build.mk Homepage
Forum Home Forum Home > Главни теми > Проекти > Здравствени
  Active Topics Active Topics
  FAQ FAQ  Forum Search   Register Register  Login Login

Клинички центар Скопје

Bookmark and Share
 Post Reply Post Reply Page  <1 1112131415 18>
Author
Message
  Topic Search Topic Search  Topic Options Topic Options
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #241 Posted: 09-Oct-2018 at 08:27
Од тоа што можев да го проверам најголемите парцели се 60к квадрати од РМ и 310к квадрати од ЗИК Скопско поле. Ако не испуштам нешто, не гледам поголема парцела од тие две, се останато е од 20к квадрати надолу што мислам дека е мало за клинички центар. Единствено ако станува збор за спојување на повеќе парцели... Интересна работа е дека (поправете ме ако грешам) таму има и археолошки наоѓалишта, Скупи се наоѓа таму па може да испадне да излезат и други при копање, па ајде нова локација LOL

https://imgur.com/a/c4aEiSu
Back to Top
S.P.Q.R. View Drop Down
Senior Member
Senior Member
Avatar

Joined: 26-Jan-2010
Location: Prilep
Online Status: Offline
Posts: 212
  Quote S.P.Q.R. Quote  Post ReplyReply #242 Posted: 10-Oct-2018 at 14:55
Телма ексклузивно: Новиот клинички центар наместо во Бардовци на влез во Скопје

Се исцртува конечната локација на новиот долгоочекуван клинички центар. Пациентите ќе се упатуваат на влезот на Скопје пред населбата Ѓорче Петров. Тука е предвидена нова парцела во државна сопственост на која ќе се гради современиот медицински комплекс.

Извори од министерството за здравство за ТВ Телма ексклузивно откриваат каде се размислува да започне изградбата на клиничкиот центар. Станува збор за земјиште со површина од околу 80 хектари. Токму пространата парцела и добрата сообраќајна конекција во близина на самата обиколница ја прават оваа локација поволна за идното решение за државните клиники.

Првото поместување на новиот клинички центар од сегашниот комплекс со одлука на министерот Венко Филипче беше поради густината на сообраќајот на улиците Водњанска и Мајка Тереза. Дополнителен прилив на пациенти тука е проблематичен, а исто така и предвидената локација имаше простор од само дваесетина хектари.

Просторот и сообраќајните врски беа разгледани и кај локацијата во Бардовци, но овој план на Министерството за здравство се откажува поради приватните парцели. Со тоа трошоците за експропријација би биле значително високи. Сега, здравствените власти не треба да се соочат со вакви пречки бидејќи земјиштето е државно.

Проектот вреден околу 400 милиони евра ќе се финансира и преку заем од Банката за развој при Советот на Европа. Останува да се прецизира и датумот кога изградбата ќе започне, а најоптимистичка прогноза е септември следната година. Македонските пациенти современи медицински услуги треба да добијат најрано во 2025 година.

Христијан Станоевиќ

https://telma.com.mk/telma-ekskluzivno-noviot-klinichki-tsentar-namesto-vo-bardovtsi-na-vlez-vo-skopje/
Македонија е во дилема дали да одбере ужас без крај или ужасен крај
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #243 Posted: 10-Oct-2018 at 20:21
До крајот на можниот краен мандат на тековнава Влада, можеби и локација ќе одбереме за новиот Клинички
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #244 Posted: 11-Oct-2018 at 10:28
Originally posted by ehrlich

До крајот на можниот краен мандат на тековнава Влада, можеби и локација ќе одбереме за новиот Клинички


Доколку се влечеме низ цела околина на Скопје за да пронајдеме земјиште коешто е државно и да заштедиме пари, тогаш значи дека како министерство и влада сме исто толку несериозни како оние што претходно се обидоа да го градат новиот Клинички усред хаосот наречен Водно.

Точно е, оваа локација на влезот во Скопје е покрај обиколницата и покрај пруга што би обезбедиле пристап едноставен во иднина. Сепак, многу е далеку од централните општини во градот. Постоечката локација во Бардовци, идентично како и онаа сегашна на Водно, барем беше подеднакво оддалечена од сите населени краеви на градот.

Сакам да кажам дека локацијата во Ѓорче е периферна и е можно да се случи населението во Скопје да направат во иднина многу поголем притисок за лекување во останатите здравствени установи, како што се Градските болници. Знаејќи не самите нас, никој не би сакал да патува 10-тина километри од Аеродром до Ѓорче(Сарај) за лекување доколку може тоа да го направи во неговата општина или во Центар.

Edited by BOJAN - 11-Oct-2018 at 10:29
Back to Top
phenomenon View Drop Down
Senior Member
Senior Member
Avatar

Joined: 26-Oct-2010
Location: Kumanovo
Online Status: Offline
Posts: 2646
  Quote phenomenon Quote  Post ReplyReply #245 Posted: 11-Oct-2018 at 12:39


Добар пристап би имал. доколку се реализира приградската железница, предизборен проект на вашиот градоначалник, за кој веќе ништо не се говори.
開始されていないだけの戦いが失われ、
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #246 Posted: 11-Oct-2018 at 13:21
Бојан ако некој што живее во Скопје не сака да патува 5-10 км за да се лекува, тогаш што да кажеме за сите останати жители на МК? Сепак станува збор за државна болница, значи ќе се лекуваат жители од цела држава, а не само од Скопје така што 10 км не би требало никому да претставува проблем.
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2083
  Quote alexsend Quote  Post ReplyReply #247 Posted: 11-Oct-2018 at 17:13
Можеби точно од таа причина првин ја најавија новата градска болница во Аеродром Исток-Запад
Јас Скопје никогаш не сум го замислувал вака.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #248 Posted: 19-Oct-2018 at 13:20
МИНИСТЕРСТВОТО ЗА ЗДРАВСТВО ЗА 4,6 МИЛИОНИ ДЕНАРИ БАРА ПРОЕКТАНТ ЗА МОНТАЖНА КАТНА ГАРАЖА ВО КЛИНИЧКИ ЦЕНТАР

Министерството за здравство за 4,6 милиони денари или 74.700 евра бара проектант кој ќе изработи проект за изградба на катна гаража во Клиничкиот центар. Јавниот оглас за изработка на идеен, основен и сообраќаен проект за изградба на катна гаража во Клинички Центар „Мајка Тереза“, Министерството го распишало на 24 минатиот месец, а понуди може да се достават до 14 овој месец.

Вања Андонова, од кабинетот на министерот за здравство Венко Филипче, вели дека огласот е распишан за изработка на проект со кој е предвидено изградба на монтажна катна гаража на местото на старата зграда на Клиниката за гинекологија.

„Од проектот што ќе го добиеме ќе знаеме точно на колку ката ќе биде гаражата и колку паркинг места ќе има. Нашата идеја е да има максимум катови, односно приземје плус осум ката и две подземни нивоа за паркирање. Според проектната документација што ја имаме, планирано е да има 1.800 паркинг места, но дали ќе биде така ќе покаже проектот“, вели Андонова.

Катната гаража според барањата во тендерската документација треба да биде од челична конструкција, со монтажно-демонтажен карактер, за да може што побрзо да се изгради.

„Гаражата ќе биде одвоена од новата зграда на Клиниката за гинекологија, односно нема да се гради на целата површина предвидена со маркичката, туку оставаме простор од 15 метри за изградба на зеленило“, вели Андонова.

Таа рече дека идејата со изградба на монтажна катна гаража е да се редуцира движењето со возила низ клиничкиот центар, бидејќи според нивните истражувања дневно во Клинички има 2.200 посетители, а во оваа бројка не влегуваат вработените и студентите. Според Андонова сообраќајното решение треба да понуди директен влез во катната гаража од главниот влез и да остане посебна лента за возилата на Итната медицинска помош и сервисните возила.

„Сообраќајното решение практично треба да овозможи внатрешна сообраќајница за директен влез во катната гаража и излез од страната на паркингот кај Клиниката за Онкологија. Со тоа посетителите воопшто нема да влегуваат во Клинички. Паркингот што е кај црквичката во Клинички останува, но тој ќе се користи за сервисните возила и за возила на Итна медицинска помош“, вели Андонова.

Старата зграда на Гинекологија беше урната во времето на ексминистерот за здравство Никола Тодоров и беше предвидено таму да се гради новата зграда на Клиничкиот центар. Новата Влада се откажа од овој проект, а министерот Филипче изградбата на монтажната катна гаража ја најави уште во март годинава, кога беше донесена одлука нов клинички центар да се гради во Бардовци. Тој тогаш рече дека за кусо време ќе изградат монтажна катна гаража и дека така ќе го решат проблемот со паркирањето и движењето на возила низ Клиничкиот центар.

Тендерот за избор на проектант како што вели Андонова е распишан дури сега, бидејќи во меѓувреме имале административни проблеми за да добијат маркичка за градење.

„За да добиеме маркичка за градба моравме да правиме нови архитектонски подлоги и да вадиме нови документи, односно огласот е дури сега распишан поради административни проблеми“, вели Андонова.

Од Министерството за здравство велат дека сè уште не решиле колку ќе се наплаќа за посетители во катната

https://sdk.mk/index.php/makedonija/ministerstvoto-za-zdravstvo-za-4-6-milioni-denari-bara-proektant-za-montazhna-katna-garazha-vo-klinichki-tsentar/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #249 Posted: 12-May-2019 at 14:57
Новиот клинички центар „Мајка Тереза“ ќе биде на 5 нивоа со 20 операциони сали и 65 амбулантни возила

Нови промени во планот на изградба на клиничкиот центар. Ако пред три месеци надлежните објавија дека комплексот ќе се простира на 90 хектари во месноста Веле Поле во Ѓорче Петров, сега површината ја зголемија на 102 хектара. Според последната владина одлука, новиот Клинички треба да биде на 5 нивоа со 20 операциони сали и 65 амбулантни возила. Засега е нејасно колку ќе се задолжи Владата за изградбата на новиот Клинички центар.

– Со физибилити студијата ние ќе имаме податоци за сумата, може ќе биде поголема може помала. Ние две недели пред тоа ќе пуштиме оглас за барање на заем. Веруваме дека со изградбата на нов објект ќе ги задржиме лекарите и ќе ги вратиме тие што се заминати од земјава“, изјави Миле Бошњаковски, портпарол на Влада.

Засега нема одговор што ќе се случи ако не бидат обезбедени неопходните пари за изградба.

-Значи, ако продолжиме со сегашната динамика, ќе може да ги задржиме роковите и на крајот на годината да бидат удрени темелите, вели Бошњаковски.

Според процедурите, прво треба да бидат обезбедени пари а потоа да се утврди како ќе изгледа комплексот и кој ќе го гради. Инаку, точно 10 години се зборува за нов клинички центар, но никако да почне неговата градба.

Уште во 2009та беше донесена одлука за негова изградба во Бардовци. Неколку години подоцна таа идеја отпадна па се направи план и беше потпишан и договор со обезбедени пари за нов објект на местото на сегашните клиники. Со промена на власта, дојде до раскинување на договорот и почна барањето на локација. Прво беше избрана Злокуќани, но поради наводно одолговлекување на процедурите со имотно правните односи, потрагата заврши во Ѓорче Петров.

https://www.presscentar.mk/noviot-klinichki-tsentar-majka-tereza-ke-bide-na-5-nivoa-so-20-operatsioni-sali-i-65-ambulantni-vozila/?fbclid=IwAR2eAv6WGvAHS7WiXIx00IcOOZbC7cvkdDsWnOU3QU7ohwMUyuMiM5WdUt0
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #250 Posted: 12-May-2019 at 17:09
Ќе.

За сè има вторпат
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 986
  Quote kiriOK Quote  Post ReplyReply #251 Posted: 12-May-2019 at 18:50
Почнаа примери од Приштина да зимаат, ладе веќе подолг период се фура концепт на раштркување на државни институции...главен суд на пример им е во едно поле на 5 километри од градот...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #252 Posted: 15-May-2019 at 07:56
Две катни гаражи ќе се градат во Клиничкиот центар во Скопје

Комплексот клиники „Мајка Тереза“ во Скопје ќе добие две катни гаражи. Владата на седница вечерва ја усвои Предлог-одлуката за започнување постапка за доделување на договор за воспоставување на јавно приватно партнерство (ЈПП) за изградба на гаражите.

Како што соопшти владината прес-служба, целта на постапката за доделување на договор за јавно приватно партнерство за изградба на две катни гаражи во најголемиот клинички комплекс во Скопје е финансирање, дизајнирање, изградба на објектот, користење, управување и одржување на новиот објект се со цел да се исполни целта на ЈПП и давање на квалитетна услуга.

-Со овој модел на ЈПП, приватниот партнер ќе биде одговорен за финансирање на дизајнот, финансирањето на изведбата на градбата, целосно опремување, управувањето и одржувањето на двете нови катни гаражи, појаснуваат од Владата.

https://nezavisen.mk/dve-katni-garazhi-kje-se-gradat-vo-klinichkiot-centar-vo-skopje/
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #253 Posted: 31-Jul-2019 at 15:42
Новиот Клинички ќе биде готов во 2027, први ќе се селат Ургентен и хируршките клиники


Изградбата на новиот Универзитетски клинички центар во Општина Ѓорче Петров ќе стартува на почетокот на следната година, ќе биде завршен за седум години, а целиот проект ќе чини 500 милиони евра, пари што ќе се обезбедат со кредит од комерцијалните банките „Ерсте груп“, „Рајфајзен банк“ и „Уникредит“, кои доставиле најдобра понуда, информира денеска министерот за здравство Венко Филипче на средба со новинарите.

– Министерството за финансии испрати 18 барања до меѓународни инвестициски фондови и комерцијални банки – рече Филипче, додавајќи дека шест одговориле, а е избрана понудата од банките „Ерсте груп“, Рајфајзен банк и „Уникредит“ како најповолна.

На прашање за условите под кои ќе се враќа кредитот, Филипче упати во Министерството за  финансии, бидејќи не сака да шпекулира со бројки.

Посочи дека имотно – правните односи на местото каде што ќе се гради новиот клинички центар се расчистени, а земјиштето е целосно во државна сопственост, односно нема да има експопријација.

Министерот појасни дека изградбата на клиничкиот центар ќе се одвива во три фази и дека првата фаза би завршила по 3,5 години, а последната по седум години.

Според него, се планира најпрво да се префрлат хируршките клиники, операционите сали и ургентниот центар, а потоа и клиниките за гинекологија, за педијатрија и за онкологија.

Министерот рече дека на почетокот на август ќе започнат постапката со конкурентен дијалог, појаснувајќи дека тоа ќе значи дека во тендерската постапка ќе се вклучи и проектирањето, изградбата, опремувањето, ставањето во функцијата и тренингот на персоналот кој треба да работи во новиот објект.

– Во Министерството за здравство направивме тим кој веќе подолго време работи на анализа на законите. Ќе се оди според членот 53 на Законот за јавни набавки и ние сме подготвени тоа да го започнеме на почетокот на август – рече Филипче и додаде дека физибилити студијата е готова и наскоро ќе биде ставена на јавен увид.

Клиничкиот центар, како што нагласи Филипче, е најважен капитален објект од значење за целата држава, што ќе има модерен начин на давање здравствена услуга, односно се ќе биде на едно место.

Министерот за здравство информира дека Владата на вчерашната седница го усвоила Предлогот за изменување на Уредбата за мрежата на здравствени установи, со што, се трга ограничувањето на отворање аптеки и специјалистички ординации кои можат да склучат договор со Фондот за здравствено осигурување, согласно финансиските можности на фондот, а при тоа, се задржуваат критериумите за квалитет.

Целта, како што рече, е надминување на проблемот со недостигот на лекови, поради можноста што ќе им се даде на аптеките коишто досега немаа договор со Фондот за здравствено осигурување, да склучат таков договор. Воедно треба да се мотивираат младите лекари да отвораат свои специјалистички ординации, кои ќе имаат склучени договори со ФЗО, што досега не беше можно.

https://plusinfo.mk/%d0%bd%d0%be%d0%b2%d0%b8%d0%be%d1%82-%d0%ba%d0%bb%d0%b8%d0%bd%d0%b8%d1%87%d0%ba%d0%b8-%d1%9c%d0%b5-%d0%b1%d0%b8%d0%b4%d0%b5-%d0%b3%d0%be%d1%82%d0%be%d0%b2-%d0%b2%d0%be-2027-%d0%bf%d1%80/

Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 986
  Quote kiriOK Quote  Post ReplyReply #254 Posted: 01-Aug-2019 at 04:00
Со последниов скандал у низата од мал милион и одма почнаа, покачување на плати, зелена нафта, намалување цената на парното, субвенции за автомобили, тунели под Кале, нов клинички... кај и да е и трамвајот ќе го активираат...
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #255 Posted: 07-Aug-2019 at 16:57
Постапката отворена, се бара компанија која од јануари ќе го гради новиот Клинички центар

Министерство за здравство го распиша тендерот за изградба на новиот Клинички центар. Комплексот клиники ќе се гради на локацијата „Веле Поле“ во Ѓорче Петров. Рокот за реализација е 90 месеци.

Министерот Венко Филипче, пред неколку дена информира дека иако рокот за изградба на новиот Клинички центар е определан да трае седум години, првата фаза ќе биде готова за 3,5 години. Тогаш, според него, во новиот комплекс ќе се преселат хируршките клиники, операционите сали и Ургентниот центар, а потоа и останатите оддели.

Во огласот не е наведена проценета вредност на проектот, туку се наведува дека новиот универзитетски клинички центар ќе се гради на greenfield локација по модел “клуч на рака” со поддршка при менаџирање на проект.

Според предвидувањата, изградбата на овој капитален проект треба да стартува на почетокот на идната година. Тој ќе чини 500 милиони евра, пари кои ќе се обезбедат преку заем од „Рајфајзен банк“, „Ерсте груп“ и „Уни кредит банка“.

Како критериум за доделување на договорот не е најниска цена, туку најдобар сооднос меѓу квалитетот и цената, со тоа што квалитетот носи 70, а цената 30 бода.

Еден од условите при евалуација на кандидатите предвидува минимум годишен вкупен приход во висина од најмалку 250 милиони евра за секоја година поединечно во последните 3 фискални години.

https://360stepeni.mk/postapkata-otvorena-se-bara-kompanija-koja-od-januari-ke-go-gradi-noviot-klinichki-tsentar/?fbclid=IwAR1OrETNPmIqamHboyPeDpXII6MR-APXAKfxxOTi47vP96Gp80huw6n6VkU
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #256 Posted: 17-Sep-2019 at 11:45
Од 500 МИЛИОНИ ЕВРА за градба на клинички центар за домашните фирми ќе остане - НИШТО

Домашните градежни компании не се наоѓаат во јавниот оглас за изградба на новиот Клинички центар на влезот во Скопје. Не можат да ги исполнат критериумите што ги бара Министерството за здравство,а не ни можеле да се покажат на вакви големи објекти, оти измината декада во Македонија такви не се ни граделе.

„Компаниите членки на Здружението на градежништвото, индустријата на градежни материјали и неметалите при Стопанската комора на Македонија имаат капацитет, знаење и искуство и се докажани во реализацијата на сериозни проекти во земјата, земјите од регионот и пошироко. Оттука, домашните градежни компании имаат капацитет да учествуваат во изградба на овој проект. Но, се поставува прашањето во однос на исполнувањето на бараните услови во распишаниот јавен оглас на Министерството за здравство, да имаат реализирано вакви или слични проекти во текот на последните 10 години, имајќи предвид дека во последните децении во Република Северна Македонија не се градеа објекти од ваков тип. Воедно, се поставува прашањето и во однос на исполнувањето на бараните критериуми за економската и финансиската состојба на економските оператори, со оглед дека домашните компании не го исполнуваат предвидениот финансиски услов во однос на минимумот годишен вкупен приход“, велат од коморското здружение, во кое членки се големите градежни компании, меѓу кои „Гранит“ и „Бетон“.

Јавната набавка за изградба на нов универзитетски клинички центар на гринфилд-локација по модел „клуч на рака“ со поддршка при менаџирање на проект, Министерството за здравство ја распиша на 7 август. Компаниите што сакаат да учествуваат треба да имаат минимум годишен приход од 250 милиони евра и да има успешно реализирано во текот на последните 10 години одреден минимум објекти, во зависност од површината. Поради сложеноста на проектот, Министерството за здравство предвидува постапка на конкурентен дијалог.

Герман Филков од „Центарот за граѓански комуникации“ објаснува дека ваква постапка се користи во сложени проекти кога договорниот орган сака да прави нешто, но не нуди проект туку низ три фази доаѓа до целта.

„Првата фаза е претквалификација, во која секоја заинтересирана компанија што исполнува услови може да поднесе пријава за учество на тендерот. Законот одредил дека минималниот рок за пријавување е 30 дена, а во огласот рокот за пријава за учество е одреден на 45 дена и трае до 20 септември. По завршување на првата фаза, комисијата изготвува извештај во кој е оценета способноста на кандидатите и се дава листа на квалификувани кандидати. Тие ги поканува на дијалог, како втора фаза на јавната набавка. Во оваа фаза договорниот орган започнува дијалог во кој се дискутира за сите аспекти на јавната набавка, заради утврдување и дефинирање на најсоодветните начини на задоволување на потребите. Рок колку трае оваа фаза – нема“, објаснува Филков додавајќи дека како ќе изгледа Клиничкиот центар ќе се знае кога ќе заврши дијалогот со одбраните фирми што би го граделе.

Кога договорниот орган ќе го заврши дијалогот, и за тоа ќе ги информира учесниците кои учествувале во последниот дел од дијалогот, секој од нив го поканува да поднесе конечна понуда врз основа на договореното решение. „Критериумот врз основа кој ќе се избере една понуда ќе биде најдобар однос меѓу цената и квалитетот, како што утврдува новиот Закон за јавни набавки. Со стариот закон не можеше да се оценува врз основа на квалитет, туку само според цена. Новиот закон е усогласен со директивите на ЕУ. Најниската цена не е веќе единствен критериум. Односот меѓу цената и квалитетот е еднаков на најисплатлива понуда. Не може ниту само квалитетот да биде критериум. Конкретно за оваа постапка бидејќи е сложена, законот наметнува критериум за избор на понуда да биде најдобриот однос меѓу цената и квалитетот“, укажува Филков. Цената на понудата ќе носи 30 бода, а квалитетот – 70.

Избраниот модел по кој ќе се гради Клиничкиот центар „проектирај, изгради и опреми“ за градежниците е прифатлив.

„Овој модел се применува во развиените европски и други земји и домашните градежни компании изразуваат поддршка на примена на овој модел и во нашата земја. Сепак, сметаат дека за примена на овој модел од страна на домашните компании потребно е соодветно допрецизирање на законската регулатива од областа на градежништвото. Имено, регулативата во минатите години ги насочи компаниите на раздвојување на работењето на посебни делови за проектирање, изведба и ревизија согласно условите на пазарот, а продуцирани од Законот за јавните набавки и Законот за градење. Примена на критериумот најниска цена во тендерските постапки, доведе во пракса цената да биде одлучувачка при изборот на главен изведувач. Тоа е спротивно со начинот на работа пропишан во огласот за изградба на универзитетски клинички центар и се надеваме дека во иднина ќе се оствари долгогодишната заложба на Здружението на градежништвото, индустријата на градежни материјали и неметалите при Комората оваа пракса да се надмине, а со тоа сите аномалии кои го рушеа системот претходните години би се елиминирале, со што предност ќе се даде на квалитетот, искуството и брзата градба“, велат од Стопанската комора на Македонија.

Со тендерот што го распиша последната влада на ВМРО-ДПМНЕ во октомври 2016 година, изградбата на новиот универзитетски клинички центар беше проценета на 128 милиони евра, од кои само за изградба, како што кажа тогашниот министер за здравство Никола Тодоров, околу 68 милиони евра, а целокупната инвестиција за модернизирање на кампусот беше најавена со вкупна вредност од 128 милиони евра. Беше предвидено новиот Клинички да се гради од март 2017 година до крајот на 2021 година.

Новиот Клинички 500 милиони евра

Новиот Клинички центар ќе се гради на локацијата Веле Поле во Општината Ѓорче Петров. Предвидено е да чини околу 500 милиони евра, пари кои ќе се обезбедат преку заем од Рајфајзен банк, Ерсте груп и Уни кредит банка. Изградбата е најавено да почне од 2020 година. Првата фаза треба да биде готова за 3,5 години, кога би се префрлиле некои оддели. Најпрво ќе профункционираат хируршките клиники, операционите сали и Ургентниот центар. Потоа ќе се префрлат клиниките за гинекологија, за педијатрија и онкологија. Инфраструктурата ќе се плати со пари од буџетот.

(Nezavisen)

https://vecer.mk/node/29772?fbclid=IwAR183z-RLxmjdIMzomREjrM5jJXhEN3rNb02bHjZBBuGw4p-TIDdn-o_63g
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #257 Posted: 31-Oct-2019 at 17:38
Пропадна првиот, ќе се распишува втор тендер за изградба на монтажни гаражи на Клинички

Ниту една компанија не пројавила интерес за да ги гради двете монтажни катни гаражи во Клиничкиот центар – Скопје. Од Министерството за здравство за „Мета.мк“ информираат дека ниту една понуда не пристигнала на јавниот оглас за доделување на договор за јавно – приватно партнерство, којшто беше распишан на почетокот од август годинава. Ова значи дека за неколку месеци ќе се одложи изградбата на монтажните гаражи што требаше да обезбедат дополнителни места за паркирање на оваа локација.

– Министерството за здравство, како договорен орган е во фаза на поништување на постапката и согласно законските рокови постапката ќе ја обновиме. Тоа значи дека и понатаму Градот Скопје е надлежен и стопанисува со паркингот во Клинички центар – велат од Министерството за здравство.

Двете монтажни катни гаражи треба да се градат на местото на поранешната зграда на Клиниката за гинекологија. Инвестицијата во овие инфраструктурни објекти би чинела 30 милиони денари, а со обезбедувањето на дополнителни паркинг места треба да се реши акутниот метеж во рамките на Клиничкиот центар – Скопје.

Од министерството засега не соопштуваат дали ќе има промени кај критериумите во вториот по ред јавен оглас за пронаоѓање приватен партнер за изградба на монтажните гаражи. Приватната компанија во иднина би стопанисувала со паркинг просторот, но цената за паркирање за пациентите и за вработените на Клинички центар ќе треба да ја договорат однапред со министерството во договорот за јавно – приватно партнерство.

https://meta.mk/propadna-prviot-ќe-se-raspishuva-vtor-tender-za-izgradba-na-montazhni-garazhi-na-klinichki/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #258 Posted: 07-Mar-2020 at 14:46
Виси“ли кредитирањето на новиот Клинички центар

Новиот Клинички центар нема да се гради со кредит од конзорциумот од трите банки, Ерсте груп, Раифазен банк и Уникредит како што беше одлучено во јули минатата година. Но, се отвора прашањето дали „виси“ и втората можност – заем да се земе од развојните банки при Совет на Европа (ЦЕБ) и Европската инвестициона банка (ЕИБ), кои по барање на Министерството за финансии, пројавиле интерес за кредитирање на оваа најголема инвестиција во државата.

Иако министерот за здравство Венко Филипче тогаш јавно соопшти дека ќе биде земен кредит од 500 милиони евра од конзорциум на три банки („Ерсте груп“, „Раифазен банк“ и „Уникредит“), работата очигледно се изјалови. Шест месеци подоцна, на 16 декември минатата година, Владата ја прифатила информацијата кредит да се побара од двете развојни Банки и оваа одлука во јавноста помина незабележано.



Во Министерството за финансии за НОВА потврдија дека во тек е постапка за можноста за кредитирање на новиот Клинички центар преку Банката за развој при Совет на Европа (ЦЕБ) и Европската инвестициона банка (ЕИБ). Нема детали дали е дојдено до фаза за да биде прецизирано под кои услови би се земал заемот, какви се каматните стапки и на колку години ќе се исплаќа кредитот.

Банката при Советот на Европа (ЦЕБ) е истата која што требаше да го гради Клиничкиот центар на местото на старата Гинекологија, но власта се откажа од оваа локација и од кредитот (за кој требаше да се плаќаат и пенали) и одлучи објектот да се гради во населбата Ѓорче Петров во месноста Веле Поле, простор кој беше одбран како најдостапен за да се стигне од сите делови на државата. Од оваа Банка се кредитира и реновирањето и изградбата и на останатите јавни здравствени установи во државата, за што постои и Проектната едница на Банката (ЦЕБ) во Министерството за здравство.

Од друга страна, во Министерството за здравство посочуваат дека како крајна опција постои можност за кредит од комерцијални банки. Нема објаснување зошто се спомнува опцијата за земање на кредит од комерцијални банки кога во игра се ЦЕБ и ЕИБ и дали ова значи дека не е сигурен заемот од овие две развојни банки за изградба на новиот Клинички центар.

Во однос на постапката за обезбедување финансии за овој проект, задолжено и надлежно е Министерството за финансии каде веруваме дека работите се одвиваат според планираното. Го започнавме овој проект затоа што обезбедувањето на функционален Клинички центар е неопходен и ќе биде изграден. Затоа, како некоја крајна опција, постои и можност за кредит од комерцијални банки“, се вели во одговорот за НОВА, од Министерството за здравство.

Почетокот на изградба на новиот Клинички центар тапка во место. Иако според најавите темелите на грандиозниот објект во населбата Ѓорче Петров требаше да бидат ставени на почетокот на годината од тоа се уште нема ништо. Доцни процедура за реализација, се поместуваат или развлекуваат постапките.

Во работната група која е задолжена за Клиничкиот центар за НОВА потврдија дека се уште не е распишан ниту тендерот за инфраструктура за што Владата во декември одобри 243 000 евра. Градоначалникот на Општина Ѓорче Петров, Александар Наумовски тврди дека тендерот ќе биде распишан наскоро, во текот на наредните денови.

„Тендерот ќе биде распишан следната недела и тој ќе биде за инфраструктурата, за просторот да се оспособи и на него да се гради Клиничкиот центар“, изјави за НОВА Наумовски, кој е воедно и претседател на работната група составена од стручњаци од повеќе институции.

Во Министерството за здравство пак, се уште не е завршена постапката од тендерот за избор на компанија која ќе го гради објектот, шест месеци по неговото распишување. Од таму велат дека се познати кандидатите кои би можеле да ги исполнат потребните квалификации во смисла на лична, економска и финансиска состојба, техничката и професионалната способност и исполнување на стандарди за системи за квалитет.

„Како задолжение од Владата на РСМ, во рамките на Министерството за здравство се одвива постапка за избор на економски оператор кој би можел да обезбеди изградба на еден комплексен капитален проект како што е изградбата на новиот Универзитетски Клинички Центар на greenfield локација, по моделот “клуч на рака” со вклучена поддршка при менаџирање на проектот (паралелната работа на стариот клинички и новиот објект, потребните фазни трансфери на доктори и пациенти по потреба и слично)“, велат за НОВА од Министерството за здравство.

Засега, неофицијално се знае дека во потесниот круг се влезени две фирми германската „Вамед“ и француската „Бујгес констракшн“ како најсериозни кандидати за изградба на новиот Клинички центар.

По објавувањето на тендерот, македонските фирми се жалеа дека со условите кои ги дава Министерството за здравство, се дава можност само на странските компании да конкурираат, бидејќи еден од условите беше фирмата и претходно да има градено ваков или сличен објект.

Од Министерството за здравство велат дека станува збор за сложени постапки кои се одвиваат непречено. Од таму тврдат дека изборите во април нема да ја стопираат или попречат нивната реализација бидејќи процедурите се отпочнати пред актуелизирање на изборите.

https://novatv.mk/visi-li-kreditiraneto-na-noviot-klinichki-tsentar/
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #259 Posted: 20-Mar-2020 at 14:58
ГРАД СКОПЈЕ ПРАВИ НОВА УЛИЦА ЗА ВЛЕЗ НА ИНФЕКТИВНА КЛИНИКА

Се прави нова улица за влез на Инфективната клиника. Екипи на ЈП „Улици и патишта“ пред два дена почнаа со изградба на два нови коридори за непречен влез на возила кон Клиничкиот центар.

„По барање на Министерството за здравство, започнавме со изградба на два коридори. Се прави уште една лента на главниот влез на Клинички центар за возила на Брза помош и нова улица зад Инфективната клиника, со што ќе се добие уште влез. До недела улицата ќе биде пробиена и тампонирана, а од понеделник ќе почнеме со асфалтирање“, вели градоначалникот Петре Шилегов.

(...)

https://sdk.mk/index.php/dopisna-mrezha/grad-skopje-pravi-nova-ulitsa-za-vlez-na-infektivna-klinika/
Градот убав никна, но го откорнаа
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #260 Posted: 20-Mar-2020 at 15:28








https://www.facebook.com/CityofSkopje/
Back to Top
 Post Reply Post Reply Page  <1 1112131415 18>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.