ПРВА АУKЦИЈА ЗА ПРОДАЖБА НА ГРАДЕЖНО ЗЕМЈИШТЕ ВО БИТОЛА

Евтини парцели на Златниот Рид

Првото електронско наддавање за парцели на битолскиот Златен Рид мина тивко меѓу граѓаните, но предизвика бурни реакции кај локалната опозиција. Според опозицијата, наддавањето било крајно нетранспарентно, а од локалната власт велат дека с` било јавно и транспарентно. Битолската касарна, местото каде што се продаваа парцелите, од граѓаните доби и ново име - го крстија Златен Рид. Таму за 21 парцела, колку што беа понудени на продажба, конкурираа 65 кандидати. Иако се мислеше дека градежните парцели ќе се продаваат скапо, највисоката цена за квадратен метар достигна 550 денари, а најниската само 71 денар за квадратен метар.

Ниските цени беа повод битолската опозиција да ја обвини локалната самоуправа за нетранспарентност во продажбата.

- Продажбата на парцелите во касарната беше крајно нетранспарентна и тоа по багателни цени. За само едно евро за квадратен метар почетна цена се продадоа парцели за градба или за дел од парцелите вкупната почетна цена изнесуваше нецели 550 евра, сума со која реално не можете да купите ни гаража, а камоли место за куќа во една од најелитните населби, каква што е поранешната касарна. Веднаш до касарната, на пример во населбата Стрчин, за квадратен метар би платиле повеќе од 50 евра. Сево ова, но и фактот дека се продале парцели со само едно наддавање од 10 денари за квадратен метар, за нас е доволен сигнал за сомневање дека можеби се работи за матни бизнис-интереси на локалната власт. Ако се имаше волја продажбата да биде транспарентна, тогаш објавата требаше да се врти на медиумите исто како и владините реклами - обвинија од опозицијата.

Но таквите критики од локалната самоуправа целосно ги отфрлаат.

- Битола е една од првите општини што организираа јавна аукција за продажба на градежните парцели. С` беше јавно и транспарентно. Сите кандидати имаа можност да наддаваат. Такво право имаше и опозицијата. Зарем има потранспарентен начин на продажба на земјиштето од јавно наддавање. Или за СДСМ „транспарентен“ начин за продажба е во „четири очи” - вели градоначалникот Владимир Талески.

Големиот интерес што го покажаа битолчани за купување градежни парцели во касарната ја натера локалната самоуправа веднаш по божикните празници да понуди на продажба нови парцели за индивидуална градба.

- Иако ние знаевме дека интересот за парцелите во касарната ќе биде голем, не очекувавме дека ќе биде таков. Да бидам искрен, и ние се изненадивме од тоа. Затоа деновиве на продажба ќе бидат пуштени нови парцели од т.н. трет дел во касарната, каде што има 170 маркици за изградба на индивидуални станбени објекти - нагласува Талески.

Градоначалникот Талески вели дека сите што купија парцели имаат обврска, откако ќе ги добијат одобренијата за градба, индивидуалните куќи да ги изградат во рок од 6 години.

Средствата од продажбата на градежното земјиште ќе се инвестираат во изградба на инфраструктурата во делот на касарната и индустриската зона „Жабени“, велат од локалната самоуправа.

http://www.dnevnik.com.mk/?ItemID=9753518958459A4E8AFB338D3791D3EC

Eve podetalni informacii za ona sto se planira da se gradi vo Bitola.

Изградбата на луксузниот станбено-деловен комплекс на рускиот инвеститор Јуриј Липухин во битолската касарна е само почеток на изградбата на цел нов град во овој најатрактивен дел во Битола, кој се наоѓа во подножјето на Тумбекафе
Станбено-деловниот комплекс „Јуриј“ ќе опфаќа површина од 35.000 квадратни метри Русите први почнаа со градба во битолската касарна Русите беа први што го скршија мразот и почнаа градба во некогашната битолска касарна, каде што земјиште купија голем број инвеститори. Без многу помпа и сечење ленти и панделки, завчера официјално почна изградбата на луксузниот станбено-деловен комплекс „Јуриј“ на рускиот инвеститор Јуриј Липухин, кој, за жал, не дочека да присуствува на поставувањето на камен-темелникот, бидејќи минатата година почина. Но, и покрај тоа, неговото семејство одлучи да го изгради овој станбено- деловен комплекс за да се испочитува неговата голема желба да гради во Битола. Станбено-деловниот комплекс „Јуриј“ ќе опфаќа површина од 35.000 квадратни метри, а во него во три ламели ќе се градат најлуксузни станови и деловни објекти. Вкупната вредност на инвестицијата изнесува 8,5 милиони евра. Откако општината Битола од АРМ ја презеде касарната, локалната самоуправа и градоначалникот Владимир Талески се фатија со работа и го осмислија овој дел на градот. Според деталниот план, во касарната ќе се гради буквално цел нов град, со голем број објекти и нова инфраструктура. Покрај големиот број станбени згради и деловни објекти, во касарната ќе се градат и над сто индивидуални станбени објекти, детска градинка, училиште, голем трговски центар, неколку хотели, полициска станица, пожарна, катни гаражи, поликлиника, здравствен дом, а ќе се гради и голема ротациона кула, на чиј врв ќе се изгради и најмодерен ресторан, од каде што секој посетител ќе има прекрасен панорамски поглед на градот. Овој дел на Битола воедно ќе биде и универзитетски центар, бидејќи по добивањето на објектите локалната самоуправа некои од нив веќе му ги отстапи на универзитетот „Св. Климент Охридски“ во Битола, а ќе се гради и филмско студио, со што практично ќе се реализира идејата на градоначалникот Талески за Битола да стане филмски град. Становите по светски стандарди Изградбата на станбено-деловниот комплекс „Јуриј“ ќе трае нецели две години, а становите ќе бидат изградени по светски стандарди, со најсовремени екоматеријали, луксузни плочки, паркети, инсталации, санитарни јазли, џакузи, кади, какви што досега не се практикувале во станбената изградба во Битола, а цената на квадратен метар сепак ќе се движи од 700 до 800 евра, вели проектантот на комплексот Јорго Шундовски, бивш министер за урбанизам.

Izvor NOVA MAKEDONIJA


Edited by kultuzin - 13-Jun-2012 at 12:34

Јавно наддавање за земјиште од касарната „Илинден“
Објавено: пред 3 часа
Прочитано: 371
Печати
Сподели со твоите пријатели!


Општина Карпош денеска објави јавна објава за оттуѓување градежно земјиште по пат на електронско јавно наддавање, предвидено со Детален урбанистички план за северниот дел од касарната „Илинден“ што го изготви Владата, реализирајќи го проектот „Старите касарни за нов развој“.
Станува збор за пет градежни парцели со вкупна површина од 34.814 метри квадратни, со намена комерцијални и деловни намени и почетна цена за оттуѓување по пат на јавно наддавање од 6.000 денари по метар квадратен, четири градежни парцели со вкупна површина од 49.087 метри квадратни, со намена семејно домување во станбени згради и почетна цена за оттуѓување по пат на јавно наддавање од 6.000 денари по метар квадратен, и една градежна парцела со вкупна површина од 3.495 метри квадратни, со намена здравство и почетна цена за оттуѓување по пат на јавно наддавање од 1.400 денари по метар квадратен, односно вкупна површина за сите 10 градежни парцели од 87.396 метри квадратни или максимална изградена површина на сите објекти од околу 460.000 метри квадратни.
http://www.plusinfo.mk/vest/49808/Javno-naddavanje-za-zemjishte-od-kasarnata-Ilinden-

уште утре треба да се почен со реализација на проектот.одма да се прати механизација и да се започне со изградба на примарната инфраструктура.

и развој и полнење на буџетот(и општински и државен)

Дали мислите дека за 10 години од сега, касарната Илинден може да се оформи како населба?

Би било добро уште од сега да се оформува инфраструктурата и сообраќајната мрежа.... за да се добие една површина подготвена за градба...

Во Старата Касарна во Битола почнаја со изградба на згради од страна на ГП Пелистер и можам да кажам дека се под просечни и сум многуу разочаран    од кога видов на Билборд како ке биди крајниот изглед. Наскоро очекувајте слики

Абе знам тоа со профитот во ред, ама не му личи на фирмата и на него лично онакви згради да гради во демек 'златниот рид' а зградите како за социјалци се упм. а се збора ке било се елити. Елитно жими ... Ги критикував русите за изгледот на зградите, а од кога видов овие какви ке бидат на Циле, руските испаднаа каде каде подобри.

И куќи ќе се градат во некогашната битолска касарна Поранешната битолска касарна „Стив Наумов“ во иднина ќе прерасне во населба во која ќе има и индивидуални живеалишта. Граѓаните и компаниите пројавија желба за изградба на куќи за живеење на атрактивната локација, на која веќе започнаа да се издигнуваат станбени згради од домашни и странски инвеститори. На електронското јавно наддавање во текот на изминатава недела беа продадени 35 градежни парцели со намена за домување во станбени куќи, со вкупна површина од 21.101 метри квадратни. На лицитацијата се очекуваше и позначаен интерес, бидејќи локалната самоуправа од Битола понуди 116 парцели за индивидуално домување, со вкупна површина од 85.328 метри квадратни. Сепак, досегашните резултати од електронската лицитација покажуваат дека во општинскиот буџет би требало да се слеат 28.981.335 денари или околу 470.000 евра, наспроти почетната вредност за целото земјиште проценета на околу 1,4 милиони евра. Општинските власти во наредниот период ќе треба да потпишат одделни договори со секој од купувачите на локациите за градба, по што финансиските средства треба да легнат во локалниот буџет. Инвеститорите во индивидуалните живеалишта имаат рок од 9 месеци за да прибават одобрение за градење, а објектите ќе треба да ги завршат во временски период од 72 месеци. Во меѓувреме, планирано е да се завршат и првичните инвестиции за реализација на станбени згради. Руски инвеститор во битолската касарна „Стив Наумов“ веќе започна да го гради станбено – деловниот комплекс „Јуриј“, кој е предвидено да се простира на 35.000 метри квадратни, а од неодамна колективни живеалишта на огромниот неискористен простор се реши да гради и битолската градежна компанија „Пелистер“. За 8 и 10 октомври се закажани уште две електронски лицитации за пет парцели наменети за станбени згради, 12 парцели за изградба на објекти за домување со посебен режим, како и неизградено земјиште за реализација на две катни гаражи, три големи трговски единици и еден хотел. Некогашниот имот на македонската армија во Битола е преточен во три детални урбанистички планови и има вкупна површина од 103 хектари. # Објавено на 05.10.2012 во категорија Вести. Тагови: Битола, Деловни, Изградба на куќа, Катни гаражи, Комерцијални, Пелистер (фирма), Станбени, Старите касарни за нов развој, Тендери и лицитации, Хотели

http://www.build.mk/?p=19178

За проектот „АРМ - мој вистински дом“ во касарната „Илинден“ во Скопје, колку што знам ова е избраното решение (освен доколку во меѓувреме немало некакви промени):

http://www.build.mk/forum/forum_posts.asp?TID=674&PID=77630#77630




Во секој случај еве уште едно идејно решение. Ова е од „Иванов Инженеринг“: