Објекти од културата (општо)

Турците се враќаат во Куршумли ан

Споменикот на културата во Скопје наскоро ќе стане културен центар на Турција во Македонија.



Македонското Собрание наскоро треба да ја потврди одлуката за предавање на Куршумли ан во владеење на турските власти. Кога тоа ќе се случи Куршумли ан ќе стане Јунус Емре, турски културен центар.

Двете влади за ова уште лани во декември потпишаа меморандум за разбирање, па се очекува Собранието само да го потврди овој договор. Јунус Емре културниот центар е дел од иницијативата на турската влада за ширење на турската култура во странство. Во Македонија овој центар ќе се пресели во едно историско место .

Отоманската империја владеела на овие простори речиси шест века, па тука може да се најдат многу градби во отомански архитектонски стил, пишува турскиот портал Светски билтен. Во отомански стил има многу караван-сараи, амами и џамии кои останале до ден денешен и се користат за различни намени. Во Македонија многу се прави во зачувувањето на отоманското наследство.

Еден од најдобрите примери за тоа е и Куршумли ан, караван-сарајот изграден во 16 век кој се наоѓа во турската чаршија во Скопје. Објектот бил изграден од Муслихудин Абдул Гани, а е именуван според материјалот со кој била изградена куполата (куршум - олово). Караван-сарајот има 2.800 квадратни метри со главен влез преку портата од турската чаршија.

До 18 век караван-сарајот се употребуваше за намената за која и беше изграден – преноќиште за трговците и штала. По востанијата против отоманската власт објектот стана затвор за бунтовниците. Куршумли ан денеска е дел од Музејот на Македонија и таму има 130 камени статуи од различни периоди.

Во 2006 година, турската и македонската влада се согласија да отворат културни центри. Македонија доби свој центар на Таксим во Истанбул, а Куршумли ан беше избран за културен центар на Турција, пишува порталот.

http://www.mkd.mk/kultura/turcite-se-vrakjaat-vo-kurshumli-an

Edited by Џоле - 23-Oct-2013 at 08:28

Не биле доволно речиси шест века, па нека останат уште барем шест века.
 
Ах, пусти комити, за што гинеле...

Отворена спомен соба на браќа Миладиновци „Т`га за југ“

Градоначaлникот на Град Скопје, Коце Трајановски и директорот на ЈУ Градска библиотека „Браќа Миладиновци“, Бранко Цветковски, денеска ја отворија за посета, Спомен собата на браќата Миладиновци „Т`га за југ“, што се наоѓа во просториите на Библиотеката „Браќа Миладиновци“-Скопје.



-Со опремувањето и отворањето на Спомен собата на браќата Миладиновци „Т`га за југ“, ние како нивни потомци им се оддолжуваме за големиот и непроценлив придонес што тие го дадоа како просветителите и едни од главните претставници на македонската преродба. Спомен собата е адаптирана и преуредена така што ги исполнува стандардите за музејска работа, и се надевам дека ќе биде посетена од голем број граѓани и ученици. Градот Скопје континурано вложува во реновирањето и подобрувањето на условите за работа во културните институции под негова ингеренција. Минатата година го направивме покривот на библиотекава, а годинава го уредивме овој простор што доби функција на спомен соба, а со соодветно разместување на внатрешната опрема во просторијата, таа може да се користи и за поставување тематски поставки, промоции, читања и слични настани, истакна градоначалникот Трајановски.

Директорот на библиотеката „Браќа Миладиновци“, Бранко Цветковски, посочи дека спомен собата „Т`га за југ“ ќе има тројна намена, односно музејска, емотивна и едукативна, и дека веќе е во преговори со училиштата часовите по македонски јазик коишто се тематски поврзани со дејноста на браќата Миладиновци да ги држат во оваа спомен соба.



Во оваа пригода директорот на библиотеката „Браќа Миладиновци“, Цветковски на градоначалникот Трајановски му ја подари песната „Т`га за југ“ илустрирана од ликовниот уметник Живко Поповски-Цветин.

Во ЈУ Градска библиотека „Браќа Миладиновци“ во текот на летниот период, годинава, се одвиваа градежните активности за адаптација, реновирање и опремување на дел од ентериерот во објектот на библиотеката, за да може да се формира Спомен соба на браќата Миладиновци „Т`га за југ“. За оваа цел од Буџетот на Град Скопје со програмaта КА-Културни манифстации и творештво (Капитални расходи) предвидени се средства во износ од 1.000.000 денари, додека целата инвестиција изнесува 1.650.820 денари со вклучен ДДВ, а остатокот од средствата ги обезбедува самата установа од сопствени приходи.

Собата е лоцирана на вториот кат од библиотеката, а ќе се влегува како и досега преку влезниот хол. Градежните активности опфаќаа целосна демонтажа и отстранување и замена на постојната инсталација, електрични водови, челични носачи и слични елемнети кои се закачени за бетонските греди на објектот и нивна замена со многу полесна конструкција на плафонот. Со подготвителните работи во првата фаза се отстранија сите предходно поставени и сите дотраени, пропаднати и неупотребливи и нефункционални делови од ентериерот, со што се овозможија услови за нова ентериерна обработка која е предмет на овој проект.



повеќе на http://regioni.mk/otvorana-spomen-soba-na-brakja-miladinovci/

Прилеп доби најмодерна киносала во државава







http://www.mkd.mk/kultura/prilep-dobi-najmoderna-kinosala-vo-drzhavava#39

Познавајќи ја состојбата во нашите медиуми (долго време работев на еден интернет портал, а имам и неколку пријатели новинари), можам да гарантирам дека текстот не е пишуван од новинар туку е копиран од некое официјално соопштение на Министерството за култура, а мора да признаеме, што и да направат тие секогаш е „најмодерно, најстаро, најдобро, најуникатно итн. итн.“

Во секој случај, се радувам што уште еден поголем град во земјава доби пристојна кино-сала. А дали истата ќе биде барем половично исполнета кога ќе има филмски проекции е друга приказна.

Edited by Џоле - 06-Nov-2013 at 12:43

Се санира покривот на Спомен-костурницата во Велес



Се санира покривот на Спомен-костурницата во Велес. Тоа е прва фаза од поправката на покривната конструкција бидејќи таа прокиснува и го оштетува мозаикот во внатрешноста на објектот, дело на Петар Мазев, кое е и најголемо во земјава со површина од 220 квадратни метри. Во првата фаза се работеше десетина дена, колку што беше потребно да се извршат потребните заштитни мерки.

„Во оваа фаза од работата ги стопираме продорите на вода во покривот. За да нема дилеми, работиме во овој период од годинава бидејќи е идеален за оваа активност, потребно е поладно време со пониски температури. Инјектирањето се врши со посебен специфичен материјал за да продолжиме напролет со втората фаза, со пресвлека на хидроизолациски материјал преку целата купола. За оваа работа е потребно потопло време и затоа ќе го работиме од април“, изјави Сашо Варсамовски од фирмата „Синтекс“. Тие ја изведуваат оваа работа преку Националниот конзерваторски центар од Скопје, финансирана од Министерството за култура. Санацијата се врши на површина од 900 квадратни метри. Водата која преку мали, ситни отвори низ годините влегувала во покривот, од зимата и ниските температури го разјадувала материјалот, доаѓало до оштетување и до создавање поголеми процепи. Преку нив водата навлегла и го оштетила покривот на Спомен-костурницата, со што е загрозен и големиот мозаик на Мазев. Тој претставува композиција од пет слики преку кои авторот ја прикажува македонската епопеја од турското ропство, преку Илинденското востание, Балканските војни, па се' до НОБ, а направен е од природен и вештачки камен од венецијанска паста, во повеќе бои. Поради тоа во првата фаза се работи да се внесе материјал кој ќе ја сопре водата зимава да го уништува споменикот, а напролет ќе се прекрие со хидроизолација за целосна заштита.

„Состојбата со покривот на објектот беше алармантна. Дојдовме во ситуација да се загрози мозаикот, вредно капитално дело на Петар Мазев, поради прокиснувањето на водата. Со завршувањето на двете фази треба комплетно да се заврши санацијата на покривот со што ќе биде решен еден голем проблем“, изјави Марин Клифов, раководител на објектот. Спомен-костурницата е изградена во 1979 година и е дело на академскиот вајар Љубомир Денковиќ и на архитектот Саво Суботин од Нови Сад, Војводина. Во специјален простор во неа се чуваат и посмртните останки на 100-тина паднати борци од НОБ, меѓу нив и на поетот и револуционер Кочо Рацин. Спомен-костурницата беше санирана во 2003 година за што беа потрошени 100.000 евра, а изведувач беше Градежниот институт од Скопје. Но не цела година потоа, покривот повторно прокисна. Иако гаранцијата на изведувачките работи беше две години, изведувачот по реакциите од Музејот за неквалитетно извршена работа не интервенираше.

http://www.utrinski.mk/?ItemID=D2EB9EF0CDDEED4E892CB99263754E89

Не знаев каде да оди ова, па ќе го ставам тука...

Унифицирани куќички наместо тезги во манстирскиот комплекс Св. Наум, се сечат дрвја за да се уреди просторот

Унифицирани дрвени куќички ќе ги заменат тезгите во манстирскиот комплекс Св. Наум, со кој стопанисува Дебарско - кичевската епархија. На влезот изградена е камена порта, а во внатрешноста поставени се дел од продажните куќички.





Неодамна беше изграден санитарен јазол, но се' уште системски не е решен проблемот со одведување на фекалните води од комплексот. Според најавите ова прашање треба да се реши со изградба на мини пречистителна станица.



Со цел хортикултурно уредување на просторот кој се наоѓа во заштитената зона на Националниот парк Галичица, исечени се повеќе стари дрвја, но останува да се надеваме дека на нивно место ќе бидат засадени нови.



http://www.ohridnews.com/vesti/64270

Конечно да се среди овој дел. Се надевам дека ќе ги средат малку и угостителите со се расфрланите пластични столчиња и трубо фолкот.

МИА.мк

Edited by Џоле - 11-Jan-2014 at 13:54

Originally posted by zabegan албански театар??? нели тоа е „Театар на националностите“?

Веќе одамна не е ...
Плус рачунај на тоа дека ќе се гради и турски театар ...

Ама ако, таков народ живее во државава, култивиран, високообразуван, поготово кај националностите тоа е многу поизразено... Плус локацијата на театаров и неговото опкружување, е едноставно прекрасно.
... и го чекам моментот кога ќе почне да се гради и ромски театар во Скопје, уште тоа ни остана и ќе можам да се смирам малку