build.mk Homepage
Forum Home Forum Home > Главни теми > Проекти > Станбени
  Active Topics Active Topics
  FAQ FAQ  Forum Search   Register Register  Login Login

Социјални згради и населби

Bookmark and Share
 Post Reply Post Reply Page  <12345 10>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #41 Posted: 22-Jul-2010 at 22:16
Па има неколку начини. Едниот е да нема воопшто одкупување, туку на користење се додека во важност е статусот на социјален случај. Станарското право да се губи одреден период (година) после губење на статусот, односно вработување, стекнување пензија или друг извор на средства. Период е разбирливо поради период на ситуирање. Или па одкупувањето да иде на долги децениски периоди при тоа што додека не е комплетна сопственоста неможе да се има купо-продажни дејствија.
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #42 Posted: 13-Aug-2010 at 18:49

Започнаа геомеханичките испитувања на почвата за К1-колективната станбена зграда за социјално ранливи групи


Во согласност со програмата на Владата на РМ за изградба на станови за млади брачни парови, социјално необезбедени и други категории на граѓани за 2010 година, Јавното претпријатие за стопанисување со станбен и деловен простор на Република Македонија, на 19 Јули 2010 година ги започна подготвителните активности за изградба на една колективна станбена зграда во Пробиштип.
Од страна на ГЕИНГ од Скопје беа изведени 3 дупнатини со длабочина од 10 метри во почвата со цел да се извршат геомеханичките истражувања за носивоста на почвата и другите карактеристики кои се од голема важност за фундирањето на зградата и за изработка на потребната техничка документација. Станува збор за станбениот блок К1 во Урбанистичката единка 27, на ул.“Христијан Тодоровски Карпош“. Според досегашните активности, општина Пробиштип прибави информации за положбата на сите подземни и надземни инсталации како и податоци од Комисијата за одлучување по барања за денационализација со седиште во општина Штип. Работите поврзани со изградбата на оваа зграда се одвиваат под раководство на Јавното претпријатие за стопанисување со станбен и деловен простор ПЕ Штип.Според Деталниот урбанистички план за УЕ 27, на дел од КП.бр.1005/1 предвиден е панел од 2 згради со височина од нивото на заштитниот тротоар до венецот од П+4+Пк. паркирањето на возилата за зградата е решено делумно во рамките на парцелата а делумно на јавното паркиралиште. Пристапот е од ул.“Х.Т. Карпош“, од паркиралиштето за јавна употреба. Изградбата на зградата треба да започне во 2011 година.

http://www.probistip.gov.mk



Edited by Makedonij - 13-Aug-2010 at 18:49
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #43 Posted: 20-Oct-2010 at 13:45
Gi izbrisav starite sliki, eve gi novite(po kvalitetni)od socialnata zgrada vo kicevo!






Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #44 Posted: 02-Feb-2011 at 13:10

Ќе се урбанизира Тенеки Мале

Во едно од најпознатите маала во Кавадарци, наместо шупите од тенекија и куќарки од картони, се планира населба со нови куќички за социјално загрозени семејства

Тенеки Мале, едно од најпознатите маала во Кавадарци населено со Роми, ќе се урбанизира. Оваа информацијата ни ја потврди и градоначалникот Александар Панов, кој вели дека на тоа место, според урбанистичкиот план, се предвидени други содржини.

- Таму треба да никнат индивидуални и колективни станбени објекти, како и детска градинка. Местото е одлично за педесетина куќички за луѓе од социјална категорија. Некои од оние што сега живеат таму во вонстандардни градби со неврзани тули , без столбови, во дрвени или картонски шупи, би можеле да бидат станари во идните куќички, под услов да се жители на Кавадарци - ни рече Панов.

За изградбата ќе се користат пари од општината, но градоначалникот верува дека ќе помогнат и Владата и невладиниот сектор. Додека се урбанизира населбата, нејзините жители привремено би се сместиле во подобри услови во монтажни објекти, кои општината би ги изградила на друга локација. Во оптек биле неколку локации што се разгледуваат.

Ја посетивме оваа ромска населба за да видиме какви се реакциите на нејзините жители. Снегот што беше наврнал не успеал да ги покрие проблемите со кои се соочуваат овие луѓе.

- Се надеваме дека преместувањето за нас ќе значи ново раѓање. Улици без кал, куќи наместо шупи од најлон, тенекија и картони. Сакаме топли домови, вода за пиење и канализација. Сакаме децата да ни бидат здрави, сити, облечени. Да учат и да изучат. Да не мора да живееме на свеќа - велат жителите на Тенеки Мале.

Во населбата има триесетина куќарки. Ги залепиле една за друга, како да сакале да ги заштитат од ветрот што лесно може да ги однесе. Околу 300 луѓе живеат овде, секој со својата животна приказна. Семејствата се главно многудетни. Во една од шупите низ прозорецот ѕиркаа осум љубопитни детски лица. Некои од нив се срамеа од нашиот фотоапарат, па се криеја. Чудно правило како да владее во маалото. Мажите имаат право да разговараат со дојденците ако сакаат, жените главно се кријат, плашејќи се што ќе речат домаќините ако зборувале со непознати.

За цело време додека бевме гости таму, маалото ечеше од музика. Тамошните жители ни кажаа дека сакаат да се веселат и тогаш кога срцето им плаче.

- Средата овде е петок. Овде времето застанало. Со нашата преселба очекуваме времето повторно да почне да тече - ни рече 51-годишниот Илми Алиев, кој веќе три децении е жител на Тенеки Мале.

Доколку му се подобрат условите за живот, се надева дека ќе му се врати и сопругата, која неодамна го напуштила поради бедотијата, оставајќи го сам да се грижи за трите деца. Не е единствен од кого жена кренала раце од „пеколот“, како што велат.

Исреф Вејселов има 38 години, а ни се причини дека е многу постар. Мачниот живот го остарел предвреме.

- Младоста и силата ќе ни се вратат ако се најде работа за нас. Н` има толку многу овде, а никој нема постојана работа. Сакаме да веруваме дека среќата најпосле ќе дојде во Тенеки Мале - се надева Вејселов.

И 12-годишниот Фикри Алиев не знае што значи зборот дислокација, како и најголемиот број жители таму. Но, некој му кажал дека, ако се преселат, можно е да дојдат подобри денови. Не губи надеж.

- Сакам да учам наместо да просам. Сакам да се лизгам на снегот и да се мавам со снежни топки наместо да просам. И јас сакам убава облека - вели тој.

Сонот на сите во Тенеки Мале е да се будат во некоја од куќичките што планира да ги гради општината.

http://www.dnevnik.com.mk/?ItemID=599E731B53BA0943AC78251CCBDCD3F4
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #45 Posted: 07-Feb-2011 at 07:30
Во Кавадарци ќе се градат куќи за социјалните семејства

Кавадарци, 6 јануари 2011 (МИА) - Во Кавадарци ќе се градат социјални куќички кои треба трајно да го решат проблемот со социјалните семејства во градот, информира денеска на прес-конференција градоначалникот Александар Панов.

Според него, во дивата ромска населба која се наоѓа веднаш под Шумарското училиште во Кавадарци од ден на ден се зголемува бројот на дивоградбите.

- Ова е една од моите обврски, зашто тоа не е само обична дива населба туку населба во која најчесто се дојденци во Кавадарци, а не староседелци. Го почитувам правото на сите граѓани да имаат слобода на движење и да живеат таму каде што сакаат, но на урбанизиран простор, кој е во нивна сопственост, рече Панов.

Тој смета дека решение за овој проблем е дислоцирање на населбата и упати апел граѓаните да престанат со дивото градење на објекти овде.

- Се надевам дека со помош од државата проектот ќе го реализираме во наредниот период. Една од најадекватните локации за таква населба е токму просторот каде сега има неколку ромски семејства кои изградиле објекти на диво, додаде Панов.

Кавадаречкиот градоначалник потенцира дека на ваквите куќички ќе имаат право социјалните случаи од градот, но и сегашните жители на ромската населба кои ќе ги исполнуваат условите за живеење во нив. бн/сс/16:04

http://www.mia.com.mk/default.aspx?vId=80929453&lId=1&pmId=501
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #46 Posted: 24-Feb-2011 at 19:32

Се гради социјална зграда во Берово

Во насока на овозможување на социјалните семејства за обезбедување на свои семејни домови, Владата на Република Македонија преку Јавното претпријатие за стопанисување со станбен и деловен простор на РМ,

започна со изградба на колективни станбени згради во повеќе градови во Македонија кои ќе се продаваат по многу ниски цени, со што оние семејства кои имаат ниски месечни примања ќе можат да си овозможат купување на свое живеалиште.

http://berovo.gov.mk/images/stories/zgrada/18022011328.jpghttp://berovo.gov.mk/images/stories/zgrada/18022011329.jpg
http://berovo.gov.mk/images/stories/zgrada/1298452893495.jpg

Во тој контекст во Берово започна изградба на колективна станбена зграда која се наоѓа на ул.„Моша Пијаде бб, на парцела која зафаќа површина од 1030 м2, која се предвидува да биде изградена за околу 15 месеци или некаде до мај 2012 година.

Зградата урбанистички е проектирана како објект со различна катност т.е две ламели со приземје и 3 ката и една ламела со приземје и 4 ката, како и подрумски простор во кој ќе бидат сместени подрумските боксови за сите станари.

Покрај тоа во приземјето на зградата се предвидени и просторија за домар, како и простор со трокадеро со чистачка.

Во зградата се предвидени околу 50 станови, еднособни и двособни со површина од 35 до 48 м2 за стан.

Изведувач на објектот е Друштвото за проектирање, градежно занаетчиски работи, трговија и услуги ДЕЛТА ИНВЕСТ ДООЕЛ увоз-извоз Скопје.

http://berovo.gov.mk


Edited by Makedonij - 24-Feb-2011 at 19:33
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #47 Posted: 03-Mar-2011 at 21:25
Првите 24 стана на „Хабитат“ ќе бидат готови во мај годинава
http://www.lisica.mk/sliki_statii/7ac9bd37eeae834d5c9e8c9420aff6201.jpg
Во населбата Тунел 2 во Велес при крај е работата на изграбта на  првите 24 станови, за семејства со ниски лични примања, што ги гради Aмериканската невладина и непрофитабилна организација „Хабитат Македонија".

Покрај изградбата досега вградена  е водоводната, електричната и канализационата инсталација. Поставен е паркет, врати, прозорци. Се уредуваат санитарните јазли, се малтарисуваат просториите и се вршат подготовки  за фасадно уредување на просторот меѓу зградите и  асфалтирање  на улицата  до населбата. 

Од  Хабитат велат дека  поради временските прилики 24-те станови, не биле завршени навреме. Наместо кон крајот на минатата, клучевите идните сопственици, се очекува да  ги добијат  во првата половина на мај годинава.

„Работите сега се одвиваат според планот. Проблеми со финансии нема. Првите 24 стана ќе бидат готови и веднаш по нивното предавање, ќе почна изградбата на  другите седум згради со 32 стана. Моментално на градилиштето,  покрај работниците од ГП „Ива Инжинеринг" и идните сопственици на становите,  во завршните работи учествуваат  и 26 ученици од Интернационалното училиште од Дизелдорф", вели Лилјана Алчева, програмски директор во „Хабитат Македонија".

Во изградбата на четирите станбени згради  досега работеа осумнаесет тимови, со  над 250 волонтери од САД, Канада, Норвешка, Шведска и други Европски земји. Тие  оствариле вкупно 11.195 работни часови. Покрај нив, во изградбата, со вложени 5.195 часови, учествуваа и идните сопственици на солидарните станови.

Од Хабитат велат дека  од почетокот на јуни се очекува да  почне изградбата на вторите седум згради со 32 стана. Имињата на сопствениците на социјалните станови, што треба да бидат готови до крајот на оваа или почетокот на идната година, се познати. Преку конкурс беа избрани, кои  заедно со  над 200 волонтери од повеќе земји, ќе учествуваат во изградбата на становите. Американската непрофитабилна организација „Хабитат" во Велес, во населбата „Тунел 2", до крајот на 2012 година ,треба да изгради единаесет згради со 90 солидарни станови.

Според Алчева основната цел на „Хабитат", е елиминирање  на супстандарното домување во Република Македонија преку обезбедување едноставни, пристојни и пристапни домови за семејства со ниски примања. Становите во Велес, кои идните сопственици, по поволни услови, ќе ги отплаќаат во наредните 20 години, се први солидарни станови што ги гради оваа Американска организација  кај нас.

Инаку, за изградбата на единаесетте станбени згради, со деведесет станови, „Хабитат" ,   ја обезбеди комплетната финансиска конструкција во висина од 2,7 милиони долари. Таа ќе се простира на површина од 10.000 метри квадратни.

Земјиштето, на кое се градат становите, „ Хабитат" го доби,  преку јавен тендер, на долгогодишно користење од Министерството за транспорт и врски.

Во Американската невладина организација велат дека оваа инвестиција од 2,7 милиони долари, по вредност е мала, меѓутоа е многу  голема бидејќи е од невладина организација и поради тоа што покрив на главата обезбедува на 90-семејства со ниски лични примања.
http://www.lisica.m
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #48 Posted: 30-Mar-2011 at 12:48

Во Прилеп ќе се градат социјални станови


Осумдесет социјални стана за млади брачни двојки што имаат повеќе деца ќе се градат во Прилеп

 

 
%20  
Ова го најави градоначалникот Марјан Ристески, кој вчера го посети семејството Перканоски, кое има четири деца. Оваа мера, рече градоначалникот, е во рамките на програмата на Владата за стимулирање на наталитетот во општината.

- Наталитетот во општината опаѓа, а сé повеќе имаме стари лица. За да го стимулираме наталитетот ќе градиме социјални станови во кои ќе живеат млади брачни двојки што имаат повеќе деца. Документацијата е подготвена, само се чека да се завршат одредени формалности и да почне изградбата - вели Ристески.
Според најавите, социјалните станови ќе се градат во населбата Точила.

Од семејството Перканоски, на кое не му е решено станбеното прашање, го поздравија потегот на општината.

- Убаво е кога има повеќе деца, весело е во семејството. Само треба да се има покрив над главата - вели Билјана Перканоска.

http://www.novamakedonija.com.mk/NewsDetal.asp?vest=33011813439&id=9&prilog=0&setIzdanie=22244
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #49 Posted: 13-Apr-2011 at 08:59

Кавадаречката убавица се` уште невселена

Социјалката или Убавицата, како што граѓаните ја викаат зградата со социјални станови во Кавадарци, готова е повеќе од една година, но нејзините станари сe` уште не можат да се вселат поради незавршени правни процедури

Прашината е единствениот станар во зградата со социјални станови во Кавадарци, која е готова повеќе од една година. Многу кавадарчани секојдневно вртат околу новоизградениот објект на местото од стариот терминал во градот, со погледи свртени кон прозорците од триесетте стана. Секој од нив потајно се надева дека ќе биде еден од среќниците на кои оваа зграда ќе им го смени животот на подобро.

- Добитник сум на еден од овие станови, но ништо не е сигурно додека не влезам во него. Се надевам дека наскоро ќе заврши неизвесноста и Министерството за транспорт и врски ќе ни ги даде клучевите од становите нам, на социјално најзагрозените. Не знам што уште се чека. Со ова губи и државата, но најмногу губиме ние, сиромашните - ни рече еден од нив.

Околу зградата крај реката Луда Мара не кружат само оние што се речиси сигурни дека се нејзини жители. Овде може да сретнете и револтирани граѓани кои го изразуваат своето незадоволство од распределбата на становите од Социјалката, како што популарно ја викаат.

- За да влезе човек во изборот, мора да има комплетна документација. Оние со некомплетни документи не ни влегоа во барабанот. Најпрвин добив стан, за подоцна да ме исфрлат од игра демек сум немал комплетни документи. Компјутерот ме избра, човекот ме исфрли. Се сомневаме дека едни луѓе ќе ги добијат становите, а други ќе живеат во нив. Но, секако дека будно ќе следиме дали е тоа така - вели револтираниот жител на Кавадарци.

Убавицата веќе почнале да ја нагрдуваат со графити. Бидејќи зградата с` уште не е вселена, не е во надлежност на Министерството за труд и социјална политика, објаснуваат од Центарот за социјални работи. Комисијата за доделување на становите е мешовита, тројца члена биле од Министерството за транспорт и врски, двајца од Министерството за труд и социјала.

- Ние, како Центар, бевме само во улога на сервис на граѓаните. Посредници кои им помагаа на заинтересираните околу комплетирањето на документите. Право за добивање стан имаа деца без родителска грижа, корисници на социјална помош и постојана парична помош, корисници на посебна нега од трето лице, самохрани родители. Доделувањето на становите беше по електронски пат по утврден метод - објаснува директорката Вања Маневска.

Признава дека и таа се соочила со незадоволство од страна на поединци кои аплицирале за стан. Но, вели дека немале право оти сите што добиле стан биле нивни корисници со години и заслужувале решавање на станбеното прашање.

- Не е точно дека може еден човек да конкурира за стан, а други да живеат во него. Еве баш сега имаме пријава за едно семејство кое добило стан, а во меѓувреме заминало во странство. Веднаш реагирав до комисијата. Кога ќе биде постапката конечна, сите што добиле на конкурсот ќе потпишат договор во писмена форма. Претставникот на тоа семејство нема да може да склучи таков договор. Тој стан ќе остане слободен за подоцна повторно да биде објавен на оглас - објасни Маневска.

Таа вели дека ги слушнала реакциите во јавноста дека наводно луѓе блиски до власта добиле станови.

- Најодговорно, најсовесно и најчесно тврдам дека сето тоа се шпекулации-децидна е директорката Маневска.

Директорката откри дека во прелиминарната листа во јуни се случило семејство да добие стан за кое подоцна се воспоставило дека со лажна документација се стекнало со социјална помош и право на стан. По проверките тоа семејство не само што останало без стан и социјално, туку морало и да ги врати незаконски стекнатите пари.

Зошто с` уште не е извршено вселувањето во социјалната зграда во Кавадарци прашавме и во Министерството за транспорт и врски.

- Ве информираме дека по конечноста на решенијата, по поднесените жалби од страна на Комисијата за решавање во втор степен при Владата на Република Македонија лицата на кои им е распределен стан ќе можат да склучат договори со ЈП за стопанисување со станбен и деловен простор - одговорија од Министерството.

http://www.dnevnik.com.mk/?ItemID=028C76FC07CBDC47B11F0A815DB5B792
Back to Top
oWl View Drop Down
Newbiе
Newbiе


Joined: 07-Apr-2011
Online Status: Offline
Posts: 0
  Quote oWl Quote  Post ReplyReply #50 Posted: 01-Jun-2011 at 15:11
Овие згради се наоѓаат во Брусничката населба: 41° 1'42.90"N  21°18'20.95"E

1.


2.


3.


4.


5.


Back to Top
oWl View Drop Down
Newbiе
Newbiе


Joined: 07-Apr-2011
Online Status: Offline
Posts: 0
  Quote oWl Quote  Post ReplyReply #51 Posted: 01-Jun-2011 at 15:24
6.


7.


8. Рампите на втората зграда се завршени, што не е случај и со првата зграда


9.


10.

Back to Top
JOE View Drop Down
Senior Member
Senior Member
Avatar

Joined: 03-Feb-2010
Location: Bitola
Online Status: Offline
Posts: 205
  Quote JOE Quote  Post ReplyReply #52 Posted: 01-Jun-2011 at 18:34
http://www.youtube.com/v/WyR96Zf8eMo?f=user_uploads&app=youtube_gdata&autoplay=1
Еве и видео со изјави и за наредните планови за изградба на станови


Edited by JOE - 01-Jun-2011 at 18:35
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #53 Posted: 22-Jul-2011 at 19:11
Spored neoficialni informacii, ovde treba dfa se gradi uste edna socialna zgrada(vednas do drugata sto bese pustenaovaa godina na upotreba)



Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #54 Posted: 27-Sep-2011 at 11:10

За струмичани ќе се градат 41 социјален стан


Во Струмица е издадено одобрение за изградба на 41 социјален стан на улицата Ѓорги Василев, а во тек е постапката за избор на изведувач

 

 
%20  
Изградбата е според годишната програма на АД за изградба и стопанисување со деловен простор од Струмица, а средства во висина од еден милион евра одобри Владата. Изградбата на социјалните станови се очекува да почне до пред Нова година, а ќе трае околу 15 месеци.

Критериумите за распределба на становите на социјални случаи ќе ги одреди Министерството за транспорт и врски, кое ќе го распише и огласот. Според законските одредби, лицата што ќе добијат стан во станбениот објект е предвидено да плаќаат 15 денари по квадратен метар месечна закупнина.

http://www.novamakedonija.com.mk/NewsDetal.asp?vest=92711848413&id=10&prilog=0&setIzdanie=22391
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #55 Posted: 09-Apr-2012 at 09:18
Во Општина Велес становите кои ги градеше фирмата Хабитат се готови

Во Општина Велес становите кои ги градеше фирмата Хабитат се готови, откако е завршена и последната фаза, односно е приклучена електрична енергија, и до крајов на месецов се очекува да се вселат првите 24 семејства. Од тоа дали велешани се заинтересирани ќе зависи дали Хабитат ќе гради нови станови, откако првите четири згради се готови и се очекува да бидат населени. Директорот на компанијата Зоран Костов смета дека овој проект е успешен, додаде дека во Хабитат ја разгледуваат можноста покрај изградените четири згради со 24 стана, да бидат изградени уште седум објекти со многу повеќе станови. Во моментов сите 24 домови се подготвени за вселување, и се очекува првите 7-8 семејства да се вселат до крајот на месец март. Тоа е за првата фаза која вклучува четири објекти со 24 стана. Втората фаза која вклучува седум објекти со многу повеќе станови, е во фаза на преразгледување од повеќе причини, вели Зоран Костов, извршен директор на „Хабитат".

Пред да започнат со изградбата на седум нови објекти, во компанијата ќе мора да го идентификуваат интересот кај граѓаните за купување станови и дали тие имаат економска моќ, но и да ги продолжат преговорите со Општината Велес којашто сега е надлежна за земјиштето каде ќе бидат новите згради. Очекуваат да има голем интерес затоа што условите се многу поволни.
Цената на метар квадратен ќе изнесува 471 евро, но поволност е тоа што становите сопствениците ќе ги исплаќаат во наредните 20 години, рече Костов. Но дали ќе се градат новите станови, ќе зависи и од другите два слични проекта коишто ги реализира Владата. Едниот  е со изградбата на станови во касарната „Алексо Демниевски Бауман", а  вториот е проектот „Купи куќа купи стан".

ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #56 Posted: 01-Mar-2014 at 19:33
Новите социјални згради во Штип...



За сè има вторпат
Back to Top
Danndy View Drop Down
Senior Member
Senior Member


Joined: 03-Sep-2010
Online Status: Offline
Posts: 410
  Quote Danndy Quote  Post ReplyReply #57 Posted: 01-Mar-2014 at 20:19
Торта.
Traveling.
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #58 Posted: 01-Mar-2014 at 21:07
Без шлаг
За сè има вторпат
Back to Top
maci View Drop Down
Newbiе
Newbiе


Joined: 09-Aug-2011
Online Status: Offline
Posts: 14
  Quote maci Quote  Post ReplyReply #59 Posted: 18-Mar-2014 at 09:52
цитирам:Новите социјални згради во Штип...
ги гледам на сликите со балконите извадени надвор,нели имаше закон дека не треба да се градат вакви згради со балконите надвор?
туку да се прават балконите-терасите внатре,вградени.
грешка сум или не?
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #60 Posted: 23-Dec-2014 at 20:38
При крај изградбата на социјалната зграда во Демир Хисар

Дваесет и четири социјално загрозени семејства од Демир Хисар наскоро ќе го решат станбеното прашање откако ќе ги добијат на користење новоизградените станови во првата социјална зграда во овој град, која ќе биде предадена идниот месец



Оваа социјална зграда е дел од програмата на Владата за изградба на социјални станови низ нашата земја.

- Новоизградениот објект располага со 24 станбени единици, со просечна големина од 35 квадратни метри. Со доделувањето на овие станови, 24 социјално загрозени семејства трајно ќе го решат станбеното прашање. Зградата почна да се гради во април, а изведувач на работите е компанијата „Виа Вевчани“ од Струга - рече секретарот на општината Демир Хисар, Љупчо Ангеловски.

Инаку во наредните десетина дена ќе се заврши партерното уредување на кругот на станбената зграда, ќе се инсталира и лифтот, по што објектот ќе биде целосно завршен. За овие станови има голем интерес, бидејќи добар дел социјално загрозени семејства од Демир Хисар сѐ уште го немаат решено станбеното прашање.

http://novamakedonija.com.mk/NewsDetal.asp?vest=1223141131486&id=9&prilog=0&setIzdanie=23354
За сè има вторпат
Back to Top
 Post Reply Post Reply Page  <12345 10>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.