build.mk Homepage
Forum Home Forum Home > Главни теми > Проекти > Здравствени
  Active Topics Active Topics
  FAQ FAQ  Forum Search   Register Register  Login Login

Клинички центар Скопје

Bookmark and Share
 Post Reply Post Reply Page  <1 14151617>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 13123
  Quote stef4o Quote  Post ReplyReply #301 Posted: 18-Dec-2020 at 11:44
КЛУЧ НА РАКА НА ЕДЕН ИЛИ НА ПОВЕЌЕ ОПЕРАТОРИ - Владата го забрзува проектот за новиот Клинички

Владата се реши да го забрза колку што може повеќе проектот за новиот Клинички центар. Локацијата е избрана, се знае и отприлика колку многу пари ќе ја чини државната каса, а во собраниска процедура се најде и законско решение за овој проект, кое ќе се носи по скратена постапка.

Наречен како предлог закон за реализација на проектот „Нов Универзитетски клинички центар“ за изградба и ставање во употреба на комплекс на градби, Владата во него навела бројни детали за тоа како ќе тече целата постапка, почнувајќи од тоа кому ќе му биде доверена изградбата, на каков начин, па до самата изградба и до тоа како потоа клиниките ќе се префрлаат постепено во новиот објект во близина на Ѓорче Петров.

А пред неколку дена и премиерот Зоран Заев откри дека во телото „За татковината со љубов“, се разговарало и за новиот клинички.

ЗА НОВИОТ КЛИНИЧКИ РАСПРАВАЛО И ТЕЛОТО „ЗА ТАТКОВИНАТА СО ЉУБОВ“

„Иницијативата е во согласност со отворениот пристап на оваа Влада за инклузивен процес кога се во прашање важни, стратешки прашања од интерес на граѓаните и државата... Еве, како најнова понуда е да разговараме за Законот за Клиничкиот центар, на пример, и подготвени сме да ги слушнеме мислењата на сите за да постигнеме најдобро и најефикасно решение за еден ваков стратешки објект во јавното здравство“, рече премиерот Заев.

Од Владата во предлог законот велат дека нивни стратешки приоритет е изградба на достапен, квалитетен и долгорочно одржлив систем на здравствена заштита, кој ќе обезбеди високо стандардни услови за работа на медицинскиот кадар, погодни услови за специјализација, и ставање на граѓаните во центарот на здравствениот систем. Тоа, како што објаснуваат, ќе се обезбеди со преместување на комплексот клиники „Мајка Тереза“ на greenfield локација.

Како цели што се настојува да се постигнат се подобрување на ефективноста и ефикасноста на здравствениот систем, групирање на сите постоечки служби во една зграда со интегриран капацитет кој ќе понуди соодветна циркулација, функционална поврзаност и континуитет на пружањето на здравствените услуги, клиничка непосредна поврзаност и прегрупирање на клучните услуги во еден ист кампус. Дополнително, стратешка цел е интеграција на наставата и истражувањето во рамки на кампусот, притоа не нарушувајќи го комфорот на посетителите.

Меѓу другото, власта очекува дека со овој закон ќе постигне и оптимизација на трошоците или другите ресурси кога ќе го гради новиот клинички, преку посебни услови и постапки за доделување на договорите за јавна набавка на стоки, услуги и работи за потребите на новиот клинички центар.

Скратената постапка се предлага бидејќи не се работело за обемен и сложен закон.

„Со овој закон се уредуваат постапката и условите за реализација на проектот Нов Универзитетски клинички центар - за изградба и ставање во употреба на комплекс на градби како градби од значење за државата. Ако со овој закон не е поинаку уредено, се применуваат одредбите од Законот за јавни набавки, Законот за експропријација, Законот за урбанистичко планирање, Законот за градење и Законот за општа управна постапка“, се вели во предлог законскиот текст.

ПРЕФРЛАЊЕТО НА КЛИНИКИТЕ ЌЕ ОДИ ПОСТЕПЕНО И ВНИМАТЕЛНО

Проектот ќе се состои од градење и ставање во употреба на комплексот на градби во новиот клинички центар, и тоа ќе опфати планирање, проектирање и подготвка на техничка документација, изградба, управување со изградбата и градежните работи, како и опремување.

Но, со законот ќе биде опфатено и планирањето на преместувањето на клиничкиот центар, управувањето со трансферот, потоа со процесот на паралелна работа на болничката инфраструктура, обуката на персоналот, како и одржување на објектот и опремата. Всушност, со законот се сака да се осигури дека ќе оди добро постепеното ставање во функција на новите градби, но и ставањето вон функција на градбите од стариот постоечки комплекс клиники „Мајка Тереза“, како и обезбедување на паралелно работење и целосна оперативност преку двата комплекса на градби.

„Комплексот на градби во рамки на проектот Нов Универзитетски клинички центар ќе се гради на локација која е поставена во северо-западниот дел од Скопската котлина, во западниот дел од општината Ѓорче Петров и јасно дефинирана со Обиколницата на Град Скопје, како главна инфраструктурна и геостратешка референца за просторот“, се вели во предложениот закон.

ДРЖАВАТА ЌЕ БИДЕ ИНВЕСТИТОР И ДРУГ НЕМА ДА МОЖЕ ДА СТЕКНЕ ПРАВО НА СОПСТВЕНОСТ

Решавањето на имотно-правните односи на земјиштето предвидено за изградба кои се наоѓаат на Локацијата, ќе биде на товар на земјава како инвеститор. На комплексот на градби ниту едно трето лице нема да може да стекне право на сопственост.

Постапките за јавни набавки на стоки, услуги и работи за реализација на проектот ќе ги спроведува Министерството за здравство, кое ќе биде договорен орган. Тоа ќе ги спроведува постапките за јавни набавки согласно Законот за јавни набавки, освен ако поинаку не е уредено со овој закон.

Интересно е дека во законот се наведува дека постапките за јавни набавки ќе може да се спроведат или како единствена постапка за доделување на договор за јавна набавка по принцип на „клуч на рака“ на еден економски оператор, или, пак, на група економски оператори како генерален изведувач.

Договорот за јавна набавка по принцип „клуч на рака“ е комбиниран договор за набавка и ќе биде доделен преку спроведување на постапка со конкурентен дијалог како единствена постапка за јавна набавка согласно Законот за јавни набавки, се вели во законот.

„Cо договорот за јавна набавка по принцип клуч на рака се обврзува генералниот изведувач да ги изврши збирно сите работи потребни за изградба и употреба на определена целосна градба или определен целосен комплекс од градби...“, се вели во предложениот закон.

Во оваа постапка ќе се дозволи поднесување на групна пријава од име на повеќе економски оператори кои претходно учествувале со поединечни пријави во фазата на претквалификација. Под групна конечна понуда се подразбира една единствена понуда доставена од име на повеќе економски оператори, оценети како способни кандидати.

Натаму во законот се опишува како ќе тече постапката со еден, а како би течела со понуда од двајца способни кандидати, и какви рокови ќе им бидат дадени.

Министерот за здравство, Венко Филипче, пред неколку месеци откри дека е почната постапка за изградба на нов Клинички центар. Тој најави дека се планира првиот од четирите блока на центарот да биде завршен во наредните четири години.

„Верувам дека првиот блок дефинитивно ќе биде завршен во следните четири години. Тоа ќе овозможи дел од сегашните клиники да се преселат и да почнат со работа. Како ќе бидат завршени следните блокови ќе се празнат и клиниките според стратегијата“, потенцираше министерот Филипче, и дополни дека едни од најкритичните и тие на кои им треба многу внимание се клиниките каде има операциони сали и интензивна нега. Што значи дека први би се преселиле хируршките клиники и операционите сали, и сè што е поврзано со хируршка интервенција.

Во однос на финансирањето, Филипче посочи дека сè уште се работи на финансискиот модел, а проценката е дека новиот клинички би чинел околу 450 милиони евра.

Кон крајот на минатата година, пак, министерот рече дека фазата на евалуација е завршена, па останати се две компании - германската Vamed и француската Bouygues construction.

https://faktor.mk/kluch-na-raka-na-eden-ili-na-povekje-operatori---vladata-go-zabrzuva-proektot-za-noviot-klinichki
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 13123
  Quote stef4o Quote  Post ReplyReply #302 Posted: 07-Mar-2021 at 14:45
Германската Vamed и француската Bouygues construction треба да дадат една понуда за изградба на новиот клинички центар - Филипче ја повика опозицијата да не блокира

Министерот за здравство Венко Филипче, ја повикува опозицијата во Собранието да ги повлече 2.000 амандмани со кои е блокиран Законот за изградба на нов Универзитетски Клинички Центар.
„Во повеќе наврати досега и за време на собраниските комисии и на седниците за пратенички прашања Филипче и Владата и понудија на опозицијата собраниска комисија којашто ќе ја водат опозициски пратеници и ќе го контролираат процесот на градење, изведба и секој аспект од проектот за Клинички центар. Министерството за здравство ќе биде отстрана, и ќе и биде поддршка на опозицијата. Целата постапка за новиот Клинички центар е јавна и транспарентна, доколку опозицијата не ги прифати овие предлози ќе биде јасно дека воопшто не станува збор за нивна недоверба или желба за унапредување на проектот, туку едноставно стратегија за блокади и некоструктивност која веќе предолго трае“, смета Филипче.
Процесот за изградба на Клинички центар почна пред две години, втората фаза се одолговлечи поради ковид кризата. Процесот започна со таканаречен конкурентен дијалог, аплицираа 5 компании, за втората фаза останаа две - германската Vamed и француската Bouygues construction, едната која има искуство во градежниот дел, а втората искуство во менаџирањето и опремувањето на болниците.
Законот треба да ја регулира идејата двете компании да имаат можност, да дадат една единствена понуда, а независен финансиски ревизор да каже дали е таа соодветна, од причина што ќе биде една понуда мора да се контролира цената. Од огромен интерес на граѓаните е нов Клинички центар што ќе служи во следните децении и ќе даде интегриран тип на здравствена услуга.

Министерот им укажува на пратениците од опозицијата дека поддршката на Законот за нов Клинички центар ќе покаже дека партиите можат заедно да направат нешто што е од голема важност за граѓаните и нивното здравје.

https://faktor.mk/germanskata-vamed-i-francuskata-bouygues-construction-treba-da-dadat-edna-ponuda-za-izgradba-na-noviot-klinichki-centar---filipche-ja-povika-opozicijata-da-ne-blokira
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1323
  Quote ehrlich Quote  Post ReplyReply #303 Posted: 07-Mar-2021 at 19:08
Како една понуда е подобро и ќе се контролира цената? Еве не знам, ама да земеш покрив да менуваш дома, па ќе се распрашаш кај 2-3 мајстори за цена.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 13123
  Quote stef4o Quote  Post ReplyReply #304 Posted: 04-Nov-2021 at 17:59
Инфраструктурата ќе ја набилда цената на Клинички центар над 500 милиони евра

Повеќе од 15 години ова е главна тема во медиумите, се појавува во сите изборни програми на кандидатите, но наместо по толку најави, сликања, потпишувања договори, поништени тендери, конечно да се изградеше, целиот процес повторно е вратен од почеток.

Сегашната власт најави дека проектот ќе чини околу 500 милиони евра, но како што дознаваме, тука не се предвидени трошоците за инфраструктура, вода, гас, електрична енергија… Во моментов, целиот процес е закочен во Собранието со 2.000 амандмани од опозиционерите

https://fokus.mk/fokus-express/infrastrukturata-ke-ja-nabilda-tsenata-na-klinichki-tsentar-nad-500-milioni-evra
Back to Top
Vire View Drop Down
Groupie
Groupie
Avatar

Joined: 17-Aug-2021
Online Status: Offline
Posts: 48
  Quote Vire Quote  Post ReplyReply #305 Posted: 04-Nov-2021 at 18:42
Катастрофално би било ако пак почне да се Скопјанизира Македонија односно само во Скопје да се гради. Многу попаметно би било Битола,Штип,Тетово,Охрид,Струмица..да добијат нови болници што ОЧАЈНО му требаат,посебно сега во пандемија,а и општо за понатаму.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 13123
  Quote stef4o Quote  Post ReplyReply #306 Posted: 04-Nov-2021 at 21:52
Изборот на самата локација е доста лош,предалеку е од град и можеби најблиску само за жителите на Ѓорче,нема никаква конекција и пристап,од Лисиче до таму би се патувало по саат време.
Можеше да се искористи локацијата на Ист Гејт или низа други локации кои стојат празни или се има намера да се претворат во станбени блокови а се многу поблиску од избраната опција.
Ова се знаеше дека ќе повлече многу средства за соодветна инфраструктура и сигурно уште низа на други "непредвидени работи" би излегле при текот на изградбата па ќе стигнеме до цифри блзиу милијарда евра што говори дека при ваква здравствена,економска и енергетска криза проектов изгледа уште долго ќе остане на хартија или евентуално во некоја децениска почетна фаза.
Точно дека треба да се дисперзираат услугите преку изградба на болници низ другите градови но ниту тоа не се планира ниту па се има намера да се довршат работите во Штип и Кичево.
Исто така можеби треба да се направи реновирање на постоечкиот Клинички во Скопје со барем 100-200 милиони евра кредит бидејќи овие 500 може многу лесно да одат нагоре а крајниот производ да не го видиме ни по 15 години. Само ќе се надеваме на ново а постојното од ден на ден се повеќе пропаѓа.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 755
  Quote skopskodete Quote  Post ReplyReply #307 Posted: 04-Nov-2021 at 22:08
Локацијата е многу лоша. Не треба да си експерт за да сфатиш дека локацијата е несоодветно избрана. Локацијата треба да е блиску до центарот на градот, а не надвор од градот и тоа ниту во рамки на градот што е опфатен со обиколницата.
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 446
  Quote FT Quote  Post ReplyReply #308 Posted: 04-Nov-2021 at 22:43
Можеби стварно попаметно ќе е да се обноват постојниот Клинички и повеќе болници низ државата. Ама обнова а не 'реконструкција'.
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 685
  Quote hcitrS Quote  Post ReplyReply #309 Posted: 04-Nov-2021 at 23:32
Па и со изградба на подземен булевар итн., стариот клинички ќе биде подостапен. И кога веќе најосновната инфраструктура за новиот кој би бил на сред нива, ќе чини тешки милиони, можат тие пари да се пренаменат за на пример рушење и експропријација на некои од зградите што се околу клинички. Исто така, за брз трансфер од подалеку може конечно да се оформи хеликоптерска служба која би била од корист и за Дирекцијата за заштита и спасување која иако го носи терминот 'за сапасување' во називот - не располага со никаква опрема за спасување.

Edited by hcitrS - 04-Nov-2021 at 23:34
Back to Top
Blagh View Drop Down
Groupie
Groupie
Avatar

Joined: 10-Feb-2013
Online Status: Offline
Posts: 40
  Quote Blagh Quote  Post ReplyReply #310 Posted: 05-Nov-2021 at 00:34
Посоодветни локации:
1. Касарна Илинден - веднаш до секундарен булеварски прстен и Никола Карев (урбан автопат)
2. Институт за Лозарство во Бутел - веднаш до обиколница, поврзан со голем булевар Х.Т. Карпош
3. Старата локација кај Злокуќани - со оваа цена на чинење излегува дека е исти трошоците за откуп на приватното земјиште

(4) Можеби Расадник


Edited by Blagh - 05-Nov-2021 at 00:38
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #311 Posted: 05-Nov-2021 at 00:51

Кога локацијата кај Бардовци се замени со локација што е вон паметот, целосно се срушија надежите дека проектов ќе се прави како што треба!

Доволна е една брза анализа на пристапноста на новата локација (над Кондово) и веќе работите стануваат кристално јасни за секој што има 2 грама мозок. Не само што локацијата е премногу одалечена од грото население на главниот град, туку достапна е практично само преку автопат и реално е отсечена од било каква форма на сегашен или иден јавен превоз (градски автобуски превоз, БРТ, приградска железница...).

Ова носи интересни импликации не само за пациентите, туку и за целиот медицински и останат персонал, за студентите, за посетителите на хоспитализираните итн... Целата таа маса луѓе фактички ќе има избор едиинствено помеѓу користење на личен автомобил (доколку го има) или такси превоз. Ова би требало да биде повеќе од доволно таа локација да се прешкрта уште при прелиминарното разгледување.

Бардовци е 90875696325924570 пати подобра опција по апсолутно сите критериуми. Единствена „предност“ на локацијата над Кондово е што таму најдоа доволно голема државна парцела за воопшто да не се замараат со експропријација. Налетав на овој коментар што перфектно ја сублимира ситуацијата:
Originally posted by hcitrS

За проект од милјарда евра главен услов е земјиштето да било државно оти мн скапо ќе ги фатело... а бе домаќинлук невиден, алал да им е!




Edited by Cloverstack - 05-Nov-2021 at 00:57
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #312 Posted: 05-Nov-2021 at 01:09
Originally posted by Blagh



Посоодветни локации:
1. Касарна Илинден - веднаш до секундарен булеварски прстен и Никола Карев (урбан автопат)
2. Институт за Лозарство во Бутел - веднаш до обиколница, поврзан со голем булевар Х.Т. Карпош
3. Старата локација кај Злокуќани - со оваа цена на чинење излегува дека е исти трошоците за откуп на приватното земјиште
(4) Можеби Расадник




Сите 4 локации звучат солидни сами по себе, и секако неспоредливо се подобри од онаа над Кондово.

Бр.1 и веројатно Бр.2 го исполнуваат и „условот“ да не треба експропријација. Инаку конкретно за касарната Илинден имаше разни планови но со време згаснаа... Можеби оваа држава реши сепак да ја зачува касарната?



Edited by Cloverstack - 05-Nov-2021 at 01:12
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #313 Posted: 05-Nov-2021 at 01:46
Originally posted by FT

Можеби стварно попаметно ќе е да се обноват постојниот Клинички и повеќе болници низ државата. Ама обнова а не 'реконструкција'.


Постојниот клинички има два големи проблеми.


Првиот голем проблем е недоволниот капацитет на околната сообраќајна мрежа, а едноставни решенија нема (поради урбанистичките и практичните ограничувања во тој реон). Сепак, со многу пари и со спремност за порадикални градежни зафати, сигурно може да се дојде до добро решение.


Вториот голем проблем е одвоеноста и раштрканоста на клиниките. Тој проблем не може да се реши со никакви реконструкции, обнови, доградби, топли ходници, и слично. Ако се задржи сегашната локација (што секако има низа предности), повторно не можеме да избегаме од фактот дека треба да градиме нов клинички центар и темелно да го реорганизираме просторот таму. Не некаква крпеница како еден претходен проект (што со години го трубеше Груевски и фала богу не го почна), туку нешто далеку посериозно и поскапо. Реално многу малку од постојните објекти и внатрешна инфраструктура би можело квалитетно да се инкорпорира и искористи.



Edited by Cloverstack - 05-Nov-2021 at 01:55
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 856
  Quote <Fresno> Quote  Post ReplyReply #314 Posted: 05-Nov-2021 at 15:14
За 5 години пак истиот муабет ќе го правиме, иако да, тоа се негативните страни. Еве што било планирано и ќе беше подобро ова веќе да го имаме, наместо оваа мизерија што е сега и ќе остане уште долго време.



Новиот блок во Клиничкиот центар во Скопје со површина од скоро 62 илјади квадратни метри ќе чини околу 70 милиони евра. Треба да почне да се гради догодина, а да заврши за три години, најави министерот за здравство Никола Тодоров.

Министерот за здравство Никола Тодоров пред медиумите го претстави конечното идејно решение и архитектонско-урбанистичкиот проект на новиот блок во Клиничкиот центар. Се очекува основниот проект за новиот клинички блок да биде готов за околу 5 месеци, рече Тодоров и најави дека изградбата на објектот треба да почне во првиот квартал од наредната година и да трае три години.

Новиот блок, од скоро 62 илјади квадратни метри, треба да се гради на местото на старата Клиника за гинекологија и ќе биде со модерен изглед и, како што рече министерот, енергетски ефикасна фасада. Најгоре, на осмиот кат, предвидено е да има и хелиодром. Новиот блок ќе биде поврзан со постојната зграда на Хируршките клиники, кои треба да бидат реновирани, со новата зграда на Гинекологија и со Онкологија.

Во рамки на новиот Клинички комплекс нема да бидат сместени само детската клиника којашто ќе биде споена со детската хирургија, Клиниката за инфективни болести, која ќе остане одвоена, како и Стоматолошкиот клинички центар и Клиниката за максилофацијална хирургија. Откако ќе се изгради новиот блок, зградите кои нема да бидат пренаменети, ќе бидат урнати за да се прошири паркот, најави Тодоров.

„Целиот проект чини околу 70 милиони евра, со се реконструкцијата на постојната зграда за хирургија и парите ќе бидат обезбедени од Банката на Советот на Европа за што веќе е формирана проектна единица и ова практично е втора фаза од веќе почнатиот проект од 25 милиони евра за реконструкција и изградба на повеќе здравствени установи“, рече Тодоров.

Поранешниот заменик министер за здравство и експерт за јавно здравство Владимир Лазаревик вели дека се надева дека овој проект навистина ќе се реализира, затоа што таквите решенија се пофункционални.

„Да се надеваме дека ќе се реализира така како што е планирано. Во принцип, сите големи и модерни клинички центри се интегрирани во една функционална целина. Нашиот беше отсекогаш исклучок како таков, така што идејата и можноста да се направи една зграда во којашто ќе бидат сместени клиниките е супер потег и сега да видиме како ќе се реализира до крај“, вели Лазаревик.

Тодоров најави дека во рамките на комплексот ќе се градат и две катни гаражи со по 1.250 паркинг места.


Слободна Европа

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #315 Posted: 05-Nov-2021 at 20:56



Рендерот супер изгледа, ама...


Овој концепт предвидуваше најголем дел од клиниките (и други пропратни елементи) да си останат расфрлани и отсечени.

Новиот објект воглавно ќе ги примеше интерните клиники и физички требаше да биде поврзан само со постоечката хирургија, со новата гинекологија и со онкологија. Толку. Според мене тоа не е ни приближно добро решение. Барем да беше испроектиран како прв модул и да беа зацртани решенија за понатамошно планско ширење на блокот, заради инкорпорирање на сите преостанати клиники и објекти... Но таква работа во ниту еден момент не беше спомната.

Исто така, сообраќајниот проблем едноставно беше ставен под тепих.



Но има и друга работа што не треба да се заборави, а тоа е фактот дека овој проект, и покрај сите фанфари, никогаш реално не се приближи до точка на реализација. Тргни од статијата што ја цитираш - објавена е во август 2013 по повод официјалното претставување на проектот и со изјава од министерот за здравство Никола Тодоров дека изградбата ќе почнела во прв квартал од 2014. До моментот кога ДПМНЕ падна од власт не се фрли ниту една лопата. Но затоа во својство на технички министер и буквално два-три дена пред да му заврши мандатот, на крајот на мај 2017 Тодоров потпиша договор вреден 72 милиони евра за изградба на новиот објект. Тоа во најдобар случај може да се толкува како сопка за новата власт што доаѓаше.

Значи објективно, вољја и посветеност за да се реализира овој проект немаше ниту од власта што го измисли, односно ДПМНЕ. Имаше само театар.




Edited by Cloverstack - 05-Nov-2021 at 20:58
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 856
  Quote <Fresno> Quote  Post ReplyReply #316 Posted: 05-Nov-2021 at 22:03
Може да е така, имаше доволно време Тодоров да го заврши, но како и со сите проекти се влечкаа. Сепак обезбеди кредит, а новите можеа да го подобрат проектот и да го тераат.

Доколку од корен се реновираат и отсечените објекти, заедно со катните гаражи и цела дворна површина освежена, би добиле нешто пристојно и функционално. Сообраќајно треба да се изанализира во однос на Лимак и големиот кружен, како на пример проширен влез и 2х2 од кај Мала станица и проширување и можеби мини клучка кај Водњанска.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #317 Posted: 06-Nov-2021 at 00:24
Originally posted by <Fresno>

Доколку од корен се реновираат и отсечените објекти



Токму оставање на отсечени објекти е проблемот со кој мислам дека не смее да се направи компромис. Исклучок за ова се стоматолошката клиника, судска медицина и психијатрија. Се друго мора да биде една целина.

Не можам никако да прифатам дека пациенти со секакви проблеми, вклучувајќи и тешко болни пациенти, ќе продолжат да ги тркалаат од една клиника во друга, под отворено небо, во разноразни колички и носилки. Некогаш и на -20 степени, некогаш на 45 степени, некогаш при дожд, при снег, низ вирови, низ сообраќај... а дистанците знаат да бидат стварно импресивни. Притоа тоа значи ангажман на болничари за да ги тркалаат сите тие болни наваму-натаму, а понекогаш е потребна и придружба од доктор. Ако е животозагрозувачка состојба треба да се организира и ангажира возило и возач (барем претпоставувам дека ваквите случаи не ги тркалаат под отворено небо). Тоа значи „утовар-истовар“ на критично болен, плус губење драгоцено време, плус возилото може дополнително да подзаглави во внатрешниот сообраќај.

Пациентите се најкритична категорија што се тркала наваму-натаму, но не се единствена. Лабораториски примероци и слично, медицински персонал, студенти и професори... Ние сме се навикнале на цел тој циркус и неефикасност, па затоа не ни боде до толку очи. Јас не знам на друго место да постои ваков дисперзиран клинички центар и тоа ептен многу кажува.


--------------------------


Инаку не сум во принцип против задржување на постојната локација, само сум против лошото решение што одеше во пакет со неа. Постојната локација има и предности и маани, сепак една огромна предност е што со останување на клиничкиот центар таму, тој вреден простор ќе се заштити од пополнување (уништување) со стандардните урбано-мафијашки помии.


Но предуслови за нов клинички да градиме на старата локација, според мене мора да бидат овие два:

1. Сообраќајниот проблем не смее да се игнорира и да се става под тепих. Потребна е спремност за порадикални и скапи решенија.

2. Потребна е темелна реорганизација на целиот простор и изградба на поголем нов објект кој нема да остави отсечени круцијални клиники и во кој ќе се сместат и сите други нужни работи.

Во врска со вторава точка, дури не би инсистирал по секоја цена дека објектот мора целосно да се изгради одеднаш. Прифатливо би било да се испроектира за квалитетна фазна реализација и клиниките да се инкорпорираат една по една, како што ќе напредува реализацијата на проектот. Клучно е раштркани клиники да не бидат третирани како крајно „решение“, како во проектот од 2013 година.



Ќе се впуштам малку и во груба математика, чисто колку да илустрирам:

Ако за проектот од 2013 (62.000 m2) беа потребни 72 милиони евра за градежни работи со клуч на рака, да речеме дека отприлика 3 пати поголем објект може да ги прими и преостанатите клиники и тоа ќе чини околу 210 милиони евра. Да додадеме и замашни 40 милиони евра за соодветни сообраќајни решенија што сеопфатно ќе го решат проблемот со пристапноста. Вака испаѓа дека за ~250 милиони евра можеме да добиеме комплетно и квалитетно решение. Скапо е, ама за катастрофалната локација кај Кондово се калкулира со повеќе од двојно поголема сума!






Edited by Cloverstack - 06-Nov-2021 at 01:17
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #318 Posted: 06-Nov-2021 at 00:57

Размислувајќи на темава, постојната локација на клиничкиот центар мислам дека има уште една скриена предност. Но под услов да се елиминираат отсечените клиники! Со тоа станува можна нивна пренамена.

Тука пред се ги имам на ум:
- Инфективната клиника
- Детската клиника
- Клиниката за кардиологија

Сите три се големи и квалитетни објекти, а од градежен аспект се во солидна состојба.


Една опцја е пренамена во студентски домови. Најголем дел од квадратурата на посочените објекти секако има сместувачка функција, па барем еден од трите ваљда би бил адекватен за евтина и квалитетна трансформација во студентски дом.


Друга опција е нудење на овие објекти на приватни здравствени организации (под закуп или на продажба). Како што Жан Митрев функционираше во воената болница, а сега изгради посебен објект што е практично во дворот на болницата, и како што Ремедика функционира во Железара.

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12451
  Quote Cloverstack Quote  Post ReplyReply #319 Posted: 06-Nov-2021 at 01:07

И кога веќе пишав цели романи, не смеам да испуштам да спомнам нешто и за медицинскиот кадар

Џабе би ни бил и најдобриот клинички центар на планетата, ако не е доволно и квалитетно екипиран. Џабе би ни била и најсовремената медицинска технологија и апарати на планетата, ако нема кој содветно да ја ракува.

Со оглед дека веќе долги години наназад потфрламе во продукција на медицински кадар (и квантитативно и квалитативно), а од друга страна постојниот кадар масовно ни се одлева кон запад (од медицински сестри до доктори субспецијалисти), јасно е дека и на ова поле ни треба сериозен и квалитетен „проект“.
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 755
  Quote skopskodete Quote  Post ReplyReply #320 Posted: 06-Nov-2021 at 11:23
Originally posted by Cloverstack


И кога веќе пишав цели романи, не смеам да испуштам да спомнам нешто и за медицинскиот кадар

Џабе би ни бил и најдобриот клинички центар на планетата, ако не е доволно и квалитетно екипиран. Џабе би ни била и најсовремената медицинска технологија и апарати на планетата, ако нема кој содветно да ја ракува.

Со оглед дека веќе долги години наназад потфрламе во продукција на медицински кадар (и квантитативно и квалитативно), а од друга страна постојниот кадар масовно ни се одлева кон запад (од медицински сестри до доктори субспецијалисти), јасно е дека и на ова поле ни треба сериозен и квалитетен „проект“.

Со изолиран клинички центар, надвор од градот, надвор од опфатот на скопската обиколница, сигурно не се оди кон овозможување подобри услови за продуцирање квалитетни кадри во медицината.
Back to Top
 Post Reply Post Reply Page  <1 14151617>

Forum Jump Forum Permissions View Drop Down



This page was generated in 0.234 seconds.

Copyright ©2007 - 2021  build.mk

Коментарите на форумот претставуваат лично мислење на нивните автори и не претставуваат официјален став на build.mk.