Рамномерен регионален развој

ЗАКОН ЗА РАМНОМЕРЕН РЕГИОНАЛЕН РАЗВОЈ - www.mls.gov.mk/MLS/FileStorage/File/Zakoni/Zakon%20za%20regionalen%20razvoj.pdf

Senior Member

Joined: 25-Jun-2008
Online Status: Offline
Posts: 3887

Quote

Reply #14 Posted: 08-Apr-2009 at 20:52

Меѓуопштинската соработка што е битен предуслов за регионалната, па и за соработката на меѓународен план најочигледна е во работењето на Заедницата на единиците на локалната самоуправа (ЗЕЛС) основана во 1972 г., а реконструирана во 1996 г. чија основна цел е да ги подобри принципите врз кои е поставена локалната самоуправа, да ги обедини единиците, да биде нивен претставник и лобист во процесот на децентрализација, како и претставник во централната власт и во меѓународните институции.

...

Ако се анализира инвестиционата потрошувачка во нашата земја по општини, ќе се констатира дека поголемиот дел од инвестициите се реализирани на подрачјето на Скопје, како и во некои други поголеми градови, и тоа, во основа, за изградба на инфраструктурни и станбено-комунални објекти. Ваквото насочување на инвестициите е присутно во целиот транзиционен период. Само за илустрација, во 2001 година според структурата на инвестициите по општини,

во Скопје со своите пет општини, (според старата поделба на општините), се реализирани 67,1% од вкупните инвестиции во основни средства на сите правни субјекти во Република Македонија. При ова упатно е да се истакне дека населението од овој регион учествува со 27,99% од вкупното население, според пописот од 1994 година. Значи, учеството на инвестициите во овој регион е нешто поголемо од две третини, а учеството на населението е помало од една третина.
Во Пелагонискиот регион во кој се вклучени општините Битола, Прилеп и Демир Хисар, реализирани се 7,29% од вкупните инвестиции, а населението учествува со 10, 89% во вкупното население.
Учеството на Полошкиот регион, во кој се опфатени општините Тетово и Гостивар во инвестиционата потрошувачка изнесува 6,1%, а во населението 14,6%.
Во Штипско-струмичкиот регион во кој се вклучени општините Штип, Радовиш, Кочани и Струмица, инвестиционата потрошувачка изнесува 4,6% од вкупната инвестициона потрошувачка во земјата, а учеството на населението во вкупното население изнесува 11,3%. Значи во овие четири условно кажано региони реализирани се 85% од вкупните инвестиции во основни средства во последната година за која се располага со официјални статистички податоци.
Останатите 15% од инвестициите во основни средства се однесуваат и тоа: 2,95 за Охридско-преспанскиот регион (Охрид, Струга, Ресен);
3,1% за Велешко-кавадаречкиот регион (Велес, Кавадарци и Неготино);
3% за Валандовско-гевгелискиот регион (Валандово и Гевгелија);
2,9% за Кумановско-кривопаланечкиот регион (Куманово, Крива Паланка, Кратово и Пробиштип) и т.н.

Изнесените податоци за 2001 година битно не се разликуваат од податоците за пртходните години. Овие податоци недвосмислено укажуваат на неповолната регионална структура на инвестициите во основни средства во нашата земја. Ваквата структура на инвестициите не придонесува за посоодветен регионален развој. Оттаму се наметнува неопходноста од изработка и донесување стратегија (програма) за регионален развој, во која покрај другите прашања, ќе биде опфатено и прашањето за создавање основни претпоставки и услови за посоодветна регионална алокација на инвестициите, како основен фактор за подинамичен и порамномерен регионален развој во Република Македонија.

2003 - www.fes.org.mk/pdf/razvoj.pdf

да нема забуни ова горниов цитат е чисто информативен и се однесува за периодот пред стапувањето на сила на законот за регионален рамномерен развој, инаку ова со инвестиционата потрошувачка (инвестиции) исто не треба да внесува забуни околу тоа дека ова со процентите е резултат исклучиво на државен интервенционизам, донекаде да но исто тоа учевство е рамномерно распределено исклучиво според демографски аршин. во поголем дел за тој период оваа инвестициона потрошувачка е резултат на ангажираност на приватниот сектор, односно инвестиции од дома и надвор во одреден регион!

јасно бројот на инвестициите во минатите години имаат пораст, но мислам дека процентуалниот сооднос по регион е горе доле ист. во секој случај како бројка инвестициите растат, иако следниов период од година до две мислам дека нема нешто да донесе особено зголемување на истите, јас би бил задоволен доколку се успее (во налетот на хистерија од светската економска криза) да се задржи бар пола од ланското ниво, но не се надевам доколку продолжиме со позитивни политичко економски маневри за земјава уште од година повторно да кренеме глава...

во секој случај како директен интервенционизам од страна на државата мислам дека има бар на хартија добри услови за рамномерниот регионален развој, и законски и институционално! но како и секој почеток особено во вакво време повеќе од јасно е дека нема да видиме некој особен бум во сите региони, но постепено би требало се да си дојде на свое место во следната декада!

за поздрав е волјата на владата за инфраструктурни инвестиции во државата со што би се кренал во иднина и регионалниот развој индиректно, но и би се одржувало и понатаму во добра кондиција БДПто, директно преку инвестициона потрошувачка на буџетот и заемите од надвор за инфраструктурата. ова е добро но не и доволно, мора да се продолжи со агресивна кампања за приватни инвестиции во МКД, но најпрво со анимирање нашите сонародници од надвор кои верувам дека доколку најдат плодна почва во земјава дека истата ќе се нафатат да ја работат...

Подзаконски Акти - www.mls.gov.mk/default.aspx?id=176&sm=176

ОДЛУКА ЗА КЛАСИФИКАЦИЈА НА ПЛАНСКИТЕ РЕГИОНИ СПОРЕД СТЕПЕНОТ НА РАЗВИЕНОСТА ЗА ПЕРИОДОТ ОД 2008 ДО 2012 ГОДИНА

beTon

Утрински - Катица Чангова - 24.04.2007

Senior Member

Joined: 25-Jun-2008
Online Status: Offline
Posts: 3887

Quote

Reply #15 Posted: 08-Apr-2009 at 21:25

За регионалниот развој 40 милиони евра годишно

Во иднина нема да се фаворизира само Скопје туку ќе се мисли и на запоставените области

Државата ќе го форсира регионалниот развој со најмалку 40 милиони евра годишно, што претставува 1% од бруто-домашниот производ. Тоа се минимум пари за да се постигнат некакви ефекти во намалување на изразените регионални разлики меѓу градските и селските средини.

70 % од парите ќе бидат наменети за регионални општински проекти, 20 % за подрачјата со специфични потреби (национални паркови, културно-историски споменици...), а 10 % за развој на селата. Во иднина нема да се фаворизира само еден центар - Скопје туку ќе се мисли и на економскиот напредок на запоставените области. Ова се некои од новините во финалната верзија на законот за рамномерен регионален развој што ја помина владината, а сега е во собраниска процедура.

Предлогот предвидува зголемување на скромните кадровски капацитети на Министерството за локална самоуправа и на Бирото за стопански недоволно развиени подрачја со уште 20 нововработени државни службеници. За нивните плати од Буџетот секоја година ќе се издвојуваат по 120.000 евра. На товар на централната и на локалните каси, во сооднос пола-пола, ќе бидат и платите на најмалку 40 вработени во осумте центри за развој на планските региони. Општините сами ќе го финансираат вработувањето на осуммина раководители во центрите за регионален развој, а за изборот ќе решаваат градоначалниците. Најголемите реакции на опозицијата кога се разгледуваше првата фаза од законот беа токму новите вработувања. Партиите од опозицискиот блок изразија сомневања дека власта има намера преку закон да темпира партиски вработувања.

„Имаме преземено обврска од Европската унија за јакнење на капацитетите во Министерството за локална самоуправа и ние тоа ќе го направиме. Не држат аргументите за партиски вработувања. Централната власт нема да се меша во изборот на градоначалниците за тоа кои лица ќе бидат вработени во центрите“, изјави министерот за локална самоуправа, Зоран Коњановски.

Во Министерството за локална самоуправа објаснуваат дека концептот на законот има за цел да создаде осум региони за економско планирање кои ќе ги следат границите на осумте статистички области во Македонија. Намерата е, вели министерот за локална самоуправа, да се научиме да работиме проектно и плански оти нема да се снајдеме. Најголема по територија е Пелагониската област со 4.900 квадратни километри, а по број на население Скопската со 578.000 жители. Осумте региони немаат никаква допирна точка со кантоните, како начин на внатрешно уредување во една држава. Напротив, ќе имаат исклучиво економска, а не политичка функција.

Науката смета дека само со рамномерно развивање може да се стопираат, а во догледно време и да се намалат огромните разлики меѓу регионите. „Статистичкиот мозаик ќе биде своевидна лична карта на сите региони во географска и во регионална смисла. И тука ќе бидат вистинските одговори како да се развива државата во иднина, а што е уште поважно каде и во што да се насочуваат парите“, вели професорката Гордана Силјановска-Давкова.

Предлогот на Владата е да се формира национален совет за рамномерен регионален развој и на осум плански совети, по еден за секој од регионите. Врховниот совет ќе го формира Владата, а со ова 17-члено тело ќе раководи вицепремиерот задолжен за економски прашања.

ова со процентот на учество да не го буни некого тие минимум 40 милиони евра за финансирање на регионалниот развој како сооднос од 1% во однос на БДПто се ралативни, пример за 2008 би било 0,5 % од БДПто, значи нема да се двои фиксно 1% од БДПто за рам.рег.раз. туку минимум 40 мил. евра.

она што малку ми боде очи од горниов текст е малиот процент од тие одобрени средства кои би оделе за селата, но и за национални паркови и културни споменици! со ваков пристап никогаш нема да се развие ниту алтернативен туризам а камо ли пак елитен! овие области мораат особено да се форсираат како би добиле и реално средена понуда за културен но и алтернативен туризам!!! очигледно и јасно засега фокусот е повеќе свртен кон подршка на инфраструктурата во регионите, а дури покасно евентуално да се пренасочи фокусот на интерес, во секој случај има и други начини како да се форсираат поозбилно овие области и посеризно, директно преку самите одговорни министерства и институциите кои се задолжени за овие сектори.

после донесувањето на законот во мај следен чекор беше формирање на совети на регионите за на крајот да се обединат истите во национално координативно тело...

Конституирани осум совети за рамноправен регионален развој

Направен првиот чекор во имплементација на Законот од кој се очекува да се создадат услови

Конституирани се осум совети за рамноправен регионален развој во Македонија кои ќе ги водат градоначалници. Претседател на Скопскиот регион е градоначалникот на Општина Гази Баба, Коце Трајановски, на Вардарскиот Аце Коцевски од Општина Велес, а со Полошкиот ќе раководи првиот човек на Тетово, Хазби Лика. Одговорни за Источниот и за Југоисточниот совет ќе бидат челниците на Кочани и на Струмица, Љубомир Јанев и Зоран Заев, додека Североисточниот и Југозападниот плански регион ќе биде во надлежност на претседателите Зоран Дамјановски и Александар Петрески, инаку градоначалници на општините Куманово и Охрид. Финализира и постапката за избор и на претседателот на осмиот, Пелагонискиот регион на чие чело застана градоначалникот на Битола, Владимир Талески.

Формирањето на советите е прв чекор во имплементацијата на Законот за рамномерен регионален развој за кој се очекува да создаде услови за поттик на рамноправниот развој на Македонија. Интенцијата е инвестициите да се слеваат не само во Скопје, како што се случуваше досега, туку и во провинцијата која на тој начин ќе добие шанса подеднакво да се развива.

Според законските обврски, претстои формирање и на највисокото тело - национален совет за рамноправен регионален развој што ќе го сочинуваат 18 лица, осумте градоначалници - претседатели на советите на планските региони, претседателот на асоцијацијата на општините - ЗЕЛС и девет министри кои ги водат ресорите поврзани со рамноправниот регионален развој. Следува и преструктурирање на сегашното Биро за стопански неразвиени подрачја во Биро за развој на рамноправниот регионален развој.

Имплементацијата на Законот за рамномерен регионален развој е предуслов за европско партнерство и прием во Европската унија. Во согласност со европските стандарди, Македонија влегува во групата на држави до три милиони жители, која подразбира национална стратегија за рамномерен регионален развој што би се водела на осум плански региони од 150.000 до 800.000 жители.

Според статистиките, Скопскиот регион со 17 општини и 579.000 жители е најголем, бидејќи се концентрирани 28,6 проценти од вкупното население, распространет е на 7,2 отсто од територијата и со најмала стапка на невработеност - околу 30,4 отсто и со најмногу регистрирани економски и стопански субјекти - 67.686. Наспроти ова, во Вардарскиот регион со седум општини и 133.000 жители има најмала концентрација на население - 6,6 проценти на 13,8 отсто од територијата на државата, со најголема невработеност - 48,6 отсто и најмалку регистрирани субјекти -9.844. На Пелагонискиот регион му се заканува опустошување, бидејќи стапката на наталитет има негативен предзнак - 0,23 отсто и најголем е индексот на стареење - 0,8 проценти со 49 жители на квадратен километар, што е трипати помалку од Полошкиот регион (80 жители на еден километар на државно ниво).

Диспаритетите по региони се изразени и преку приходот по жител. Во Скопје приходот по жител изнесува 10.090 денари, а во другите региони од 4.052 до 4.580 денари. Има огромни разлики и во капиталните инвестиции кои во Скопскиот регион се позиционирани на 4.532 денари, а во другите региони изнесуваат 1.490 денари по жител.

Утрински - 28.07.2007

beTon

www.kocetrajanovski.com.mk/index.php/razvoj/56-razvoj

Senior Member

Joined: 25-Jun-2008
Online Status: Offline
Posts: 3887

Quote

Reply #16 Posted: 08-Apr-2009 at 22:12

Originally posted by beTon

За регионалниот развој 40 милиони евра годишно

Во иднина нема да се фаворизира само Скопје туку ќе се мисли и на запоставените области

Државата ќе го форсира регионалниот развој со најмалку 40 милиони евра годишно, што претставува 1% од бруто-домашниот производ. Тоа се минимум пари за да се постигнат некакви ефекти во намалување на изразените регионални разлики меѓу градските и селските средини.

колку лоша интерпретација околу директното (законски обврзувачки за државата) финансирање на регионалниот развој. малку и јас останав збунет од самата таа недореченост па пробав да појаснам дека тој процент денес е помал во однос на сразмерот 40 мил во однос на БДПто. она што фали во текстот од утрински весник е поентата дека минимумот инвестиции од државата ќе биде 1%, што значи дека за 2008 тој минимум бил 70 мил. евра со оглед дека и БДТПто на државава беше каде каде поголемо, но затоа пак годинава сигурно ќе си дојде повторно на свое во однос на БДПто од 2007 Smile се надевам не за долго, иако е прилично рано да се прогнозира колку ќе биде овој лимит надминат... еве поточно инфо околу ставката минимум 1% од БДП за РРР:

РАМНОМЕРЕН РЕГИОНАЛЕН РАЗВОЈ

Целите на политиката на рамномерен регионален развој коишто ги постави Владата, а се преточени во односниот закон, се следниве:

рамномерен и одржлив развој на целата територија на Република Македонија, заснован врз моделот на полицентричен развој;
намалување на диспаритетите помеѓу и во рамките на планските региони и подигнување на квалитетот на животот на сите граѓани;
зголемување на конкурентноста на планските региони преку јакнење на нивниот иновациски капацитет, оптимално користење и валоризирање на природното богатство, човечкиот капитал и економските особености на планските региони;
зачувување и развивање на посебниот идентитет на планските региони, како и нивна афирмација и развој;
ревитализација на селата и развој на подрачјата со специфични развојни потреби;
поддршка на меѓуградската и прекуграничната соработка на единиците на локалната самоуправа во функција на поттикнување на рамномерен регионален развој.

Со овој закон се воспоставува систем на планирање на развојот на државата преку планирање на развојот на одделни плански единици (плански региони), со директна вклученост на единиците на локалната самоуправа во донесувањето на одлуките. Политиката на регионалниот развој обезбедува транспарентност во постапката на распределба на средствата, но што е исто така многу важно е тоа што со имплементацијата на овој закон општините заедно со централната власт ќе го планираат развојот на подолг временски период, но и ќе подготвуваат квалитетни проекти кои би биле конкуретни и пред ЕУ.

Планските региони во Република Македонија, како функционално територијални единици за потребите на планирањето на развојот и реализација на мерките и инструментите за поттикнување на развојот се совпаѓаат со статистичките региони определени со номенклатурата на територијални единици за статистика НТЕС-3 (Службен весник бр. 158/2007), со цел да се обезбеди статистичка основа за планирањето на развојот на регионите. Република Македонија има 8 плански региони. Во прилог се планските региони и општините кои припаѓаат во одредени плански региони како и основни податоци за нив.

За поттикнување на регионалниот развој, Владата одлучи од буџетот на Република Македонија годишно да се издвојуваат средства во висина од најмалку 1% од БДП или околу 50 милиони евра годишно и оваа своја одлука ја преточи во закон (член 27, став 2 од Законот за рамномерен регионален развој). Финансиските средства се непходни за да се поттикне развојот на планските региони и да се обезбеди намалување на диспаритетите помеѓу планските региони. Распределбата на средствата за поттикнување на рамномерениот регионален развој ќе се одвива по следнава формула (според членот 29 од Законот за рамномерен регионален развој):

70% за финансирање проекти за развој на планските региони,
20% за финансирање проекти за развој на подрачја со специфични развојни потреби,
10% за финансирање проекти за развој на селата.

Со оваа политика ќе се воспостават атрактивни плански региони коишто ќе привлечат странски инвестиции кои ќе значат нови работни места, а со тоа и намалување на стапката на невработеност во државата.

beTon

Регионалниот развој - процес на збиднувања кои влијаат врз структурните промени во општеството

Senior Member

Joined: 25-Jun-2008
Online Status: Offline
Posts: 3887

Quote

Reply #17 Posted: 08-Apr-2009 at 22:32

Новата политичка констелација, техничкиот развој и глобалната поврзаност се битни фактори кои имаат значително влијание врз организацијата и создавањето на нови контури не само во Западна Европа, туку и во другите делови.

Рапидниот развој на глобалната економија ќе определи нова мрежа на врски и ќе етаблира нови соодноси помеѓу корпорации, граѓани, градови и региони низ целиот свет. Тековниот процес на европската интеграција поставува пред развојната политика задачи на супранационално ниво. Растечкиот комплекс на социо-економските и физичките промени бара истражување на перспективи со помош на планирањето и менаџментот. Во тој контекст изработка на планови или програми на регионалниот развој претставува една еминентна социополитичка интеракција и општествено структурирање, бидејќи таа ги открива структурите кои стојат во неговата основа, идентификува насока на акции/активности и ги скицира нивните рамки. Исто така, ова е активност (планирање) со која се доведуваат во врска научнотехничкото знаење (вклучувајќи го и научнотехничкиот прогрес како една од основите на растот и развојот) и акции во јавната сфера, со намера да се предизвика процес на збиднувања кои влијаат врз структурните промени во општеството.

Меѓу сите други управувачки механизми, оваа активност (планирањето) има најважна улога во одржувањето на стабилноста на системите: политички, економски и еколошки. Порастот на значењето на амбиенталниот комплекс, односно нарушувањето на старите социополитички рамнотежи и воспоставувањето на нови во врска со тоа, најмногу ќе влијае врз дефинирањето на новата улога на планирањето и новите пристапи. Во таа смисла плановите може да помогнат парадигмата на одржливиот развој да го оствари своето рационално јадро и продуктивниот потенцијал.

Процесот на актуализирање на регионалниот економски развој во Република Македонија е во тек. Целта на ваквите заложиби е поврзана со неколку причини, меѓу кои високо место заземаат стандардите на ЕУ како и трендот кај сите европски земји кон регионални структури кои се фокусираат на урамнотежен развој на регионите и земјите во целата Унија. Задачата на стратегијата за регионален развој е да се создаде конзистентен систем на цели, институции и инструменти за урамнотежување на социјалниот и економскиот развој на целата територија на земјата преку интегрирање на општите (национални интереси), регионалните и локалните (посебни интереси) во спроведувањето на ефикасен, урамнотежен и одржлив економски развој.

Развојот, усовршувањето и унапредувањето на политиката за поттикнување рамномерен регионален развој се дел од приоритетите на Владата, при што првичните чекори се креирање на соодветна правна и институционална рамка заради обезбедување урамнотежен регионален развој на земјата и создавање услови за локален развој.

За потребите на планирањето на регионалниот развој и реализацијата на мерките и инструментите за рамномерен регионален развој, со Законот се воспоставуваат плански региони.

Планските региони се единиците на НУТС 3 ниво утврдени со акт на Владата на Република Македонија за утврдување на номенклатура на територијални единици за статистика - НУТС.

Планските региони не се административно- политички, туку функционално-територијални единици за потребите на планирањето и реализацијата на регионалниот развој. При утврдувањето на регионите се почитува дефиниран систем на критериуми. Согласно со постојната номенклатура во Република Македонија постојат осум статистички региони кои со Законот се утврдуваат како плански региони.

Во рамките на планските региони ќе бидат идентификувани подрачја со специфични развојни потреби, согласно со утврдените критериуми и индикатори.

Планирањето на регионалниот развој се предлага да се врши со два плански документа, и тоа: Стратегија за регионален развој и Програма за развој на планскиот регион.

Во Законот како носители на политиката за поттикнување рамномерен регионален развој се утврдени: Владата на Република Македонија, Советот за рамномерен регионален развој, Министерството за локална самоуправа и Советите за развој на планските региони.

Во контекст на зголеменото комуникациско значење во процесот на изработка на планови или програми за развој, отворени се нови можности да се добие улога на механизмот за постигнување на политичка интеграција на дадената планска заедница, каде во тој случај би било неопходно да се изгради соодветна (планска) симболичка/семантичка структура околу која заедницата може да биде мобилизирана и да постигне консензус.

Глобалните проблеми на денешниот свет наметнуваат долгорочно согледување на последиците на нашите активности во просторот. Во условите на голема нестабилност, планирањето мора да биде посебно приспособливо така што ќе вклучи проверка, модификација и ревизија. Задача на планот не е детално дефинирање на природата, големината и условите на појавата која треба да се случи, туку да воспостави процедура, односно рамка која ќе овозможи насочување на појавите во саканата насока. Заради тоа основната цел на планот или програмата за развој е да определи насока на социо-економските, политичките и физичките промени. Со тоа се остварува можноста за следење на реализација на програмата како и метод за избор помеѓу можните опции на развој. Меѓутоа, социо - економските услови и актери на промените се варијабилни, така што и целите и задачите врз кои е базирана програмата, исто така, мора да се менуваат. Задоволителна форма на програмата би требало да обезбеди континуитет на процесот, постојана повратна спрега од следење на програмата до модификација на целите и формулирање на алтернативните стратегии.

Доколку програмата за регионален развој се дефинира како рационален избор, се тргнува од претпоставката дека е можно да се воспостави јасна врска помеѓу причините и последиците, односно дека е можно да се дефинира вредносно неутрален, објективен и рационален процес кој опфаќа собирање на сите потребни информации и рационално определување на програма/политика која ќе овозможи реализација на поставените цели. Програмската варијанта избрана врз база на проценка на трошоците и придобивките се реализира, а процесот на повратната информација преку следење на реализацијата овозможува корекции и подобрувања.

Основата на регионалните програми ја сочинува јавниот интерес за кој се претпоставува дека најдобро може да се процени преку техники на вреднување кои ги преземаат изработувачи на програма. Програмата се третира како механизам за координација на влијанието на јавната и на приватната употреба на сите ресурси и набљудување на идните последици.

Програмата за развој претставува повеќесекторски приод. Ангажирањето на локалните фактори во процесот на изработка на програмата и имплементација, претставува витален елемент во националните системи на планирање. Програмата се повикува на методите што јавниот сектор во голема мера ги користи за да влијае врз идната организација и унапредување на активностите во регионот.

ЦЕЛИ НА ПОЛИТИКАТА НА РЕГИОНАЛЕН РАЗВОЈ

Политиката на регионален развој не е образец или рецепт, бидејќи за одржлив развој не постојат рецепти. Таа претставува рамка за управување со регионалниот развој кој се карактеризира со етаблирање на единствен систем и дефинирање на јасни стратешки насочувања:

поттикнување на развој на локално ниво при почитување на принципот на партнерството;
елиминирање на причини на развојните потешкотии во оние подрачја кои заостануваат во развојот;
прекугранична и меѓурегионална соработка, како еден од важните развојни приоритети. Регионалната политика се смета како интегрален дел на севкупната политика на одржливиот развој и компетитивноста. Дополнителен фактор кој влијае врз порастот на значењето на политиката на регионален развој е и пристапот во ЕУ. Според Законот за рамномерен регионален развој (чл. 3), цели на политиката за поттикнување на рамномерен регионален развој се:
рамномерен и одржлив развој на целата територија на Република Македонија, заснован врз моделот на полицентричен развој;
намалување на диспаритетите помеѓу и во рамките на планските региони и подигнување на квалитетот на животот на сите граѓани;
зголемување на конкурентноста на планските региони преку јакнење на нивниот иновациски капацитет, оптимално користење и валоризирање на природното богатство, човечкиот капитал и економските особености на различните региони;
зачувување и развивање на посебниот идентитет на планските региони, како и нивна афирмација и развој;
ревитализација на селата и развој на подрачјата со специфични развојни потреби;
поддршка на меѓуопштинската и прекуграничната соработка на единиците на локалната самоуправа во функција на поттикнување рамномерен регионален развој.

Порта3 - д-р Бранко Василевиќ, дипл.ек, експерт просторен планер - бр 90

beTon