Коридор 8

Абе КиселаВода градска населба е, па попладневниот и викенд возниот ред на ЈСП е на 40мин, ти сакаш меѓуградски.

Порталб: Изградбата на пругата кон Албанија се одолговлекува со години

Од 2017 година постои проект за изградба на железничката линија од Кичево до граничниот премин со Албанија, Ќафасан, но изградбата на оваа пруга останува неостварено ветување. Железничкото поврзување ќе овозможи економски придобивки за двете земји, бидејќи Албанија добива можност да се поврзе со железничка линија со Бугарија, додека Северна Македонија ќе има можност да се поврзе со пристаништето Драч, што ќе го олесни транспортот на стоки, пишува Порталб.мк.

Изградбата на железничката пруга што ќе ја поврзе Северна Македонија со Албанија се одолговлекува со години. Проектот за изградба на ова пруга беше финализиран во ноември 2017 година, а освен изјавите на официјалните лица дека изградбата на оваа пруга ќе биде нивен приоритет, на теренот пак, нема конкретни работи.

Со цел да се зголеми економската и инфраструктурната соработка, железничката делница Северна Македонија – Албанија се смета за стратешка инвестиција со регионално влијание. Европската унија со сума од 7,7 милиони евра го финансираше составувањето на проектот кој предвидува изградба на железничка инфраструктура во должина од 63 километри.

Железничката делница што треба да се гради од Кичево преку Струга до граничниот премин со Албанија, Ќафасан, предвидено е да чини над 500 милиони евра. Во делот од Кичево до Струга, покрај пругата, треба да се изградат 49 мостови и 13 тунели. По должината на делницата треба да има две главни и две помали станици.

Случувања од 2017 година
09 февруари 2018 година – На состанокот одржан во Скопје, директорите на двете железнички претпријатија Ирфан Асани и Ани Дурмиши изјавија дека изградбата на Коридорот 8 по железничката линија Кичево-Лин е приоритет на Владата на Албанија и на Македонија. На оваа средба беше заклучено дека до 2023 година ќе биде ставена во функција железничката линија Македонија-Албанија.

22 ноември 2018 година – За време на официјалната посета во Скопје, претседателот на Албанија Илир Мета се сретна со премиерот на Македонија, Зоран Заев. Претседателот Мета и премиерот Заев ги споделија истите ставови во однос на потребата и важноста од зголемување на економската и инфраструктурната соработка со конкретни проекти како што е оној на „Коридорот 8“. Тие ја оценија изградбата на железничката делница меѓу двете земји како стратешки важна инвестиција за целиот регион.

16 октомври 2020 година – На средбата меѓу заменик министерот за инфраструктура и енергетика, Артан Шкрели и неговиот колега во Северна Македонија, Беким Реџепи, беше потенцирана големата потреба за изградба на оваа пруга и нејзината стратешка важност. Истиот став го изразија и директорите на двете железнички претпријатија Фестим Халили и Ани Дурмиши.

„За нас изградбата на железничката делница во правец на Албанија е приоритет, затоа верувам дека сега е вистинското време да имаме заеднички договор бидејќи од нас бараат и финансиските институции кои ја финансираат изградбата на преостанатиот дел од коридорот“ изјави Фестим Халили, поранешен директор на ЈП за железничка инфраструктура Железници на РСМ.

Што ја спречи изградбата на оваа пруга?
Пред извесно време, во изјава за телевизија Алсат, сега веќе поранешниот директор на железничката компанија Фестим Халили, објави дека изградбата на пругата меѓу Северна Македонија и Албанија три години е заложник на споровите во рамките на владината коалиција СДСМ и ДУИ.

Друга причина зошто железничката делница РСМ-Албанија остана во ќорсокак е погрешниот избор на рутата каде треба да помине трасата на оваа пруга.

Проектот од 2017 година предвидуваше дел од пругата да поминува покрај Охридското Езеро, на што остро се спротивстави УНЕСКО. УНЕСКО предупреди дека Охридското езеро може да се најде на списокот на загрозено светско природно наследства доколку на неговиот брег се гради железничка инфраструктура. УНЕСКО, со цел да се избегне оштетувањето на Охридското езеро од железничката инфраструктура, предложи железничката рута да помине низ алтернативен тунел од Струга до албанскиот град Прењас, под планината Јабланица.

Кога се очекува да започне изградбата на пругата?
Владата на Северна Македонија минатата есен одлучи да даде зелено светло на овој проект и го обврза Министерството за финансии да достави барање до меѓународните финансиски институции и до билатералните кредитори да ги обезбеди потребните средства за финансирање на изградбата на оваа пруга.

Нашата редакција се обрати до Министерството за финансии со прашањето: Дали ова Министерство започна да работи на обезбедувањето на потребните средства за изградба на оваа железничка линија и колку може да трае обезбедувањето на сумата од 500 милиони евра?

По електронски пат испративме прашање до Канцеларијата за односи со јавност на ова министерство, но не добивме никаква потврда или каков било одговор на нашето прашање. По неколку телефонски повици до канцеларијата за ПР, ни беше кажано дека одговорот го подготвуваат релевантните сектори, но досега немаме никаква информација. (Нашата редакција ќе ги ажурира податоците ако имаме одговор од оваа институција).

Од Кичево до граничниот премин Ќафасан, изградбата на пругата треба да започне од нула. Во моментов во овој регион се работи само на изградба на автопатот Кичево-Охрид. Властите проценуваат дека ќе бидат потребни најмалку четири години за да се изгради ваков инфраструктурен проект.

Кое е економското значење на овој проект?
Институтот „Фајнанс тинк“ проценува дека јавните инвестиции во транспортната инфраструктура од 2 до 3 отсто од БДП (бруто домашен производ) годишно, придонесуваат за поголема стапка на раст на БДП од 0,5 процентни поени годишно. Значи, се зема предвид ефектот врз економијата од изградбата на тие патишта, железници и друга транспортна инфраструктура, а потоа и ефектите што ги има добрата инфраструктура врз поврзаноста на деловниот сектор, што значи зголемување на продуктивниот и конкурентскиот капацитет на економијата.

„Конкретната важност на Коридорот 8 е во регионалното поврзување исток-запад, особено патното и железничкото поврзување со Албанија, кое е недоволно развиено од двете страни на границата. Инвестирањето во железничкиот коридор ќе обезбеди побрзо и поефикасно користење на придобивките од заедничката економска зона на Западен Балкан, без оглед на обликот на тоа подрачје. Дури и ако не одиме понатаму, членството во ЦЕФТА на обете земји може да се искористи и подобри само со подобра инфраструктура за поврзување, а во таа смисла придобивките за двете економии несомнено ќе бидат значителни за стапките на раст на БДП и подобрување на конкурентноста на бизнисот”, изјавуваат од „Фајнанс тинк“.

Што претставува Коридорот 8?
Пан-европскиот Коридор 8 е еден од 10-те паневропски транспортни коридори, којшто го поврзува Јадранското со Црното море. Овој коридор поминува низ Албанија, РСМ и Бугарија. Коридорот 8 има должина од 1.220 до 1.350 километри. Овој коридор има големо економско значење за сите земји каде поминува бидејќи овозможува лесен транспорт на стока.

Инаку, кога станува збор за овој проект, во најновиот извештај, УНЕСКО бара државните претпријатија да се координираат меѓусебно за важните инфраструктурни проекти што минуваат низ заштитеното подрачје во регионот на Охрид-Струга и да бараат опција преку една рута да поминат железницата, автопатот, гасоводот и електричната линија во правец на Албанија. Извештајот се однесува на тоа дали се исполнети условите Охрид и Охридското езеро да бидат вклучени во списокот на загрозено светско природно и културно наследство.

УНЕСКО оди понатаму со барањата во врска со пругата кон Албанија, чија рута е планирано да биде од Кичево преку Струга до Лин. УНЕСКО бара да им се достави сеопфатна компаративна студија со алтернативна траса за железничката пруга на Коридорот 8, вклучително и оние што не поминуваат долж Охридското езеро и особено не ја вклучуваат трасата избрана преку Радожда до Лин. Во исто време, УНЕСКО бара да им се достави ажурираната документација за железничкиот проект, како и детална мапа што ќе ги вклучува линиите по кои ќе поминува пругата, како и сите можни патишта во струшкиот регион.

https://meta.mk/portalb-izgradbata-na-prugata-kon-albanija-se-odolgovlekuva-so-godini

На тендерот за изградба на пругата Куманово-Крива Паланка се пријавиле 20 конзорциуми

На претквалификационата фаза од тендерот за изградба на пругата Куманово-Крива Паланка биле доставени 20 апликации од меѓународни конзорциуми, изјави за МИА директорот на ЈП за железничка инфраструктура Железници на РСМ, Хари Локвенец. Осум од доставените апликации биле за изведба на делницата Куманово-Бељаковце, додека 12 за изградба на пругата од Бељаковце до Крива Паланка. Крајниот рок за доставување на апликациите од заинтересираните компании и конзорциуми беше 15 февруари.

Во втората фаза од тендерот објавен од Европската банка за обнова и развој, следува квалификационата фаза во која компаниите ќе ги достават тендерските понуди за изведба на пругата долга 64,8 километри. Најпрво, до крајот на месецов ќе треба да се комплетира листата на конзорциуми кои ги исполнуваат условите пропишани во тендерот, по што истите ќе бидат поканети да ги достават понудите за тоа колку ќе чини изградбата на двете железнички делници.

Локвенец во изјавата за МИА информира дека периодот на доставување на финалните понуди ќе трае три месеци, по што ќе следува изборот на најповолен понудувач и почетокот на градежните работи. Од Министерството за транспорт и врски за „Мета.мк“ веќе информираа дека целокупната постапка за избор на изведувач на работите би требало да трае до 9 месеци, односно најдоцна наесен.

Според објавениот тендер на ЕБОР, целокупната вредност на проектот за изведба на оваа пруга на Коридорот 8 и консултантските услуги ќе чини 151.670.000 евра. Рокот за изведба на пругата Куманово-Крива Паланка е 36 месеци, односно пругата треба да биде завршена најдоцна до есента 2024 година.

Распишувањето на новиот тендер за избор на изведувач на пругата Бељаковце-Крива Паланка следи откако минатата година германската компанија „Вибе“ еднострано го раскина договорот за изведба на првата фаза на пругата Куманово-Бељаковце, по што Владата се одлучи да го поништи огласот и за пронаоѓање на изведувач за втората фаза Бељаковце-Крива Паланка.

За да се забрза имплементацијата на проектот за железничко поврзување меѓу Македонија и Бугарија, владата во октомври 2020 се одлучи двете дотогашни фази да ги спои во еден тендер.

https://meta.mk/na-tenderot-za-izgradba-na-prugata-kumanovo-kriva-palanka-se-prijavile-20-konzorcziumi/

До јули е планирано да се избере изведувач за довршување на пругата Куманово-Крива Паланка

Јавното претпријатие за железничка инфраструктура Железници на РСМ го очекува од Европската банка за обнова и развој евалуацискиот извештај, по што од следната недела се очекува отпочне втората фаза од меѓународниот тендер за довршување на пругата Куманово-Крива Паланка, во која селектираните компании ќе ги достават тендерските понуди за изведба на пругата долга 64,8 километри. На крајот од јуни или почетокот на јули годинава, планирано е да се избере најповолната понуда за изградба на двете фази од проектот за железничко поврзување со Бугарија, по што би се склучил договорот и во август би можеле да започнат градежните работи.

За ова денеска информираше директорот на ЈП за железничка инфраструктура, Хари Локвенец, кој посочи дека на целокупната траса од Куманово до Деве Баир треба да се изведат 100 мостови и 40 тунели. Притоа, третата фаза од Крива Паланка до Деве Баир е најтешка за изведба и ќе чини најмногу – вкупно 405 милиони евра.

Сепак, директорот Локвенец посочи дека, земјава покрај подигнатите кредити за завршување на железничкото поврзување со Бугарија, во изминативе години има добиено и неповратни грантови од 68 милиони евра за втората фаза од пругата меѓу Бељаковце и Крива Паланка, како и 60 милиони евра за изведба на третата етапа од Крива Паланка до Деве Баир.

Хари Локвенец денеска информираше дека на 26 февруари годинава успешно е аплицирано до Инвестициската рамка за Западен балкан (ВБИФ) на ЕУ, од каде се очекуваат рекордни 182 милиони евра неповратни средства за заокружување на финансиската конструкција за третата делница од Крива Паланка до Деве Баир. Тој се надева дека земјава ќе добие позитивен одговор од ВБИФ за овие средства, а донесувањето на одлуката се очекува за јуни годинава.

Инаку, новиот тендер за изведба на двете првични фази (Куманово-Бељаковце и Бељаковце-Крива Паланка) од изградбата на пругата кон Бугарија беше објавен на почетокот на јануари годинава. На претквалификационата фаза од тендерот беа доставени вкупно 20 апликации од меѓународни конзорциуми.

https://meta.mk/do-juli-e-planirano-da-se-izbere-izveduvach-za-dovrshuvane-na-prugata-kumanovo-kriva-palanka/

Originally posted by The Wild Boy Дали некој има мапи од планираната пруга Кичево - Струга? Како што слушам во план им било да пуштат крак и до Охрид.Низ која траса одела таа стара пруга кон Охрид, и зошто ја имаат отстрането?Од каде би можело да поминува пруга Кичево - Охрид - Струга па граница со Албанија?Зошто UNESCO сега сакаат еден голем тунел да се направи???

http://web.uni-plovdiv.bg/vedrin/details/large/K-34-090-4.jpg

http://www.pollitecon.com/html/reprints/assets/Detailed_Topographical_Map_of_Macedonia_And_Surrounds_Elbasan Region.jpg

Edited by phenomenon - 18-Apr-2021 at 14:41

Za izgradnju moderne željeznice s obje strane granice potrebna je cijela decenija i milijardu i po evra.

https://balkans.aljazeera.net/videos/2021/6/28/s-makedonija-gradi-novi-put-ka-bugarskoj

Локвенец: Создадени предуслови во 2026 година да се заврши проектот за пругата кон Бугарија

Хари Локвенец, директор на Јавното претпријатие за железничка инфраструктура, вели дека се создадени сите предуслови 2026 година да биде конечна рамка за завршување на проектот за изградба на пругата кон Бугарија

Ги имаме, како што рече во гостување на ТВ Сител, сите предуслови, тргнувајќи од документацијата, обезбедувањето на средствата и последно, но според него најважно, и волјата и поддршката од сите страни што се вклучени во овој процес.

-Влезени сме во втората фаза на тендерската постапка за првите две фази од Куманово до Бељаковце и Бељаковце до Крива Паланка, финансирани од страна на WBIF и на ЕБОР.. Од друга страна третата делница е најкратка всушност со должина од 24 километри, но во истовреме е најскапа заради теренот и заради потребата на тие 24 километри да има 24 тунели и 50 моста. Во фаза сме на подготовка на тендерската документација за да почне таа процедура. Очекуваме дека во рамки на предвидувањата и најавите од страна на мојот бугарски колега Папукчиски каде бугарската страна би ја завршила својата делница од Софија до македонската граница до крајот на 2027, мислам дека ние со нашите планови за завршување на целата работа до крајот на 2026 година ќе ги исполниме сите предуслови и успешно ќе го завршиме не сакам да речам конечно, меѓутоа дефинитивно овој важен инфраструктурен проект, рече Локвенец.

https://nezavisen.mk/lokvenec-sozdadeni-preduslovi-vo-2026-godina-da-se-zavrshi-proektot-za-prugata-kon-bugarija/

Во ноември ќе се потпише договорот со компанијата што ќе ја гради пругата Куманово-Крива Паланка

Постапката за избор на градежна фирма што ќе ја гради пругата Куманово-Крива Паланка на железничкиот Коридор 8 треба да се заврши до ноември годинава. Претквалификациската фаза заврши изминатава пролет, а во наредниот период тендерската документација ќе им биде доставена на претселектираните фирми, информираат за „Мета.мк“ од Министерството за транспорт и врски. Компаниите ќе имаат рок од 90 дена за да ги подготват техничките и финансиските понуди.

„Се очекува до ноември 2021 година, постапката за избор на изведувач да биде завршена и склучен договор со избраниот изведувач. Градежните работи се очекува да започнат во почетокот на 2022 година“, велат од Министерството за транспорт и врски.

Доградбата на пругата долга 64,8 километри меѓу Куманово и Крива Паланка ќе трае 24 месеци.

Воедно, за третата фаза од проектот за изградба на пругата кон Бугарија, за железничката траса од Крива Паланка до Деве Баир, се очекува најдоцна до декември годинава да се добие одговор од Управниот одбор на Инвестициската рамка на Западен Балкан (ВБИФ) во однос на веќе испратената апликација од нашата страна за добивање на неповратни средства од 150 милиони евра.

Доколку одговорот од ВБИФ биде позитивен, со грантот ќе бидеме на чекор до заокружување на финансиската конструкција за изградба на пругата од Крива Паланка до граничниот премин Деве Баир, за која земјава веќе има обезбедено средства од 60 милиони евра. Третата фаза од пругата кон Бугарија ќе чини 330 милиони евра, додека проектираните 24 километри е предвидено да се изградат во временски период од 36 месеци.

Тендерот за избор на изведувач за првите две фази од пругата меѓу Куманово и Крива Паланка беше распишан кон средината на јануари годинава. Тендерот за избор на изведувач на пругата Бељаковце-Крива Паланка следи откако минатата година германската компанија „Вибе“ еднострано го раскина договорот за изведба на првата фаза на пругата Куманово-Бељаковце, по што Владата се одлучи да го поништи огласот и за пронаоѓање на изведувач за втората фаза Бељаковце-Крива Паланка.

https://meta.mk/vo-noemvri-ke-se-potpishe-dogovorot-so-kompanijata-shto-ke-ja-gradi-prugata-kumanovo-kriva-palanka/

https://www.kumanovonews.mk/podoprenglas/izigrani-od-kompanijata-ne-dobile-pomos-od-instituciite

30 години се потпишуваат договори, се земаат кредити, се фрлаат лопати за овој коридор 8.
Just saying....