build.mk Homepage
Forum Home Forum Home > Главни теми > Урбани прашања > Урбанистички целини
  Active Topics Active Topics
  FAQ FAQ  Forum Search   Register Register  Login Login

Езеро Треска

Bookmark and Share
 Post Reply Post Reply Page  <1 2345>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #61 Posted: 07-Jan-2021 at 12:20
Порталб: Општина Сарај не дава детали за ревитализацијата на Езеро Треска, ги селектира медиумите

Општина Сарај од Владата побарала комплексот на Езерото Треска да го прогласи за слободна туристичка зона и да се отстранат поставените кампови со приколки околу езерото. Општината писмено ги известила сопствениците на приколките дека треба да ги отстранат бидејќи нема услови за приколките да бидат таму и имаат рок од 60 дена да го направат тоа. Исто така, општината бара да се отстранат камповите со цел да се реализира новиот урбанистички план, пишува „Порталб.мк“.

„Порталб.мк“ за ова побара подетални информации од општина Сарај, но оттаму се покажаа резервирани што се однесува до споделувањето информации во врска со овој проект.

Најпрво, портпаролката на општината, Миранда Рамети за „Порталб.мк“ рече дека за информации во врска со ова, треба да се обратиме кај директорот на ЈКП Сарај, Сабахудин Рустеми.

Рустеми за „Порталб.мк“ изјави дека моментално нема услови камповите со приколки да бидат таму и поради тоа треба да се отстранат.

„Се разбира дека ова е проект на општината, дамнешен, и сега очекуваме реализација на истиот. Заради тоа камповите со приколки ќе бидат отстранети. Тие биле под закуп, и плаќањето не било редовно, освен тоа моментално нема услови за нивно поставување, ова го заклучил и општинскиот инспекторат дека околината не е соодветна, дека може да добиеме уште некоја епидемија и поради тоа мора да бидат отстранети. Подетално за проектот ќе бидете информирани од страна на општината“, изјави Рустеми.

Тој додаде дека ова е проект на општината и за повеќе информации треба да се обратиме кај градоначалникот или шефот на кабинетот.

„Порталб.мк“ се обиде повторно да контактира со портпаролката Рамети, но таа ги игнорираше повиците на новинарот. Подоцна, откако истата беше контактирана од друг број, се оправдуваше дека не е секретарка да се јавува на секој телефонски повик. Иако таа рече дека ќе одговори на сите доставени прашања на два службени мејлови, не го направи тоа и продолжи да биде недостапна за „Порталб.мк“.

И градоначалникот, не е достапен за нашата редакција.

Меѓутоа, општина Сарај не штедеше информации во врска со ова прашање за една медиумска куќа на македонски јазик.

На 28 декември, градоначалникот, Блерим Беџети даде изјава за СДК, при што рече дека општината започнала два паралелни процеси за Езерото Треска, и тоа за дислоцирање на приколките, како и за прогласување на Треска за слободна туристичка зона.

„Нашиот инспектор за животна средина, на местото каде се поставени приколките утврдил дека нема соодветни услови. Не се почитуваат прописите. Не може тие што се закупци да бидат пречка за реализација на планот за повторно ревитализирање на овој симбол на Скопје. Едновремено, откако го усвоивме новиот детален план во петок, до Владата доставивме писмено барање за прогласување на локацијата на Езерото Треска за слободна туристичка зона, со што ќе можеме да бараме инвеститори коишто ќе го ревитализираат и ќе го уредат просторот“, рече Беџети за СДК.

Ревитализацијата на Езерото Треска, е проект ветен многу години од страна на градоначалниците на оваа општина. Ова вештачко езеро се наоѓа во општина Сарај, има површина од 136.000 метри квадратни, а длабочината е од 1,6 до 3 метри. Овој рекреативен центар бил изграден во 1978 година. На свеченото отворање на ова туристичко место присуствувал и претседателот на поранешна Југославија, Јосип Броз Тито.

https://meta.mk/portalb-opshtina-saraj-ne-dava-detali-za-revitalizaczijata-na-ezero-treska-gi-selektira-mediumite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #62 Posted: 12-Jan-2021 at 18:31
Општина Сарај ќе ги отстрани приколките покрај езерото Треска



Во рок од два месеци, приколките во близина на езерото Треска треба да бидат отстранети. Оваа наредба општината Сарај им ја соопшти на сопствениците на приколки кои долги години се закупци на ова место. Сепак, сопствениците не се согласуваат со ваквата одлука на општината барајќи решение за проблемот а во вторник најавија протести.
Првиот човек на Сарај, Блерим Беџети за Алсат изјави дека е категоричен во одлуката за отстранување на кампинг приколките. Тој додаде дека чистењето на овој дел има врска со прогласување на бесплатна туристичка област на езерото Треска.

„Не станува збор за викенд- кампови, туку за злоупотреба на ситуацијата и фактичката состојба е многу влошена и нема услови да постојат. Според урбанистичкиот план, треба да биде чист за да се прогласи за бесплатна туристичка зона. Нормално, не е проблем да се зборува, но тоа е завршена работа и досега над 20 кампови се отстранети од таму, денеска и секој ден се отстрануваат“.

Според здружението на кампери, во моментов има над 500 приколки во близина на езерото Треска, од кои над 350 се активни.

https://alsat.mk/mk/opshtina-saraj-ke-gi-otstrani-prikolkite-pokraj-ezeroto-treska/
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 1761
  Quote user8642 Quote  Post ReplyReply #63 Posted: 12-Jan-2021 at 18:52
Овде нема ништо друго освен малограѓански обид по етничка линија да се тргнат каурските приколки. Ова нема да го направи СРЦ Сарај нити нешто подобар ниту ќе му тргне развојот после тргањето. Повторно ќе си остане обична жабокречина и бара за ширење зарази.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #64 Posted: 14-Jan-2021 at 15:42
Како ќе изгледа комплескот „Треска“ останува непознато



https://kanal5.com.mk/kako-kje-izgleda-kompleskot-treska-ostanuva-nepoznato/a456535
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #65 Posted: 20-Jan-2021 at 12:23
ОПШТИНА САРАЈ ПОЧНА ДА ГИ УРИВА ОБЈЕКТИТЕ НА ЕЗЕРО ТРЕСКА



Општина Сарај почна со уривање на објектите и содржините на езерото Треска. Со градежна механизација се отстрануваат сега веќе запуштените бунгалови, кафулиња, ресторани, базени, гардероби, тоалети, кои пред четириесетина години беа изградени со самопридонес на граѓаните.

Со уривањето на инфраструктурата, Општина Сарај почнува со постапката за реализација на Деталниот урбанистички план (ДУП), односно изградба на хотелски комплекси и викенд населба. Општината пред Нова година им даде рок и на сопствениците на камп приколките да се иселат од езерото.

Градоначалникот на Општина Сарај Блерим Беџети пред еден месец за САКАМДАКАЖАМ.МК изјави дека Општината почнала два паралелни процеси за езерото Треска и тоа за дислокација на приколките и за прогласување на Треска за слободна туристичка зона.

„Нашиот инспектор за животна средина на местото каде што се поставени приколките констатираше дека нема соодветни услови. Не се почитуваат прописите, многу од нив се заградени и доградени. Не можат тие кои се кираџии да бидат пречка за реализација на планот и повторно заживување на овој симбол на Скопје. Истовремено, откако ги донесовме новиот детален план испративме во петокот писмено барање до Владата за да се прогласи езерото Треска за слободна туристичка зона, со што ќе можеме да бараме инвеститори кои ќе го заживеат и уредат просторот“, изјави Беџети.

Беџети тогаш најави дека ќе одржи тематска прес-конференција на која ќе претстави на јавноста што се предвидува да се гради на езерото Треска со новиот ДУП, но тоа сè уште не се случило.

Владата предводена од СДСМ лани дел од земјоделското земјиште во селата Глумово и Шишево, кое се наоѓа околу езерото, го пренамени во градежно за да може Општина Сарај да направи Детален урбанистички план. Тогаш од Владата рекоа дека оваа одлука е донесена за да може во овој дел од предградието на главниот град да се вцртаат маркички и да се гради викенд населба, хотелски комплекс и спортско-рекреативен центар за развој на еко туризам, со што воедно ќе се врати во функција и езерото.

Езерото Треска е изградено во 1978 година со самопридонес од жителите на Скопје. Со површина од 136.000 метри квадратни и капацитет за 10.000 капачи, во 1980-тите и 1990-тите функционираше како главно излетничко место за скопјани, особено во летните месеци. Околу езерото кое е длабоко од 1,6 до 3 метри се наоѓаа бунгалови, кафулиња, ресторани, базени, гардероби, тоалети, спортски терени, како и камп за приколки и трејлери. Езерце Треска живееше само 20 години. Во 1998 година, поради загаденост на водата е затворено за капење и оттогаш почнува неговото пропаѓање. Денеска, дваесетина години откако е затворено, комплексот околу езерото е целосно уништен.

[URL= ][https://sdk.mk/index.php/dopisna-mrezha/opshtina-saraj-pochna-da-gi-uriva-objektite-na-ezero-treska//URL]
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5359
  Quote гитардемон Quote  Post ReplyReply #66 Posted: 20-Jan-2021 at 12:43
Етничко чистење, и ние си ќутиме.
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #67 Posted: 20-Jan-2021 at 17:29
Општина Сарај почна да ги руши објектите во кругот на Езеро Треска (галерија)

Општинските власти од Сарај започнаа со рушењето на објектите околу Езеро Треска. На терен градежна механизација ги отстранува бунгаловите, тоалетите, гардеробите, рестораните, кафулињата и останатите објекти изградени во 70-тите години од минатиот век. На крајот од минатата година, Општина Сарај им даде рок од 60 дена и на сопствениците на неколку стотици камп приколки во кругот на езеро Треска за да ги отстранат нивните објекти.

На ова, сопствениците на приколките веќе негативно реагираа, посочувајќи дека ќе бидат приморани нивните приколки да ги паркираат пред зградите во кои живеат, со што дополнително ќе се узурпира јавниот простор и паркинзите во Скопје.

Од Општина Сарај велат дека рушењето на објектите во кругот на езерото е дел постапката за заживување на езерото Треска. Деталниот урбанистички план за езеро Треска веќе е донесен од Советот на општина Сарај, а владата земјиштето околу овој комплекс го пренамени од земјоделско во градежно.

Властите од оваа општина веќе побарале од владата езеро Треска да се прогласи за слободна туристичка зона. Сепак, за да започне било каква изградба на најавениот хотелски комплекс и викенд населбата, најпрво ќе треба да се отстранат и камп приколките. Општина Сарај засега нема објавено кога точно ќе почнат градежните работи за ревитализација на езерото Треска, ниту пак кој е инвеститорот во новиот комплекс.

Она што се знае е дека покрај во изградба на нови објекти, ќе треба да се вложи и во реконструкција на изграденото вештачко езеро, спортските терени, базените, тушевите, плажите и зеленилото во рамките на Треска.











https://meta.mk/opshtina-saraj-pochna-da-gi-rushi-objektite-vo-krugot-na-ezero-treska-galerija/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #68 Posted: 20-Jan-2021 at 18:31
Ќе стане ли езерото Треска слободна туристичка зона?



https://kanal5.com.mk/kje-stane-li-ezeroto-treska-slobodna-turistichka-zona
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #69 Posted: 21-Jan-2021 at 18:01
Блерим Беџети: Не е вистина дека на местото на езерце Треска ќе се гради болница или трговски центар

Градоначалникот на Општина Сарај Блерим Беџити денеска во изјава за Слободен печат ги отфрли како невистини зборувањата дека на местото на спортско-рекреативниот центар Треска ќе се гради болница, поради што сопствениците на камп приколки се обврзани во рок од 60 дена да ги дислоцираат приколките.

– Рокот за дислокација на камп приколките е до крај на февруари, сметам дека е разумен рок и има време сопствениците да одлучат што ќе прават со приколките. Ние имаме и јавно претпријатие, сопствениците на приколки можат и таму да се обратат. Шпекулации и невистини се кажувањата дека на локацијата ќе се гради болница или трговски центар. Рекреативниот центар ќе заживее повторно и граѓаните ќе имаат каде да се забавуваат, рече градоначалникот Блерим Беџети.



Убави спомени од младоста поврзани со рекреативниот центар Треска има и скопјанецот Сулејман Ахматовиќ.

-Тука доаѓавме многу често, уживавме и во младоста и во убавината на местото. Секогаш беше полно со посетители од сите генерации. Многу ми е жал што повеќе не е во функција, вели Сулејман.



https://www.slobodenpecat.mk/blerim-bedheti-ne-e-vistina-deka-na-mestoto-na-ezercze-treska-ke-se-gradi-bolnicza-ili-trgovski-czentar/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #70 Posted: 26-Jan-2021 at 13:26
(ВИДЕО) Чие е езерото Треска – на скопјани или на Општина Сарај?



https://360stepeni.mk/video-chie-e-ezeroto-treska-na-skopjani-ili-na-opshtina-saraj/
Back to Top
T1 View Drop Down
Newbiе
Newbiе


Joined: 27-Jul-2020
Online Status: Offline
Posts: 7
  Quote T1 Quote  Post ReplyReply #71 Posted: 27-Jan-2021 at 11:05
Decki vo vrska so ovaa tema sakam da napomenam edna mnogu bitna rabota sto nikoj tuka ne ja spomenuva posto mozda i e zaboravnea so tek na vreme i stoticite smeneti rakovoditeli, politicki eliti i strucni lica.

Problemot so Exeroto Treska e od Bioloski karakter. Ednostavno, za da funkcionira toa ezero mu treba Stanica za Filrtiranje na voda koja e tolku mnogu skapa rabota sto nitu Gradot nitu Opstinata imaat sredstva da ja izgradat a kamoli da ja vozat.

Ezeroto i bese zatvoreno porati bioloski neispravan voda. Potoa cim nema banjanje nema ni biznis pa seto toa propadna. Iako istoto e izgradeno so samopridones posle 3o godini od izgradbata trebalo da se investira i vo Stanicata za tretman na voda. No poradi nasata siromastija ovoj proekt ne se realiziral i nema da se realizira vo bliska idnina.

Taka da za da se resi i ova nase ubavo Skopsko izletnicko mesto, TREBAAT PARI MNOGU PARI< MNOGU DRZAVNI PARI. A nie si gi nemame.

Tolku. Pozdrav
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2543
  Quote fichot Quote  Post ReplyReply #72 Posted: 28-Jan-2021 at 14:28
Колку кошта пречистителна станица? Гледам Прилеп некоја (со капацитет за скоро 100к луѓе) коштала 10 милиони евра. Тука не мора толкава чинам, водата ја загадуваат само околните села, а некоја тешка индустрија нема.

Башка не мора само за бањање да се користи езерото, има и други активности на вода.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #73 Posted: 29-Jan-2021 at 16:18
НА ЕЗЕРО ТРЕСКА ЌЕ СЕ ГРАДИ ХОТЕЛ СО 5 ЅВЕЗДИ И БУНГАЛОВИ, ОКОЛУ НЕГО ВИКЕНД КУЌИ И ТРГОВСКИ ЦЕНТРИ, БЕЏЕТИ ГО ПРЕТСТАВИ ПЛАНОТ

Маркичка за хотел со пет ѕвезди, бунгалови, спа и фитнес центар е нацртана во комплексот на Езеро Треска со новиот Детален урбанистички план (ДУП). Градоначалникот на Општина Сарај Блерим Беџети денеска на прес-конференција го презентираше новиот план за Треска и просторот околу езерото, кој е поделен во четири блокови. Првиот блок е сегашниот комплекс на Езеро Треска кој е со површина од 13 хектари и, како што кажа Беџети, се планираат спортски терени на отворено, базени, аквапарк, забавен парк, амфитеатар, ботанички градини. Во оваа зона е формирана градежна парцела во која е дозволен процент на изграденост до 50 отсто односно максимална површина за градење од 155.116 метри квадратни. На таа површина е нацртана марчичка за хотелски комплекс со приземје, три ката и поткровје со висина од 15 метри.

Предвидени се пропратни содржини како ресторани, спа и фитнес-центри, центар за алтернативна медица, отворени и затворени базени. Покрај главната хотелска зграда планирани се и дрвени бунгалови. Градбите треба да бидат од природни и еколошки матријали, дрво и камен.

Втората, третата и четвртата зона кои се урбанизираат со овој план се надвор од езерото и го опфаќа земјоделското земјиште од селата Глумово и Шишево кое Владата го пренамени во градежно. Втората зона се наоѓа од десната страна на реката Треска и се предвидуваат маркички за викенд куќи со приземје, два ката и поткровје, а површината на овој дел е 12 хектари. Третата зона со површина од 10 хектари е од левата страна на реката кај влезот на езерото со површина од околу 10 хектари, и таму ќе се градат хотелски комплекси со два ката и поткровје, а во четвртата зона која е најмала со површина од 2,4 хектари се предвидена маркичка за трговски центар и пазар на отворено.

Градоначалникот Блерим Беџети кажа дека Општината само го направила планот, а понатаму постапката ќе ја води Владата која ќе го прогласи овој дел за слободна туристичка зона.

„Владата ќе го продава земјиштето. Инвеститорот во езерото ќе треба да го врати во функција со изградба на пречистителна станица. Идејата е ова да прерасне во туристичка атракција, да биде посетено од домашни и странски гости. Се проценува дека инвестицијата би била околу 200 милиони евра“, вели Беџети.

Беџети рече дека камперите мора да бидат отстранети од езерото, обвинувајќи ги дека нелегално си изградиле цели куќи на местата каде имале приколки.

https://sdk.mk/index.php/dopisna-mrezha/na-ezero-treska-ke-se-gradi-hotel-so-5-zvezdi-i-bungalovi-okolu-nego-vikend-kuki-i-trgovski-tsentri-kazha-bedheti/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #74 Posted: 30-Jan-2021 at 10:03
Треска“ ќе се „прочисти“ со хотели, викендички, трговски центар, дуќани…

Објектот изграден во 1978 со самопридонес на вработените скопјани, сега ќе се „надгради“ со хотели, брвнари, викендички, трговски центри, дуќани и други содржини. Дозволата за такви градби е „јадицата“ за потенцијалниот инвеститор, на свој трошок, да го поправи системот за прочистување на водата која е забранета за капење уште од крајот на минатиот век, поради што и објектот пропадна. Ниту еден скопски градоначалник во изминатите две децении не најде трајно решение за проблемот
Градоначалникот на општина Сарај, Блерим Беџети, денеска презентираше што планира за околината на езерото „Треска“. Неговата прес-конференција доаѓа месец дена откако ги извести единствените „жители“ на некогаш популарниот рекреативен комплекс, да си ги отстранат камп-приколките. Настапот го очекуваше и остатокот од градот, бидејќи езерото „Треска“ е изградено во 1978, со самопридонес на сите вработени скопјани.

Пред да се чита и пишува – што ќе се гради на Треска, прво мора да се расчисти еден навидум здодевен, но важен елемент. Тоа ште денеска го презентираше Блерим Беџети се нарекува Урбанистички план вон населено место. Тоа не е исто што и често споменуваниот сличен термин – Детален урбанистички план. Во што е разликата? Поедноставено, во тоа што Деталните планови прецизно ги разработуваат параметрите за користење на земјиштето на секоја поединечна парцела на одреден простор, додека Урбанистичкиот план за вон населено место го разработува просторот на нешто поопшто ниво. Така, на кои точно микро-локаци ќе се гради околу „Треска“ ќе се одговори по дополнителни разработки.



Што значи тоа за „Треска“?
Краткиот одговор е дека општината одлучила – што се може да се гради околу „Треска“.

Подолгиот одговор е дека општината ги поставила правилата на игра, со тоа што го поделила целиот комплекс на четири големи блока и потоа за секој блок дала опис – што би можело да се гради во него. Понатамошната, детална разработка, ќе зависи од повеќе фактори, веројатно и од одлуката кој ќе гради таму. Како стојат работите, на „Треска“ нема да гради државата или општината, туку приватен инвеститор.

Како што денеска изјави и самиот Беџети, тие направиле Урбанистички план, а другите детали ќе ги утврди инвеститор кој ќе го бара Владата.

„Владата ќе го продава земјиштето. Инвеститорот во езерото ќе треба да го врати во функција со изградба на пречистителна станица. Идејата е ова да прерасне во туристичка атракција, да биде посетено од домашни и странски гости. Се проценува дека инвестицијата би била околу 200 милиони евра“,

изјави денеска градоначалникот на о.Сарај, Блерим Беџети.
Што е планот на општина Сарај за „Треска“, „360 степени“ веќе објави во понеделникот. Тогаш, сепак, се фокусиравме на релациите меѓу градоначалникот и камперите. Тука, во детали, пренесуваме што се има во планот.

Следните две фотографии ја претставуаат блоковската поделеност на просторот. По нив и ќе се „движиме“ во планот на Сарај.





Блок 1 – Хотел, бунгалови, аквапарк…
Како што може да се види и на фотографиите погоре, блокот Б1 е најголем и тој го опфаќа целиот простор околу самото вештачко езеро. На Урбанистичкиот план пишува дека намената на ова земјиште е ДЗ, што значи спорт и рекреација. Сепак, оваа ознака, лесно може да го залаже обичниот читател. Во текстуалниот дел на документот до кој дојде „360 степени“, во делот „Посебни услови за градба, развој и користење на земјиштето и градбите“, се дообјаснува дека Блокот 1 е составен од две парцели. Едната парцела е незначајно мала од 49 м2 и на неа треба да има трафостаница. Другата, огромна парцела, изнесува 310 232 м2. Како што може да се види од факсимилот подолу, површината на градба на таа парцела е 155 116 м2, со максимална височина од 15,5 метри, односно приземје, три ката и поткровје.
Законите и правилниците во урбанизмот се такви што иако цел Блок 1 е со главна намена Д3, односно спорт и рекреација, дозволено е до 40% од површината за градба да биде и за други „компатибилни“ намени. А тие компатибилни намени се:

до 5% – времено сместување (А4), мали комерцијални и деловни намени (Б1), големи трговски единици (Б2), големи угостителски единици (Б3), деловни простори (Б4), градби за собири (Б6), култура (В3);
до 15% – хотелски комплекси (Б5);
до 20% – парковско зеленило.
Во превод, на околу 62 000 м2 ќе може да се градат објектите наведени во списокот погоре. Дека намерата е таква, може да се види во описниот дел од планот каде е јасно напишано дека во просторот околу езерото „Треска“ ќе има хотелски комплекс со 5 ѕвезди кој пак ќе има ресторани, спа-центар, фитнес, алтернативна медицина, базени и слично. А покрај главната зграда на хотелот ќе има и дрвени бунгалови. За остатокот од парцелата, предведени се и спортски терени, базени, аква парк, амфитеатар, ботаничка градина и други содржини.
Бидејќи планот не утврдува каде точно ќе бидат сите овие објекти, не е до крај јасно што ќе остане од сегашното зеленило околу езерото. Она што треба да биде заштита во планот во овој блок е објаснето со реченицата „во градежната парцела се дозволени дејности и активности кои нема да предизвикаат негативно влијание врз квалитетот на водата во езерето“. За објектите, пак, се бара „да бидат со фасадно обликување од природни и еколошки материјали, дрво, камен и слично.“


Блок 2 – вили и викендици
Блокот 2 е поделен на три парцели. Но слично како и со Блок 1 само една е голема, а другите две се мали, за трафостаници.

Или, како што покажува сликата подолу, каде со жолта боја е приближно обележан Блок 2, програмата за овој дел се однесува на шумата и зеленилото во насока на селото Грчец, покрај брегот на реката Треска.



Причината што смее да се гради само на 17% од парцелата е што на голем дел од оваа парцела се наоѓаат заштитните зони на бунарското подрачје Нерези-Лепенец.

Таму каде ќе може да се гради, сепак, според домашните закони за урбанизмот, до 30% од просторот ќе може да биде и за други објекти освен викендички. Мали објекти за комерцијални и деловни намени, големи угостителски единици, објекти од здравство и социјална заштита и спорт и реакреација.

Па, иако целта парцела е во шума, Урбанистичкиот план бара „диспозицијта на градбите да биде со максимално почитување на постојниот шумски фонд, при што ќе се избегне сеча на дрвјата и нарушување на еко-системот“. Останува да се види како ќе се гради, без да се сечат дрва.

Блок 3 – уште еден хотел
Блокот 3 се наоѓа северно од езерото „Треска“. Како и Блокот 2 и тој се наоѓа во шума и покрај течението на реката „Треска“, само на спротивниот брег. Тука има само една парцела.
Но и тука нема да се гради на целата парцела. Од вкупните 79 022 м2 на овој блок, дозволено е да се гради на 14 856 м2 или околу 19%. Причината е иста како и во Блок 2 – голем дел од парцелата е бунарското подрачје Нерези-Лепенец.





Блок 4 – трговски центар
Блокот 4 е најмал од сите блокови во Урбанистичкиот план на општина Сарај. Тој се наоѓа веднаш до сегашниот влез во комплексот. Поделен е на две градежни парцели од кои едната е незначително мала и ќе служи за трафостаница, а другата е голема и служи за трговски центар.

Големата парцела, е со површина од 11 253 м2 и на неа е дозволено да се гради на околу половина од парцелата или на 5 626 м2. Максималната висина на планираните градби е 11,5 метри.



Нови градби значат нови цевки, улици, мостови…

Низ планот може да се „видат“ и контурите на други нови улици, меѓу кои една ќе кружи околу езерото.

Ако е за утеха на тие што имаат убави спомени од „Треска“, непосредниот простор до водата е оставен да биде „плажа“. Ако се оствари ветувањето инвеститорот да го реши проблемот со филтирањето на водата, „Треска“ можеби пак ќе види капачи.

Ако ветувањето не се оддржи, тогаш „Треска“ е на пат да се претвори во затворена викенд населба со хотели, трговски центар и други „компатибилни намени“.



https://360stepeni.mk/treska-ke-se-prochisti-so-hoteli-vikendichki-trgovski-tsentar-dukani/



Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #75 Posted: 30-Jan-2021 at 10:05
Кај езерото Треска ќе „никнат“ хотел и викенд куќички – презентиран урбанистичкиот план



https://mk.tv21.tv/kaj-ezeroto-treska-ke-niknat-hotel-i-vikend-kukichki-prezentiran-urbanistichkiot-plan/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #76 Posted: 30-Jan-2021 at 13:44
НА ПОЛА ОД ПРОСТОРОТ ОКОЛУ ЕЗЕРОТО ТРЕСКА ЌЕ МОЖЕ ДА СЕ ГРАДИ, ЗАШТИТЕНА ЗОНА Е ПЛАЖАТА ШИРОКА 30 МЕТРИ



На половина од комплексот околу Езерото Треска или на површина од 115.116 метри квадратни ќе може да се градат објекти. Ова го покажува Деталниот урбанистички план (ДУП) кој вчера го покажа градоначланикот на Општина Сарај Блерим Беџети.

Како што беше објаснето на презентацијата, сегашниот Спортско-рекреативен центар Треска е блок 1 од целиот план. Езерото со површина од 13,18 хектари со планот ја задржува намената како јавен простор за капење и за него не е формирана градежна парцела. Околу езерото планирана е заштитна зона со ширина од 30 метри која воедно претставува плажа со површина од 5,39 хектари. Во оваа зона се дозволени дејности и активности кои нема да предизвикаат негативно влијание врз квалитетот на водата. Дозволено е поставување лежалки и чадори, гардероби, реквизити за рекреација, отворени базени, тобогани за мали деца, отворени шанкови и слично. На делот од плажата кој граничи со водната површина како завршна обработка треба да се користат природни матријали, дрво или камен кои нема штетно да влијаат на водата. Околу езерото треба да има и пешачка патека.

На 50 отсто од останатата површина на Езерото Треска која сега во најголем дел е зеленило, но се наоѓаат и објектите кои на времето биле кафулиња, како и просторот каде се камп-приколките, ќе може да се градат објекти со максимална висина од 15 метри или на три ката и поткровје.

„Другата површина од 31.02 хектари од блок 1 што е во рамките на постојниот Спортско-рекреативен центар Езеро Треска е планирана со намена Д3-спорт и рекреација и предвидени се спортски терени на отворено, базени, тобогани, аквапарк, амфитеатар, ботанички градини и зелени површини. Во оваа наменска зона е формирана градежна парцела во која е дозволен процент на изграденост до 50 отсто, односно максимална површина за градење од 155.116 метри квадратни. Планирана е максимална височина на градби од 4,5 до 15,5 метри. Максималната катност од приземје, три ката плус поткровје е планирана за хотелскиот комплекс со 5 ѕвезди, во кој се планирани како придружни содржини расторани, спа и фитнес-центар, центар за алтернативна медицина, отворени и затворени базени. Покрај главната хотелска зграда планирани се и дрвени бунгалови. Сите градби треба да бидат со фасадно обликување од природни и еколошки материјали, дрво и камен“, стои во објаснувањето на планот од урбанистите во Општина Сарај.

Градоначалникот Беџети вели дека со новиот Детален план и прогласување на овој дел во слободна туристичка зона, ќе се заштити езерото и тоа повторно ќе биде вратено во функција.

„Владата ќе го продава земјиштето, ние како Општина само им создаваме услови за тоа со изработка на планот. Инвеститорот во езерото ќе треба да го врати во функција со изградба на пречистителна станица. Идејата е ова да прерасне во туристичка атракција, да биде посетено од домашни и странски гости. Се проценува дека инвестицијата би била околу 200 милиони евра“, вели Беџети.

Со планот во три блокови се уредува и просторот околу комплексот кој сега е неуреден или е земјоделско земјиште кое Владата го пренамени во градежно. Втората зона се наоѓа од десната страна на реката Треска и се предвидуваат маркички за викенд куќи со приземје, два ката и поткровје, а површината на овој дел е 12 хектари. Третата зона со површина од 10 хектари е од левата страна на реката кај влезот на езерото со површина од околу 10 хектари, и таму ќе се градат хотелски комплекси со два ката и поткровје, а во четвртата зона која е најмала со површина од 2,4 хектари се предвидена маркичка за трговски центар и пазар на отворено на кој ќе се презентира културата и традицијата на локалното население.

https://sdk.mk/index.php/naslovna/na-pola-od-prostorot-okolu-ezeroto-treska-ke-mozhe-da-se-gradi-zashtitena-zona-e-plazhata-shiroka-30-metri/
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 14148
  Quote Џоле Quote  Post ReplyReply #77 Posted: 19-Feb-2021 at 11:20
Езерото Треска…

пишува: арх. ДАНИЦА ПАВЛОВСКА-ЦИГИ

Сѐ уште го живееме моментот на можната и посакуваната промена на општествените односи, формации и системи, во кои некаде длабоко веруваме.

Да се обидеме да фрлиме објективен поглед на некои важни аспекти на феномените што самите ги произведуваме, што си ги живееме најчесто како последица на нашата неспособност, несоодветно делување и неодговорност. Тоа се обично напластени тежини на нашата живеачка па донесувачите на одлуките, политичарите, за нивно олеснување најчесто имаат мака. Од нив се очекува да имаат посветеност, искрена чесност, висока политичка култура и стручни тимови/советници за одбир на приоритетите за општо добро. Се работи за „зелените“ вредносни ориентации во актуелните политики како егзистенцијална потреба и неминовност за оправање на наследените лоши состојби. Практикување на нова „зелена“ филозофија во сите сфери на делување и во сите сектори на управување, е и разумно, и логично и трендовски.

Езерото „Треска“ во Општина Сарај, Скопје каде е прогласена слободна туристичка зона (како велат новинарите, а не може да се направи увид во таа одлука) стана тема на нашата реалност која е замаглена и оптеретена со перманентна узурпација на зелените простори перцепирани како слободни. Законски предвидената процедура веројатно била испочитувана и помината, но етичкиот момент во нашето однесување изостана. Многу е битно што езерото е градено од самопридонес, а тоа значи негување на човечкото на колективно ниво.

Едноставно, концептот солидарност е најхуманата димензија на политиката, така што е очекувано и минимално цивилизирано да се покаже (макар) почит кон така создадената вредност (ма колку да е девастирана). Тоа не треба да е предвидено во законите, регулативата, процедурите, тоа треба да е код на однесување на култивираните политичари и менаџерите на просторот (на државно, регионално и локално ниво). Транспарентноста во третманот на ваквите локалитети не смее да се запостави затоа што може само да е од корист, така што тој пропуст на (добронамерен) процесот многу штети. Уредувањето на делот со приколките се доживеаја како атак и веднаш се обои „етнички“ , па патот поплочен со добри намери доведе до конфликт. Незнаење, некадарност, површност, неинформираност.

Сопственичкиот статус и останатите правни аспекти сè уште една непознаница што бара утврдување и разоткривање, па е неблагодарно воопшто јавно да се настапува. Но, пожелно е да не го баталиме прашањето и да подготвиме и покренеме (институции, граѓани, стручната фела…) широка дебата околу програмската содржина на планот за (и околу) Езерото „Треска“ . Треба да дојдеме до дефинирање на можностите, барањата, потребите и конечно да го уредиме тој простор како дел од живеењето на градот Скопје, неговите вложувања, неговиот капитал, неговата меморија, силниот сентимент.

Некои од планерите би препорачале во овој период на веќе отпочнат нов Генерален урбанистички план (ГУП) на Скопје – визија за идниот просторен развој на градот, да се предложи, разгледа и резервира токму овој простор за ширење на градот. Со оглед на урбанистичките параметри, погодноста како тангентен простор и „зелениот“ потенцијал како премиса, тоа може да е интенцијата. При тоа изготвувачот – тимот на Агенцијата за планирање на просторот со својата методолошка конзистентност и сета своја стручна поткованост ќе застане зад содржините, функциите и димензиите на новите „зелени“ концепти на ГУП-от.

https://civilmedia.mk/ezeroto-treska/
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #78 Posted: 20-Feb-2021 at 18:04
Снимка со дрон од езерото Треска

Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 14148
  Quote Џоле Quote  Post ReplyReply #79 Posted: 20-Feb-2021 at 22:25


Да бевме помудри, ќе го претворевме во најголемиот скејт парк во светот, ќе можеа дури и светски олимпијади да се одржуваат тука
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Online
Posts: 14982
  Quote stef4o Quote  Post ReplyReply #80 Posted: 24-Mar-2021 at 08:25
Агенцијата за туризам ќе контролира каков инвеститор ќе најде Општина Сарај за ТРЗ „Треска“

Општина Сарај може да бара инвеститори, но Агенцијата за промоција и поддршка на туризмот ќе контролира дали тие ги исполнуваат условите за новоформираната туристичка развојна зона „Езеро Треска“ и за тоа ќе ја брифира Владата.

Според деталите во одлуката на Владата за формирање на ваква зона кај спортско-рекреативниот центар, земјиштето од 79 хектари е на државата, па според тоа, формирањето, развојот и следењето на зоната ќе ги врши Агенцијата за промоција и поддршка на туризмот. Законски, со земјиштето управува агенцијата и истата може да го иницира оттуѓувањето.

Љупчо Јаневски, директорот на агенцијата, вели дека досега имало девет обиди, но не се реализирала ниту една туристичко-развојна зона, од кои најфамозна е онаа во Љубаништа каде што требаше да инвестира индискиот милијардер Субрата Рој.

Јаневски вели дека агенцијата ќе ги поставува критериумите, додека повеќе труд за контакти со потенцијални инвеститори треба да вложи Сарај за центарот кој суштински не функционира од 2018.

- Во овој проект се врзани повеќе инвестиции, како што се Агенцијата за катастар, Агенцијата за планирање на простор, Министерството за економија, ЗЕЛС, но последниот збор го има Владата. Некој потенцијален инвеститотр можеби ќе понуди и 50 милиони евра, но на крајот се зависи од тоа дали Владата ќе даде позитивно мислење, вели Јаневски.

Тој вели дека планот на инвеститоторот може да биде флексибилен, но ќе мора и да ги исполнува условите на агенцијата. Според Јаневски, ѓќе следуваат и ред други процедури како јавни презентации, формирање работни групи и јавна лицитација за земјиштето.

- Таму може да има казино, бунгалови и ред други работи, но по мое видување, средината треба да биде еколошки настроена, односно да се овозможат услови за риболов и за велосипедизам, гастрономија, обновливи извори на енергија, независно од тоа што треба да се изгради пат, да се донесе вода и ред други инфраструктурни поврзувања, додава Јаневски.

Тој вели дека не може да знае какви содржини ќе има во туристичката развојна зона , затоа што просторниот план допрва треба да се изработи. Агенцијата секој инвестициски предлог што ќе пристигне ќе треба да го достави на разгледување до Владата.

Oколу езерото Треска треба да почнат да се градат хотели, бунгалови и трговски центри кои се предвидени со Деталниот урбанистички план кој го донесе Општина Сарај лани во декември. Планот е поделен во четири зони, од кои првата како главна е околу езерото.

https://faktor.mk/agencijata-za-turizam-kje-kontrolira-kakov-investitor-kje-najde-opshtina-saraj-za-trz-treska
Back to Top
 Post Reply Post Reply Page  <1 2345>

Forum Jump Forum Permissions View Drop Down



This page was generated in 0.156 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.