НАМЕСТО МУЗЕЈ - УРНАТИНА (1)


Куќата на славниот Личеноски тоне во заборав


Трагите од пожари се уште се гледаат на фасадата, мозаиците на терасата и пред влезната врата не се заштитени. Дворот е запуштен и обраснат, а скулптурите кои сликарот ги изработил и поставил се украдени или откорнати. Таму сега домаќини се змии, бездомници и зависници



Куќата во која Лазар Личеноски, еден од основоположниците на македонското модерно сликарство, ги мина последните моменти од животот е оставена на забот на времето, да скапува, без никаква грижа или заштита ниту од семејството ниту од надлежните државни институции. Во неа не живее никој, нема ниту струја ниту вода и се уште се гледаат трагите од провалите и пожарите. Мозаикот "Апотеоза на трудот", едно од ремек-делата на Личеноски, е во лоша состојба, а тоа може да се види и од самиот Кеј исто како и "Берачка на лотоси" која е на самиот влез од куќата. Во запуштениот двор само се наѕираат делови од скулптурите кои Личеноски таму ги поставил, а во високата трева не е безбедно да се гази бидејќи има змии. Малечкиот базен е руиниран и полн со ѓубре, а сирената која самиот Личеноски ја направил за да го украси ја нема. Ограда повеќе нема, но има ѕид од дива вегетација и малечки патеки кои ги направиле бездомниците и зависниците кои сега се домаќини во куќата на уметникот.

Куќата на Личеноски е изградена во педесеттите години од минатиот век, а проектант е архитектот Славко Брезовски кој стои зад Соборниот храм и Работничкиот универзитет. Куќата има два ката, а во едно од крилата е и ателјето каде што Личеноски творел.
"Вечер" разговараше со Боривоје Крстев и неговата сопруга Љиљана, кои живеат веднаш до куќата на Личеноски. Архитектот и виолинистката биле соседи, но и пријатели со сликарот и неговата сопруга. Ги паметат последните денови на Лазар и на неговата сопруга Зоја. Велат дека се револтирани од негрижата, како на семејството така и на роднините на Личеновски.
- Погледнете, што е дворот. Страв да одам таму бидејќи има змии. Стои запуштено со години, никој не се грижи и скапува. Жалосно е навистина, вели Боривоје Крстев, архитект.
Тој памети како Личеновски го украсувал дворот со своите скулптури, но и со камења и плочи од црквата "Света Богородица" која пред неколку години повторно беше изградена на истото место, спроти хотелот "Холидеј Ин".
- Неговото студио беше најгоре на катот, а храна му праќаа по лифт од кујната бидејќи работеше со денови. На горниот кат имаше една огромна соба во која ги чуваше сите дела. Наредени беа до таванот. Неколку скулптури си ги стави во дворот. Сега веќе ги нема. Ги украдоа бидејќи беа од железо и сигурно завршиле на некој отпад, вели тој.




Неговата сопруга успеала два пати да ги спаси сликите на Личеноски од уништување. И во двата случаи навреме го забележала чадот и повикала пожарникари.
- Љиљана два пати ги спасуваше сликите. Првиот пат седевме на тераса кога го забележа чадот кој излегуваше од покривот. Зоја се уште беше жива, па ја повика да излезе и можеби со тоа и го спаси животот. Вториот пат, пред четири или пет години, пожарот беше во подрумот каде што се собираа скитници и зависници и тогаш во последен момент ја спасивме куќата, но и сликите кои беа внатре, раскажува Крстев.

Трагите од последниот пожар се уште се гледаат на фасадата од куќата, заедно со избледените полициски ленти. Во задниот дел од дворот има еден куп стар полуизгорен мебел и хартија кои пожарникарите ги извадиле од подрумот.

Откако почина Зоја куќата остана таква каква што ја гледаш сега. Никој ниту дојде ниту се нафати да ја заштити. Секој ден во неа доаѓаа бездомници и зависници. Среќа што не се разбираат од уметност бидејќи сликите на Личеноски се уште беа тука. Дури по вториот пожар ги пренесоа во галеријата во Даутпашин амам. Нејзина желба беше куќата, по нејзината смрт, да биде музеј посветен на Лазар, вели нашиот соговорник.



Откако сликите биле преместени во куќата бил инсталиран алармен систем кој се уште стои таму, но е нефункционален бидејќи струјата е исклучена. Ролетните се заварени за рамките од прозорците и тоа повторно благодарение на соседите на Личеновски, сопружниците Крстеви. Низ дупките во влезната врата може да се види запуштеноста во внатрешноста на куќата во која се уште има мебел, исто како и во подрумите кои веќе немаат прозорци. (О.Ч.)
http://www.vecer.mk/?ItemID=4670668E5B670C4583D72923FD9A7B95

Што се однесува до муебетов што го почнав за дополнителна зграда на музејот на современа уметнос. Пред некој ден читав интервју со полскиот амбасадор во Македонија и неговата жена. И жена му баш зборуваше дека еден од проектите за музејот на современа уметност бил од полски архитеткт кој бил ангажиран на повеќе проекти во Скопје но не бил реализиран поради комплекноста и големите евентуални трошоци за изградба. Жената зборуваше и колку била изненадена од големиот број на искличително битни дела од полски уметници кои ги поседува музејот. Штета што не го копирав текстот и сега заборавив каде го читав , мислам дека беше во Дневник, Нова Македонија, Вечер или Утрински и е од минатата од 14.07 и 18.07.
Во секој случај зборот ми е дека овој музеј има што да понуди и дека навистина е проект кој има потреба да се реализира со оглед дека и националната галерија нема соодветни простори за работа а и просториите на ликовната академија не се сјајни.

Го најдов текстот:

НЕФОРМАЛНО СО АМБАСАДОРОТ НА ПОЛСКА ВО МАКЕДОНИЈА, ЈАЦЕК МУЛТАНОВСКИ


Јацек и Кинга пеш ја доловуваат сликата за Скопје


Семејството Мултановски се импресионирани од колоритноста на Македонија и воопшто на Балканот, од историјата, кујната, од прекрасните планински предели, кои, велат, Полјаците ги обожаваат. Срдечната атмосфера и гостопримството, блискоста со соседите, која, велат, се помалку ја има во Полска, им дава чувство дека се дома. Од соседите добиле и рецепт како да направат ајвар, каде да купат најдобра ракија



Мурал во кабинетот на Амбасадорот, инспириран од ткаенина на познатата Ана Ожеховска од 1956 година која работела во полскиот институт за индустриски дизајн

Фасцинирани од македонските природни убавини, архитектурата, гостопримливоста на луѓето, но и посветени на промовирање на полската уметност и култура во земјава, амбасадорот на Полска во Република Македонија, Јацек Мултановски и неговата сопруга, Кинга, со голем елан и ентузијазам зборуваат за престојот во земјава и задачите кои самите пред себе ги поставиле. Нивната несекојдневна непосредност, особено за дипломатските кругови, обзема уште при првиот контакт.

За само три месеци Мултановски успеале да видат од Македонија повеќе од многумина што со години живеат тука. Биле во Охрид, Струга, Прилеп, Битола, по препорака го пробале сладоледот во Гостивар, биле во Крушево, во Трескавец... Автомобилот не е нивното омилено превозно средство. Велат, Скопје е град што не може да се види од автомобил. Тие го истражуваат пеш или со велосипед. Преку прошетките на Водно, во Скопската чаршија и по затскриените локални улички во градот, Јацек и Кинга ја доловуваат вистинската слика за Скопје. Секоја сабота наутро амбасадорот со велосипед оди на пазар во Буњаковец или на Зелен пазар. Вели, таму има живот, постојано се случува нешто.

- За мене Скопје е фасцинантно затоа што е наталожено. Во Скопје се гледа историјата на градот и различна архитектура. Роден сум и живеам во Варшава. Таа после Втората светска војна беше целосно уништена и не е компактибилна архитектонски. Постои архитектура од времето на Сталин, архитектура од 60-тите и 70-тите години, а после полската транзиција и падот на комунизмот има и многу современа архитектура. И тоа е фасцинантно. И овде во Скопје гледаме сличности. За нас се интересни местата кои не се веднаш видливи: галеријата Мала станица, чаршијата... Архитектурата ја покажува историјата - вели амбасадорот Мултановски.

- Скопје е идеален град за одење пеш и не можете да го запознаете ако се движите со возило. За жал, обично дипломатите се движат со автомобили, а Скопје не е вообичаен град - се надоврзува неговата сопруга.

Семејството Мултановски се импресионирани од колоритноста на Македонија и воопшто на Балканот, од историјата, кујната, од прекрасните планински предели, кои, велат, Полјаците ги обожаваат. Срдечната атмосфера и гостопримството, блискоста со соседите, која, велат, се помалку ја има во Полска, им дава чувство дека се дома.
Од соседите добиле и рецепт како да направат ајвар, каде да купат најдобра ракија... За Велигден се приклучиле кон традицијата за бојадисување црвени јајца.


Реплики од полски порцелански фигури од 50-тите и 60-тите години од минатиот век од старата полска фабрика за порцелан "Ќмиелов"

Сведоштво за заедништво
Полската амбасада пред две години ја откупи куќата во која се наоѓа амбасадата во Македонија. Архитектурата е македонска, но внатрешниот дизајн е полски, модерен дизајн, на кој работеа дизајнери од Полска. Дизајнот на куќата, сепак, ја рефлектира идејата на 60-тите години. Секое парче мебел е донесено од Полска. Највпечатливи се муралите, како и репликите од полски порцелански фигури, кои сега се многу скапи сувенири. Сите мурали кои се наоѓаат во Амбасадата се инспирирани од полските ткаенини од 50-тите и 60-тите години од минатиот век, а насликани од младите полски уметници Јулија Цибис и Сабина Блажејовска.

Во Кабинетот на полскиот амбасадор се наоѓа и дизајн за Музејот на современа уметност во Скопје, на Оскар Фанцен, кој не бил реализиран бидејќи бил премногу софистициран за тоа време, но и премногу скап и затоа овој проект не бил избран. На конкурсот бил избран проект на други тројца полски архитекти, т.н. полски тигри.

- Внатрешноста на Амбасадата сведочи за полско-македонската историја. За нас е важно дека таа историја може да напредува. За жал, малку има македонска литература во Полска во однос на српската, хрватската, но ние ќе работиме на тоа за да можеме да и ја доближиме Македонија на Полска. Пред се, и младите луѓе да се среќаваат и да се запознаваат - вели амбасадорот Мултановски.

Амбасадорот потсетува дека дури и во времето на комунизмот полскиот дизајн бил модерен. По земјотресот во Скопје во 1963 година полски архитекти дојдоа да помогнат повторно да се изгради Скопје, градот на солидарноста. Еден од нив беше Адолф Циборовски. Сопругата на амбасадорот успеала да контактира со најмалиот од тројцата синови на Циборовски, кому му испратила автентични слики од неговиот татко и градот додека престојувале во Скопје пред половина век, што ги добиле од соседите.


Мурал на влезот од Амбасадата инспириран од ткаенината насловена "Варшавска станбена населба" на Алиција Вишогроска од 1955 година

Оживеана полската уметничка колекција
Сопругата на полскиот амбасадор во земјава е лингвист по професија. Можеби токму затоа за толку краток престој импресионираше со нејзиното познавање на македонскиот јазик, кој амбициозно го изучуваат со сопругот. Таа е заинтересирана за уметноста и културата и затоа нејзините активности во Скопје ќе ги концентрира на промовирање на полската колекција која се наоѓа во Музејот на современа уметност.

- Благодарение на директорката на Музејот успеавме да постигнеме се што беше зацртано. Поканивме експерти од Полска да ја видат и да ја оценат колекцијата и таа колекција почна нов живот. Во Полска досега никој не беше свесен дека во Македонија има колекција составена од 212 слики и графики од 135 автори на едно место, и тоа се исклучително познати уметници. Таа колекција е многу значајна бидејќи низ неа е прикажана целата историја на Полска од 60-тите години. Тоа се различни уметници, различни правци собрани на едно место - вели госпоѓа Мултановска.

Сопругата на амбасадорот се уште немала можност да се вклучи во клубот на сопруги на странските амбасадори во Република Македонија поради периодот на годишни одмори, но рече дека секако ќе биде активна од септември.


Амбасадорот во месарница во Крушево


Виолета СТОИМЕНОВА
Фото: Ѕвонко ПЛАВЕВСКИ
http://vecer.mk/?ItemID=FF77676BF86CA64A9BD604A229368A55

Edited by kultuzin - 20-Jul-2014 at 22:15

ПРИВРШУВА САНАЦИЈАТА НА ДЕТСКИОТ КРЕАТИВЕН ЦЕНТАР ВО МКЦ



До крајот на август целосно треба да заврши реновирањето и опремувањето, а во септември и официјално да биде отворен реконструираниот Детски креативен центар при ЈУ - МКЦ. Покрај градежните зафати, Центарот ќе добие и библиотека за најмладите ученици, математичко, ликовно и театарско катче, но и мултимедијални дидактички помагала. Современите содржини ќе одат во прилог за унапредување на јазичната и математичката писменост кај учениците од почетните одделенија, што е и цел на проектот „Со читање до лидерство“, кој го спроведува Фондацијата за образовни и културни иницијативи „Чекор по чекор“ од УСАИД. Проектот сите активности ги подготвува и спроведува во соработка со Бирото за развој на образованието и Државниот испитен центар. Активностите се спроведуваат во одбрани училишта од повеќе национални региони.

Инаку, Детскиот креативен центар е последното парче од мозаикот именуван „МКЦ во ново руво“, проект кој започна во 2011 година со средства од Градот, ИПА фондовите, ЕУРИМАЖ и повеќе ктитори од Македонија. Во минатите три години објектот на МКЦ доживеа неколку промени - енергетски ефикасна фасада, реновирана концертна сала и нова аудио и светлосна опрема, нова сцена, дигитален проектор, климатизација на кино „Фросина“, современа опремена Галерија, реновирање на Џебното кино, санирање на куполите и ентериерот на Планетариумот.

http://www.utrinski.mk/?ItemID=5FA8198D9243604CBC3DAF3A69313573

Има интересни фотографии на блогот...

The Tobacco Museum of Prilep

http://macedonia.for91days.com/the-tobacco-museum-of-prilep/

А што стана со патриотската одбрана на цркавата!? Патриотите попуштија пред тендерската коалиција, лицимерие на дело...

ете тој што тепаше на кале,и заменик министерот му ги вадеше лисиците,сега `пуштал и гасел` музика на Бит пазар.

Патем вработен е во општина чаир,и има еден куп слики со градоначалници и функционери

Започнува реконструкцијата на киносалата во Делчево



Со средства обезбедени од Министерството за култура започнува темелната реконструкција на киносалата во Делчево, која е во состав на националната установа Центар за култура „Никола Јонков Вапцаров“.

Според проектот ќе биде извршена реконструкција и санација на покривната конструкција, на внатрешните простории на киносалата, а ќе биде обновена и фасадата. Исто така ќе се санира и помошната зграда која е во склоп на самиот објект.

Претходно во рамките на проектот на Владата на РМ и Министерството за култура за набавка на нова дигитална опрема за киносалите во повеќе градови во земјава, киното во Делчево доби и нов дигитален проектор, со што по подолг период се овозможи обновување на киноприкажувачката дејност во овој град.



Со реконструкцијата на објектот во кој е сместено киното, Делчево ќе добие нов современ простор кој во текот на целата година, освен за презентација на филмовите од богатата македонска и светска кинематографија, а ќе се користи и за други културни настани, семинари, предавања, концерти и манифестации.

Темелната реконструкција на кино-салата во Делчево ќе биде завршена до крајот на годинава.

http://netpress.com.mk/zapochnuva-rekonstrukcijata-na-kinosalata-vo-delchevo/

Реконструкција на покривот на Центарот за култура „Ацо Ѓорчев“ во Неготино



Започнува реконструкцијата на покривот и покривната конструкција на Националната установа Центар за култура „Ацо Ѓорчев“ во Неготино, за што средства обезбеди Министерството за култура.
Според Министерството, со овој зафат на објектот Неготино ќе добие простор за непречено одвивање на културните активности во градот.
Реконструкцијата на објектот ќе се одвива во две фази. Согласно проектот, со првата фаза, која треба да биде завршена до крајот на годината, ќе биде извршена реконструкција на покривната конструкција и на таванскиот дел над кино-салата на објектот. Останатиот дел од покривот ќе биде реконструиран следната 2015 година во рамките на втората фаза.

http://www.porta3.mk/rekonstrukcija-na-pokrivot-na-centarot-za-kultura-aco-gjorchev-vo-negotino/

I always thought that monument was on the Greek side of the border?

Ќе се обновува ентериерот на галеријата на Никола Мартиноски во Крушево

Целоснo ќе се обновува ентериерот на Галеријата на Никола Мартиноски во Крушево. Обноватаја треба да почне откако ќе биде избрана фирма-изведувач, соопшти Министерството за култура.

Во објектот каде е презентирано исклучително вредно ликовно наследство создадено од основоположникот на македонската ликовна уметност, до крајот на годината е предвидено ентериерно тековно одржување на ѕидовите, обнова на електричната инсталација, замена на алармниот систем и на металната ограда на приодните скали. Исто така, освен целосната обнова на внатрешноста, предвидено е објектот да биде осветлен со што ќе врати сјајот на овој симбол на градот Крушево, стои во соопштението на Министерството за култура.

Се бара решение на проблемот со складиштето за огрев во објектот, како и пренамена на простор во внатершноста кој може да се стави во функција на галериската и музејската дејност. Сите активности имаат  цел да обезбедат соодветни услови за одржување, чување и негување на збирката и делата на Мартиноски, како и на етнолошката збирка во самиот објект.

По повод 110 години од Илинденското востание и од раѓањето на Мартиноски и 40 години од неговата смрт, минатата година со средства на Министерството за култура целосно беше обновена и надворешноста на овој мошне значаен објект.

Беа реновирани надворешната фасада и столарија, се изгради потпорен ѕид пред галеријата кој овозможи и хортикултурно доуредување на просторот, а со нов одвод спроведена е атмосферската вода од дворот и од покривната конструкција која сериозно ги загрозуваше темелите на објектот, соопшти Министерството.

http://mrt.com.mk/node/13910