Министерство за надворешни работи

Ова изгледа го виделе објектот на Роџер, па се инспирирале за статуиве....

Уште тој фали од неговото време заедно со сталин.

Не ми се допаѓа да има странски личности.

Апсолутно сум против скулптури на странски државјани и тоа со пари од граѓаните на Македонија. Ако сакат скулптури амбасадите нека донират и истите ќе им бидат поставени во паркот на цивилизациите, но со мои пари да го плаќам Черчил со кого немам никакви допирни точки и тоа во мојот главен град, тоа веќе се граничи со лудост и пред се навреда за оние кои навистина заслужуват да им биде оддадена почит. На крај на краевите нека бидат скулптури кои нема да представуват никого.


Edited by kultuzin - 27-Jul-2011 at 19:20

Значи вака типви како Линколн и Черчил немат место на зградата на министерството за надворешни работи на МАКЕДОНИЈА.
Ако веќе ставаме странски политичари тогаш би предложил тоа да бидат луѓе кои имале некаков допринос во градењето на надворешната политика и афирмација на Македонија како држава. Ќе спомнам неколку мои предлози и очекувам дека ќе бидам надополнет.
Прво и основно една од централните фигури според мене би требало да биде Борис Трајковски од домашните а од поновата историја можеби и Кљусев би нашол свое место на зградата. Од странските дипломати би ставил статуи на пријателите на Македонија , како неизоставен тука би бил Ханц Лотар Штефан (германски амбасадор во Р.Македонија и автор на книгата Македонскиот Јазол). Потоа на неодамна починатиот
Erzherzog Franz Joseph Otto von Österreich . Одприлика во тој правец би требало да се движи според мене избоот на личности кои ќе добијат статуа на зградата на МНР.

Originally posted by kultuzin Значи вака типви како Линколн и Черчил немат место на зградата на министерството за надворешни работи на МАКЕДОНИЈА. Ако веќе ставаме странски политичари тогаш би предложил тоа да бидат луѓе кои имале некаков допринос во градењето на надворешната политика и афирмација на Македонија како држава. Ќе спомнам неколку мои предлози и очекувам дека ќе бидам надополнет. Прво и основно една од централните фигури според мене би требало да биде Борис Трајковски од домашните а од поновата историја можеби и Кљусев би нашол свое место на зградата. Од странските дипломати би ставил статуи на пријателите на Македонија , како неизоставен тука би бил Ханц Лотар Штефан (германски амбасадор во Р.Македонија и автор на книгата Македонскиот Јазол). Потоа на неодамна починатиот Erzherzog Franz Joseph Otto von Österreich . Одприлика во тој правец би требало да се движи според мене избоот на личности кои ќе добијат статуа на зградата на МНР.

Никој не рече дека нив немало да ги има. За сега не се откиени сите имиња.

Може ќе ги има , но уште кога почнаа со Линкол и Черчил можам само да замислам каде ќе завршат. А овие двојца уште еднаш ќе кажам немат никаква основа ни заслуга да бидат истакнати на МНР.

НОВАТА ЗГРАДА ЌЕ ЈА КРАСАТ СКУЛПТУРИ НА СТРАНСКИ ДРЖАВНИЦИ

Цар Петар и Џорџ Вашингтон на фасадата на МНР



Изборот на личностите не е извршен според влијанието врз Македонија и нејзината историја, туку според заслугите за светскиот мир и демократија, велат во Службата за општи и заеднички работи, преку која се одвива изградбата на објектот на МНР

Фасадата на новиот објект на Министерството за надворешни работи, освен со скулптури на светски политичари, ќе биде украсена и со фигури на над 60 странски државници, историчари, цареви и филозофи кои оставиле трага во светската дипломатија и меѓународната политика.

Првиот претседател на Соединетите Американски Држави, Џорџ Вашингтон, рускиот цар Петар Велики, кинескиот генерал Сунг Цу (автор на „Уметноста на војувањето“) се само дел од личностите што се одбрани да бидат украс на фасадата на новата зграда за македонската дипломатија.

Черчил под прашалник

Скулптурите ќе бидат поставени на терасите и на прозорците на зградата. На скиците од проектот се гледа дека на секој кат има по десетина скулптури, а највисоките се најгоре. Фигурите на терасите ќе бидат високи по три метри, а останатите по 2,5 метра. Меѓу ликовите што ќе може да се видат ќе бидат и италијанскиот политичар Џузепе Мацини, заслужен за новите европски движења и независноста на Италија, старогрчкиот историчар Тукидид, американскиот претседател Абрахам Линколн и други.

Во Службата за општи и заеднички работи, преку која се одвива изградбата на објектот, изјавија дека изборот на личностите не е извршен според влијанието врз Македонија и нејзината историја, туку според заслугите за светскиот мир и демократија.

Во јавноста излезе информација дека на фасадата ќе виси и фигура на британскиот премиер Винстон Черчил, по што се јавија реакции дека поради неговата контроверзна улога во македонската историја не е најсоодветен избор за фасадата на МНР. Директорот на Службата за општи и заеднички работи, Васил Доневски, изјави дека не може да потврди дека на фасадата ќе се најде и фигурата на англискиот политичар и нобеловец за литература.

- Јас такво нешто не сум кажал. Не можам да се сетам дали меѓу 60-те избрани личности е и Черчил - изјави директорот Доневски.

На фасадата, според идејното решение, се предвидени релјефи и орнаменти од македонски и странски народни носи. Ќе бидат изработени од леан бетон, со техника во која ќе има и природен камен, мермер и бронза.

Изработката на елементите за фасадата му е доверена на „Бетон“, истата фирма која и го гради објектот. За фасадата „Бетон“ на државата ќе и наплати 1,8 милион евра, а има обврска да ја доврши до 20 ноември.

Во Министерството не знаат ништо

Идејното решение за објектот и фасадата е на авторите Лидија и Благоја Стојановски. Од владината служба не откриваат други детали за фасадата - ниту имињата на останатите политичари ниту редоследот по кој ќе бидат редени на прозорците и терасите. Велат дека во изборот на светските политичари учествувале раководни лица од Министерството за надворешни работи. Но, Борче Стамов, портпарол во МНР негираше такво нешто. Според неговите изјави се добива впечаток дека МНР е надвор од сите случувања, односно надлежните од ова министерство немаат никакви информации во какво објект ќе се вселат.

- Не е точно. Иако објектот е наменет за МНР, ние во ниеден момент не бевме вклучени во планирањето на објектот, па ниту по тоа прашање -изјави Стамов.

Објектот на МНР се гради како дел од проектот „Скопје 2014“ на платото пред Македонската опера и балет. Ќе чини вкупно 13,5 милиони евра, а се очекува да биде готов на почетокот на наредната година.
Јорданка Ивановска

http://www.dnevnik.com.mk/?ItemID=C653D197E20EC242B23200FD599ADB91

http://www.skyscrapercity.com/showthread.php?t=1213587&page=27