Ќе се разгледува повторно пругата кон Бугарија Иако со години се најавува, па дури делумно почна и да се гради, за железничката пруга кон Бугарија дури сега ќе се прави студија за да се утврди дали ќе има финансиски ќар и дали воопшто е изведлива. Студијата ќе треба да покаже и во каква состојба се неколкуте железнички мостови кои беа изградени пред десетина години и потоа заборавени од властите. Ќе се утврди и крајната сума за овие 89 километри пруга. Како што денеска беше договорено меѓу претставниците на Европската инвестициска банка и министерот за финансии Зоран Ставревски, половина од парите за изградбата ќе ги даде банката. „ Околу Кордорот 8 што се однесува до железницата ние сме задоволни од напредокот што се постигнува во овој проект и секако финансиските средства за него ќе бидат брзо реализирани. Околу енергетиката ние сме навистина заинтересирани да го поддржиме искористувањето на хидропотенцијалот на вашата земја“Дарио Сканапиеко, Европска инвестициска банка Проценките направени во текот на изминатите години се дека железницата кон Бугарија ќе чини околу 150 милиони евра. Инаку од ЕИБ велат дека ќе го кофинансираат и довршувањето на автопатот на Коридорот 10 од Демир Капија до Смоквица, гасификацијата, браната и системот за наводнување во проектот Злетовица... Од банката најавија и дека ќе го продолжат кредитот за малите и средните фирми кој беше потпишан минатата година во износ од 100 милиони евра од кои пак досега бизнисмените искористиле околу 54 проценти.     „Уште еднаш ги охрабруваме малите и средните претпријатија да ја искористат кредитната линија која им стои на располагање со субвенционирана камата и во тој контекст ветуваме дека врз база на она што го слушнав денеска од потпретседателот на ЕИБ дека ќе има и нови средства над тие 100 милиони евра за македонските претпријатија“Зоран Ставревски, министер за финансии Ставревски инаку вчера се врати од годишните средби на Меѓународниот монетарен фонд и Светската банка во Вашингтон со отворена понуда земјава да земе кредит во износ од вкупно 600 милиони долари со ниска камата. Тој најави дека за понудата прво ќе треба да се изјасни стручната јавност, стопанството и владата по што евентуално ќе се определи и во што ќе се инвестираат. http://alsat.mk/ekonomija/1408887.html

Направиле некоја забуна со трасава. Сливово, Издеглавје и Мешеишта се дел од трасата на коридорот 8. Но Брежани не е дел од трасата на коридорот, туку е дел од онаа траса што треба да се затвори прстенот Кичево-Битола односно од страна на Прилеп пруга има до Сопотница. Од Сопотница треба да се пробие до Брежани како потежок терен и после тоа некаде помеѓу Издеглавје и Ботун треба да се спои со Коридор 8 со што ќе се затвори западниот прстен. Веројатно Издеглавје ќе биде разводната станица. Е сега всушност ќе има алтернативна траса на Коридорот 8, односно ќе има две можни патеки од Скопје до Издеглавје. Наместо преку Тетово, Гостивар, и Кичево, ќе може да се оди и преку Велес, Прилеп и Демир Хисар. Ако има некој информација со должината на пругите па да каже колку е таа разлика меѓу двете можни патеки од Скопје до Издеглавје.

Edited by lslcrew - 21-Oct-2010 at 10:29

Да, дефинитивно е Брждани, еве еден корисен документ на кој наидов:
http://www.build.mk/docs/users/cloverstack/zeleznica/_k8/pismo za namera kicevo-al.pdf

Еве мапа, значи за делницата 1 е избрана варијантата 2




Реално колкаво ограничување претставува големиот број на кривини со радиус од 500m?

- Делница 1 Варијанта 2 При повлекувањето на траста на оваа варијанта проектантот водел сметка за новопредвиднета брана Подвис и проектниот услов зададен од браната да котата на нивелетата во пределот на браната биде на кота 780. Од станица Кичево проектантот ја води трасат по долината на Бржданска река во правец на југ до селото Брждани каде со подолг базен тунел трасата се насочува на запад и кон трасата на првата варијанта. Во с. Брждани предвидена е првата вкрсница после станица Кичево. Вкупна должина на првото меѓустанично растојание е 10,2 km на кое има 13 хоризонтални кривини од кои 7 се со радиус од 500m. Второто меѓустанично растојание е помеѓу вкрсница Брждани и вкрсница Пресека кое е со вкупна должина од 9,2 km. На оваа делница проектиран е базен тунел со должина од 5625 m во правец, а последните 300 m на излезниот портал се проектирани во кривина со радиус од 500 m. Вкрсницата Пресека е службено место каде се спојуваат варијантите на првата и втората варијанта. Од вкрсницата Пресека до крајот на оваа втора варијанта од Делница 1, трасата се поклопува со трасата на првата варијанта и нејзината вкупна должина од вкрсницата Пресека до станица Струга е 50,76 km што дава пократка траса за 2880 m од онаа во првата варијанта. Максималниот наклон на нивелетата е 22,76‰ на делница пред влез во базниот тунел Бигла во кој се врши ублажување на нивелетата заради тунелски отпори и во тунелот истата е сведена на 14,00‰. Бидејќи е предложен попречен пресек на тунел поголем од 50m2, согласно швајцарските стандарди може да се смета дека не се јавуваат 7 тунелски отпори за ваков светол отвор на тунелите. Проектантот во идејните проекти може да направи оптимизација на трасата со занемарување на отприте од тунели за попречен пресек на тунел над 50m2 и водење на трасата со наклон на нивелетата кој би бил поголем од проектираниот. Разликата во ископаниот и насипаниот материјал за оваа варијанта е околу 1,4 мил. m3 што значи дека треба да се предвидат соодветни места за депонии на ископаниот вишок на земјан материјал. Вкупната должина на тунели 13 тунели за оваа варијанта е 9000 m, односно 17,73% од вкупната должина на трасата. Вкупната должина на мостови е 2,94 km (5,79% од должината на трасата).

Edited by Cloverstack - 21-Oct-2010 at 14:05

Незнам таа акумулација каде точно треба да биде и колкава треба да биде но трасава не ми изгледа најповолна. Не се сомневам дека не се истражило и ставило на маса секоја можна опција, сепак не ми е јасно зашто неможе да иде покрај идното езеро. 5км тунел и не е ниту мала, ниту ефтина работа во ситуација кога има можна траса што немора да иде со тунел.


Edited by lslcrew - 21-Oct-2010 at 18:50

Еве мапа каде е таа акумулација. Не се гледа многу убаво од мапата, браната треба да е тука (41°28'53.77"N 20°53'41.30"E).

Интересно. 

Во кој случај и да е, ако се обезбеди брзина од 100км на час (солидно) и сигурен транспорт ќе биде од одличен бенефит за цела држава...

Сум го гледал тој терен од ГЗ, навистина е зафркнат, и сум правел свои варијанти, но како што гледам овде е доста размозгано....

И ми е мило што барем има некој концепт, студија.... еден чекор напред...

Ако се обезбеди и собраќај на патнички возови, ќе биде одлично..... ~170-180 км за ~2 часа и најмногу 30 минути со се застанување....

Ако се обезбеди ова време.... мислам дека оваа линија ќе биде доста искористена и профитабилна.... многу луѓе поготово летно време би користеле воз до Охрид, за повратна, па и ~600 денари да е.... а и поатрактивно, поинтересно е со воз..... поготово младите кои би оделе.....

Е сега неколку прашања....

1. Кривина со радиус 500м? Нормално е тоа, во дозволеното и дали е пригодно за самите возови? На кратко, колку изнесува, некоја претстава ако може....

2. Кои локомотиви би влечеле.... Најверојатно и тие сега што се за Кичево, ако во меѓувреме не се подновиме со нешто ново, или пак ако се електрифицира трасата.... ?

3. ова не е прашање.... мислам дека најдобро од Струга до Ќафасан да се оди по варијанта 1, пошироко е, а и полесен терен е..... поефтино сигурно....

Edited by FoSsiL - 21-Oct-2010 at 21:28

Долго сме дискутирале за оваа работа, имам замерка и за трасата и за проектираната брзина. Во 2010 година да се проектира максимална брзина од 100 километри на час за да се гради во наредните 10-тина години истата пруга е катастрофално.

Во развојните европски и светски фондови нема да не разберат сериозно, бидејќи сите пруги што денес се проектираат имаат минимална брзина од 160 километри на час, а да не говориме тоа што се работи за паневропски коридор.

Ова е како да правите автопат со коцки или макадам или да направите автопат и да ја ограничите брзината на 60 или 70 километри на час.

Втората моја аматерска замерка е тоа што се потрудиле трасата да мине што е можно подалеку од Охрид!

Знам дека покрај сегашниот магистрален пат, треба да се гради и нов автопат во иднина има и аеродром а конфигурацијата на теренот е лоша, но барем да се потрудиле да направат и план за евентуално поврзување на Струга-Охрид со пруга која би минувала покрај езерото, барем да има план за пруга која нема да биде магистрална.

Охрид е туристички центар во пошироки рамки и тие десетина километри пруга до Охрид неколкукратно ќе се повратат од домашниот и меѓународниот патнички сообраќај барем на дестинациите од Софија, Белград и Тирана.
 

Originally posted by Cloverstack Се слагам 100%, мада дури и со 100km/h ќе има огромен ефект и бенефит од пругава.

Секогаш товарниот сообраќај носел пари, а за него брзината е ограничена на максимум 100 км/ч.
А за патнички за толку мала земја разликата би била максимум 30-тина минути.
Да се подигне на високи брзини прв услов помеѓу другите е да има правец, што во овој планински предел би коштало премногу.

Originally posted by Cloverstack Апсолутно Охрид треба да се поврзе, без трунка дилема. И мене ме зачуди што не фигурира во планов, ама ваљда таа врска не спаѓа формално во Коридорот 8. Ваљда се планира посебно, а и реално доколку се пробие онаа тешка траса низ планините, поврзување на Охрид (без разлика дали со Струга или со Мешеишта) би било многу полесна работа.

Тој крак е нормално дека ќе се врзе, точно не е коридор 8.

Originally posted by Cloverstack Сигурно имале некаква математика кога ја граделе пругата во 50-тите години на минатиот век. Прво што ми паѓа на памет е Југохром (сега Силмак)... нормално е железничката мрежа во голема мерка да се планира за тешката индустрија. Плус тоа, од око тешко се проценува дали теренот покрај автопатот е баш толку поволен. Патишта многу полесно се провлекуваат отколку пруги (пругите се лимитирани со потреба за далеку помали нагиби) А дека сега кога веќе има сосем добра пруга низ Дервенската клисура, ќе размислуваат за изградба на нова покрај автопатот, тоа нема шанси. Барем да ја планираа новата пруга после Кичево за поголеми брзини, па да останеше некој простор за размислување што помеѓу Скопје и Тетово. Вака нема ни шанси ни било каква реална потреба.

Веќе е речено се со одговорот на Clov. Плус замисли пруга на тој веќе „урбан“ дел на правецот Тетово - Гостивар.

Originally posted by zookisk Владимир,максималната брзина за движење на товарните возови според возен ред е ограничена на максимум 80 km/h а не 100 km/h...

Зоки, лоше се изразив празни можат и до 100, но смислата ми беше колку на таја должина ќе се заштеди за разлика од 20 км/ч.

Ма нека се направи и нека трча бруто извоз и со 60 би бил пресреќен.

Ние дискутираме за 20 км/ч повеќе или помалку, а денешната вест вели дека возовите ќе стојат 5 дена на железничката станица Гевгелија неможејќи понатаму.

Дефинитиво ни треба алтернатива кон друго пристаниште кое е посигурно и поефтино.
Неминовност и приоритет ни е изградба кон Албанија па макар тие се движеле и со 40-50 км/ч.