Нормативи за проектирање

мислам дека некоја измена во правилниците не постои ретроактивно важат оние од социјализмот, но исто како во случајот со противпожарните скали се заобиколуваат одамна неажурираните правилници. пример секоја зграда на шест спрата мора да има и помошни противпожарни скали, но тоа не е случај. сепак транзицијата замижува пред се и сите особено после деведесетите, но можеби и навистина направиле отстапка која и не е баш јавна  сепак за онаму каде нема инсталации на топлификација треба обавезно оџак, но доколку инвеститорот не ги испочитувал нормите, а објектот добил употребна дозвола, во таков случај не би знаел кој треба да ја сноси одговорноста инвеститорот или општината!?

инаку лапсузите одат дотаму што дури и очигледни превиди се прават и за места каде повеќе од јасно е дека неопходно е да постои оџак...

Училишната зграда во битолско Поешево без оџак Четиринаесет ученици од ОУ „Коле Канаински“ во битолското село Поешево оваа учебна година учат во ново адаптирано и реновирано училиште, но сепак немаат елементарни услови за следење на наставата. Двете училници се претесни, а во објектот нема вода, ниту санитарни јазли, има само подвижни клозети во училишниот двор. На неколку дена пред почетокот на грејната сезона се отвори уште еден проблем - како ќе се затоплуваат просториите, кога изведувачот на работите заборавил да изѕида оџак, а пак училиштето веќе набавило огревни дрва. На родителите им било предложено да донесат понекоја тула од дома за да се направи оџак на училишната зграда. - Ова за мене е и тажно и смешно. На сите проблеми и трошоци што јас ги имам, сега да носам тука тули за да се изѕида оџакот. Зошто? Затоа што моето дете учи во ова училиште. Па не е ли срамно? Власта треба да си обезбеди услови како и на секое друго место. Јас немам намера да ѕидам оџаци - вели Оливер Крстевски од Поешево, чии две ќерки учат во основното училиште. Жителите од Поешево се согласиле летово општината да им адаптира две простории од објектот што се наоѓа до старата училишна зграда, која веќе е руинирана. Но велат, наместо училници, сега децата им учат во ќумези. Едната просторија е од 5 квадратни метри и во неа учат четворица ученици, но нема каде да се постави училишна табла. Другата е нешто поголема, 15 квадратни метри, а таму се сместени 10 ученици од мешаните паралелки од прво до четврто одделение. Се затоплуваат со греалки, едната им ја испратила директорката на централното основно училиште „Коле Канински“ во Битола, а другата ја позајмиле родителите за децата да не им се тресат од студ за време на часовите. - Ова е нешто невидено. Училниците се тесни, децата се задушуваат внатре, а нема услови за хигиена, ќе се изразболат сите. Нема клозети, нема ни каде раце да се измијат, а пак згора на се нема ни на што да се топлат. Како може оџак да заборават не ми е јасно - вели Блага Петковска. За реновирање на ова училиште, општината Битола издвоила 250 илјади денари. Од таму признаваат дека изведувачот направил пропусти, но велат дека грешките ќе бидат поправени. Н.Македонија - Емилија Мисирлиевска - 09.10.2008

 

Член 15-6 (1) При изработка на урбанистичките планови со кои се уредува просторот за градби со намена домување во станбени куќи процентот на изграденост на градежната парцела треба да изнесува 70%, а висината на градбата изразена во метри до венец 10,2 метри. За градби со намена домување во станбени згради процентот на изграденост треба да изнесува 70%, а висината на градбата изразена во метри до венец за градежни парцели со површина од 500 до 1.000 м2 треба да изнесува најмалку 25,2 метри, а за градежни парцели со површина поголема од 1.000 м2 треба да изнесува најмалку 30 метри. Површината на градежната парцела за градби со намена домување во станбени згради треба да изнесува најмалку 500 м2. (2) Примената на параметрите од ставот (1) на овој член при изработката на урбанистичките планови е условена со нивната усогласеност со генаралните урбанистнчки планови, обезбедување на потребниот број на паркинг места во градежните парцели, како и другите стандарди и нормативи за урбанистичко планирање." [1]

- ЗАКОН ЗА ПРОСТОРНО И УРБАНИСТИЧКО ПЛАНИРАЊЕ - Сл. весник бр.4 - 24.01.1996

• Закон за изменување и дополнување на законот за просторно и урбанистичко планирање - Сл. весник бр.28 - 20.06.1997 
• Закон за изменување и дополнување на законот за просторно и урбанистичко планирање - Сл. весник бр.18 - 31.01.1999
• Закон за изменување и дополнување на законот за просторно и урбанистичко планирање - Сл. весник бр.53 - 12.07.2001
• Закон за дополнување на законот за просторно и урбанистичко планирање - Сл. весник бр.45 - 28.06.2002

- ЗАКОН ЗА ПРОСТОРНО И УРБАНИСТИЧКО ПЛАНИРАЊЕ - Сл. весник бр.51 - 30.06.2005 

• Закон за изменување и дополнување на законот за просторно и урбанистичко планирање - Сл. весник бр.137 - 14.11.2007

- ЗАКОН ЗА ПРОСТОРНО И УРБАНИСТИЧКО ПЛАНИРАЊЕ (Пречистен текст) - Сл. весник бр.24 - 19.02.2008

• Закон за изменување и дополнување на законот за просторно и урбанистичко планирање - Сл. весник бр.91 - 23.07.2009

1. Правилник за стандарди и нормативи за проектирање на објекти - 19.10.1999
2. Правилник за изменување и дополнување на правилникот за стандарди и нормативи за проектирање на објекти - 27.11.2007
3. Правилник за изменување и дополнување на правилникот за стандарди и нормативи за проектирање на објекти - 20.12.2001
4. Правилник за изменување на правилникот за стандарди и нормативи за проектирање на објекти - 30.01.2004
5. Правилник за поблиската содржина, размер и начин на графичка обработка на урбанистички планови - 08.06.2006
6. Правилник за изменување на правилникот за стандарди и нормативи за проектирање на објекти - 20.06.2008
7. Правилник за стандарди и нормативи за проектирање на објект- - Сл.весник бр.2 - 2002