Коридор 8

ФИРМИТЕ ЈА ПОВЛЕКОА МЕХАНИЗАЦИЈАТА ЗА ИЗГРАДБА НА ПРУГАТА КУМАНОВО-БЕЉАКОВЦЕ, РАБОТНИЦИТЕ ДВА МЕСЕЦА БЕЗ ПЛАТА

Запрена е изградбата на железничката пругата Куманово – Бељаковце, дел од Коридорот 8 кон Бугарија, откако фирмите ја повлекле механизацијата и си го собрале материјалот од градилиштата во близина на Куманово и Шупли Камен. Работници тврдат дека веќе една недела ништо не се работи на терен, а тие и не знаат што да прават, бидејќи никој не ги информирал дали да доаѓаат на работа или не. Притоа, кажуваат дека немаат земено плата два месеци, а останале и без здравствено осигурување. Изведувач на градежните работи на реконструкција и рехабилитација на железничката пруга Куманово – Бељаковце е германската фирма „Вибе“, за која работат седумдесетина работници.

„Не знаме што да правиме, сите се повлекоа само ние останавме. Од минатата недела ништо не се работи. Нам ни истекува договорот на 31 август и мора по закон да доаѓаме на работа, иако не сме земале плата два месеца, имаме 300-400 саати прекувремена работа, не сме искористиле одмор, останавме и без здравствено осигурување. Немаме кого да прашаме што да правиме, ако планираат да не отпуштат нека ни кажат да бараме друго решение, да одиме под биро за да го оствариме правото за лечење“, рече денеска работник Зоран Крстевски.

Работниците кажуваат дека веќе три години се ангажирани на проектот за изградба на пругата, а проблемите настанале на средината на минатиот месец, кога плата за април добиле само вработените во „Вибе“, но не и оние што се ангажирани преку приватна агенција за вработување за потребите на изведувачот. Тогаш добивале ветувања дека работата ќе се среди, но таа се усложнила откако без плата за овој месец останале сите вработени, а подизведувачите почнале да си ги повлекуваат машините и си го собрале материјалот од терен. Тие додаваат дека се зборувало оти Македонски железници го раскинала договорот со „Вибе“, но не ги знаат причините.

Од Фирмата „Вибе“ не сакаа да коментираат ниту дадат изјава зошто е прекината изградбата на пругата и работниците останале без плата, додека директорот на Македонски железници – Инфраструктура не се јавуваше на мобилниот телефон.

Надлежните од Министереството за транспорт и врски и Македонски железници во изминатите две години во неколку наврати ги посетуваа градилиштата на пругата и тврдеа дека се оди со предвидената динамика и без никакви проблеми. Прво најавуваа дека пругата ќе биде готова до крајот на 2019, а откако тоа не се случи ветуваа дека тоа ќе биде до крајот на оваа година.

Првата делница Куманово – Бељаковце е во должина од 30 километри и чини околу 40 милиони евра, втората траса Бељаковце- Крива Паланка 140 милиони евра, од кои 68 милиони евра се грант, третата делница Крива Паланка – граничен премин Бугарија е најскапа бидејќи поминува низ планини и изнесува 405 милиони евра, од кои 60,8 милиони евра се грант од ИПА. Целата делница од Куманово до Бугарија ќе чини над 580 милиони евра, кажаа надлежните при една од посетите на изградбата.

https://sdk.mk/index.php/dopisna-mrezha/firmite-ja-povlekoa-mehanizatsijata-za-izgradba-na-prugata-kumanovo-belakovtse-rabotnitsite-dva-mesetsa-bez-plata/

Прекин на градежните работи на пругата кон Бугарија



Стопирани градежните работи на железничката пруга Куманово-Бељаковце. Работниците велат дека од петокот единствени активности на терен се собирање на механизацијата и правење попис од страна на изведувачот, германската компанија Вибе. Вработените велат дека не зеле плата за април и мај, а поради доцнењето сега веќе немаат ниту здравствено осигурување.

“Последните недела дена не работиме, си ги собраа сите машини. Од 15-ти е прекинат договорот меѓу Вибе и Македонски Железници. Машините, еве гледате и сами, останаа само на Вибе, а подизведувачите сите си заминаа. А, ние работниците, мора да доаѓаме уште на работа, договорот ни важи. Не сме зеле еве два и пол месеци плати, имаме одмор, имаме меѓу 300 и 400 прекувремени работни саати. И тоа не ни е платено. Се работеше по 10 саати и сабота и недела. Нема никој сега од Германците и кој да нè исплати? Не знам што ќе биде. Оставени сме на цедило, никој ништо не ни кажува”, вели работникот Зоран Крстевски.

“Машините се стопирани, подизведувачите се тргнати. Нема никој ништо, само така доаѓаме секој ден, си седиме и ќе дојде времето ќе си одиме и толку”, вели работникот Бобан Величковски.

Сите обиди да стапиме во контакт со менаџментот на компанијата беа неуспешни. Единствениот одговор што успеавме да го добиеме од дел од раководството е дека немаат коментар.

До овој момент од Македонски Железници Инфраструктура не добивме одговор дали е точно дека е раскинат договорот со изведувачот.

Надлежните очекуваат пругата до Бељаковце, делница долга 31 километар, да биде завршена најдоцна до почетокот од идната година, а целосно железничко повезување со Бугарија би се реализирало за најмалку 4 години.

https://sitel.com.mk/prekin-na-gradezhnite-raboti-na-prugata-kon-bugarija

Неам думи !

Originally posted by ehrlich Шпанската теленовела наречена „Пруга кон Бугарија“ продолжува

Дури има потенцијал да ја надмине и Коронациската Улица во времетраење.

Ovaa pruga nema da bide izgradena vo narednite 10 godini !!!

Originally posted by Denko Originally posted by WolfLeader Ovaa pruga nema da bide izgradena vo narednite 10 godini !!! Ja otkri Amerika Jas so godini zboram deka nema nisto od taa pruga dodeka nema politicka volja od dvete strani.

Ne deka ne mi bese jasno , ama aj si vikam moze ke se iznenadime pa da ne zboruvame na prazno ,da bidime optimisti de , ama usvari ne sme pogresile , ke bese svetsko cudo da prugata se gradese bez problem .....

ВЛАДАТА ЌЕ ЈА ТУЖИ ГЕРМАНСКАТА ФИРМА ШТО ЈА ПРЕКИНА ИЗГРАДБАТА НА ПРУГАТА КУМАНОВО-БЕЉАКОВЦЕ

Владата ќе ја тужи германската фирма „Вибе“, затоа што еднострано ја прекинала соработката со ЈП „Македонски железници-инфраструктура“ и се повлекла од изградбата на железничката пруга Куманoво-Бељаковце, дел од Коридорот 8 кон Бугарија. Министерот за транспорт и врски Горан Сугарески, вели дека од причини познати само на изведувачот, тој се повлекол од градилиштето.

„Причините коишто се наведуваат за нас се крајно неприфатливи и затоа на вчерашната седница на Влада зазедовме став да ги преземеме сите мерки во делот на ангажирање на адвокати, меѓутоа и сите други потреби околу банкарски гаранции. Сите аргументи се на наша страна. Со меморандумот којшто е потпишан во април месец, требаше тие да ја завршат пругата на крајот на февруари, така да нашите очекувања спорот ние како држава да го добиеме“ изјави денеска Сугарески, кој заедно со премиерот Оливер Спасовски беа на увид на рехабилитација на магистралниот пат Куманово- Страцин.

Министерот додаде дека се преземени сите мерки да продолжи динамиката на изградба на преостанатите 55 проценти со цел пругата што побрзо да биде завршена, бидејќи во моментот се евалуираат понудите и за втората делница, од Бељаковце до Крива Паланка.

Изградбата на железничката пругата Куманово – Бељаковце,запре минатата недела откако фирмата ја повлече механизацијата и си го собра материјалот од градилиштата во близина на Куманово и Шупли Камен.

Работниците тогаш изјавија дека од почетокот на месецот ништо не се работи на терен, а тие попусто доаѓаат на работа. Притоа, кажаа дека немаат земено плата два ипол месеци, а останале и без здравствено осигурување.

Изградбата на пругата започна во 2014 година. Првата делница Куманово – Бељаковце е во должина од 30 километри и чини околу 40 милиони евра. Втората траса Бељаковце- Крива Паланка 140 милиони евра, од кои 68 милиони евра се грант, третата делница Крива Паланка – граничен премин Бугарија изнесува 405 милиони евра, од кои 60,8 милиони евра се грант од ИПА. Целата делница од Куманово до Бугарија ќе чини над 580 милиони евра.

С.НИКОЛИЌ

https://sdk.mk/index.php/dopisna-mrezha/vladata-ke-ja-tuzhi-germanskata-firma-shto-ja-prekina-izgradbata-na-prugata-kumanovo-belakovtse/

Причините не може да бидат ем непознати, ем наведени во раскинот на договорот. Ваа невласт е безобразна и манипулативна. Според мене, раскинот е поради неплаќање на изведеното во договорениот рок. Затоа и не ги објавуваат причините.

си помислив да не имаат како компанија финансиски проблеми, но не најдов каде котираат на гемански берзи та да се сконта некако од таму ова, сепак кога ќе се спореди гореизнесениот процент на изграденост од 50% со претпоставувам вкупниот исплатен дел од кредитот наведен во пост #954, излегува дека поетнтата на Amynta пост погоре овој си е на место, иако може да е збор за новинарски лапсус та да не е прецизно наведено колку вкупно до сега им е исплатено на Wiebe од 40-те милиони може консултантов од линков да пушти срце и да обелодени кој е проблемот, но дефакто уште одма кога се завлечкале германците требало да се реагира, наместо сега по судови да се влечка државата, но изгледа ко фирма се завлечкани и со реконструкцијата на K10 ~ 2012 [1] ~ 2019 [2] та не е за чудење кај и како заглаиле на К8 иако првава етапа од трасата не треба да е тешка за изведба!? има ли некој Чоек што бил на терен да сподели абер од прва рака каде штекала и заштекала работа? ех излегвит најубо со Кинези да си бркаме дилои, прашање е само квалитетот каков би бил, но се покажа пр. кај скопската обиколница дека не квалитет ами проект промашуваат европеите!

И по седум години изградба, не се знае кога ќе помине првиот воз по пругата Куманово-Бељаковце (мултимедија)



Со многу помпезност и пред бројни телевизиски камери, на 2 март 2014 година беше поставен камен-темелник за реконструкција на пругата Куманово-Бељаковце како прва фаза од проектот за изградба на пругата кон Бугарија. Почетокот на оспособувањето на пругата долга 30,8 километри го означи тогашниот премиер Никола Груевски, кој не пропушти да спомене многу амбициозни планови за развојот на железничката инфраструктура во земјава.

– Ако се земат предвид и другите проекти кои ги реализиравме, кои се во фаза на реализација или кои ќе се работат во следните неколку години, сумата за инвестиции во железничката инфраструктура се приближува кон 1,5 милијарда евра – ќе рече Никола Груевски на 2 март 2014 година.

Од тогаш до денеска, се сменија владите на Никола Груевски и техничката на Емил Димитриев, по што дојде првата влада на Зоран Заев, техничката на Оливер Спасовски и сегашната, втора по ред влада на Заев, но пругата Куманово-Бељаковце не се изгради. Инвестициите од 1,5 милијарда евра во железничката инфраструктура од денешна перспектива изгледаат само како невкусен виц.

До каде е изградбата на првата фаза на пругата кон Бугарија?
Досегашниот изведувач на пругата Куманово-Бељаковце ја започнал изведбата на сите работи кои биле предвидени со овој проект, но од сите тие работи може да се констатира дека ништо не е целосно комплетирано. Поголемиот дел од земјаните работи, цевастите и плочестите пропусти како на главната траса на идната пруга, така и на многуте пристапни локални патишта се завршени. Сепак, треба да се довршат и заштитите на косините како и голем дел од каналите за одводнување. Горниот строј на пругата (застор, прагови и шини) е поставен на околу 6 километри од главната траса, информираат за „Мета.мк“ од „ЕПТИСА Македонија“. Тие се задолжени за надзорот над градежните работи на пругата и се дел од мултинационалната шпанска компанија „ЕПТИСА“, која е специјализирана во работењето на вакви проекти.

Објектите од долниот строј (темели и столбови) се изведени на поголемиот дел од надвозниците, подвозниците и мостовите. Изработени се, но не се монтирани носачите за сите надвозници, а останува да се изведат носачите за подвозниците и за мостот на реката Пчиња, како и комплетно да се заврши горниот строј на поголем дел од објектите. Единствениот тунел кој беше дел од овој проект е завршен. Објектите од високоградба, станични згради, магацин, простории за сигнализација и телекомуникација се завршени до фаза на затворена карабина.

– Согласно извештаите за напредок коишто се доставуваат до нас како работодавач од страна на надзорниот инженер, реализирани се 55 отсто од физичките работи на терен. Изведувачот има започнато со сите градежни работи предвидени со проектот, меѓутоа тие не се целосно комплетирани – информираат за „Мета.мк“ од инвеститорот Јавното претпријатие Железници на РСМ-Инфраструктура за моменталната фаза на изградба во која се наоѓа пругата Куманово-Бељаковце.

Германската компанија „Вибе“ како досегашен изведувач на пругата на 29 мај 2020 година достави известување до инвеститорот за раскинување на договорот, со што изведбата на овој инфраструктурен проект запре, а механизацијата и материјалот од градилиштата е повлечен. По ваквиот расплет на работите, надзорот над градежните работи во моментов го изработува пресекот на завршените работи, по што ќе следи изработка на нова тендерска документација и распишување на тендер за избор на нов изведувач што ќе ја доврши изградбата на пругата.

– Во овој критичен период за целиот проект сите напори на Надзорот се насочени кон завршување на активностите и исполнување на обврските кои следат во ситуација на прекинување на договорот за градежни работи – велат од „ЕПТИСА Македонија“.

Од компанијата која го врши надзорот над изградбата на пругата Куманово-Бељаковце појаснуваат дека договорениот рок за реализација на овој проект е пробиен во два наврати. Првиот рок за изградба на пругата бил 15 септември 2017 година, кога изведувачот (германската компанија „Вибе“) поднел барање за продолжување на рокот за изградба до 20 февруари 2020 година и побарување на надомест на штета, врз основа на одредени причини кои довеле до доцнење на градежните работи.

– Главниот проблем настана кога поради непредвидени (дополнителни) работи, беше потребна дополнителна експропријација, за што беше потребно и дополнително време. Ова беше една од причините поради кои рокот за изградба беше продолжен до 20.02.2020 – објаснуваат од „ЕПТИСА Македонија“.

Надзорот вели дека договорните страни летото 2018 година влегле во преговори за продолжување на рокот за градба.

– Надзорот ја направи својата проценка, заснована врз принципите дискутирани и преговарани од договорните страни со цел изнаоѓање компромисно и заемно прифатливо решение и поставување на нова договорна основа за успешно завршување на Проектот преку потпишување на анекс на договорот за градежни работи со нов рок 20 февруари 2020 и надомест на штета (33,93 проценти од износот кој бил побаран од изведувачот) – појаснуваат тие.

Од „ЕПТИСА Македонија“ информираат дека пред истекот на вториот рок, изведувачот на пругата на 20.12.2019 година доставил ново побарување за продолжување на рокот за завршување на градежните работи до 06.04.2021 и ново побарување за надомeст на штета. Надзорот го анализирал новото побарување на страна на изведувачот, и утврдил дека изведувачот не успеал да демонстрира и докаже дека има право на продолжување на времето за завршување на градежните работи до 06 април 2021 година и право на обесштетување, со што побарувањето било одбиено како неосновано согласно договорот.

– При изградба на пругата се јави потреба да се изведат непредвидени и дополнителни работи во функција на завршување на истата, со што се зголеми и обемот на работа. Од друга страна, изведувачот не беше во можност, поради недостаток на ресурси (механизација и персонал), да ги изведе работите во разумен реално можен рок – објаснуваат од надзорот.

Од Јавното претпријатие за железничка инфраструктура ги потврдуваат ваквите информации, дополнувајќи дека најважен момент што влијаел на успешната и навремена имплементација на договорот за градежни работи бил слабиот технички и човечки капацитет на изведувачот и неговата недоволна ангажираност во реализацијата на градежните активности на терен согласно предвидената динамика.

– Потребата да се изведат непредвидени и дополнителни работи кои се наметнуваат во текот на градбата при досегашната изградба на оваа железничка траса се однесуваа генерално на грешки во техничката документација што беа успешно коригирани и решени со анекс кон договорот за градежни работи, заштитни и безбедносни мерки за населението што живее во близина на градилиштето, дополнителни заштитни мерки на археолошките наоѓалишта итн. – велат за „Мета.мк“ од Јавното претпријатие за железничка инфраструктура.

Мета.мк“ го побара и официјалниот став од спротивната страна, од компанијата „Вибе“, до чие седиште во Германија во четири наврати испративме прашања преку електронска пошта за да добиеме одговор за нивните причини за раскинување на договорот и повлекување од изградбата на проектот. Првиот мејл го испративме на 19 јуни, а последниот на 23 јули, но на ниту еден од нив не добивме одговори на поставените прашања.

Од Министерството за транспорт и врски за „Мета.мк“ потенцираат дека Владата на РСМ и нивното министерство очекуваат од Јавното претпријатие за железничка инфраструктура во најкраток можен рок да ги подготви сите документи потребни за објавување на нова постапка за избор на изведувач и надзор на пругата Куманово-Бељаковце.

Од јавното претпријатие како инвеститор во проектот велат дека изградбата на првата фаза од проектот за железничко поврзување со Бугарија ќе продолжи догодина.

– Имајќи ги предвид процедурите и вообичаените временски рамки поврзани со меѓународните повици за избор на изведувач, продолжувањето на изградбата на пругата Куманово-Бељаковце се очекува да започне во текот на 2021 година – информираат од ЈП Железници на РСМ-Инфраструктура.

Нема проблеми во втората и третата фаза од пругата кон Бугарија
И додека работите запнаа околу завршувањето на првичната фаза од капиталниот проект за пругата кон Бугарија, во моментов течат роковите за избор на изведувач што ќе ја гради делницата од Бељаковце до Крива Паланка во должина од 33,9 километри. Во втората фаза од меѓународниот тендер, Европската банка за обнова и развој избра осум компании, кои влегоа во трката за избор на изведувач на пругата до Крива Паланка. Доколку постапката за избор на изведувач се заврши без проблеми, изградбата на пругата Бељаковце-Крива Паланка би започнала кон крајот на оваа или на почетокот на 2021 година.

Прекинот на градежните работи на првата фаза делница Куманово-Бељаковце сè до избор на нов изведувач нема да влијае на започнувањето на работите на втората фаза делница Бељаковце-Крива Паланка. Работите може да се одвиваат паралелно на двете железнички делници со првичен фокус на изградба на структури на втората фаза – објаснуваат од Јавното претпријатие за железничка инфраструктура.

Во однос на изградбата на третата и најкомплексна делница од 23,4 километри од пругата кон Бугарија, во моментов таа се наоѓа во фаза на изработка на тендерска документација за избор на изведувач и надзор. Пругата од Крива Паланка до граничниот премин Деве Баир ќе чини над 350 милиони евра, а досега се обезбедени 60 милиони евра неповратни средства од Европската унија. Завршена е и изработката на проектната документација за изградба на третата фаза.

Економскиот раст страда од ненавремена изградба на капиталните проекти
Наспроти убеденоста на државните власти дека проектот за изградба на пругата кон Бугарија непречено се реализира и е во привремен застој единствено првата фаза, експертите се залагаат за оценка на ефективноста на позајмените средства за овој зафат.

– Самото позајмување не е проблем, меѓутоа средствата треба да се користат рационално и продуктивно, создавајќи претпоставки дека поради тие инвестиции економијата во иднина ќе расте побрзо и ќе создава предуслови за полесна отплата на долговите. Оттука, оценките дека некои средства сме ги позајмиле ефтино не држат вода, ако тие средства останале „заглавени“ како во случајот со пругата кон Бугарија – објаснуваат за „Мета.мк“ од „Фајнанс тинк“.

Пресметките на „Фајнанс тинк“ укажуваат дека инвестиции во тврдата инфраструктура – пред сè патната и железничката – во обем од околу 5 отсто од БДП, имаат потенцијал да ја зголемат стапката на раст на економијата до 1 процентен поен, при што ако се зголеми и ефикасноста на извршувањето на инвестициите (побрзо се надминуваат тесните грла, се прави подобра приоритизација итн.), тогаш овој ефект може и да се зголеми.

– Конкретно пругата кон Бугарија е значаен сегмент од Коридорот 8, кој го поврзува Јадранското со Црното море. Неговата економска значајност е голема, не само за поврзувањето на земјите низ кои тој поминува, туку и за полесна трговска конекција на овие земји со остатокот од светот. Во таа смисла, инвестицијата во железничкото поврзување како дел од Коридорот 8 веројатно има и поголем мултипликативен ефект за Македонија споредено со останатите патни и железнички инвестиции – велат од „Фајнанс тинк“.

Но, не само за целиот Коридор 8 или за пругата кон Бугарија, дури и завршувањето единствено на пругата Куманово-Бељаковце би можело да придонесе за развој на железничкиот превоз во кумановскиот регион. Општина Куманово е најголема локална самоуправа во земјава со над 100.000 жители, која е оддалечена околу 40 километри од главниот град. Во оваа општина се спојуваат Коридорите 8 и 10 и со ваквата лоцираност, доградбата на Коридор 8 може да донесе брз економски развој на Куманово и подобар живот за неговите жители.

Наспроти ова, актуелните податоци покажуваат минорно искористување на железничкиот транспорт во кумановскиот регион. Пругата Куманово-Бељаковце била функционална до почетокот на 90-тите години на минатиот век. Во моментов, патничкиот железнички сообраќај во Куманово го користат само околу 3.000 патници годишно, иако според сите европски стандарди, овој град би можел да биде поврзан со Скопје со градско-приградска железница. Податоците на Државниот завод за статистика покажуваат дека во 2018 година биле превезени само 48.971 тони стока со воз од кумановската железничка станица.

Главната причина за исклучително ниската искористеност на железницата е фактот што постојната железничка станица во Куманово се наоѓа на 4 километри надвор од градот, во Черкеско село. Кога би се завршила изградбата на делницата Куманово-Бељаковце, пругата би минувала на помалку од еден километар од центарот на Куманово. Со завршена прва фаза од проектот за пругата кон Бугарија, Куманово би добил дополнителна, втора железничка станица во градот (Куманово-ново), како и две нови стојалишта кај селото Лопате и во населбата Перо Чичо.

Новата пруга која го заобиколува градот од северната страна би можела да обезбеди многу повеќе патници со воз во меѓуградскиот сообраќај меѓу Скопје и Куманово, како и развој на индустриска зона во Куманово. И покрај овие реални бенефиции што би ги добил градот, засега нема конкретен рок кога би можело да се очекува да помине првиот воз по пругата Куманово-Бељаковце, а уште помалку се знае која година истиот би можел да стигне до македонско-бугарската граница.

https://meta.mk/i-po-sedum-godini-izgradba-ne-se-znae-koga-kje-pomine-prviot-voz-po-prugata-kumanovo-beljakovcze-multimedija/