build.mk Homepage
Forum Home Forum Home > Главни теми > Инфраструктура > Железници
  Active Topics Active Topics
  FAQ FAQ  Forum Search   Register Register  Login Login

Коридор 8

Bookmark and Share
 Post Reply Post Reply Page  <12345 52>
Author
Message
  Topic Search Topic Search  Topic Options Topic Options
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #41 Posted: 20-Dec-2009 at 01:45
...и ако евентуално се расипе некој Шпанец...Ohno
Мама миа, Африка чентралеBig%20smile!
Сега разбирам зошто се расипуваат локомотивите.
Ги исклучувам локомотивите 408 и 410, но се сеќавам дека на форумов се говореше пред некој месец дека 661-146 е реконструирана и е со парен генератор.
Тоа значи дека некои локомотивите, како што се 144, 220, 237 и останати се со расипан парен генератор.

Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #42 Posted: 20-Dec-2009 at 13:50
Originally posted by BOJAN

...и ако евентуално се расипе некој Шпанец...Ohno
...
Новиот „шпанец“ е на пробно тестирање низ пругите на МК
 
И еве го како ми пролета МЖ 712-101/102, без можност да го усликам подобро
 
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #43 Posted: 21-Dec-2009 at 00:09

постар но пообемен текст кој е во ред и тука да се постира http://www.build.com.mk/forum/forum_posts.asp?TID=476&PID=32834#32834

Возот за Бугарија ги чека милијардите

Пропаднатите гигантски бетонски столбови од недоизградените мостови сведочат за неуспехот да се заврши пругата кон источниот сосед иако се потрошени повеќе од сто милиони евра и неповратно се загубени 15 години



Дотраениот мост на реката Пчиња кај кумановското село Клечовце со шини поставени на изгниени дрвени греди е крајната делница од железничката пруга што треба да ја поврзе Македонија со Бугарија. Во продолжение се издадени две метални прачки, по кои се издолжува земјен пат. Оваа пруга и трасираниот пат се дел од Коридорот 8, кој се протега од бугарското пристаниште Бургас преку Скопје до Валона во Албанија. Делот од Коридорот низ земјава, македонските власти повеќе од 15 години не успеваат да го завршат.

Градежните активности на теренот без подетаљно објаснување беа прекинати пред неколку години. По долгогодишно градење и потрошени повеќе од сто милиони евра, државата успеа да направи само десетици гигантски бетонски столбови за предвидените железнички мостови и да трасира земјен пат до пред Крива Паланка. Железничката пруга кон Бугарија стои недовршена, градежната механизација е повлечена, а почнатите објекти на трасата пропаѓаат. Македонија е единствената земја која не го завршила својот дел од работите, со оглед на тоа дека Бугарија одамна е подготвена за железничкото поврзување со нашата земја, а Албанија ја изгради пругата до Поградец.Екипата на „Дневник“ ја следеше трасата на идната железница за да откриеме што се случува со веќе изградените делови. Мештаните од Клечовце се сомневаат дека пругата некогаш ќе биде комплетирана.

- И да ги постават шините над новата траса, пругата што веќе постои не е употреблива. Најголем дел од металните прачки се украдени и продадени како старо железо. А овој мост не може да издржи човек да помине, а не воз - велат селаните што работеа на нивите крај Пчиња. Следејќи ја трасата, се наидува на неколку големи моста за кои се изградени носечките столбови. Некои од нив се целосно покриени, но најголемиот дел не се. Најголем е мостот кај кратовското село Кетеново. Високите бетонски столбови се покриени до половина со големи блокови, додека останатите се донесени до мостот, но се' уште не се поставени. Според бројките на нив се забележува дека на локацијата се донесени во 2003 и 2004 година, од кога не се поместени. Делови од трасата веќе се обраснати со трева и грмушки, поради што е непрепознатлива.

Според процените, неистрасиран останува делот од Крива Паланка до граничниот премин Деве Баир во должина од околу 20 километри.Уште додека траеја градежните активности на теренот, трасата на пругата постојано се менуваше. Мештаните низ чии населени места треба да минува железницата коментираат дека трасата се менувала како што се менувала и власта, при што разни експерти сметале дека решенијата на нивните претходници се лоши. Крива Паланка се' уште има проблеми поради постојано менување на трасата. Цели 15 години Општината не може да донесе детаљни урбанистички планови, кои зависат токму од тоа каде ќе се движи пругата.

- Околу 15 години чекам одобрени за надградба и реконструкција на семејната куќа, но не можам да го добијам. Одговорот со години е ист - поради нерешените прашања со пругата и немање соодветна планска документација не можам да градам. Со години не можам да го решам станбеното прашање на моето семејство. Многу граѓани го имаат истиот проблем, некои ризикуваат и градат на диво зашто повеќе немаат трпение - вели Блаже Николовски од Крива Паланка, кој живее во близина на трасата на новата пруга.Општинските власти од Крива Паланка немоќно креваат раменици, бидејќи за железницата одлучува Владата. Велат дека и тие трпат штета заради урбанистичкиот хаос.

- Општината не може да гради инфраструктура, да планира индустриски зони, локации за мало стопанство. Трпиме огромни загуби во буџетот бидејќи не можеме да собереме пари од комуналните такси, кои се главниот извор на приходи - вели Драги Трајчевски, градоначалникот на Крива Паланка.Пред повеќе години беше донесено решение за таканаречената вистинска траса, врз основа на која беа изработени нови урбанистички планови за градот. Но, во последен момент повторно се смени трасата, а плановите за кои Општината потроши околу 50.000 евра станаа неупотребливи. Лани проектот конечно беше ревидиран, но општинските власти немаат пари за нова урбанистичка документација.

Од Министерството за транспорт и врски не успеавме да добиеме одговор за тоа колку чини изградбата на железницата и кога таа ќе продолжи. Премиерот Никола Груевски и министерот за транспорт и врски Миле Јанакиески пред една година при посетата на Крива Паланка посочија дека за довршување на железничката пругата се потребни околу 400 милиони евра. Во оваа сума влегуваат пругите кон Бугарија и кон Албанија. Според нив, парите ќе треба да се обезбедат од меѓународните финансиски институции, со оглед на тоа дека досега во пругата се вложуваа пари само од државниот буџет.

Довршувањето на големата инвестиција во железницата не е спомнато ниту во политичката програма на владејачката ВМРО-ДПМНЕ која се однесува на периодот од 2008 до 2012 година. Во делот на планираните инвестиции за Коридорот 8 се споменува само изградбата на патишта кои се дел од овој проект. Приоритет е даден на автопатиштата Куманово-Крива Паланка и Кичево-Ќафасан, а железницата никаде не се спомнува. Експропријацијата на имотите низ кои треба да минуваат автопатиштата веќе е во тек, а нивната изградба се очекува да почне во текот на годинава или најдоцна следната година.

Од пругата купил два стана во Скопје 

Дел од граѓаните ќарија од честото менување на трасата за железничката пруга. На еден универзитетски професор државата два пати му експроприрала две ниви во различни села низ кои требало да минува пругата. Уште на самиот почеток од изградбата, државата му платила тогашни 30.000 германски марки за нива во кумановското село Дељадровце. По две години, добил уште 60.000 германски марки за нива во кумановското Клечовце.

- Откако видов дека и по неколку години ништо не се гради на нивите, почнав да ги издавам на луѓе што ги работеа. До денеска нивите стојат така, ништо не се гради таму, а нема ни изгледи дека набрзо ќе почне некаква активност. Со парите што ги заработив од нивите, на двете ќерки им купив по еден стан во Скопје - вели професорот.

Трошоците постојано растат

На почетокот на изградбата на пругата, пред петнаесетина години, тогашниот премиер Бранко Црвенковски најави дека таа ќе биде готова за една година. Оттогаш работите неколкупати беа прекинувани, а трошоците неколкупати се зголемија. Од почетните 120 милиони долари, цената на пругата достигнаа 336 милиони долари. Пред неколку години изградбата целосно беше прекината и одложена на неодредено време, иако дотогаш во железницата беа вложени 125 милиони долари и изградени беа околу 45 отсто од трасата. Градежната фирма „Бетон“ ја тужеше државата и бараше околу 2,4 милиона евра поради разлика во цените и изгубен профит. Раководството на компанијата тогаш предупреди дека запрената изградба ќе биде погубна и оти повеќекратно ќе ја зголеми цената на целиот проект.

http://www.dnevnik.com.mk/default-mk.asp?ItemID=0FC1557308527744BB64FCCB46308773&arc=1

Back to Top
zookisk View Drop Down
Senior Member
Senior Member
Avatar

Joined: 26-Dec-2008
Location: Skopje
Online Status: Offline
Posts: 334
  Quote zookisk Quote  Post ReplyReply #44 Posted: 21-Dec-2009 at 00:20
Originally posted by BOJAN

Ги исклучувам локомотивите 408 и 410, но се сеќавам дека на форумов се говореше пред некој месец дека 661-146 е реконструирана и е со парен генератор.
Тоа значи дека некои локомотивите, како што се 144, 220, 237 и останати се со расипан парен генератор.

МЖ 661-146 е реконструирана пред некој месец и беше со исправен парен генератор но не знам од која причина парниот генератор од оваа локомотива е префрлен на МЖ 661-238...
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #45 Posted: 17-Feb-2010 at 19:23
Еве едно решение за пругата која треба да не поврзе со Албанија. Според мене ова е идеално: Од Сопотница до кичево, од кичево до Дебар па од Дебар во Албанија
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #46 Posted: 17-Feb-2010 at 19:41
Ама дали е погоден теренот особено од албанска страна, па и од Кичево до Дебар? Плус тоа Охрид и Струга би останале и понатаму отсечени, а поготово Охрид мислам може да генерира голем патнички сообраќај.

Добра страна на планов е што би се оформил прстен, но прстенот секако треба да го оформиме без разлика на коридор 8.


Edited by Cloverstack - 17-Feb-2010 at 19:42
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #47 Posted: 17-Feb-2010 at 20:26
Сепак мора двете страни да се согласат за нова траса, иако твојот предлог на тој терен е преамбициозен.

Еве неколку слики од грдата реалност на некој локални правци во Албанија.





А Clov ги даде другите разлози
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
micko_v View Drop Down
Senior Member
Senior Member


Joined: 19-Jun-2009
Location: Firenze, Italia
Online Status: Offline
Posts: 123
  Quote micko_v Quote  Post ReplyReply #48 Posted: 17-Feb-2010 at 21:49
Ау, па ова е за превоз на стока!!
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #49 Posted: 17-Feb-2010 at 22:12
Еве и нешто многу поубаво - Охридско езеро од другата страна

Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #50 Posted: 17-Feb-2010 at 22:34

Првите две слики неможам да ги сфатам, како ѓубре да носат наместо луѓе. А втората слика е ''wow''  вистински пејзаж... (само бункерите малце ја грдат сликата ама ако)

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #51 Posted: 17-Feb-2010 at 22:40
Навистина спектакуларна траса покрај Охридското езеро Thumbs%20Up
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #52 Posted: 17-Feb-2010 at 22:41
Еве и видео на железницата од таа страна на Охрид

Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #53 Posted: 18-Feb-2010 at 00:21

Дали е точно дека до мај-јуни годинава, ќе биде готов планот и испитувањата на теренот, за железницата која треба да се гради кон албанија, и само планот чини 1 000 000 евра  ???



Edited by Danielbtmk - 18-Feb-2010 at 00:31
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #54 Posted: 18-Feb-2010 at 00:50
Ова веќе е трета студија, па ....
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #55 Posted: 18-Feb-2010 at 13:44
Ај можи ќе почнат со градење... ама јас искрено се сомневам :S
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #56 Posted: 11-Mar-2010 at 14:06
Добри вести за генералниот урбанистички план на Крива Паланка, кој директно го тангира коридорот 8:

http://www.build.com.mk/forum/forum_posts.asp?TID=79&PID=60795#60795
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #57 Posted: 06-May-2010 at 14:59
Деновиве заврши рокот од 1 година за студијата за коридорот 8 од страна на бугарската фирма „Евротранс проект“, се надевам дека ќе го презентираат.
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #58 Posted: 22-May-2010 at 03:59

Пругата кон Бугарија чека европски кредити

Изградбата на уште 90 километри од делницата што е
дел од Коридорот 8 тапка в место десетина години

Маја Томиќ

Дали европските банки ЕБОР и ЕИБ наскоро ќе ја спасат нашата катастрофална патна инфраструктура и ќе придонесат земјава, конечно, да добие сообраќаен лик како повеќето земји од соседството? Има ли шанси наскоро од Македонија да се патува со воз за соседна Бугарија, со која земјава никогаш немала железничка врска, ниту, пак автопат, и покрај фактот што Софија е најблиска престолнина на земја-членка на ЕУ и е оддалечена само околу 200 километри. Според последната најава на ЕБОР и на ЕИБ, овие две значајни финансиски институции имаат намера да инвестираат околу половина милијарди евра во повеќе инфраструктурни проекти во земјава наредните неколку години.

Нерешената инфраструктура, секако, имала и има последици врз политичката, туристичката, а посебно врз трговската соработка и релациите меѓу двете земји.

Според некои пресметки, земјите од регионот годишно губат најмалку една милијарда евра поради се' уште неизградената транспортна мрежа од Коридор 8, што треба да ги поврзе Црното и Јадранското Море, а која оди од Бургас, преку Скопје до Валона во Албанија. Приоритет за македонските власти беше и е довршувањето на железничката пруга кон Бугарија, односно изградба на уште 90 километри пруга.

Бугарските, македонските и албанските власти во изминатите десетина години потпишаа повеќе меѓународни договори за изградба на Коридорот 8, најавуваа странска помош од повеќе фондови и институции. Но, како што стојат работите со досегашната динамика, уште неколку години коридорот сигурно нема да биде изграден. Се проценува дека неговото комплетирање ќе чини вкупно 2,7 милијарди евра.

Бугарија во последниве години го интензивираше довршувањето на нејзиниот дел од патната и од железничката мрежа од Коридорот 8, а кај нас работите тапкаат в место. Македонија досега успеа да го истрасира земјениот дел кој стасува пред Крива Паланка, да изгради неколку железнички мостови и да пробие неколку тунели. За довршувањето на железничката пруга треба да се потрошат уште најмалку 150 милиони евра. Од бугарската страна, од Ѓуешево до македонската граница останаа уште 2,5 километри без железничка линија, што не се смета за клучна пречка за реализација на проектот Коридор 8.

Од Министерството за транспорт и врски информираат дека се во тек повеќе активности за подобрување на железничката инфраструктура, пред се', на изградбата на железничкиот дел од Коридорот 8. Се очекува ЕБОР да финансира околу 18 милиони евра и за реконструкција на железничката пруга од Коридорот 10. За таа цел, оваа банка веќе обезбедила средства за изработка на физибилити студија. Според Министерството, во тек е изработка и на идеен проект и студија за изградба на железничка пруга од Кичево до Лин - граница со Албанија.

Покрај тоа, со средства од ЦЕИ е предвидена и изработка на физибилити-студија за делницата Куманово – Деве Баир. Се очекува договорот со избраната консултантска куќа да се склучи во втората половина од 2010 година, а ангажманот ќе биде 8 месеци. Во фаза на изработка е и основен проект за траса на делницата од Крива Паланка до Деве Баир.

ЕБОР досега во Македонија има финансирано повеќе од 510 милиони евра во над 40 проекти од инфраструктурата и корпоративните дејности, како и во финансискиот и енергетскиот сектор.

Во земјава со години нема никакви инвестициски активности и за сообраќајници од повисок ранг, како што се автопатишта, вклучувајќи ги и тука и патните артерии, Коридорите 8 и 10. Се' што се работи во земјава досега се само реконструкции или изградба на регионални патишта. Моментално се работи само на седум километри автопат од Табановце до Куманово.

„За изградба на делницата Демир Капија – Смоквица, во должина од 28 километри, е изработен главниот проект и следува обезбедување на финансиските средства, при што делумно ќе се искористат и средства од ИПА-фондовите“, велат од Министерството за транспорт и врски.

Токму за овој недоизграден дел од Коридорот 10, владина делегација деновиве разговараше со претставниците на ЕИБ. Беше посочено дека се потребни од 200 до 250 милиони евра за довршување на овој проект.

Кога ќе почне да се гради некоја делница и од Коридорот 8 на ниво на автопат, се' уште е непознато, затоа што се' уште се во тек многуте постапки за експропријација на земјиштето по должината на оваа траса.

http://utrinski.com.mk/?ItemID=64DE66A6F14ADC439A43B369BA361C3E
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #59 Posted: 30-Jul-2010 at 17:08

Во 2011. реално може да се обезбедат средства за железничката пруга кон Бугарија

Кон крајот на 2011 и почетокот на 2012 година се  очекува да се обезбедат средства за изградбата на делот од  железничката пруга од Куманово до Бугарија.

- Се надевам дека во 2011 година реално може да ги обезбедиме финансиските  средства и потоа да почнеме со изградбата и реконструкцијата на постоечкиот дел  од железничката мрежа од Коридорот 8, изјави денеска во Софија министерот за  транспорт и врски Миле Јанакиески по средбата со неговиот бугарски колега,  Александар Цветков.

Се очекува кон средината на септември да се изработи физибилити студија и  студија за влијание врз животната средина за што се обезбедени средства во  висина од 500 илјади евра од Европската банка за обнова и развој.

- Тоа е првичен чекор за обезбедување на финансиски средства за да почне  изградбата на Коридорот 8, најпрво кон Бугарија, а потоа и кон Република  Албанија, нагласи министерот Јанакиески.

На средбата со Цветков било разговарано и за либерализацијата на железничкиот  соообраќај во Бугарија каде во моментот оперираат десет компании, како и за  гасификацијата и авиосообраќајот. Министерот Јанакиески го информирал својот  бугарски колега и за прогресот што државата го прави во делот на концесијата на  патиштата каде се очекува кон крајот на август и почетокот на септември да бидат  познати компаниите кои ќе одат во втората фаза. Договорено е да се обноват и  мешовитите работни групи за размена на искуства.

Коридорот 8 е значаен не само за трите балкански држави туку и за европските  земји затоа што е предвидено тој да ги поврзува пристаништата во Бари во Италија  и Бургас и Варна во Бугарија. На македонска страна припагаат 313 километри од  кои постоечки се 154 километри од Кичево до Куманово, додека од бугарска страна  недостигаат околу два и пол километри за поврзување со Македонија.

За комплетирање на железничкиот дел од овој паневропски коридор Македонија,  Бугарија И Албанија имаат потпишано Меморандум за заедничко лобирање пред меѓународните финансиските институции за обезбедување на потребните средства.

http://sitel.com.mk/dnevnik/biznis/vo-2011-realno-moze-da-se-obezbedat-sredstva-za-zeleznichkata-pruga-kon-bugarija
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #60 Posted: 15-Aug-2010 at 17:15

Коридорот 8 на слеп колосек

15.08.2010 16:14
 

 

Огромен број декларации за значењето на коридорот 8 стојат потпишани во функционерските фиоки. Но, на терен само проекти на хартија за железничка траса кон Албанија, кон Бугарија пак недовршени остануваат мостовите и тунелите.

„Треба да се најдат начини тоа да се реализира, посебно да се поврзе бугарија , македонија со албанија“, вели Касам Зендели од северозападната комора на Македонија.

Пругата кон бугарија е предизборен адут на сите политичките партии - инвестицијата за која се потрошени 123 милиони долари пропаѓа.

Неколкуте тунели низ кој возовите треба да стигнат до Бугарија се недовршени, овде изградени се само 100 метри, работите се стопирани пред шест години, а машините и опремата оставени на забот на времето.

Овие луѓе биле главни во надзорот, но сега кога изграденото пропаѓа не сакаат да зборуваат. Се уште стојат и импровизираните населби, каде престојувале работниците, на нив се присетува и оваа жена која секојдневно им готвела.


„Работев шест години од 96 до 2003 година во кујна, добро беше додека имаше финансии се работеше, одеднаш се прекина“, вели Лиле Стојановска.

Локалните жители сега крадат цели арматури од недовршените мостови, што се оставени незаштитени и опасни за детската игра.

Само еден од овие бетонски носачи чини 20 илјади евра, направени се во 2001 година, но наместо да бидат поставени на мостот, тие стојат далеку од него, оставени надвор, некои дури и паднати и прашање е дали воопшто може да се употребуваат.

На Македонската страна недовршени се 23 километри, а на Бугарска два километри. Недостигаат неколку стотици милиони долари.

„Подобрување на инфраструктурата било да е патна било да е железничка инфраструктура ќе биде еден позитивен сигнал за внатрешните и за надворешните инвеститори, освен економската и политичката клима во земјава“, рече Касам Зендели.

Коридорот 8 обединува неколку земји,од Италија, преку Албанија и Македонија до Бугарија и претставува една од најсилните транспортни врски, но Македонија е заробена во својата финансиска немоќ да ги доизгради.


http://www.a1.com.mk/vesti/default.aspx?VestID=126393



Edited by La Linea - 15-Aug-2010 at 19:19
Back to Top
 Post Reply Post Reply Page  <12345 52>

Forum Jump Forum Permissions View Drop Down



This page was generated in 0.205 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.