build.mk Homepage
Forum Home Forum Home > Главни теми > Проекти > Станбени
  Active Topics Active Topics
  FAQ FAQ  Forum Search   Register Register  Login Login

Сончев Град

Bookmark and Share
 Post Reply Post Reply Page  <12345 15>
Author
Message
  Topic Search Topic Search  Topic Options Topic Options
skywings View Drop Down
Newbie
Newbie
Avatar

Joined: 01-Feb-2008
Online Status: Offline
Posts: 0
  Quote skywings Quote  Post ReplyReply #41 Posted: 02-Feb-2008 at 00:33

Во текстот подолу, објавен во шпиц, има нови податоци за патот од средно Водно до Сончев град.... само не разбирам сега, е или не е дивоградба???????? 

http://www.spic.com.mk/DesktopDefault.aspx?tabindex=3&tabid=1&EditionID=468&ArticleID=18427

Патот низ Водно дивоградба

Маја МИХАЈЛОВСКА

Патот што ќе се гради од Средно Водно до Сончев град е дивоградба, затоа што го нема исцртано во урбанистичките планови. Ова го тврди професорот на Архитектонскиот факултет, Мирослав Грчев. Во Генералниот урбанистички план на општина Сопиште од 2001 година, каде што припаѓа локацијата на која треба да никне елитната населба Сончев град, е предвидено да има пат кој ќе излегува од оваа населба и ќе минува низ Водно за да го поврзе со Скопје. Таму е обележан само почетокот, односно излезот на патот.
- Не може да биде навестен само почетокот на патот, без да биде обележана целата траса и врз основа на тоа да се донесе одлука да се гради пат до Средно Водно. Мора да има планска одредба, инаку одлуката е произволна и незаконска. Од Водно ќе се направи р’шум - вели Грчев.
Агенцијата за планирање на просторот е со спротивни аргументи. Никола Бошку, заменик-раководител во Одделението за урбанизам, вели дека не мора целиот пат да биде исцртан во планот, затоа што овој дел се наоѓа надвор од урбаниот опфат.
- За вакви зони важи правилото во плановите да стои само насоката, а потоа се врши испитување на теренот и се одбира најоптималната траса каде што ќе поминува патот - вели Бошку.
Тој потенцира дека ова е единствено изводлив пат да се стигне до Сончев град, затоа што патот преку населбата Припор е тесно грло, тесен е и е премногу стрмен. Отпаднала и разгледуваната опција да се изгради тунел и два моста преку Припор, затоа што таа инвестиција била премногу скапа и неисплатлива.
Патот што ќе се гради треба да почнува од Средно Водно, на точката каде што се дели патот кон Нерези и црквата „Св. Пантелејмон“. Ќе биде во должина од 2,5 километри со ширина од шест метри.
Деновиве, Министерството за животна средина даде зелено светло за изградба на патот за Водно, иако еколозите предупредуваат дека со тоа скопјани ќе ги загубат „белите дробови“.



Edited by Cloverstack - 03-Feb-2008 at 20:50
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #42 Posted: 02-Feb-2008 at 00:47


Не знам дали е дивоградба или не, ама барем од текстов се добива впечаток дека тунелот е дефинитивно избришан и е заментет со овој пат.

Инаку не ми е јасно како средно водно се вклучи во збркава... Да не е некоја грешка?


Edited by Cloverstack - 02-Feb-2008 at 00:51
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #43 Posted: 02-Feb-2008 at 00:48
здраво skywings Cheers

очигледно сме сега во фазата каде наместо надлежните јасно и гласно да ги изнесат сите детали за овој проект, ќе читаме разни шпекулации од страна на новинарите и ќе нагаѓаме дали се точни, делумно точни или скроз неточни.

Ако објавата од Шпиц има некаква вистина тогаш сме на пат да зезнеме уште еден прекрасен проект со непотребна импровизација.


Edited by pbanks - 02-Feb-2008 at 00:48
Back to Top
skywings View Drop Down
Newbie
Newbie
Avatar

Joined: 01-Feb-2008
Online Status: Offline
Posts: 0
  Quote skywings Quote  Post ReplyReply #44 Posted: 02-Feb-2008 at 00:54

шпиц ја отвори темата со патот на водно, таму јасно стои дека патот тргнува од средно Водно, нема зошто да се сомневаме во искажаните факти....мене само ме мачи мислата које е во право Грчев или Агенцијата за планирање на просторот, односно дали повторно се случува дивоградба?????

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #45 Posted: 02-Feb-2008 at 00:56
Originally posted by skywings

шпиц ја отвори темата со патот на водно, таму јасно стои дека патот тргнува од средно Водно, нема зошто да се сомневаме во искажаните факти....мене само ме мачи мислата које е во право Грчев или Агенцијата за планирање на просторот, односно дали повторно се случува дивоградба?????



ууу верувај дека новинарите се склони да напишат комплетни дезинфомации. Немора тоа да биде нешто тенденциозно туку едноставно како резултат на нивната површност.

Но... според досегашните искуства во нашава држава, поверојатно би било да е дивоградба. Мислам Водно е заштитен појас и не гледам легален начин таму да се зацрта пат.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #46 Posted: 02-Feb-2008 at 01:03
Јас одма го едитирав постот во делот со новинарот. Засега имаме генерално лошо искуство со новинари, ама вистина е и дека ни стана рефлекс да ги напаѓаме. Тоа сигурно би му изгледало многу лошо на некој добар новинар, а сигурно има и такви. Додека не ја знам точната траса, не би сакал да коментирам, па дури ни ваква чудна информација како тоа дека ќе почнува од средно водно.

Edited by Cloverstack - 02-Feb-2008 at 01:03
Back to Top
skywings View Drop Down
Newbie
Newbie
Avatar

Joined: 01-Feb-2008
Online Status: Offline
Posts: 0
  Quote skywings Quote  Post ReplyReply #47 Posted: 02-Feb-2008 at 01:03

сепак следејќи ја внимателно ова тема, немам дилема дека се работи за изградба на нов пат кој ќе почнува од средно Водно, со што отпаѓаат и двете варијанти - тунелот и јужната заобиколница.....

а она за новинарите имаш право, само што во последно време сите најавени скандали кои ги објавија медиумите се покажаа како основани и вистинити Dunno
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #48 Posted: 02-Feb-2008 at 01:07
Originally posted by skywings

јужната заобиколница.....

Овој термин е сосема погрешен, но за жал веќе раширен во јавноста. Тоа е всушност „јужната сообраќајница“, планирана на падините на водно и мислам дека со нејзе е дефинирана и заштитната зона или урбанистичкиот опфат (не сум сигурен). Во секој случај не се работи за обиколница во никој поглед.


Back to Top
skywings View Drop Down
Newbie
Newbie
Avatar

Joined: 01-Feb-2008
Online Status: Offline
Posts: 0
  Quote skywings Quote  Post ReplyReply #49 Posted: 02-Feb-2008 at 01:14

да, со јужната сообраќајница е дефиниран урбанистичкиот опфат, се што е над неа, е надвор од надлежностите на ТрифкоLaughLaugh

Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #50 Posted: 05-Feb-2008 at 23:30

Патот ќе ја уништи парк-шумата


Изградбата на новиот пат на Водно до Сончев Град е ставен во годишната програма на Фондот за регионални и магистрални патишта и нема дилема дека ќе се гради. Тој ќе го поврзува Средно Водно со Сопиште и Долно Соње, односно Сончев Град, но точната траса се уште не е утврдена. Ова е неофицијална информација од Министерството за транспорт и врски, од каде велат дека досега до нив не е пристигната никаква реакција од ниту една институција или граѓанско здружение. Ако во меѓувреме пристигне некакво барање, велат, ќе биде разгледано и доколку е потребно ќе консултираат експерти од Министерството за екологија.

Против изградбата на новата трикилометарска сообраќајница се екологистите. Активистите на "Екомисија", викендов почнаа со собирање потписи за стопирање на секакви активности за узурпација на заштитената зона. За два дена, добија поддршка од околу 1000 граѓани. Потписи ќе се собираат и викендов, не само на Водно туку и во центарот на Градов.

- Никој не ја штити парк-шумата. Ја уништуваа несовесни поединци, ја узурпираше урбаната мафија, а сега еве и власта ја докусурува. Со оваа петиција бараме да не се реализира идејата на патот, но, бараме и да се редефинира категоризацијата на заштита, бидејќи во ниту една номенклатура не постои категорија "заштитена зона". Исто така, бараме заштитениот дел да биде исцртан на теренот. На тој начин сите ќе знаат дека влегле во заштитена зона - вели Петар Бошевски од Еко-мисија.
Против идејата за изградба на новата сообраќајница е и скопскиот градоначалник Трифун Костовски. Тој им порача на надлежните да најдат друга алтернатива, бидејќи на овој начин се нанесува ненадоместлива штета на шумата.

Од Општина Сопиште не сакаат да коментираат проблеми кои не се во нивна надлежност. Тие се фокусирани на решавање на проблемот со жителите на Патишка Река, кои со месеци ја стопираат изградбата на новата водоводна мрежа за потребите на Сончев Град.

 
Извор: Вечер
http://www.vecer.com.mk/?ItemID=E2032516B4DEB34E99C0F5BAE85F724B


Edited by UrbanFreak - 05-Feb-2008 at 23:31
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #51 Posted: 08-Feb-2008 at 15:46
http://www.vreme.com.mk/DesktopDefault.aspx?tabindex=1&tabid=1&EditionID=1315&ArticleID=84574

ФИРМАТА ЗА ИЗГРАДБА НА СОНЧЕВ ГРАД ЌЕ ПОЧНЕ ДА РАБОТИ
Израелците губат од Патишка Река

Роза Петкова

Израелската фирма што ќе го гради Сончев Град деновиве отвори претставништво во Скопје. „Индустријал билдингс корпорејшн“, како што дознаваме, решила, без разлика на противењето на граѓаните и на еколошките друштва, да почне со реализација на проектот, кој го доби на тендер минатата година, во мај. Забрзувањето се случува и поради притисокот на Владата, која сака да го реализира ветеното од пред неколку месеци. Како што беше најавено на свеченоста при изборот на Израелците, почнувањето на работите на елитната населба требаше да се случи во август, но до денес, не е закован ниту еден колец. По седум месеци се уште не е разрешен ни проблемот со жителите од селото Патишка Река, кои се против изградбата на нова водоводна мрежа. Тие мислат дека изворот што го користат сега нема доволно капацитет да покрие населба од шест илјади жители. Исто така, дознаваме дека претставници од „Индустријал билдингс корпорејшн“ деновиве ќе презентираат нови моменти за проектот со кои се надеваат дека ќе го решат проблемот со жителите на селото. Иако и Министерството за транспорт и врски најавува почеток на изградбата, од општината Сопиште не се согласуваат и тврдат дека работите се уште се статус кво. - Ние ги користиме сите демократски права и обврски што ги имаме за да го решиме проблемот. За него знаат и владините претставници, но тие не се ангажираа многу. Во секој случај, се обидуваме да најдеме компромис и решение и нема да дозволиме таков проект да пропадне. Сега е на потег Владата затоа што водата е во државна сопственост, па очекуваме тие да преземат нешто. Ќе се трудиме со сите сили да го одржиме проектот - вели Игор Трифуновски, портпарол на општината Сопиште. Освен со водоводната мрежа, новата населба уште не почната се соочува со проблемот на патот преку планината Водно, кој ќе ги поврзува Сончев Град, Долно Соње и Сопиште со Скопје. Еколошките друштва и планинари почнаа акција за собирање потписи против неговата изградба. - Минатиот викенд собравме околу илјада потписи, а акцијата ќе ја продолжиме и оваа недела. Освен на Водно, за време на викендите, потписи ќе се собираат и на плоштадот - вели Петар Бошевски од еколошкото друштво „Екомисија“. Од Фондот за регионални и магистрални патишта, кој во програмата за 2008 година ја предвиде изградбата на овој пат, велат дека пред да почнат со проектот ќе побараат стручно мислење. - Сега се снима теренот, се мери од каде до каде ќе биде патот, а потоа ќе се работи проектот. Програмата за изградба на патишта што ја донесовме се однесува само на финансискиот дел. Пред да се почне што било прво ќе се побара мислење од Министерството за животна средина - објасни Катерина Панова - Илиевска, портпаролка на Фондот за магистрални и регионални патишта. За идејата да се гради тунел под Водно, која беше актуелна пред една година, од Фондот велат дека тоа би било надлежност на градот затоа што тогаш патот би бил локален, а не регионален, како што е предвидено сега. Сончев Град е замислен како еколошка населба за домување на 6.000 луѓе, со 603 куќи и 11 згради. Државното земјиште со површина од 636.459 квадратни метри Израелците го купија за 3.640.000 евра. Треба да биде готов за четири години.

Back to Top
ProMKD View Drop Down
Senior Member
Senior Member
Avatar

Joined: 25-Feb-2008
Location: Skopje
Online Status: Offline
Posts: 244
  Quote ProMKD Quote  Post ReplyReply #52 Posted: 25-Feb-2008 at 23:02
Еден член на мојата фамлија е сериозен за купување локација за изградба на куќа во Сончев Град, и веќе 2-3 години чекаме информации за да се купи, но никако... За патот и сега за сега не е проблем (дека веќе има кај Соње итн) ќе издржиме преку таа траса додека не се среди све убаво... него да почнеа градежните зафати! Ова со водоводот е многу жална работа, да пропадна инвестиција вредна стотици милијони евра заради некои неписмени луѓе..

А не знам дали знаевте, дека претходно (пред 15 години) беше на истово место планирано да се гради слична населба, но од Германска фирма? Тогаш еден мој пријател од Холандија беше дел од бизнисмените кои беа спремни да инвестираат, заедно со моќната Германска компанија, но работите завршија како што завршија, и бидна "аферата" со Израелциве, и еве сме денес..
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #53 Posted: 25-Feb-2008 at 23:04
Па да Сончев град е постар проект, ако не се лажам од мандатот на ДПМНЕ 1998-2002. Се сеќавам дека имаше приказна со некои германци.

Да се надеваме дека овој пат ќе успее, Израелциве имаат добри референци.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #54 Posted: 25-Feb-2008 at 23:05
Originally posted by ProMKD

Еден член на мојата фамлија е сериозен за купување локација за изградба на куќа во Сончев Град


хмммм... мислиш куќа?

пошто локации нема да се продаваат, можес само да си купиш готова унифицирана куќа
Back to Top
ProMKD View Drop Down
Senior Member
Senior Member
Avatar

Joined: 25-Feb-2008
Location: Skopje
Online Status: Offline
Posts: 244
  Quote ProMKD Quote  Post ReplyReply #55 Posted: 25-Feb-2008 at 23:17
Епа најискрено не сме ни добро информирани околу тоа дали ќе бидат локации, дали ќе бидат готови куќи. Се збори за татко ми, а тој би сакал повеќе да купи готова куќа, значи Американски стил (фирма купува земјиште и гради, ти купуваш куќа). Проблемот е што ова како што изгледа нема никогаш да тргне, а и да тргне, нема да заврши. Најсигурно останува во Бардовци да се купи, или пак слушам позади зајчев рид ќе почнело нешто такво
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #56 Posted: 31-Mar-2008 at 01:11
Wallbash Wallbash Wallbash

http://www.utrinski.com.mk/?ItemID=3DC2C17CDB9F904B819E27EB7A7E361D

Сончевград и водоводот Патишка Река тапкаат во место

Изградбата на водоводот Патишка Река тапка во место, а со тоа станува се' понеизвесна и израелската инвестиција за изградба на населбата Сончевград за околу 6.000 жители. Градоначалникот на Општина Сопиште Љупчо Кец Мицковски вели дека и покрај тоа што ја алармирале Владата, никој ништо не презема да се направи чекор напред. И екологистите се против изградбата на пат до населбата, чија траса треба да минува преку планината Водно. Израелците се' уште не се откажуваат, но покрај постојните, сега имаат и проблеми со Катастарот. Пред еден месец Мицковски побарал прием кај премиерот Никола Груевски, со цел заеднички да ги разгледаат состојбите околу изградбата на Сончевград, но бил примен од неговиот советник Кирил Божиновски, а оттогаш нема никаков одговор. Мицковски смета дека партиски интереси не треба да загрозат ваква голема инвестиција. Општина Сопиште во април ќе започне со нова рунда преговори со жителите на Патишка Река, со цел да се добие согласност за почнување на изградбата на водоводот. Градоначалникот вели дека селаните нема да останат без вода дури и во најсушниот период, бидејќи со изградбата на водоводот кој ќе снабдува 13 села и Сончевград ќе им останат 90 литри во секунда, што е сосема доволно.

Од Министерството за транспорт и врски информираат дека Израелците ги подготвуваат проектите и тврдат дека наскоро ќе почне и изградбата на објектите, како и тоа дека се во постојана комуникација со Општина Сопиште. Додаваат дека многу брзо ќе се надмине прашањето со водоводот Патишка Река. (Сн.К.)

Back to Top
blejdsk View Drop Down
Senior Member
Senior Member
Avatar

Joined: 05-Feb-2008
Location: Skopje
Online Status: Offline
Posts: 320
  Quote blejdsk Quote  Post ReplyReply #57 Posted: 31-Mar-2008 at 01:12
Znaci toa e toa Makedonska rabota ,,,,dur resat sitni porblemi ke propagaat ogromni investicii--katastrofa
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #58 Posted: 17-Apr-2008 at 01:47

Три варијанти за патот до Сончев град

Крајниот исход ќе зависи од студијата за влијанието на патот врз парк- шумата

Три месеци по обелоденувањето на веста дека на Водно ќе се гради нова улица, се' уште не е позната конечната верзија на трасата на која таа би поминувала. Институциите, исто како и претходно, не даваат информации за кога е планиран почетокот на градежните работи, како и дали за новата улица што треба да го поврзува Скопје со идната населба Сончев град ќе се сече дел од шумата. На оваа можност веќе реагираа јавноста, Градот и еколошките друштва. Од Министерството за транспорт и врски велат дека Фондот за патишта на маса ставил три опции за трасата на новата улица. Крајниот исход ќе зависи од мислењата на експертите што ќе бидат дел од студијата за влијанието на патот врз парк-шумата. Фондот за магистрални и регионални патишта, во чија програма за 2008 година е предвидена изградба на пат до населбата Сончев град, во моментот врши мерење на теренот. Во опфат се три можни варијанти за пробивање на регионалниот пат. Истовремено, независни експерти подготвуваат студија за влијанието на животната средина и нивните препораки ќе бидат земени предвид - велат во одделението за односи со јавноста при Министерството. Според нив, улицата што ќе ги поврзува северната и јужната падина на Водно сигурно ќе се гради, како и новата населба Сончев град во Сопиште, иако нејзината изградба веќе доцни цела година. Лани, како што е познато, земјиштето за оваа населба, Владата го продаде на странскиот инвеститор, израелската компанија „Интернејшнал билдинг корпорејшн“. Изградбата на инфраструктурата требаше да почне веднаш, но работите се одолжија поради проблемот со жителите од блиското село Патишка Река. Тие го блокираа изворот што треба да ја снабдува новата населба со вода, со објаснување дека тој немал толкава штедрост, па изградбата на водоводот воопшто не почна. Според информации од инвеститорот, подготвките на градежните проекти што се неопходни за почеток на изградбата се при крај. Изградбата на населбата, според Израелците, ќе почне во текот на јуни -објаснуваат од Министерството.Градоначалникот на Сопиште, Љупчо Кец Мицковски беше на службен пат, па од Општината не можеа да потврдат дали навистина изградбата е планирана за во јуни, имајќи предвид дека жителите на Патишка Река се' уште не дозволуваат од тамошниот извор да се зема вода за населбата и за околните села. Само рекоа дека неколку пати во изминативе месеци претставници од власта и од владини институции преговарале со селаните, но досега не е најден заеднички јазик.

Јорданка Ивановска

http://dnevnik.com.mk/?ItemID=81027B055C45D34680112EA829C63D48


Edited by Cloverstack - 17-Apr-2008 at 01:53
Back to Top
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #59 Posted: 05-Jun-2008 at 09:48
 
 

Општина Сопиште нема да дозволи да пропадне проектот „Сончевград“

Ќе се бара согласност од „Водовод“ и од Градот населбата да се приклучи кон градскиот водовод

Општина Сопиште нема да дозволи водоводот „Патишка Река“ и проектот „Сончевград“ да пропадне поради несогласувањето на жителите од истоименото село за изградба на водоводот. Ќе бара алтернативно решение, односно, согласност од ЈП „Водовод и канализација“ и Градот Скопје за приклучување кон градскиот водовод. Фирмата што ќе го гради Сончевград се' уште ги подготвувала проектите за инфраструктурата, а ДУП за Сончевград, откако е доработен во Општината, чека на мислење во Министерството за транспорт и врски.

Првиот човек на Сопиште, Љупчо Мицковски - Кец вчера нагласи дека општината презела одредени обврски во изградба на водоводот, но поради се' што се случуваше во изминатиот период, ќе се бара алтернативно решение. Според градоначалникот Мицковски, ова се прави со цел да не пропадне еден ваков капитален проект, за чија реализација се појавија низа проблеми, пред се', поради тоа што општината нема поддршка од државата.

„Фирма се' уште ги подготвува проектите за инфраструктурата на Сончевград, за патиштата и архитектурата на објектите што треба да се градат во населбата. Тие не и' се доставени на општината, бидејќи има проблеми и во катастарот. ДУП за Сончевград ни беше вратен на доработка и сега е во Министерството за транспорт и чека мислење. Најмногу забелешки имаше во врска со катастарот. Геодетските подлоги беа стари, а последниот премер на катастарот бил направен во 1963 година, па изработката на ДУП беше водена според тој премер. Затоа имаше разлики поради што мораше одново да се премери локацијата“, рече вчера Мицковски.

Сега на потег е Министерството да даде мислење, а деновиве во Советот на општината ќе започне постапката за донесување на планот. (Сн.К.)

 
Back to Top
vardar View Drop Down
Senior Member
Senior Member
Avatar

Joined: 03-Mar-2008
Online Status: Offline
Posts: 1106
  Quote vardar Quote  Post ReplyReply #60 Posted: 05-Jun-2008 at 09:50
Имаа еден куп непредвидливи проблеми, но некако добивам впечаток дека и инвеститоров се влечка малце.....
Back to Top
 Post Reply Post Reply Page  <12345 15>

Forum Jump Forum Permissions View Drop Down



This page was generated in 0.072 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.