Објекти од културата (општо)

"performed by the NI Conversation Centre - Skopje 2013"

Конзервирањето можеби завршило во 2013, но свечено пуштање се случува кон крајот на 2014. Очекувам во 2015 и хортикултурно да ја уредат околината. Па, кон крајот на 2016 повторно свечено да сечат лента по повод новите цвеќиња.

баш ме интересира што се подразбира под „внатрешна реконструкција на МОБ“

Новиот театар „Центар“ би се изградил за три и пол години

Министерството за култура денеска го распиша огласот за пронаоѓање компанија со која ќе потпише договор за јавно – приватно партнерство за изградба на нов објект на местото на монтажна градба во која е лоциран театарот „Комедија“. Во планираното здание со приземје и 10 ката би се сместил театарскиот ансамбл, при што најголем дел од просториите во зградата би ги задржал приватниот инвеститор што ќе се согласи да гради. Проценетата вредност на новиот објект изнесува 246.000.000 денари или околу 4 милиони евра, без вклучен ДДВ.



Времетраењето на договорот за јавно – приватно партнерство ќе изнесува 42 месеци, односно три и пол години. Во овој рок треба целосно да се издигне замислената зграда со зацртана површина од 30.945 метри квадратни. Заинтересираните субјекти за учество на распишаниот оглас треба да ги достават своите понуди најдоцна до 3 април. Врз основа на пристигнатите понуди, ќе се избере приватниот партнер што ќе ги гради просториите во кои треба да се смести театар „Центар“. По изборот на најповолен понудувач, ќе се пристапи кон рушење на постоечкиот монтажен објект во централното градско подрачје.

Физибилити – студијата за оправданост од воспоставување на јавно – приватно партнерство за изградба на овој објект ја изготви консултантската компанија „Грант Торнтон“. Основниот проект е изработен од фирмата „Монтимпекс – Инженеринг“, врз основа на победничкото идејно решение на авторите Минас Бакалчев и Митко Хаџи – Пуља, заедно со соработниците Никола Стрезовски, Саша Тасиќ, Бетим Зекири и Бесијам Мехмети.

Бојан Блажевски

http://www.build.mk/?p=42849

МАКЕДОНСКА КАМЕНИЦА ЌЕ ГО НАДГРАДУВА КИЦ „РОМАНСА“



Со пари од Светска банка, ќе се прошири киносалата, ќе има нова посовремена сцена, како и поголем простор за етно-музеј

Штип – Општина Македонска Каменица доби кредит од Светска банка во висина од 600.000 евра со кои ќе го надградува својот Културно-информативен центар „Романса“. Парите се добиени во рамките на проектот за зајакнување на општинските услуги во функција на граѓаните.

„Со овој за нас голем и значаен проект, стартуваме во тековната пролет, а предвидено е целиот процес да биде завршен и новиот КИЦ да биде предаден во употреба по една година од почетокот на работите“, вели Дарко Митевски, градоначалник на Македонска Каменица.

Ова мало рударско гратче со нешто повеќе од 5.000 жители живее интензивен културен живот. Васко Десподовски, директор на КИЦ „Романса“, вели дека во нивното место постојано има културни настани кои привлекуваат голем број жители. Само минатата година, според Десподовски, културните и културно-забавните манифестации привлекле над 25.000 граѓани од Каменица и од околните места.

Повеќе на http://www.utrinski.mk/?ItemID=B411FE5D55A7DE4CBD6456B6FDD43854

Старото кино во Охрид. Изградено 1924 година, а со прикажување филмови почнува во 1926 г.

Cinema by petar t, on Flickr

Нов живот на стариот објект - мултимедијален центар во Kисела Вода

Интензивно се одвиваат градежните работи на старото кино во Kисела Вода, кое по реконструкцијата ќе функционира како мултинаменски објект за културата. Од Kисела Вода не знаат кога точно ќе биде пуштен во употреба, но тврдат дека и покрај малиот застој, тој ќе биде готов до крајот на годинава, во која Општината слави јубилеј - 60 години постоење, пренесува Дневник.



- Екипите на фабриката „Kарпош“ поставуваат потконструкција за фасадата, се врши монтажа на мост за бината, се работи на анкери за портал, поставување инсталација за електрика, порамнување ѕидови, како и на кршење на тротоарите околу објектот – вели Тања Атанасовска-Ивановска, портпарол во Kисела Вода.

Досега е завршено со бетонирање, армирање на темелите, ѕидовите и плочата на доградбата, изѕидани се ѕидовите на приземјето, поставена е челична кровна конструкција, монтирани се дел од прозорците, ѕидовите се малтерисани, поставени се канализација и цевки за парно и вентилација итн.

- Динамиката на работата е сосема задоволувачка и се одвива во согласност со предвидените рокови. Објектот до крајот на 2015 година ќе биде целосно завршен, со што жителите на Kисела Вода, токму во годината на одбележувањето на големиот јубилеј од постоењето на општината, ќе добијат нов дом на култура, кој културните збиднувања ќе ги доближи до нивните домови - вели Атанасовска-Ивановска.



На почетокот на март годинава, имаше кус застој во работата, а според општинските служби причината за тоа биле непредвидени работи за санирање на постојната конструкција.

Новиот мултифункционален објект ќе се користи како театар со 144 седишта и надграден дел кај сцената во висина од четири метри, што е потребно за функционирање на театарската сцена. Широчината на сцената ќе биде 10 метри, а длабочината 8 метри.



Површината на салата од 315 квадратни метри ќе може да се користи и како киносала. Просторот ќе има и библиотека, уметнички клуб, кафетерија со галерија, административни канцеларии, како и простории за урбаната заедница со посебен влез. Објектот ќе биде биде енергетски ефикасен, со модерна надвершност. Фасадата ќе се изработи од композитни алуминиумски панели во црвена, темно сива и светло сива боја. Предвидено е да се постави стаклена структурална фасада од алуминиумски профили со транспарентно темно стакло. Целиот простор околу објектот ќе биде хортикултурно уреден, а ќе се уреди и паркинг.

http://www.skopjeinfo.mk/opstini/1266779229/-nov-zivot-na-stariot-objekt-multimedijalen-centar-vo-kisela-boda-foto

Конзервација на Саат кулата во Неготино



Стручните служби на Националниот конзерваторски центар и Музејот од Неготино, ги спроведуваат геомеханичките испитувања на теренот на кој се наоѓа овој значаен споменик на културата од османлискиот период.

По извршените испитувања, во рамките на активностите за конзервација и реконструкција на Кулата, ќе спроведат и археолошки истражувања во нејзината внатрешност.

Саат култата во Неготино, која е висока 15 метри, е подигната во почетокот на 19 век од Хаџи Таир-ага Синан, близу неговиот чифлик.

Тој го изградил и безистенот во Неготино кој изгорел во пожарот од 1913 година. Со конзервацијата на овој значаен споменик на културата, градот
Неготино ќе добие уште едно туристичко обележје, со зачувана карактеристична архитектура.

http://www.porta3.mk/konzervacija-na-saat-kulata-vo-negotino/

Мустафа Кемал Ататурк - Спомен соба во Битола











повеќе инфо на линкот: http://bitola.info/mk/sto-da-se-pravi-vo-bitola/top-destinacii-vo-bitola/410-spomen-soba-mustafa-kemal-ataturk#nanogallery/nanoGallery/6134677284566752625