Битолски сообраќај (општо) |
Post Reply | Page <1 1415161718> |
Author | |
stef4o
Moderator Group Joined: 20-Oct-2015 Location: Skopje Online Status: Offline Posts: 19660 |
Quote Reply #301 Posted: 09-Apr-2018 at 11:19 |
Превземено од фб
|
|
JOE
Senior Member Joined: 03-Feb-2010 Location: Bitola Online Status: Offline Posts: 207 |
Quote Reply #302 Posted: 21-Aug-2018 at 13:32 |
Во поранешната касарна интензивно се работи на пет улици (фото)
|
|
hcitrS
Senior Member Joined: 27-Nov-2015 Online Status: Offline Posts: 874 |
Quote Reply #303 Posted: 21-Aug-2018 at 17:24 |
Се работи - да, ама дека интензивно малку потешко. Требаше пред 4 или повеќе години инфраструктурата за новата населба во касарната да е готова, а тие се на некои 50-60%. Доста луѓе се излажаа дека општината навреме ќе си го заврши своето па изградија куќи а ни канализација ни струја немаат. Плус, проектираат од нула нова населба во 21ви век и нема ниту сантиметар велосипедска патека нити пак рампа на некој од тротоарите за да се слези со количка или точак. Град на конзулите никогаш не бил, ама град на колите е веќе солидно време.
Гледам градоначалничката е на сликиве, па се надевам дека тоа значи дека ќе мрднат работите малку. Edited by hcitrS - 21-Aug-2018 at 17:25 |
|
ironm
Senior Member Joined: 07-Jun-2018 Location: Frankfurt Online Status: Offline Posts: 886 |
Quote Reply #304 Posted: 21-Aug-2018 at 17:47 |
Во нормални држави инфраструктурата се гради пред да се изградат куќи и згради.
|
|
гитардемон
Senior Member Joined: 19-Feb-2008 Online Status: Offline Posts: 5422 |
Quote Reply #305 Posted: 05-Sep-2018 at 22:12 |
|
|
Arguing on the internet is like running at the special olympics. Even if you win, you're still retarded.
|
|
hcitrS
Senior Member Joined: 27-Nov-2015 Online Status: Offline Posts: 874 |
Quote Reply #306 Posted: 06-Sep-2018 at 01:45 |
Започна комплетната реконструкција на улицата “Климент Охридски“
... Се наоѓаме на улицата Климент Охридски, каде што започнуваме со инфраструктурни зафати од делот кај семафорите пред музејот, до семафорите кај улицата Солунска. Она што ќе биде опфатено при инфраструктурното уредување на овој дел од улицата, ќе биде водовод, канализација и коловоз, во висина од 10 000 000 денари. Останатиот дел, кој се однесува на оваа улица, нема да го третираме во овој период, затоа што имаме следен период, во кој што ќе следува пречистителната станица и бидејќи во тој, погорниот дел имаме преклопување, затоа тој дел ќе го оставиме за наредниот период. Но овој потег, ќе биде среден оваа есен, изјави градоначалничката на Општина Битола izvor |
|
Џоле
Moderator Group Joined: 23-Apr-2013 Location: Скопје Online Status: Offline Posts: 15037 |
Quote Reply #307 Posted: 08-Feb-2020 at 09:27 |
Избрано најдоброто решение за кружниот тек во Битола
По објавениот јавен повик со наслов „Круг на јарболите“, објавен од Општина Битола за решение на кружниот тек на влезот во градот од страната на Прилеп, денес пред јавноста беа претставени притигнатите идејни решенија и победничкиот проект. Градоначалничката на општина Битола, Наташа Петровска, истакна дека ова е можност да им се даде шанса на младите за да ги реализираат своите идеи, токму во местото каде што живеат. „На повикот добивме пет апликанти и можам да кажам дека сите пет решенија се навистина креативни, инвентивни и убави на свој начин. Но, квалитетот и вредноста во овој повик, од една страна, е што им овозможувате на граѓаните да се вложат и да се внесат во тоа како треба да изглеад нивниот град, а од друга, сите идеи и креативност што ја имаат младите да им дадете можност да биде материјализирана. Ова е прв повик од ваков карактер, но тука нема да застанеме. Идејата, која е првонаградена, ќе ја реализираме во кружниот тек, а некои од другите идеи ќе биде настојувано да бидат реализирани во другите делови од градот во зависност од понудените карактеристики“, рече Петровска. Победници на конкурсот се младите архитекти Мила Рориќ и Дејан Томски, кои го образложија своето идејно решение, преку кое ќе бидат претставени сите почесни конзулати во градот, со свои поставени знамиња. „Појдовната идеја на нашето решение беше ‘Кругот на јарболите’ да претставува еден пријателстки поздрав за секој посетител на градот, но и за жителите, исто како што градот Битола како град на конзулите претставува симбол на соработката на пријателството и народите. Ние секако се надевавме на победа во овој конкурс“, истакнаа победничките автори на проектот. Победничкиот проект од страна на Општина Битола е награден со 1.000 евра, а другите пријавени дела со по 100 евра. makfax.com.mk https://tv21.tv/mk/prezentirano-konkursno-reshenie-za-kruzhen-tek-vo-bitola-od-avtorite-tomski-i-rorik/ |
|
За сè има вторпат
|
|
ehrlich
Senior Member Joined: 31-May-2012 Location: Скопје Online Status: Offline Posts: 1365 |
Quote Reply #308 Posted: 08-Feb-2020 at 21:46 |
Страшен е наградниов фонд, а сигурно проектов нема ни да се реализира. Битола ја има најочајната локална власт од сите во државава, а реално е тешко да се дојде до тоа признание, бидејќи сите се катастрофа.
|
|
гитардемон
Senior Member Joined: 19-Feb-2008 Online Status: Offline Posts: 5422 |
Quote Reply #309 Posted: 09-Feb-2020 at 08:45 |
Некоја идеја каков е тој столб со 150х100х4mm димензии?
|
|
Arguing on the internet is like running at the special olympics. Even if you win, you're still retarded.
|
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #310 Posted: 09-Feb-2020 at 11:04 |
И јас се чудев за димензиите на столбот
И букви од пластифициран лим...зошто не алкобонд Интересно изгледа, ми се допаѓа космополитската идеја! |
|
Јас Скопје никогаш не сум го замислувал вака.
|
|
MKDSTRUGA
Senior Member Joined: 20-Jun-2018 Online Status: Offline Posts: 456 |
Quote Reply #311 Posted: 09-Feb-2020 at 15:44 |
Незнам што е космополитско во трошење на грдни пари за уредување на постоечки и функционален кружен ток кога пола од главните улици во Битола се катастрофа. Една не преасфалтирана од поголемите, на пример Партизанска со убав слој квалитетен асвалт да ја направат, како во Скопје што се стави на истоимениот булевар и слично. Искрено Двојќе испадна многу повеќе наприа од црвенокосава космополитка. За жал оваа испадна уште по лоша. Многу ми е криво за Битола, можеше да биде втор најголем и најразвиен град, но од вакви елити не е ни во топ 5 по мене. Одамна заостана зад Куманово и Тетово, а како тргнало и Струмица ќе биде подобра и поголема.
|
|
skopskodete
Senior Member Joined: 17-Feb-2017 Online Status: Offline Posts: 926 |
Quote Reply #312 Posted: 09-Feb-2020 at 16:15 |
Да, вакви тешки глупости и јас не знам зошто се прават. Додека има еден куп други примарни работи што треба да се средат се оди на варијантата да се досредуваат работи кои веќе се направени и функционални. Дали имаат ниска интелигенција или во прашање е друга работа, не знам...
|
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #313 Posted: 10-Feb-2020 at 08:32 |
Не сум од Битола. Не одам на викенди во Битола. Не ме интересираат нивните пари и проблеми. Коментирам исклучиво за идејата. Во време на глумење патриотирзам ова е контра. И ми се допаѓа!
|
|
Јас Скопје никогаш не сум го замислувал вака.
|
|
David
Senior Member Joined: 05-Feb-2020 Online Status: Offline Posts: 211 |
Quote Reply #314 Posted: 10-Feb-2020 at 08:40 |
Никаква идеја,никаков патриотизам не е во прашање,туку чисто предизборно полнење џепчиња. "Идејава" никогаш нема ни да се реализира,а при толку проблеми кои треба да имаат приоритет во Битолскиот сообраќај ова делува како подигрување,да не употребам некој друг збор.
|
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #315 Posted: 10-Feb-2020 at 15:22 |
Не се разбираме. Ај да упростам.
Во кружниот можеше да има и статуа од непознат херотј. Или познат. Ова е многу подобро! *Зборам за КРУЖНИОТ ТЕК, не ме интересира ни градот, ни партијата, ни проблемите со сообраќај во тој град ни за финансиите. Само за идејата на кружниот. |
|
Јас Скопје никогаш не сум го замислувал вака.
|
|
Théoden
Senior Member Joined: 31-May-2018 Location: Р. Македонија Online Status: Offline Posts: 533 |
Quote Reply #316 Posted: 10-Feb-2020 at 18:07 |
Што стана со пробивањето на улицата зад стадионот под Тумбе Кафе?
|
|
гитардемон
Senior Member Joined: 19-Feb-2008 Online Status: Offline Posts: 5422 |
Quote Reply #317 Posted: 11-Feb-2020 at 15:03 |
Готова е до стадионот. Потаму, здравје. |
|
Arguing on the internet is like running at the special olympics. Even if you win, you're still retarded.
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 19660 |
Quote Reply #318 Posted: 23-Jun-2020 at 11:07 |
Милиони евра за реконструкција на сообраќајници
Битола Во моментот кога поради пандемијата на коронавирусот буквално замре животот во Битола, во градот под Пелистер оживеа градежната оператива, која во последно време по „принудниот одмор“ мошне интензивно работи на реконструкција и асфалтирање на неколку главни сообраќајници во градот. Битолчани одамна не паметат таква интензивна градежна офанзива за изградба и реконструкција на улиците во градот. Додека многумина сметаат дека ваквата градежна офанзива е пред сѐ резултат на претстојните предвремени парламентарни избори, од локалната самоуправа во Битола уверуваат дека реконструкцијата, која моментално забрзано се изведува на неколку главни сообраќајници во градот, е реализација на програмата што е усвоена од Советот на Општината и за неа се обезбедени буџетски пари. Според некои пресметки, за реконструкција на улиците во Битола, на кои моментално се работи, локалната самоуправа на градот под Пелистер и Министерството за транспорт и врски ќе издвојат околу три милиони евра. Меѓу многубројните инфраструктурни зафати, кои Општина Битола ги прави во последно време, деновиве почнаа градежните работи за целосна реконструкција на улицата Партизанска. Станува збор за улица во должина од 730 метри, која од кај кружниот тек, кај супермаркетот „Веро“ ќе се поврзе со крстосницата на улицата Методија Андонов-Ченто, кај Нова Битола. Вкупната инвестиција за реконструкција на Партизанска изнесува 581.000 евра, средства што се обезбедени од Министерството за транспорт и врски. Покрај овие пари, Општина Битола за оваа реконструкција издвои и сопствени во износ од 350.000 евра, кои ќе бидат искористени за изградба на канализациската и водоводна мрежа. Паралелно со реконструкцијата на Партизанска интензивно се работи и на комплетна реконструкција на улицата Илинденска. Вкупната инвестиција на реконструкцијата на Илинденска изнесува околу еден милион евра, од кои 530.000 евра се општински средства. Илинденска, која претставува една од сообраќајните крвотоци во градот, комплетно се реновира со средства и од централната и од локалната власт. Оваа сообраќајница, која се протега од Црн мост па до излезот на Битола, кај Еврејските гробишта, е во должина од 2.131 метар. На оваа улица со мошне големи зафати се ангажирани двете битолски комунални претпријатија, ЈКП „Водовод“, кое ги изведува водоводните приклучоци во висина од 3,6 милиони денари и КЈП „Нискоградба“, кое е ангажирано на целосна реконструкција на канализациската мрежа и поставување нови приклучоци. За тој зафат ќе бидат потрошени 6,9 милиони денари. Преостанатите средства од 22 милиони денари ќе бидат наменети за асфалтирање на коловозот. Деновиве во Битола интензивно се работи и на реконструкција на улицата Бранко Радичевиќ. Реконструкцијата на оваа улица опфаќа поставување нова мешана канализациска мрежа, а екипите на ЈКП „Водовод“ ја менуваат главната водоводна цевка и поставуваат соодветни приклучоци. Последната фаза од комплетната реконструкција на улицата Бранко Радичевиќ опфаќа асфалтирање и партерно уредување на улицата. Вкупната сума, која Општина Битола ја издвои за комплетната реконструкција на улицата Бранко Радичевиќ, изнесува над 4.600.000 денари или околу 75 илјади евра. Паралелно со реконстрyкцијата и асфалтирањето на улиците во Битола мошне интензивно се работи и на приградските улици. Така, градежната оператива деновиве интензивно работи на изградба на две улици (9-та и 17-та) во Долно Оризари, во должина од 335 метра. По многу години очекување овие две улици конечно ќе добијат асфалт. Во Долно Оризари, Општина Битола инвестира околу 6,5 милиони денари во изградба и асфалтирање на улиците, и по многу години конечно го реши проблемот жителите од ова битолско село да не газат повеќе по кал. Тоа што особено ги радува битолчани е што со тие зафати се менуваат и азбестните водоводни цевки, кои се штетни по здравјето на граѓаните. Според процената на стручните служби на ЈКП „Водовод“, во Битола имаше околу 25 километри азбестна водоводна мрежа. Сега таа, според нивните сознанија, изнесува околу 11 километри, и се менува по секоја интервенција на водоводната мрежа. Од „Водовод“ нагласуваат дека со реконструкцијата на улиците, а особено по интервенцијата на улицата Стив Наумов, ќе се сменат дури неколку километри азбестни цевки. https://www.novamakedonija.com.mk/makedonija/republika/милиони-евра-за-реконструкција-на-соо/ |
|
stef4o
Moderator Group Joined: 20-Oct-2015 Location: Skopje Online Status: Offline Posts: 19660 |
Quote Reply #319 Posted: 23-Jun-2020 at 11:10 |
СЕ РЕКОНСТРУИРА ЕДНА ОД НАЈОШТЕТЕНИТЕ ДЕЛНИЦИ НА УЛИЦА „ПАРТИЗАНСКА“
Започна реконструкцијата на ул. „Партизанска“ во Битола, на потегот од кружниот тек во Нова Битола, до раскрсницата со ул. „Методија Андонов Ченто“, во должина од 730 метри. Увид во градежните активности изврши градоначалничката Наташа Петровска, заедно со директорите на јавните претпријатија „Водовод“ и „Нискоградба“ Горан Козаров и Методи Силјановски. „Инвестицијата има вредност од 581.000 евра, од кои 355.000 евра се директно од буџетот на Општина Битола. Главниот канализационен систем на улицата се прави со средства од Министерството за транспорт и врски, останатите водоводни и канализациони приклучоци ги изведуваат јавните претријатија „Водовод“ и „Нискоградба“, а коловозот го има Општина Битола. Станува збор за потег од „Партизанска“ кој беше во исклучително очајна состојба, особено во делот на коловозот кој што граѓаните го поминуваат секојдневно и нивните реакции се потврдија. Санацијата на коловозот ќе даде поинаква слика заедно со целата инфраструктура која што ќе ја обезбедиме. Ова е потврда на она што го најавив кон крајот на ноември и почетокот на декември дека сите проекти кои што сме ги изготвиле со целосна комплетна документација, денес го гледаат светлото на денот. Во Битола се случуваат низа градежни активности кои покажуваат една сериозна градежна сезона која што е искористена максимално, дури и до овој период. Но, следуваат и други проекти до крајот на градежната сезона“, рече градоначалничката на Општина Битола, Наташа Петровска. Градоначалничката се осврна и на состојбата со општинскиот буџет, кој е стабилен и покрај обештетувањата кои општината ги врши како наследени долгови од минатиот период. „Тоа исклучително ме радува особено во состојба на пандемија, која носи и свои последици. Проекцијата за следниот период во делот на финансиите потврдува дека можеме да се движиме со оваа динамика. Се надевам дека изведувачите ќе го почитуваат рокот за изведба и ќе нема потреба од дополнителна интервенција“, посочи Наташа Петровска. Пред отпочнувањето на градежните работи, изработен е основен проект за времена измена на сообраќајот на оваа улица, со што истиот ќе се одвива по нов сообраќаен режим. http://www.bitola.gov.mk |
|
stef4o
Moderator Group Joined: 20-Oct-2015 Location: Skopje Online Status: Offline Posts: 19660 |
Quote Reply #320 Posted: 23-Jun-2020 at 11:12 |
ПАВЛЕСКИ НА УВИД ВО ГРАДЕЖНАТА ПАТНА ИНФРАСТРУКТУРА ВО БИТОЛА
Заменик министерот за локална самоуправа Дејан Павлески и градоначалничката на Општина Битола Наташа Петровска, извршија увид во градежните работи кои што се во тек, на неколку позначални улици во градот. На ул. „Партизанска“, чија реконструкција започна пред само неколку дена, Павлески од страна на градоначалничката и изведувачот на терен, беше информиран за зафатот, кој во должина од 730 метри, ќе се одвива на потегот од кружниот тек до раскрсницата со ул. „Методија Андонов Ченто“. Градоначалничката Петровска посочи дека инвестицијата е во вредност од 581.000 евра, од кои 355.000 евра се директно од буџетот на Општина Битола. Главниот канализационен систем на улицата се прави со средства од Министерството за транспорт и врски, а останатите водоводни и канализациони приклучоци ги изведуваат јавните претријатија „Водовод“ и „Нискоградба“. Во населбата Долно Оризари, Павлески и Петровска разговараа со локалното население, во улиците кои се веќе асфалтирани. Жителите изразија голема благодарност што за прв пат откако ги изградиле куќите во оваа населба, не газат повеќе на кал, за да стигнат во своите домови. Градоначалничката го информираше заменик министерот дека следува дополнително асфалтирање на нови улици во оваа населба, а досега, со асфалт се покриени околу 3000 метри квадратни. На ул. „Илинденска“, улица со должина од над 2 километри, градоначалничката Петровска го информираше заменик министерот Павлески за етапното работење по делници на оваа улица, која претставува една од најважните делници за слободен проток на сообраќај во Битола. И на оваа улица свој удел во поставување на канализационата и водоводната мрежа има Министерството за транспорт и врски во вредност од над 25 милиони денари, додека општината со над 33 милиони денари ги изведува приклучоците и целосното реновирање на коловозот. Петровска посочи дека во тек е целосната реконструкција на ул. „Бранко Радичевиќ“, која што е во финална фаза. Претходно тука беше променета водоводната и канализационата мрежа, а деновиве ќе започне и асфалтирањето. Во повеќе наврати, помали делови од улиците, каде е потешко да се изведе асфалтирањето, поставени се бехатон плочки, се со цел населението да има безбеден и чист пристап до своите домови. Заменик министерот Павлески истакна дека во моментов во Битола има градежна експанзија, која во секој облик ќе овозможи подобри услови за локалното население. http://www.bitola.gov.mk |
|
Post Reply | Page <1 1415161718> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |