Проект „Старите касарни за нов развој“

За кичевската касарна веќе е распишан оглас на продажба на земјиштето

Билјана Ангеловска

Три парцели наменети за амбасади во северниот дел на касарната Илинден

<!-- @page { margin: 0.79in } P { margin-bottom: 0.08in } -->

На површина од 95.16 хектари се протега северниот дел на касарната Илинден за кој во четвртокот за првпат беше презентиран нацрт Деталниот урбанистички план.

На оваа локација ќе може да се пристапи од две страни, од Булеварот Словенија и од главниот влез на касарната.

Проектантите објаснија дека локацијата е поделена на 7 блокови кои потоа се поделени на помали парцели.

Во рамки на оваа локација спаѓа и локалитетот Аквадукт.

Според планот предвидено е во првиот блок да има седум парцели, во вториот пет, во третиот е Аквадуктот, во четвртиот девет, во петтиот осум, во шестиот пет, а во седмиот блок шест парцели.

„Според намената објектите треба да бидат за станбено домување, деловни згради, образовни и здравствени институции, како и објекти за лесна незагадувачка индустрија. Во петиот блок е предвидено да се изградат амбасади на три парцели“, велат проектантите.

Амбасадите ќе бидат со висина до 21 метар, а за станбените објекти предвидената висина е од 40 до 80 метри.

Нацрт Деталниот урбанистички план го изработи Агенцијата за планирање на просторот на Република Македонија.

Јавната презентација започна на 26.08.2010 година, а граѓаните своите забелешки за планот ќе можат да ги достават до 03.09.2010 година во просториите на општината Карпош, на чија територија припаѓа најголемиот дел од касарната Илинден./крај/бс

Идејното решение за изградба на станови пред претставниците на АРМ

Презентирано идејното решение за становите кои се предвидени за припадниците на армијата со проектот „АРМ мој вистински дом“.

На местото на касарната „Илинден“ е предвидено да се изградат најмногу 1.400 станови. Идејното решение го изработија група архитекти од архитектонскиот факултет, предводени од професорот Митко Хаџи Пуља.

Министерот очекува за 45 дена да биде донесен деталниот урбанистички план за општина Карпош. За околу три месеци тој очекува да завршат проектите и на почетокот на идната година да се отпочне со градење на становите.

По презентацијата голема заинтересираност и прашања за распоредот и изгледот на становите, за покривната конструкција, за паркирањето. За министерот тоа не се забелешки, туку нејаснотии кои заедно треба да се решат.

„Не слушнав забелешка за квалитетот, нормално е тој што купува стан и го решава еднаш станбеното прашање, да има и прашања, затоа се собравме отворено да разговараме, примајќи ги сите сугестии“ изјави Коњановски.

Локацијата кај касарната „Илинден“ ќе прерасне во мало градилиште.

„Оваа локација во касарната „Илинден“, која ќе прерасне во мало градилиште е предвидена за најмногу 1400 станови, колку што предвидува просторот, но ние ќе се  прилагодиме врз основа на интересот. Ако градиме 800 станови, тогаш нормално ќе ја намалиме таа локација“ вели Коњановски.

Станови за припадниците на АРМ се предвидени секаде, каде што има касарни., Скопје, Тетово, Куманово, Штип, Велс, Кичево. Според Коњановски за становите има голем интерес, особено во Скопје, Тетово и Куманово. Еден квадратен ќе чини од 450-500 евра./крај/фф

Касарната ќе стане мал универзитет

Покрај тоа десетина парцели во економската зона ќе бидат наменети главно за објекти за лесната и прехранбената индустрија

Просторот на поранешната касарна на АРМ во Дебар се планира да добие нова намена, односно да прерасне во мини-универзитет и индустриска зона. Во објектите на касарната се предвидува да биде сместен и образовниот центар, каде што од оваа академска година, ако се пријават доволен број студенти, ќе се реализираат дисперзираните студии на Тетовскиот и Битолскиот универзитет. За реконструкција и санација на постојните објекти општината издвои 250 илјади евра од сопствениот буџет.

Во рамките на проектот „Старите касарни за нов развој“, Владата, преку Министерството за одбрана овој објект и' го предаде на Општина Дебар.

- Сега останува локалната самоуправа, во соработка со централната власт, да најдат инвеститори - нагласи министерот за одбрана Зоран Коњаноски, по предавањето на одлуките од Владата на градоначалникот на Дебар, Аргетим Фида.

Првиот човек на Дебар вели дека голема поддршка за донесување на детаљниот план за овој дел имал од сите политички партии што имаат советници во општинскиот совет.

Фида нагласува дека покрај адаптацијата на објектите за потребите на дисперзираните факултети, се подготвени и 12 парцели во економската зона, кои ќе бидат наменети главно за објекти за лесната и прехранбената индустрија.

Заменик-премиерот Абдулаќим Адеми потенцира дека важна компонента на овој проект е создавањето услови за враќањето на иселениците и печалбарите во родниот крај.

- Се надеваме дека и во другите општини ќе ги следат овие чекори, а сето тоа говори дека е потребна соработката на локалната и централната власт. Главната цел е трансформацијата на старите касарни. Воедно веруваме дека овие можности ќе влијаат и за инвестирање на печалбарите и иселениците во нивниот роден крај - истакна Адеми.

Претходно касарната и' беше отстапена на триесетгодишно користење на локалната власт на Дебар во 2005 година, во времето на тогашниот министер за одбрана, Јован Манасиевски.

Армиските станови го чекаат ДУП-от на Карпош