build.mk Homepage
Forum Home Forum Home > Главни теми > Инфраструктура > Железници
  Active Topics Active Topics
  FAQ FAQ  Forum Search   Register Register  Login Login

Коридор 8

Bookmark and Share
 Post Reply Post Reply Page  <1 4546474849 52>
Author
Message
  Topic Search Topic Search  Topic Options Topic Options
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #921 Posted: 18-Aug-2019 at 13:16
Почнуваме да го постираме Бојан Блажевски како новинар во Мета.мк, а не Билд.мк Smile Штета што ништо не се случува со билд.мк

Пругата Македонија – Албанија на слеп колосек поради лошо избраната рута, заканата за Охридското езеро и цената

Несоодветната рута избрана за железничкото поврзување меѓу Северна Македонија и Албанија е најновата опасност за задоцнета реализација на овој стратешки проект на Коридорот 8. Веќе две години, УНЕСКО предупредува дека Охридското езеро може да се најде на листата на загрозено светско наследство доколку продолжи да се реализира инфраструктурниот проект по постојната траса. Изведбениот проект за пругата кон Албанија беше завршен во 2017 година, со средства од ЕУ во висина од 7,7 милиони евра.

Две години подоцна, државните институции одговорни за проектот молчат околу најновиот проблем со кој се соочува железничкото поврзување со Албанија. Јавното претпријатие за железничка инфраструктура Железници на РСМ повеќе од еден месец не одговара на поставените прашања за овој проект. УНЕСКО даде директен предлог за изградба на алтернативен тунел од Струга до Прењас, со кој идната траса би го избегнала крајбрежјето на Охридското езеро.

Државата треба допрва да одлучи дали ќе го прифати ваквиот предлог на УНЕСКО, граѓанските активисти жестоко се противат на градењето нови инфраструктурни проекти долж крајбрежјето на езерото, додека експертите предупредуваат дека препроектирањето на трасата ќе значи и натамошно поскапување на финалната цена за изградба на пругата меѓу Северна Македонија и Албанија.

Промашена трасата за идната пруга кон Албанија

Од граѓанската иницијатива „Ohrid SOS“ уште на самиот почеток од преписката меѓу македонската влада и УНЕСКО посочија дека дадените препораки во Извештајот на реактивната мисија треба да се земат во предвид многу сериозно. За да не се најде на листата на загрозено светско наследство, УНЕСКО побара од владата да ја избегне избраната траса на пругата што треба да минува покрај самиот брег на Охридското езеро. Останува нејасно зошто централната власт не ги прифатила препораките на УНЕСКО што биле презентирани уште во првиот документ од јуни 2017 година.

Од „Ohrid SOS“ нагласуваат дека сè до мај 2019 година владата упорно стоела на ставот дека трасата на пругата нема да биде променета. Од граѓанската иницијатива велат дека охридскиот градоначалник Константин Георгиевски е првиот функционер, кој на почетокот од јули годинава јавно изјавил дека владата го напуштила планот за изградба на железничката пруга по досегашната рута.

– Единствената причина за трасата да оди покрај езерото е трошокот што е јасен показател за тоа колку владата го вреднува регионот – посочуваат од „Ohrid SOS“.

Тие сметаат дека трасата на пругата мора да се смени, така што во иднина таа би минувала надвор од границите на Охридското езеро како светско наследство.

– Дополнително оптоварување со инфраструктура од поголеми размери и тоа на самиот брег не смее да се случи и тоа треба да стане правило за управување со регионот и во иднина – заклучуваат од „Ohrid SOS“.

Ваквиот став на активистите е во согласност со јасната препорака на УНЕСКО во однос на изградбата на идното железничко поврзување меѓу Македонија и Албанија. Во изготвениот извештај разгледан на 43. Сесија на Комитетот за светско културно наследство во Баку се дава предлог за изградба на алтернативен тунел од Струга до албанскиот град Прењас. Со оваа траса ќе се избегне можноста возовите во иднина да минуваат долж брегот на Охридското езеро.

Во точката 7 од конечната одлука на Комитетот на УНЕСКО се нагласува дека постои загриженост поради фактот што државата сè уште не ги разгледала препораките во однос на железничката пруга на Коридорот 8, и покрај нивното барање за разгледување на алтернативни рути надвор од границите на УНЕСКО подрачјето. „Поради тоа, Центарот го повторува своето барање кон државата членка за итно пронаоѓање на оптимални решенија за овие проекти со што би се избегнало влијанието врз исклучителната универзална вредност на доброто“, се нагласува во одлуката на УНЕСКО.

Непослушноста може скапо да не чини

Наспроти ваквите предлози на УНЕСКО, експертите тврдат дека препроектирањето на трасата на железничката пруга ќе чини и повеќе време и повеќе средства, а ќе се зголеми и крајната цена за изведба на проектот. Професорот Дарко Мославац од Градежниот факултет при УКИМ вели дека препроектирањето на пругата од Струга кон Албанија би чинела од 3 до 5 отсто од вредноста на ново проектираната траса, при што на проектантите би им требале барем една година за да ја изработат алтернативната рута според дадената препорака на УНЕСКО.

– Предлогот на УНЕСКО за изградба на алтернативен тунел од Струга до Прењас како техничко решение е возможно, но секако дека треба да се има предвид дека цената на чинење на овој објект би била во границите од 15 до 30 милиони евра по километар – потенцира професорот Мославац.

Тој дополнува дека во периодот 2010 – 2011 година најпрво бил изработен претпроект, а потоа и идеен проект за пругата од Кичево до Лин.

– Во претпроектот се разгледуваат повеќе варијанти за идната траса каде врз основа на технички и економски анализи се донесува одлука за избор на најповолна траса – вели Мославац.

За усвоената најповолна варијанта на трасата во идејниот проект, потоа се изработила Студија за оценка на влијанието на оваа рута врз животната средина, по што следела и изработката на основниот проект. Изведбениот проект е завршен пред две години и во него е утврдено дека пругата ќе се движи од Струга кон Радожда, каде по крајбрежјето на езерото е предвидено да се спои со постојната пруга кај албанскиот град Лин.

За изградба на целокупната траса од 63 километри меѓу Кичево и Лин е предвидено да се издвојат 500 милиони евра, но новиот тунел меѓу двете земји под планината Јабланица би можел да го поскапи проектот за десетици милиони евра. Засега државните власти не соопштуваат кој ќе ја сноси одговорноста за издвоените милиони евра за изготвување на проектната документација со проблематична рута, како и за потрошените години во нејзино проектирање.

Државата молчи за потребата од препроектирање 

Од Министерството за транспорт и врски за „Мета“ велат дека прашањата за проектирањето на пругата кон Албанија треба да ги одговорат од Јавното претпријатие за железничка инфраструктура Железници на РСМ како надлежен орган. До ова претпријатие поставивме прашања уште кон крајот на јуни, но одговори не добивме до денешен ден. Образложувањата за неиспраќање податоци на нашето барање беа од презафатеност на претпријатието за време на железничката несреќа кај Куманово до очекувањето за назначување на нов директор на ова јавно претпријатие.

Сепак, УНЕСКО и во двата објавени извештаи за напредокот во имплементација на препораките посочува дека владата упорно стоела на ставот за задржување на постојната траса на пругата од Коридорот 8. Главна причина за ваквиот владин став била неопходноста од склучување на нов меѓудржавен договор меѓу Северна Македонија и Албанија за идното гранично поврзување.

Од друга страна, во неодамна усвоената Национална програма за железничка инфраструктура за периодот 2019 – 2021 година воопшто не е предвидено да започне изградбата на пругата кон Албанија, со што се остава доволен простор за преиспитување на постојната траса усвоена во изминатиов период.

Во оваа насока, владата на седницата одржана на 11 јуни годинава донесе одлука да формира работна група составена од функционери од сите засегнати институции, чие задолжение е да постапи по забелешките на УНЕСКО за анализа на алтернативна рута за железничкото поврзување со Албанија. Предлог решенијата треба да бидат доставени до владата најдоцна до 15 јануари 2020 година, по што ќе се донесе финалната одлука по ова прашање.

Во Националната транспортна стратегија на земјава за периодот 2018 – 2030 година се нагласува дека пругата кон Албанија треба да биде завршена до 2030 година, што веќе беше потврдено со неколку изјави во медиумите и од самото Министерство за транспорт и врски.

Бројки и факти за идната пруга меѓу двете земји

Пругата од Кичево до Лин ќе има должина од 63 километри. Почетокот на трасата е од железничката станица во Кичево. Едноколосечната електрифицирана железничка пруга ќе има постојки во Прштани, Сливово, Пресека, Издеглавје, Мешеишта и Радожда, како и железничка станица во Струга. Постои можност за изградба на крак за поврзување на Мешеишта со аеродромот „Св. Апостол Павле“ и со Охрид. Максимална брзина на движење на возовите ќе биде 100 километри на час.

Коридорот 8 и во Албанија не е ништо подобар

Албанија го укина железничкиот сообраќај меѓу Либражд и Подградец на Коридорот 8 уште во 2012 година поради дотраеност и недоволна безбедност на пругата. Во моментов, соседната земја има изработено физибилити студија за реконструкција на пругата Драч – Подградец – Лин, долга 152 километри, како и за изградба на крак долг 2,8 километри од Лин до албанско – македонската граница. Идеен проект за реконструкција на оваа пруга е изработен само за делот од Драч до Рогозина, при што е пресметано дека инвестицијата би чинела околу 80 милиони евра.

Албанија има изготвено и физибилити студија за железничко поврзување со Грција, и тоа токму преку продолжување на железничката линија од Подградец до албанско – грчката граница, се наведува во најновиот документ на албанското Министерство за инфраструктура и енергетика за железничката инфраструктура на земјата. Сепак, единствен проект од Коридорот 8 што е доведен на ниво на конкретна изведба на градежни работи е реконструкцијата на пругата меѓу Драч и Тирана, која е предвидено во иднина да се поврзе и со меѓународниот аеродром во Тирана.

Автор: Бојан Блажевски

https://meta.mk/prugata-makedoni%d1%98a-albani%d1%98a-na-slep-kolosek-poradi-losho-izbranata-ruta-zakanata-za-ohridskoto-ezero-i-czenata/

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #922 Posted: 13-Sep-2019 at 16:41
Завршувањето на пругата Куманово – Бељаковце одложено за догодина

Ново одложување на завршувањето на изградбата на првата фаза од проектот за железничко поврзување меѓу Македонија и Бугарија. Наместо до крајот на годинава, довршувањето на градежните работи на пругата Куманово – Бељаковце ќе се пролонгира до 2020 година.

– Бидејќи во тек на градба се јавија одредени недостатоци во проектот, потребно беше време тие да се надминат за да продолжиме со реализација. Од тие причини се пролонгира и рокот за изградба и дел од средствата наменети за оваа година ќе се користат следната година – велат за „Мета.мк“ од Министертвото за транспорт и врски.

Од надлежното министерство потенцираат дека нема никакво кратење на средствата наменети за железничка инфраструктура за годинава, туку финансиите за пругата кон Бугарија од годинава се префрлени за наредната година. Сите неискористени средства за овој проект ќе се искористат во 2020 година. Станува збор за 1,3 милијарди денари кои се префрлени во следната буџетска година.

Недостатоците со проектната документација за пругата Куманово – Бељаковце се решаваат во согласност со состојбите на терен каде се изведува трасата.

– Уверуваме дека ова е приоритетен проект и како таков ќе биде завршен за да го оспособиме железничкиот Коридор 8 – посочуваат од Министерството за транспорт и врски.

Изборот на изведувач за изградбата на втората фаза од Бељаковце до Крива Паланка ќе заврши во првиот квартал на 2020 година, а веднаш потоа ќе започне и градењето на овој сегмент од пругата.

Изградбата на пругата Куманово – Бељаковце започна во март 2014 година, со ветување дека до Бељаковце ќе се патува со воз во 2016 година. Од тогаш до денес, официјалното пуштање во употреба на трасата долга 30,8 километри се одложи неколку пати. Оваа пруга го обиколува Куманово, а со новата железничка станица и стојалиште на две локации во самиот град постои можност да се зголеми атрактивноста на патничкиот железнички сообраќај кај жителите од вториот по големина град во земјава.

https://meta.mk/zavrshuvaњeto-na-prugata-kumanovo-beљakovcze-odlozheno-za-dogodina/
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #923 Posted: 29-Nov-2019 at 11:30
Бертолини: Ризикувате да ги изгубите парите од ЕУ за пругата кон Бугарија

Изградбата на пругата кон Бугарија не напредува како што треба, а земјава ризикува да ги изгуби дадените средства од ЕУ доколку не постои никаков напредок во реализацијата на железничкото поврзување. Никола Бертолини, раководител на Секторот за соработка во Делегацијата на ЕУ во Скопје, во изјава за „24ТВ“ тврди дека Македонија недоволно ги користи ЕУ-фондовите.

– Ние дадовме 70 милиони евра за да се комплетира железничката пруга од Скопје до Бугарија и ова уште не е имплементирано. Покрај тоа, дадовме уште 60 милиони евра за истата пруга да продолжи, но оваа програма не напредува како што треба и мора да напредува. Ние ризикуваме многу, да ги изгубиме овие фондови до крајот на проектот, доколку нема никаков напредок – вели Никола Бертолини.

Државата, преку Министерството за транспорт и врски и ЈП за железничка инфраструктура Железници на РСМ несериозно се однесуваат кон проектот за изградба на пругата кон Бугарија. Првата фаза од железничкото поврзување со Бугарија започна да се гради во 2014 година, со ветување дека пругата меѓу Куманово и Бељаковце ќе биде пуштена во употреба до 2016 година. Три години подоцна, оваа пруга не само што не е ставена во функција, туку во моментов продолжува да се гради со ветување дека ќе се пушти во 2020 година.

За втората фаза од Бељаковце до Крива Паланка земјава подигна кредит од Европската банка за обнова и развој во декември 2014 година. Пет години подоцна, сѐ уште не е започната изведбата на пругата, а проектот е заглавен во делот на избор на градежна компанија што ќе ја гради пругата.

Бертолини во изјавата за „24ТВ“ реагира за дадените неповратни средства од ЕУ за изградба на пругата од Бељаковце до Крива Паланка во јули 2017 година. Со овој грант за половина се намали задолжувањето на нашата земја кон ЕБОР за реализација на овој сегмент од пругата. Дополнително, Македонија преку ИПА фондовите на ЕУ доби и неповратни средства од 60,8 милиони евра за изградба на третата фаза од проектот меѓу Крива Паланка и Деве Баир.

„Мета.мк“ во неколку наврати пишуваше за сериозното доцнење во изведбата на проектот за железничкото поврзување меѓу Македонија и Бугарија. Наместо да биде пуштена во употреба годинава, најновото ветување за пругата Куманово – Бељаковце е дека по неа ќе можат да се движат возови во 2020 година. За втората етапа од проектот досега беа распишани два тендери, а ветувањето на власта е дека нејзината изградба ќе започне догодина.

Пругата кон Бугарија започна да се гради во далечната 1994 година и досега неколку пати беше помпезно најавувана дека ќе биде завршена, но преќутно прекинувана со изведба.

https://meta.mk/bertolini-rizikuvate-da-gi-izgubite-parite-od-eu-za-prugata-kon-bugari%d1%98a/
Back to Top
geny View Drop Down
Senior Member
Senior Member
Avatar

Joined: 16-Mar-2013
Location: Bulgarya
Online Status: Offline
Posts: 306
  Quote geny Quote  Post ReplyReply #924 Posted: 28-Dec-2019 at 18:06
Има ли движение колеги по пругата или всичко е до под крушата!Ohno


Edited by geny - 28-Dec-2019 at 18:07
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15018
  Quote Џоле Quote  Post ReplyReply #925 Posted: 28-Dec-2019 at 18:51
За жал, нема, овој проект се развлече многу.
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #926 Posted: 28-Dec-2019 at 20:11
Изградени 64 отсто од пругата Куманово – Бељаковце до крајот на 2019 година

Се интензивира изведбата на градежните работи на првата фаза од проектот за железничко поврзување меѓу Македонија и Бугарија. До крајот на годинава, изградени се 64 отсто од пругата Куманово – Бељаковце со должина од 30,8 километри, информираат од Министерството за транспорт и врски за „Мета.мк“.

– Интензитетот на изградба се зголеми во втората половина на оваа година и очекуваме до крајот на 2020 година пругата да биде завршена – велат од ова министерство.

Нивните пресметки покажуваат дека до крајот на 2017 година биле завршени само 25 отсто од градежните работи, додека прогресот на реализација на проектот во декември 2018 година изнесувал 36 отсто. Причините за застојот во изградбата на оваа делница, на која требаше да се движат возови уште во 2016 година, се проблеми со експропријацијата на земјиштето и недостатоци во проектната документација.

Од Министерството за транспорт и врски велат дека сите неискористени средства за реализација на првата фаза од проектот за изградба на пругата кон Бугарија се префрлени за користење за во 2020 година.

Паралелно на изведбата на пругата од Куманово – Бељаковце, наредната година треба да се избере градежната компанија што ќе ја гради железничката траса од Бељаковце до Крива Паланка, а до крајот на 2020 година треба да стартуваат и градежните работи.

Изградбата на пругата Куманово – Бељаковце отпочна во март 2014 година, со ветување дека оваа железничка линија ќе биде оспособена за сообраќај во рок од две години. Станува збор за пруга која го заобиколува Куманово, предвидува изградба на нова железничка станица и стојалиште на различни локации во градот, со што би се овозможило посериозен развој на патничкиот железнички сообраќај помеѓу Куманово и Скопје.

https://meta.mk/izgradeni-64-otsto-od-prugata-kumanovo-beљakovcze-do-kraјot-na-2019-godina/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #927 Posted: 17-Feb-2020 at 14:25
Меѓу 8 фирми ќе се бира изведувачот на пругата Бељаковце – Крива Паланка

Од 15 компании што доставиле понуди во претквалификациската фаза, Европската банка за обнова и развој (ЕБОР) избра осум фирми кои влегоа во втората фаза од меѓународниот тендер за избор на изведувач за пругата Бељаковце – Крива Паланка. Од понудите што ќе ги достават овие компании ќе се избере субјектот што треба да ја реализира втората фаза од железничкото поврзување меѓу Македонија и Бугарија, информираат за „Мета.мк“ од Министерството за транспорт и врски.

– Очекуваме до крајот на оваа година да се избере изведувач и да се почне со работа на терен – велат од ова министерство.

Железничката пруга долга 34 километри е со проектирана вредност за изградба во износ од 147 милиони евра. Сепак, конечната цена за изведба на овој проект ќе се знае по изборот на најповолната понуда. Рокот за изградба на пругата е 40 месеци, а актуелниот тендер беше распишан кон средината на 2018 година.

Од Делегацијата на Европската Унија во Скопје уште минатата есен реагираа дека Македонија недоволно ги користи средствата дадени од фондовите на ЕУ за овој проект. Никола Бертолини, како раководител на Секторот за соработка во Делегацијата, јавно предупреди дека земјава ризикува да ги изгуби фондовите од ЕУ за пругата кон Бугарија, бидејќи програмата не напредува како што треба. За пругата Бељаковце – Крива Паланка ни беа дадени околу 70 милиони евра неповратни средства од ЕУ, со што се намали за половина кредитот подигнат од ЕБОР за оваа намена.

Од Министерството за транспорт и врски не сакаат јавно да говорат на ваквите забелешки од Делегацијата на ЕУ, велејќи дека за роковите за искористување на средствата од ИПА програмите надлежни за одговор се од Секретаријатот за Европски Прашања како национален координатор.

Во Бизнис планот за работа на ЈП за железничка инфраструктура Железници на РСМ за годинава стои дека ќе се искористат вкупно 20 милиони евра за изградба на пругата меѓу Бељаковце и Крива Паланка, а средства ќе се издвојат и за експропријација на земјиштето по кое минува трасата.

https://meta.mk/meѓu-8-firmi-ќe-se-bira-izveduvachot-na-prugata-beљakovcze-kriva-palanka/
Back to Top
The Wild Boy View Drop Down
Senior Member
Senior Member
Avatar

Joined: 19-Jan-2020
Online Status: Offline
Posts: 491
  Quote The Wild Boy Quote  Post ReplyReply #928 Posted: 19-Feb-2020 at 10:34
Дали од Куманово до Бељаковце, од Кичево до Албанската граница ќе има пруга со 2 шини, или ќе биде само со 1 шина?
Колку ќе биде максималната проектирана брзина?
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #929 Posted: 19-Feb-2020 at 11:04
Нема ниеден проект за пруга со два колосеци, а ако некогаш се направи тоа ќе е за коридор 10. Максимална проектирана брзина на референтната траса од Куманово - Деве Баир е 100 км/ч. За Кичево - Албанија е слично со тоа што проектот веќе не е валиден со оглед на тоа што УНЕСКО бара нов проект.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #930 Posted: 19-Feb-2020 at 15:09
Originally posted by The Wild Boy

Дали од Куманово до Бељаковце, од Кичево до Албанската граница ќе има пруга со 2 шини, или ќе биде само со 1 шина?
Колку ќе биде максималната проектирана брзина?


ironm беше малку подипломатски настроен, ама да ти разјасниме. Шини се металните пруги на кои „возат“ тркалата на возот, така што ти требаат две за еден колосек. Воз со една шина уште нема (освен monorail). Значи барем две шини за еден коловоз, и некогаш и трета шина за напојување кај некои градски и приградски железници.
Arguing on the internet is like running at the special olympics. Even if you win, you're still retarded.
Back to Top
The Wild Boy View Drop Down
Senior Member
Senior Member
Avatar

Joined: 19-Jan-2020
Online Status: Offline
Posts: 491
  Quote The Wild Boy Quote  Post ReplyReply #931 Posted: 19-Feb-2020 at 19:17
Знам за што мислиш, знам дека шина е за едно а шини за дриго, туку направив грешка во пишувањето. Ама сепак ме свативте.
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #932 Posted: 19-Mar-2020 at 20:23
Се испитува можноста за зголемување на брзината и безбедноста на пругата Скопје – Кичево

Министерството за транспорт и врски со средства од Инвестициската рамка за Западен Балкан (ВБИФ) ја испитува потребата за подобрување на состојбата на железничката инфраструктура на потегот од Скопје до Кичево на паневропскиот Коридор 8. Во моментов се изработува пред-физибилити студија, како прв од документите што ќе следат во функција на зголемување на брзината и подобрување на безбедноста во согласност со стандардите на ЕУ.

Пред-физибилити студијата треба да биде готова во првата половина од 2020 година, по што треба да се пристапи кон изготвување на детална студија за изводливост на проектот со анализа на трошоци и придобивки и кон студија за влијание на проектот врз животната средина. Дополнителни средства ќе бидат потребни за идејниот и основниот проект, врз чија основа би се реализирале инвестициските зафати за реконструкција на пругата Скопје – Кичево.

Железничката делница од Ѓорче Петров до Гостивар за последен пат е реконструирана во периодот 1968 – 1969 година, кога е завршена и изградбата на пругата од Гостивар до Кичево.

– Се работи за едноколосечна пруга, неелектрифицирана и со застарени системи за сигнализација и телекомуникации и со ограничувања во однос на брзината – истакнуваат за „Мета.мк“ од Министерството за транспорт и врски.

Податоците на Јавното претпријатие за железничка инфраструктура Железници на РСМ покажуваат дека пругата Скопје – Кичево се користи многу помалку од нејзиниот максимален капацитет за дневен проток на возови. Меѓу двата града секојдневно сообраќа само по еден патнички воз, додека товарни возови по пругата минуваат уште поретко.

Во четвртиот квартал од 2019 година, пругата Скопје – Кичево учествувала со 7 отсто од вкупниот број на изминати километри на македонските пруги во патничкиот железнички сообраќај, додека кај товарниот превоз само 1 отсто од вкупно изминатите километри на возовите се реализирани на оваа пруга.

Пругата Скопје – Кичево е составен дел на железничкиот Коридор 8. Македонија ја презеде обврската да го изгради поврзувањето со пруга кон Албанија и Бугарија, но ќе мора и да ја рехабилитира постојната железничка инфраструктура од овој коридор во согласност со европските стандарди.

https://meta.mk/se-ispituva-mozhnosta-za-zgolemuva%d1%9ae-na-brzinata-i-bezbednosta-na-prugata-skop%d1%98e-kichevo/

Back to Top
geny View Drop Down
Senior Member
Senior Member
Avatar

Joined: 16-Mar-2013
Location: Bulgarya
Online Status: Offline
Posts: 306
  Quote geny Quote  Post ReplyReply #933 Posted: 24-Mar-2020 at 15:31
Докъде стигнахте со пругата или виросот ви цокна!!!!OhnoOhnoOhnoLOLLOLLOLYesYesYes
Back to Top
geny View Drop Down
Senior Member
Senior Member
Avatar

Joined: 16-Mar-2013
Location: Bulgarya
Online Status: Offline
Posts: 306
  Quote geny Quote  Post ReplyReply #934 Posted: 24-Mar-2020 at 15:32
има ли движение дайте слики ако има!!!!
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #935 Posted: 24-Mar-2020 at 17:40
Originally posted by geny

Докъде стигнахте со пругата или виросот ви цокна!!!!OhnoOhnoOhnoLOLLOLLOLYesYesYes

Ne se sekiraj ke bide za edno 20-30 godini, isto kako i avtopatot...   
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #936 Posted: 19-May-2020 at 19:50
http://www.moepp.gov.mk/wp-content/uploads/2014/10/Studija%20za%20OVZS%20od%20izgradba%20na%20zel.pruga%20Kicevo-Lin.pdf

Materjali za pruga Kicevo_Albanija, ako ne go mrzi nekoj vadi mapi i drugo sho ima interesno
Back to Top
ironm View Drop Down
Senior Member
Senior Member
Avatar

Joined: 07-Jun-2018
Location: Frankfurt
Online Status: Offline
Posts: 886
  Quote ironm Quote  Post ReplyReply #937 Posted: 19-May-2020 at 23:24
Многу стар делува документот (јуни 2010), кон крајот на 2017 се изработи нова документација. Но, прашање е дури и новата документација колку е релевантна во услови кога се препроектираат многу делови од автопатот Кичево - Охрид, а делницата Мешеишта - граница со Албанија е спорна во препораките на УНЕСКО и трасата треба да се поместува.
Back to Top
geny View Drop Down
Senior Member
Senior Member
Avatar

Joined: 16-Mar-2013
Location: Bulgarya
Online Status: Offline
Posts: 306
  Quote geny Quote  Post ReplyReply #938 Posted: 21-May-2020 at 06:53
Колеги докъде стигнах те със първата фаза на линията като проценти дайте некоя снимка да видим напредъка и очаква ли се втора фаза
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #939 Posted: 03-Jun-2020 at 09:36
Со буџетскиот ребаланс не се скратија парите за изградба на пругата кон Бугарија

Со ребалансот на буџетот за 2020 година се скратија средства од над 12 милиони евра што беа предвидени годинава да се инвестираат во железничката инфраструктура во земјава. Пандемијата со корона вирусот и неопходноста за намалување на буџетските расходи како резултат на забавените економски активности придонесоа првично планираните 43 милиони евра да се намалат на 30,6 милиони евра, колку што во 2020 година ќе се потрошат за железничката инфраструктура.

Од Министерството за транспорт и врски за „Мета.мк“ информираат дека средствата за изградбата на железничките делници Куманово-Бељаковце и Бељаковце-Крива Паланка од проектот за изградба на пруга кон Бугарија не се намалени, а идентична е и сумата предвидена за довршување на реконструкцијата на делницата Ногаевци-Неготино од Коридорот 10.

– Тие се оставени во Буџетот во целосен износ, онолку колку што биле побарани од страна на ЈП Железници Инфраструктура – посочуваат од ова министерство.

Кратења на средства кај ставката „инвестиции во железничката инфраструктура“ во државниот буџет има кај субвенциите за претпријатието Железници на РСМ – Транспорт, коишто се исплаќаат за вршење на услугата од јавен интерес за железнички превоз на патници. Исто така, со буџетскиот ребаланс се намалени средствата што се префрлаат на Јавното претпријатие ЖРСМ-Инфраструктура, кои се предвидени за реализација на Годишната програма за железничка инфраструктура.

Македонија годинава треба да го заврши тендерот за избор на изведувач што ќе ја гради пругата од Бељаковце до Крива Паланка долга 34 километри, при што Европската банка за обнова и развој (ЕБОР) во пронаоѓањето најповолен понудувач ќе бира меѓу понудите на осум фирми што влегоа во втората фаза од меѓународниот тендер. По изборот на градежната компанија, до крајот на годинава треба да почне изградбата на втората фаза од железничкото поврзување меѓу Македонија и Бугарија.

Во меѓувреме, на терен продолжува изградбата на првата фаза од проектот за железничката делница Куманово-Бељаковце. До крајот на 2020 година треба да заврши изградбата на оваа пруга со должина од 30,8 километри, која со многу бавна динамика се изведува уште од 2014 година.

https://meta.mk/so-budjetskiot-rebalans-ne-se-skratija-parite-za-izgradba-na-prugata-kon-bugarija/
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #940 Posted: 05-Jun-2020 at 00:10
абе генерации израснаа и тие генерации внуци добија, овие уште за буџетот за коридорот дискутираат
Architects create dreams...politicians create nightmares
Back to Top
 Post Reply Post Reply Page  <1 4546474849 52>

Forum Jump Forum Permissions View Drop Down



This page was generated in 0.268 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.