Интернет и телекомуникации

Слаб сигнал - затоа имаш дропови, а за А1 и Оne се е средено (ако на тоа мислиш), Велиа шаховски изигра, си го убаци Хедис во игра и сите среќни сега не смета Оne на неговата А1 по Македонија

Јасно кај нив е проблемот (во Лептокарија и во нивниот салон стои укочена слика или со дроп)
А другиве играчи сега пробуват нешто да играат но кајмакот отиде кај Велија

Сител, Алсат М, Канал 5 и Телма се исклучуваат од Бум ТВ http://daily.mk/arhiva/makedonija_20765_1406_0

СРД ги бара договорите на Бум ТВ со Сител, Телма, Канал 5 и Алсат http://sitel.com.mk/dnevnik/biznis/srd-gi-bara-dogovorite-na-bum-tv-so-sitel-telma-kanal-5-i-alsat

јасно ми е дека се чувствуваат изиграно откако бум се договори со а1, но незнам што бараат сега овие за возврат, велат нерасчистени деловно-техничките услови се посреди, но ми изгледа на чист рекет! ај ако има некој абер нека ми ги појасни кои се тие нерасчистени деловно-технички односи!? ако е за сигналот мислам тоа лесно и брзо може да се надмине, но ова дефинитивно е завист, она зошто бум да дистрибуира пакети преку гранапчињата на хедис...

Edited by Max - 13-May-2010 at 17:57

да недореченоста и двосмисленоста во законите кај нас е императив, сепак доколку пресече власта и конечно го укине терестријалниот сигнал, ќе ги прашам што клечки ќе кршат телевизииве, ама сега им се може, но мислам дека со нив не е иста ситуацијата како со а1, а1 мислам немаше склучено договор па затоа и бум мораа да ја прекинат, додека овие сега сакаат склучените договори под уцена да ги раскинат небаре не биле претпоставувам исполнети одредени услови од истите...

Две интересни понуди на телекомуникацискиот пазар. Особено оваа на VIP. Исклучително добар начин за привлекување корисници. Веќе неколку месеци се спремам да киднам одкако е воведен Number Portability, а и онака на VIP е комплетно бесплатно.

ВИП ПРИ-ПЕЈД Бонус за секој примен повик од друга мрежа Во пресрет на третиот роденден, Вип оператор со уникатна услуга на македонскиот пазар. Станува збор за услуга за сите нови и постоечки при-пејд корисници која им овозможува да добиваат бонус од 2,5 денари за примен повик од мрежите на другите национални мобилни и фиксни мрежи. За користење на бонусот корисниците треба да ја надополнат својата при-пејд сметка со кој било износ и автоматски ќе почнат да го генерираат својот бонус, а кумулираниот износ од бонусот ќе можат да го користат при секое следно надополнување на Вип при-пејд сметката. -Вип е првиот мобилен оператор во земјава кој за своите корисници ги носи светските практики кои им обезбедуваат повеќе придобивки и бонуси. Оваа понуда е само уште една во низата на иновативни понуди со повеќе вредност, нешта за кои ние напорно и посветено работиме веќе три години - изјави Марио Цвитковиќ, главен маркетинг директор на Вип оператор. Бонусот се добива за секој примен повик од други национални мрежи чие времетраење е повеќе од 60 секунди. Износот на бонусот не е ограничен, што значи колку повеќе дојдовни повици корисниците примаат, толку повеќе бонус добиваат. http://www.vecer.com.mk/default.asp?ItemID=6C73128FD9CBD14689850839DAF34207

ОNЕ Во сопствената мрежа 0 денари На сите нови пост-пејд корисници на мобилната телефонија и сите оние кои ќе го обноват својот договор за мобилна телефонија на нови 24 месеци мобилниот оператор ОНЕ им нуди можност да зборуваат за нула денари со сите корисници во сопствената мрежа. Промотивната понуда за бесплатни разговори во мрежата на ОНЕ вклучува 400 минути, секој месец за целото времетраење на договорот на корисникот, без дополнителна претплата и без надоместок за воспоставување на повик. Останува можноста шест месеци корисниците да не плаќаат претплата, а притоа вклучениот бесплатен износ за разговори и услуги кон сите мрежи да го користат во промотивниот период. http://www.vecer.com.mk/default.asp?ItemID=A44EF6E617A521489BD70AE9B0BF1F80

Edited by lslcrew - 14-Sep-2010 at 01:12

Телекомуникацискиот пазар се отвори и за виртуелни оператори 15 септември 2010, 13:23 Извор: Макфакс Скопје Министерството за транспорт и врски овозможи влез на виртуелен мобилен оператор кој ќе понуди поповолни цени и подобар квалитет за услугите. „Ова практично значи дека секоја заинтересирана компанија може да ги користи услугите од веќе постојните оператори, односно да не гради сопствена мрежа туку да се приклучи на веќе поставена мрежа мобилна мрежа со склучување на договор за пристап и користење на мрежните ресурси, како и договори за интерконекција со мобилните мрежни оператори“, рече министерот за транспорт и врски Миле Јанакиески, на денешната прес конференција. Според најавите, мобилниот виртуелен оператор може да издава свои сопствени SIM картички, да поседува свој сопствен мобилен мрежен код (MNC), да поседува мобилен центар (MSC), да склучува договори за користење на услугата на интернационален роаминг за неговите претплатници, да менаџира со доделени серија на броеви,  како и да обезбедува услуги кои ќе се продаваат под негов сопствен бренд. „Со воведувањето на мобилен виртуелен мрежен оператор се очекува да се оствари поголема искористеност на мрежните капацитети што треба да резултира со намалување на трошокот за нудење на услугата по единица производ од страна на операторите“, рече Јанакиески. Тој додаде дека можеби никој нема да влезе на овој пазар, но сепак се овозможуваат услови за поефикасна конкуренција на пазарот, што од друга страна, ќе придонесе за намалување на цените. http://makfax.com.mk/_tools/article/116139/view

Вип оператор почна да прави профит Со раст и во третиот квартал Вип оператор, со крајот на третиот квартал, во кој покажа одлични резултати, за прв пат од доаѓањето на македонскиот пазар почна да прави профит. Според резултатите од работењето на Телеком Австрија Групацијата, во која е и овој оператор, за првите девет месеци од годинава, заклучно со 30 септември, ВИП оператор бележи пораст во сите сегменти од оперативното работење, при што во третиот квартал достигна позитивна ЕБИТДА (заработка пред камати, даноци, деприсијација и амортизација) од сто илјади евра, наспроти негативата од 2,8 милиони евра во истиот период лани. Приходите на Вип оператор пораснале за две третини, до 10,2 милиони евра во третото тромесечје, споредено со истиот период лани, како резултат на порастот на корисничката база, која достигна повеќе од 388.000 корисници. Тоа, пак, се должи на силниот раст на постпејд сегментот, кој пораснал до 31,6% во третиот квартал, споредено со 27,4% во истиот период лани. Ова придонесе пазарниот удел на Вип до крајот на септември да порасне за речиси 50%, споредено со пазарниот удел во истиот период минатата година. „Овој успех e дотолку позначаен, ако се земе предвид фактот што Вип оператор за прв пат успеа да постигне позитивна ЕБИТДА во третото тромесечје од 2010, која придонесе и кон вкупната ЕБИТДА на Телеком Австрија Групацијата“, изјави Никола Љушев, главен извршен директор на Вип оператор http://www.biznis24.com.mk/node/11331

Кај нас за жал нема толкав пазар и куповна моќ за 4ти оператор. Добри беа примерите со Frog и Roamfree. Првото пропадна поради немање интерес кај граѓаните, а за разлика од нас во Бугарија функционира турбо. Roamfree беше одличен проект, но исто така пропадна поради немањето интерес кај нашите „бизнисмени“. Реално тоа беше само за побогата класа и за луѓе што се долго во странство и што често телефонираат дома. А со Skype и FB ретко кој го прави тоа во 21ви век

Инаку за ВИП точно е дека работеа со загуби, а тоа е повторно истата причина, недоволен број корисници. Еве за споредба, ONE објави раст од 21% од прошла година

Една година „Оне“ расте и се развива

Заклучно со септември 2010, „Оне“ има вкупно 643,426 корисници, што претставува раст од 21 отсто споредено со истиот период лани

Со раст и развој во сите сегменти од своето работење, телекомуникацискиот оператор „Оне“, сопственост на „Телеком Словенија“, групацијата заокружи една година од работењето на македонскиот телекомуникациски пазар. Со големо искуство, континуирани инвестиции, иновативни и развојни проекти, „Оне“ се етаблираше како технолошки лидер на македонскиот пазар, кој прв пат ја понуди 3-Г услугата, прв лансираше пристап до безжичен Интернет, стана прв алтернативен оператор во фиксна телефонија и прв оператор што лансираше безжична дигитална телевизија – Бум ТВ.

Во изминатата година „Оне“ успешно го реализираше спојувањето на трите компании („Космофон“, „Германос“ и „Он-нет“) и ја оптимизираше ефикасноста, што доведе до уште подобри резултати во целокупното работење. Тоа не предизвикало, пак, намалување на бројот на вработените, туку прераспоредување на дел од нив на други работни места поради воведените нови услуги.

Заклучно со септември 2010 година, „Оне“ има вкупно 643,426 корисници со што бележи раст од 21 отсто споредено со истиот период лани.

Преку инвестициите за изградба на најсовремена сопствена мрежа, „Оне“ обезбедува покриеност на 99,5 отсто на населението со квалитетен и непречен сигнал во мобилната и во фиксната телефонија, а како резултат на инвестициите во развој на најсовремената дигитална мрежа низ целата земја, „Оне“ овозможи покриеност на 92 отсто од населението во Македонија со сигналот на првата дигитална безжична телевизија Бум ТВ и ја зацврсти својата позиција на технолошки лидер на пазарот. Заклучно со 30 септември 2010 година, Бум ТВ има 40 илјади активни корисници, со што преставува најбрзорастечка платформа за дистрибуција на ТВ-сигнал во Македонија.

„Растот во сите сегменти е најдобар доказ дека сме на вистинскиот пат и претставува дополнителен мотив да продолжиме да работиме во интерес на корисниците, посветени на спроведувањето на компаниската политика да креираме и да нудиме услуги достапни за сите, без финти и скриени трошоци, притоа збогатувајќи го животот со комуникација и забава”, истакна вчера генералниот извршен директор на „Оне“, Клавдиј Годнич.

Супериорниот телевизиски пакет од најпопуларните македонски и странски ТВ-канали, кои безжично се пренесуваат со одличен квалитет на сликата и звукот секаде во Македонија – Бум ТВ станува уште поатрактивен со воведување на новата услуга за паузирање, снимање и премотување. Со ПВР корисниците самите можат да одберат време и одложено да ги проследат омилените ТВ-серии, фудбалски натпревари, музички емисии...

Originally posted by lslcrew Пазарот по некои прашања нема врска големината на државата и со бројноста на населението. За мобилните оператори е така. Вип не работеше во минус заради недоволен број корисници туку заради еднократни трошоци што ги има секој оператор кога доаѓа на некој пазар. И помали држави од Македонија имаат поголем број оператори, не е тоа ништо пропорционално на колку население иде еден оператор.

 

Еве енциклопедиски објаснето што е виртуелен оператор, за технички нема нешто посебно ниту ќе објаснувам да не замарам. Колку само низ нормален свет далеку има отидено пазарното општество па дури и она што ние го знаеме како класичен оператор се разцепува, па има опслужувачи мрежни (кои обичните граѓани не ни ги интересира) и фирми потоа кои во некоја форма на виртуелни оператори ги препродаваат услугите. Како да речеме сега тмобајл да реши дека нема да се мафта со продажба и ќе си најде три четири вакви виртуелни да му го препродаваат "производот" и ќе водат конкуренција, а позади некаде во некое подрумче инжењери ќе си ја работат мрежата и по некој економист за сметките. Далеку сме ние од тоа, но дефинитивно неможе никој да ме убеди дека големината на пазарот е пресудна дали ние ќе имаме четврт оператор. Зашто воопшто да се обидуваме да го модерираме тој процес, крај краева да оставиме процесот како во нормална држава сам да се одвива па да си покаже пазарот, едноставно да го планираме пазарот предиктивно, нема да ни успее. Можноста е отворена, па кој сака нема повели да се проба. Никогаш целта на ваквите виртуелни оператори не е да прераснат во некои големи играчи паралелно со класични оператори, но сериозно придонесуваат со квалитетот и цените на услугите.

http://en.wikipedia.org/wiki/Mobile_virtual_network_operator

Еве и листа.
http://en.wikipedia.org/wiki/List_of_mobile_network_operators_of_Europe