заев за јавноста дава изјава во која предупредува дека ако се гради во Бардовци, веројатно ќе треба да платиме 5 милиони евра пенали кон банката финансиер.)



09-Mar-2018
Originally posted by Dexter26

Не знаев дека сепак сме биле толку богати како држава, од една страна деца умираат бидејќи државата одбива да им го плати лекувањето во странство, а од друга страна државата сепак има пари за да плаќа казни бидејќи на првиот македонски аболициран премиер за организиран криминал - а патем магистер по монетарна економија и финансии, и на неговиот министер за здравство им се бендисала презентација на ААМ.

(Ова е постирано откако после состанокот со претставниците на ААМ е донесена конечна одлука за изградба кај Бардовци.)


Интересно, Dexter
Да не ти го хакнал некој профилот, а?



Edited by Cloverstack - 12-Mar-2018 at 14:06
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 454
  Quote <Fresno> Quote  Post ReplyReply #13 Posted: 12-Mar-2018 at 13:07
Требаше да се истурка проектов на постојната локација, а паралелно да се почнеше со припреми (проекти и финансии) за новата. На тој начин ќе имавме значително подобро решение од постоечкава ситуација, за краток период. Тоа ќе овозможеше и порелаксирано планирање за центарот на новата локација, повеќе време за сообраќајна инфраструктура и финансирање низ повеќе години. По неговото завршување, центарот на сегашната локација ќе можеше да се пренамени во ургентен или било што друго од државен интерес, што значи дека немаше да бидат залудно потрошени пари.

Но не, бидејќи се работи за проект на убиецот Тодоров, пациентите и во следниот период ќе уживаат во условите на стариот добар Клинички.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 1298
  Quote Staro Skopje Quote  Post ReplyReply #14 Posted: 11-Mar-2018 at 23:49
Апсолутно го поддржувам преместувањето на Клиничкиот центар од Центар во Бардовци, и тоа од повеќе аспекти:

- Сообраќаен: моментално Клиничкиот центар се наоѓа во центарот на градот Скопје, и истиот е достапен преку еден метежиран булевар и неколку тесни улички. Истовремено, самиот двор на Државната болница е пренатрупан од возила, со што дополнително се отежнува пристапот на итните случаи. Преселбата на нова, сообраќајно подостапна локација, а со тоа и сосема ново решение за распоредот на улици и објекти во самиот центар, би го решиле овој пробле.

- Здравствен: новата локација, далеку од сообраќајниот метеж и бучава, а опкружена со зеленило, би била поповолна за пациентите.

- Економски: иако планираната цена на новиот Клинички центар е околу 420 милиони евра, плус пенали од околу 5.5 милиони евра и нужноста од изградба на нови сообраќајници што ќе чини уште неколку милиони евра, додека планираната цена на претходниот проект беше околу 120 милиони евра, новото решение е поефтино на долг рок. Доколку се изградеше нова зграда на сегашната локација, веднаш по или за време на нејзината изградба ќе требаше темелно да се реконструираат објектите коишто немаше да се преселат во новата зграда (доколку не се лажам, тоа се Детската хирургија, Инфективна и Стоматологија), а исто така ќе требаше да се реновира и инфраструктурата во комплексот, да се изградат катни гаражи и ред други работи, па цената ќе се зголемеше уште неколку десетици милиони евра. А функционалноста сепак немаше драстично да се зголеми, зашто ќе останеше сообраќајниот хаос, па ќе добиевме половично решение.

Единствена негативна точка е што е далеку од центарот на градот, па затоа можеби би било потребно да се отвори уште еден ургентен центар. Имам два предлога за ова: сегашната локација или Маџари.

Доколку ургентниот центар остане на сегашната локација, тогаш истиот би бил во зградата на Хируршките клиники. До него би водела брза врска од Водњанска до влезот наменета само за возила на брза помош, а во комплексот би имало уште неколку улици за возила на пациентите, посетителите и персоналот. Би имало и два паркинзи, хелиодром и многу зеленило. Зградите каде што моментално се сместени Гинекологија, Стоматологија, Максофацијална хирургија, Радиологија и Детска хирургија би останале и би продолжиле да опслужуваат пациенти (но, можеби би биле пренаменети), додека УКЦ, Кардиологија и Форензичка медицина би останале, но со друга намена. Останатите згради би се срушиле. Исто така, би се подобрила и улицата Белградска.


Втората локација би можела да биде Маџари. Тука би се изградиле Ургентен центар и два помошни објекта, брза врска и неколку улици. Истите би биле опкружени со многу зеленило, а околу нив би имало и куќи, станбени згради, деловен простор и лесна индустрија.


Легенда:
Окер - ургентен центар
Беж - здравствени објекти
Светло розево - објекти со друга намена
Зелена линија - брза врска наменета само за возила на брза помош со улицата
Тиркизна линија - улица
Сиво - паркинг
Црвено - куќи
Розево - станбени згради
Светло сино - лесна индустрија
Темно сино - деловни објекти

Дел од мојот сообраќаен план:
Светло розева линија - улица
Темно розева линија - булевар
Градот убав никна, но го откорнаа
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 1552
  Quote alexsend Quote  Post ReplyReply #15 Posted: 11-Mar-2018 at 23:01
Сте се фатиле сите за тие 5 милиони! Најдете ја темата за СКОПЈЕ2014 на форумов и листата со детални цени за секоја глупост која се изградила годиниве наназад да видите колку безнајачни и безвредни се тие 5 милиони евра!
Дали тогаш исто ви беа битни тие стотици милиони за шминка која ничив живот нема да подобри??

Клинички центар на ниво на држава НЕ Е ЗАЕБАНЦИЈА за која нешто менуваат 5 милиони! Тоа е институција од НАЈВИСОКО ЗНАЧЕЊЕ за секој кој живее во Државата, не само во Скопје и треба секој да има пристап до неа. Тоа е проект кој ќе се гради со години и ќе се финансира со буџети од 5-6 години, а не една! И ако се прави треба да се направи како што сметаат тие кои школи завршиле за Урбанизам, Планирање на сообраќај, Архитектура, а не некој со средно или некој на кој му текнало така па лупа напамет!
Отворете ја мапата на Скопје на ГУГЛМАПС и размислете 2-3 минути што е најдобро локациско решение. Зарем животите кои ќе згаснат на оние кои во возилото на брзата помош одејќи накај Водњанска се помалку битни од пари!?
И подобро е да имаме вистински Клинички Центар за 10 години одколку да имаме некои склопки, лепенки и делумни доградби за цел живот! Кога го граделе на водно ни на крај памет не им било дека во Скопје еден ден ќе живеат 1 милион жители и истото ќе се претвори во урбанистички хаос без никаква инфраструктура и ред. Треба да се прилагодиме на реалноста, а не како слеп за стап. Провизиите за автопатите се 25 милиони евра па на никој не му е гајле за тоа...
Јас Скопје никогаш не сум го замислувал вака.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11883
  Quote Cloverstack Quote  Post ReplyReply #16 Posted: 11-Mar-2018 at 21:09

@majstorot_001

Целосно сум свесен за сите неизвесности и тешкотии што со себе ги повлекува изборот на локацијата кај Бардовци. Сепак ако во планираниот рок таму почне да функционира барем најбазичен Клинички центар како за почеток, и ако се изгради барем дел од планираната инфраструктура (на пример доградување на булевар Словенија и барем една врска од југ, било да е тоа со продолжување на булевар Илинден или со продолжување на Љубљанска кон север), тогаш ќе имаме решение кое е 10 класи подобро од било што да се крпи и доградува на сегашната локација. И секако решение кое овозможува долгорочен развој и долгорочни заштеди, за разлика од постојната локација која носи само привремено ублажување на проблемите, долгорочно поголем трошок и никаков простор за долгорочен развој.


1. Пред се во дискусијава како да се заборава дека на старата локација ќе добиевме само делумно решение, а најголем дел од клиниките ќе останеа во постојните објекти. Оттука е и разликата во цената. Но квадратурата не е толку проблем колку што е раштрканоста на клиниките. Со топли ходници не знам колку добро може да се поврзат 20 објекти и колку е тоа практично и квалитетно решение. Особено кога ќе се земат во предвид растојанијата. Па побогу, од инфективната клиника до планираниот нов централен објект треба да се гради „топол ходник“ скоро пола километар. Тоа се очајни крпеници кои би биле оправдани само доколку немаше друга алтернатива. Ова го потегнува и прашањето какви биле тие стручњаци кои ги спомнуваш и дали вака „компетентно“ ги пеглале и другите проблеми на старата локација. За жал овде на форумов немаме увид во тој проект. Исто така мене ми останува неразјаснето дали тие странски експерти имале некаков удел во изборот на локацијата, или само им била дадена задача да помогнат да се направи проект за да се закрпи постојната?


2. Сообраќајот е од круцијално значење. Иако изградба на тунел или мостовско решение за директен пристап до локацијата на стариот клинички воопшто не се спомнуваше како дел од проектот, а исто така не сретнав никаква информација дека некој некаде освен на форумов размислувал на таа тема, теоретски да, изведбата на такво решение е можна. Но мислам дека се потценува цената и особено компликуваноста и долготрајноста/непредвидливоста на таквиот зафат, со оглед на густината на градби и подземна инфраструктура долж Водњанска, како и неможноста за пренасочување на сообраќајот поради немање на никакви алтернативни сообраќајници. Исто така проблемот не е само Водњанска туку закрченоста на центарот на Скопје воопшто. Така да за стариот клинички да биде сообраќајно пристојно поврзан треба целосно да се заокружат и Јужен Булевр и булевар Крушевска република. Јас сум апсолутно на став дека тоа дефинитивно треба да се направи, но не ми е јасно зошто би требало да бидам поголем скептик дека ќе се реализира сообраќајната инфраструктура за новата локација, отколку што е тоа случај со потребната сообраќајна инфраструктура за старава локација, којашто е всушност поскапа и покомпликувана.


3. Огромен проблем со старата локација се градежните работи:

- Каков сообраќаен пристап би се извел за целата потребна градежна механизација што би роварела таму неколку години? Колку камиони треба дневно да влегуваат и да излегуваат од такво масивно градилиште и како ќе се овозможи тоа? Колку дополнително ќе се искомпликува и оддолжи целата работа ако правиме тунел или мостовско решение за бајпасирање на Водњанска? Што ќе значи целата таа гужва од механизација, градежни работи и специјални сообраќајни режими, за пациентите што се обидуваат да стигнат до клиничкиот центар, особено за итните случаи?

- Колку бучава ќе се генерира со градежни работи токму на сред клинички центар, кадешто беше плниран новиот објект? Колкава ќе беше и колку долго ќе траеше изложеноста на пациентите во околните клиники? Сепак се работи за луѓе со нарушено здравје и овој фактор не може да се занемари.

- Колку прашина ќе се генерира со градежните работи и колку дополнително загадување од издувни гасови поради градежната оператива и поради дополнителното сообраќајно закрчување. Повторно, сето ова би се одвивало на сред клинички центар, со максимална изложеност на голем број луѓе со нарушено здравје.



Разбирливо е дека работава е нож до коска и дека многу ни се брза. Според мене најголема проблем со локацијата кај Бардовци е губењето на дополнително време. Но нас многу долго време воопшто не ни се брзаше, па сега одеднаш почна многу да ни се брза. Да не заборавиме дека Груевски „почна“ да гради нов клинички центар уште во 2010 година и тоа ја избра токму локацијата кај Бардовци. После неколку изгубени години и стотици милиони евра фрлени во Ск2014 се предомисли и „почна“ да гради кај стариов клинички. Се утепаа градејќи, четири години градеа и останаа на тараби. Што станува со тие изгубени години? Да не заборавиме и дека Никола Тодоров откако неколку години ја преспа темава, во својство на Технички министер, 2 дена пред да му истече мандатот, го потпиша договорот. Во најмала рака сомнително и попрво треба да се истражат сите криминални импликации, отколку што тој потпис и договор треба да се зема во предвид кога се мерат аргументите каде треба да биде лоциран клиничкиот центар.


Како што кажав на почеток, немам илузии дека Бардовци е идеално решение. Двете опции меѓу кои биравме се зезнти. Тоа е резултат на оставање на проблемите да се трупаат премногу долго, со децении. Сега ја плаќаме цената на таквото однесување. Но барем се избра опцијата која нуди можност во иднина да ги оправиме работите. Се избра опцијата која нуди шанса, па ако се сработи како што треба, овој проблем ќе добие квалитетно и долгорочно решение. Другата опција дури ни шанса не нудеше. Таа беше скапа палијативна терапија.



Originally posted by ehrlich


дали некој знае каде точно би се наоѓал овој клинички, затоа што како што прочитав од археолози, можно е дури и да зафаќа делови од Скупи (оној неископаниот дел, бидејќи само одвај 5% е откриен), што дополнително би ја забавило градбата таму.

Помеѓу Скупи и просторот за новиот клинички има барем еден километар, во зависност од микролокацијата што ќе ја изберат. А околу Скупи има стотици објекти кои се многу поблиску до локлитетот и чудно е да се прави проблем специјално за клиничкиов центар којшто е многу подалеку. Го слушнав Вангел Божиновски како го извади муабетов со археологијава како аргумент, ама тој лик и неговото друштво гледаат археолошки ноѓалишта на секој ќош.

Во секој случај површинта предвидена со ГУП-от е толку голема, што има и голема флексибилност каде да се смести клиничкиот центар. Реално комплексот ќе зазема само мал процент од предвидениот опфат според ГУП-от, што е дополнителен адут за оваа локација - има простор за саглам медицински факултет со студентски кампус, и голем парк со МНОГУ зеленило околу целиот клинички комплекс, што ќе биде бенефит не само за пациентите, туку и за жителите кои гравитираат кон тој реон.




Edited by Cloverstack - 11-Mar-2018 at 22:26
Back to Top
FoSsiL View Drop Down
Senior Member
Senior Member
Avatar

Joined: 01-Mar-2009
Location: Аеродром
Online Status: Offline
Posts: 4687
  Quote FoSsiL Quote  Post ReplyReply #17 Posted: 11-Mar-2018 at 20:05
Металски завод Тито, Расадник, Раде Кончар, Воена академија, на местото каде што требаше да има аквапарк во Аеродром?
Македонија - Земја на чудата!
Back to Top
Dexter26 View Drop Down
Senior Member
Senior Member
Avatar

Joined: 19-Nov-2010
Online Status: Offline
Posts: 1987
  Quote Dexter26 Quote  Post ReplyReply #18 Posted: 11-Mar-2018 at 20:05
Previous
 
Нека ги срушат клиниките од сегашниот клинички центар кои ќе се селат во новиот клинички центар и на нивните локации нека изградат нов ургентен центар.
 
Токму поради сообраќајниот метеж, повеќе од потребно е да се зачува локацијата на сегашниот клинички центар, за да не биде продадена за станбени објекти и само дополнително да се влоши сообраќајниот проблем.
 
И ќе може да се направи ново сообраќајно решение на истата локација на која се наоѓа сегашниот клинички центар, токму благодарејќи на рушењето на клиниките кои ќе се селат во новиот клинички центар.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 11883
  Quote Cloverstack Quote  Post ReplyReply #19 Posted: 11-Mar-2018 at 19:43

Со изборот на локацијата кај Бардовци, во Скопје мора да се плнира и ургентен центар во централното градско подрачје, или во источниот дел од градот. Но, стариот клинички центар ќе оди во аут, а ионака е сообраќајно проблематичен, воената односно новата градска болница отпаѓа бидејќи гравитира премногу западно, старата градска болница не знам колку воопшто и е местото таму...

Идеи?




Edited by Cloverstack - 11-Mar-2018 at 21:23
Back to Top
majstorot_001 View Drop Down
Newbie
Newbie


Joined: 12-Feb-2018
Online Status: Offline
Posts: 28
  Quote majstorot_001 Quote  Post ReplyReply #20 Posted: 11-Mar-2018 at 13:32
Не мешам власти, или ги мешам, велејќи дека се сите исти.
Дали ќе се смени тоа наскоро. Веројатно не. Ама благодарам на форумов што овозможува барем да си кажеме.

Дали зградата има улица или не, не одлучува проектантот на зградата. Затоа во државава имаме бели мечки наречени планери. Нека смислат.
Не знам дали знаете, за банката работеле повеќе експерти со долгогодишно искуство за болници, истите и за Клинички Центар Скопје и за Клиничка Болница Штип. Во обата случаја се наведени и потребни урбанистички зафати. Ама не можат да бидат реализирани во склоп на тој проект пошто тоа кај нас го прават белите мечки работејќи за општините. Што преземала општина Штип, што општина Центар или град Скопје не знам. Но секако не е доцна да се преземе и колку и да е скапо не е 300-400 милиони плус и 20 години плус.

И тука лежи поентата на сите мои коментари на оваа тема:
Во дилемата ... дали е ова за перење пари и ситно тезгарење, што не е баш ситно на овие суми, но е ситно во однос на штетата ... или ...се навистина толку лоши планери да не можат да решат влез и паркинг и тоа според упатство.

Дали треба да веруваме во изградба на катни гаражи или треба да веруваме во изградба на целосна километарска инфраструктура преку можни археолошки наоѓалишта останува на нас.
Back to Top
 Post Reply Post Reply Page  123 12>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2018  build.mk

Коментарите на форумот претставуваат лично мислење на нивните автори и не претставуваат официјален став на build.mk.