Од ова отчетот, испаѓа дека цела патна мрежа ќе биде завршена „одма“ по изборите...

Originally posted by StreetStruck Вчера на врата ми донесоа Отчет на владеачкава партија и еве што пишуваше во него: Изградбата на Табановце-Куманово треба да заврши до крајот на 2011, а вредноста на проектот изнесува околу 15,5 милиони евра.

Јас, како што знам автопатот требаше да биде пуштен во употреба во ноември 2010. Форумот го ценам како доста сериозен и мислам дека нема потреба од вакви хуморески. Излегле ли тие "писатели" на терен да видат до кај се работите?

Inaku petljata za terminalot na DETOIL sigurno ne se pravi so negovi pari, taka da smetajte deka bez vrska ke izede petljata nekolku kilometri asfalt.
Na avtopatot ne se raboti ozbilno veke ima pogolem period.
A uste eden komentar e deka za zemjisteto dade drzavata mn smesni pari pri eksproprijacijata, stvarno smesni. 5 evra za metar kvadraten. Ako na zemjiste so ist kvalitet vo juzna srbija, za istiot period pri eksproprijacija na privatnoto zemjiste, za izgradba na istiot avtopat, od istite fondovi, imaat zemeno 50Evra.
Ne baram preku leb pogaca ama sakam da se plati kako sto treba, ova bese navistina eden grabez i toa tezok grabez. Koga izleze naselenieto da protestira vo seloto dojdoa poveke policajci i kombinja otkolku koga gi tepaa nasite deca na kale. Nejkam ni da zboruvam sto i pravea na zenata koja davase poglem otpor.
A plus sega, uste, zagradile i od drugata strana stavile kolcinja i pocnale da poramnuvaat na mesto za koe nemaat plateno i e nase sto e bruka veke.
Ako vaka gi gradime avtopatite i so ova tempo, tesko nam...
Pazete pri eksproprijacija na suma koja ja poseduvavme pokraj avtopatot ni cenea bagrem so radius 20 cm drvo ubavo znaci, 20 denari od steblo, sto e veke stvarno bezobrazie
Na sud sudijata vika vestakot taka kazal. Tatko mi mu vika donesi mi go ti mene toj vestak ja ke mu dadam po 20 denari za drvo neka mi najde da si kupam. Pa normalen li e, pa do pcuenje ke dojdese
I na kraj si legnavme na brasno moravme da potpiseme za 4 i 5 evra kvadrat smesna suma navistina
Vaka ne bi smeelo da se postapuva

Edited by bojanbole - 07-May-2011 at 00:30

А колку објективно да вреди земјата. Како тоа државата гради и сега ај ќе удриме? Сте чуле некаде некој разбрал и си додал па после во србија давале 50 евра, како не давале. Таа цена 5 евра е најоптимална цена за некое земјиште надвор од град некаде во ниви. Јас знам примери, непосредно сум запознае со случувањата од кога се најави аеродромот во штип што се случи како се препродаваше земјата неколку месеци до експропријација. Знам дека се садат ореви зашто орев е најскапо што се исплаќа па луќе што не ги садат нивите, а и не им ни требаат нешто ореви, само ги садат за некогаш да земат оштета. Такви подмолни акции по сопствена држава не заслужуваат ни денар повеќе. Секој си го цени имотот многу повеќе од стварно ѓшто вреди, неможе ова веќно да се случува сите проекти да ни се заглавени заради вакви работи.

Денес поминав низ табановце, нема никаков напредок, немаше ни работници

Originally posted by Andrej_LJ СРАМОТА! Според програмата на ВМРО (треба да се земе како релевантна затоа што се владеачка партија), се наговестува дека оваа ептен кратка делница, која минува низ терен рамен како тепсија, ќе треба да се заврши во Септември 2011 година. Пак не успеаа да ја пуштат пред туристичката сезона. Навистина не ми е јасно како во договорот со компанијата градител нема клаузули кои жестоко го санкционираат истиот при неспазување на поставените рокови. Всушност можно ли е вината да не е во компанијата, туку во Владата, која не ги исполнила своите обрски? Во секој случај голем срам и неспособност демонстрираме дека неможеме да се справиме ни со најмал инфраструктурен проект, камо ли со ЛРТ, Јужен, Вардарска долина, Гостивар-Охрид итн. Жално навистина!

Македонската реалност, за жал. Инаку, и јас сметам дека вината треба да се бара во Владата, бидејќи изведувачот на проектот, односно Alpine Bau е навистина една огромна компанија и според тоа што можам да го видам на нивниот сајт http://www.alpine.at/en/ имаат работено на проекти низ цел свет, почнувајќи од Европа па се до Азија. А, вреди да се напомене и дека имаат работено на Готардскиот тунел.

Edited by Мартин - 15-May-2011 at 21:04

Автопатот до Табановце готов до септември




Од Агенцијата за патишта очекуваат делницата од Куманово до границата со Србија да биде готова до 30 јуни, додека градежниците проценуваат дека по неа ќе се вози дури во септември или октомври

Возењето по модерен автопат од Куманово до граничниот премин Табановце најверојатно и летово ќе остане само пуста желба. И покрај тоа што изминатиов период интензивно се гради автопатската делница долга 7,4 километри, неизвесно е дали работниците ќе успеат да ја завршат до крајниот рок што истекува за еден месец.

Релативно кратката делница, која е дел од стратегискиот Коридор 10, се гради речиси четири години. Иако првичните најави беа дека овој дел од автопатот ќе биде готов за 1,5 година, крајниот рок неколкупати се продолжуваше. Од Агенцијата за патишта објаснуваат дека градежните работи се одолжиле поради дополнување на првичниот проект, што биле направени по барање на граѓаните. Во проектот влегле и две нови клучки кај Речица и Табановце, изградба на нов мост и потпатник, како и регулација на речно корито. Но, сметаат дека с` ќе биде завршено навреме.

- Изградбата на главната траса на автопатот Табановце-Куманово согласно склучениот договор треба да биде завршена до 30 јуни, а во текот на јули треба да се докомплетираат и останатите завршни работи. Во моментов на терен се работи со засилен интензитет и со оглед на тоа очекуваме делницата да биде завршена во рамки на рокот. Во спротивно, доколку постојат задоцнувања, изведувачот ќе плаќа пенали согласно договорот - вели Наташа Волкановска, директорка на Агенцијата за патишта.

Автопатот готов во септември

Од друга страна, процените на градежниците кои работат на автопатот се дека по него ќе може да се вози дури во септември или октомври. „Дневник“ ја извозе трасата од излезот на Куманово до граничниот премин со Србија за да видиме како се одвиваат градежните работи што ги врши австриската компанија „Алпине“, засилена со неколку фирми-подизведувачи.

На различни делови од седумкилометарската делница распоредени се градежни работници, тешка механизација, багери, валјаци. Работата насекаде е стигната во различна фаза. На еден дел градежни работници во средишниот дел местат одводен канал за атмосферските води, на друг дел веќе има свеж асфалт, додека на трет се гребе стариот асфалтен слој за да се постави нов. Покрај деловите што се асфалтирани, градежни работници го подготвуваат просторот за да ја постават заштитната ограда. Тешката механизација, пак, е најактивна на делот каде што се градат пропустите, односно поврзувањата со споредните патишта. Машините се активни и кај новите потпатници. На едниот се поставуваше ограда, додека градежните работи на другиот, според најавите, треба да завршат за 15 дена.

Работниците што ги затекнавме на терен велат дека работата напредува, но сомничаво вртеа со главите кога ги прашавме дали автопатот ќе биде готов до 30 јуни.

Неочекувани проблеми

- Роковите се варијабилни бидејќи се јавуваат многу дополнителни, непредвидени работи. Според договорот, автопатот треба да е завршен за еден месец, но има многу променети услови за работа од првичниот план. Затоа и никој нема да плаќа пенали, бидејќи доцнењето не е поради изведувачот на работите - велат градежните оперативци.

Работејќи на автопатот, тие неколкупати се соочиле со проблеми со сопствениците на експроприраните земјишта, кои за извесно време ги стопирале градежните работи. Активностите дополнително биле забавени и поради конфигурацијата на теренот. На неколку места се појавиле подземни води кои, доколку не биле санирани, можеле да влијаат врз стабилноста на изградените столбови. Машините неколкупати наишле на многу тврдо земјиште и им било потребно подолго време за да го ископаат.

- Поради сето ова, најверојатно ќе може да се вози по новиот автопат некаде околу септември или октомври. Главната траса може да е готова и порано, но сега е неблагодарно да се даваат какви било прогнози - велат оперативците.

По завршувањето на делницата Куманово-Табановце, ќе остане уште делот од Демир Капија до Смоквица за да се комплетира македонскиот автопатски дел од Коридорот 10. Според најавите на Владата, патот Демир Капија-Смоквица ќе почне да се гради в година. Делницата долга 28,2 километри, според плановите, треба да биде готова за пет-шест години.

Од Табановце до Ниш по автопат

Србија планира во следните две години да изгради две делници од автопатот од Ниш до македонската граница. Според најавите на српските транспортни власти, летово треба да почне изградбата на автопатските делници Грабовница - Грделица во должина од 5,5 километри и Владичин Хан - Долни Нерадовац во должина од 26 километри. Изградбата на новите патишта ќе ги финансира Светската банка.

http://www.dnevnik.com.mk/default.asp?ItemID=5AE18AB7B6994F499639C901A4EF3F5B

Аман веќе.Нашиве 3 години градат автопат од 7 км на лесен терен,а Албанија за 4 г. изгради автопат од 100 + км во планински терен.Абе катастрофа сме.

Скопската обиколница започна да се гради во 2002. Должината и е 26,7км. Од 2008 наваму на потегот Куманово - Табановце се изградени 7,7км. Тоа значи дека за 9 години Македонија успеала да изгради 34,4км автопат. Тоа се 3,8км на една година и тоа на идеален терен за градба.

Бидејќи предвидениот автопат од Коридорот 8 ќе се нуди на концесионери, засега владата нема намера да го гради од сопствени средства. Средства, генерално преку кредити, се обезбедени за делницата Смоквица - Демир Капија која е во должина од 28км. Оваа година треба да се избере фирма која ќе ја гради а почнувајќи од следната година, делницата ќе се гради во наредните 6 години, односно до 2018. Тоа значи дека оваа влада планира да гради по 4км авотопат годишно во следните 7 години. За таа намена од буџетот беа издвоени само 6 од потребните 270 милиони евра.

Повеќе од очигледно е дека патната инфраструктура не и претставува приоритет на оваа влада.

Зашто така цело време зборите со фетишизирање на автопатите. Тие коридори се континентални проект кои се градат со пари на тоа ниво. Државите никаде не финансираат сами такви проекти и ги чекаат парите од европските институции. Допрва цо Македонија влегоа тие пари еве за коридор 10. Така ќе биде и со коридор 8. Е сега нормално и државата е дел од тој проект и затоа и сдо толкав процент учествува. Соодносот на парите точно ќе ви го даде соодносот во интересот, дражава наспроти Европа. Од буџет исклучиво се градат патишта од исклучиво државно значење, дури и тие на кредитирање. Така да можеме да притискаме за патото кон Штип, кон Струмица, Битола-Ресен и слични кои не се дел од коридори. Европа не ги дава тие пари за нечив Атер, иако некои така ги толкуваат, иако некои биурократи од Европа така и ги замислуваат, главната идеја сепак останува. Допрва МАкедоија се отвара за тие проекти, и ќе ги има такви во наредните години, како што се очекува.Македонија не е виновна што досега немало одлука да се фиунансираат проекти на нејзина територија, дури и не треба да се користи овој збор виновна, едноставно не одговара државата пред некого затоа што тамо некоја институција не донела соодветна одлука.


Edited by lslcrew - 02-Jun-2011 at 15:53